ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   قسم المحذوفات و المواضيع المكررة (https://vb.ckfu.org/forumdisplay.php?f=33)
-   -   بالنسبة لتوظيف بعد التخرج من معهد المانع الصحي بالخبر (https://vb.ckfu.org/showthread.php?t=37157)

الشلهوب 2009- 5- 26 04:18 PM

بالنسبة لتوظيف بعد التخرج من معهد المانع الصحي بالخبر
 
السلام عليكم ورحمة الله وبركاته

بالنسبة لتوظيف بعد التخرج من معهد المانع الصحي هل الوظيفة مضمونه لطلاب وطالبات الدبلوم والبكالوريوس

ان سمعت يقولون ان التوظيف على حسب حاجة العمل بالأقرار يعني يمكن يحطوك بأي فرع بعيد عن البيت

فروع مستشفيات المانع هي كما سمعت الدمام والجبيل والخبر والأحساء هل يوجد فروع لمستشفيات المانع

في مناطق اخرى هل العمل بيكون بمستشفى المانع العام ولا مستشفيات المانع الخاصه وكم الراتب بعد التوظيف

وهل الراتب قابل لزيادة بعد الوظيفه اكيد يدربوك على العمل بعد التخرج طيب كم مدة التدريب

احد يعرف طالب ولا طالبه تخرجت من المانع وتوظفوا احد يفيدنا يا طلاب وطالبات المانع

●● هآجـس آلترحـآل ●● 2009- 5- 26 05:29 PM

رد: بالنسبة لتوظيف بعد التخرج من معهد المانع الصحي بالخبر
 
مكتوب في القرار اللي انت وقعت عليه انو مضمونه الوظيفه بعد التخرج في احد مستشفيات المانع

ومالك اي حق تعترض على مكان التعيين

وبالنسبه للرواتب الله اعلم :119:

توتي توته 2009- 5- 26 06:35 PM

رد: بالنسبة لتوظيف بعد التخرج من معهد المانع الصحي بالخبر
 
التوظيف مضمون واتوقع فيه امكانيه انك تختار المكان اللي تبي تشتغل فيه
والرواتب انا سمعت الدبلوم 4 الاف بس اكيد يخصمون منها
ونفس الشي البكالريوس صيدله 12 الف بس يعطونك 7 الاف
مو متأكده من الراتب بس هيك شي :c8:

وردهـ ذبلانهـ 2009- 5- 26 08:32 PM

رد: بالنسبة لتوظيف بعد التخرج من معهد المانع الصحي بالخبر
 
هلا اخوي

والله شفت الموضوعك فكرتك جايب خبر من الموارد او المستشفى عموما بااجاوب على أسألتك

اول شي انا رحت لمكتب فتحيه المريحل

وسألتها عن الوظيفه والدعم اصلا الموارد ماتدعمك الاااذا المستشفى قبل بتوظيفك

قالت لناان الاسماء ارسلوها للموارد وان الدكتورة عايشه تشجع على البكلوريوس

وانهم محتاجين بكلوريوس في مستشفيات المانع اذا تبي تضمن وظيفه تخصص بكلوريوس

بخصوص الراتب يقول فاضل الدبلوم 3 الالف والبكلوريوس الصيدله 6 الالف ونص

ومن ناحيه التدريب والتوظيف

انا بنت خالي متخرجه من المانع تخرجت وتدربت على طول والوظيفه بس ظلت شهرين

وبعدين توظفت في مستشفيات المانع ورتبها كان 3 الالف بس الحين طلعت من المانع وتشتغل في مستشفى حكومي حاليا

والله الموفق

ام حور 2009- 5- 26 09:53 PM

رد: بالنسبة لتوظيف بعد التخرج من معهد المانع الصحي بالخبر
 
حساويه بنت خالتك دبلوم او بكلريوس

وردهـ ذبلانهـ 2009- 5- 27 02:14 AM

رد: بالنسبة لتوظيف بعد التخرج من معهد المانع الصحي بالخبر
 
دبلووم بنت خالي

ام حور 2009- 5- 27 01:43 PM

رد: بالنسبة لتوظيف بعد التخرج من معهد المانع الصحي بالخبر
 
حساويه اكتبيلي رقم الموارد مرى ثانيه لو سمحتي

وردهـ ذبلانهـ 2009- 5- 28 12:09 PM

رد: بالنسبة لتوظيف بعد التخرج من معهد المانع الصحي بالخبر
 
اوكي يااعمر تفضلي

038136000

الله يوفقنا:119:

طريق الجنون 2009- 6- 19 04:49 AM

رد: بالنسبة لتوظيف بعد التخرج من معهد المانع الصحي بالخبر
 
ممكن احد يجاوبني بخصوص الوظيفه
اذا لازم اتوظف عندهم ولا عادي بأي مستشفى ثاني

وردهـ ذبلانهـ 2009- 6- 19 10:05 AM

رد: بالنسبة لتوظيف بعد التخرج من معهد المانع الصحي بالخبر
 
كتبت لك الرد من قبل في موضوع تعريف الطلاب والطالبات

راجع الموضوع اخوي

لازم تشتغل عندهم اذا كنت موقع عقد التزام باالتوظيف من الموارد

باالتوفيق

MANOOR 2009- 6- 19 01:14 PM

رد: بالنسبة لتوظيف بعد التخرج من معهد المانع الصحي بالخبر
 
مشكوره حساويه

بس راتب الى دبلوم اقل من 3 لانه اختي اتوظفت عندهم ( تمريض )

بس هذا شي قبل سنتين كذا بس ماادري اذا اتغير الحين في رواتب لو لا


وردهـ ذبلانهـ 2009- 6- 19 09:57 PM

رد: بالنسبة لتوظيف بعد التخرج من معهد المانع الصحي بالخبر
 
العفو يااعمري بس

انا بنت خالي كانت راتبها ثلاثه

تقول دفعتهم يخصمون منهم عشان شغلات تخص المستشفي ماادري و ش قالت

بس تقول الدفع الجديده الي اهم الي قبلنا العام واحنا بيتغير النظام

اهي الحين طلعت مستشفى حكومي

بس لما البنات سألو فاضل المسؤل عندنا قال رواتب الدبلوم 3

والبكلوريوس للتمريض 5 الاف

والبكلوريوس الصيدله احم احم 6 الاف ونص

وباالتوفيق للجميع

بنت الفيلسوف 2009- 6- 19 10:17 PM

رد: بالنسبة لتوظيف بعد التخرج من معهد المانع الصحي بالخبر
 
يعني اني راتبي فلافة الاف بس ائة :D
ضراتي مو تنسوني نص بالنص :hahaha_2008:

outlaws 2009- 6- 19 11:19 PM

رد: بالنسبة لتوظيف بعد التخرج من معهد المانع الصحي بالخبر
 
هلا بك اخوي

اول شي اخوي احب افيدك بخصوص العقد

سبب عدم الاتفاق بين صندوق الموارد البشرية ومجموعة مستشفيات المانع بسبب الشرط اللي مدة دراستك في الكلية ومربوط بالوظيفه يعني انت الحين درست 4 سنوات في الكلية لابد ان تشتغل في المانع لمدة 4 سنوات طبعاً صندوق الموارد فرض الشرط هذا او كتابة الشرط هذا في بنود الاتفاقيه وهذا سبب من اسباب توقف الدعم

الشغلة الثانية هي بالنسبة للتوظيف مضمون 100 % لعدة اسباب اللي منها العقد المبرم بينكم وبين ادارة الكلية والبند اللي ينص على تدريب منتهي بالتوظيف الشي الثاني انه الايام الجايه راح يكون فيه طلب بسبب انه المانع راح يبني مستشفى في الخبر بالتالي راح يكون فيه امكان شاغره وطلبات من الاقسام الجديدة


الشغلة الثالثة : اللي هي الراتب وهذا ما يحدده فاضل ولا غير فاضل كل قسم هناك سلم وظيفي وعلى حسب السلم الوظيفي يتم تعيين الراتب يعني بالنسبه لناس اللي عندهم دبلوم مقسمين لفني اول وفني ثاني وكل قسم له راتب وهذا ينطبق على الصيدله او التمريض او التخدير

والمسؤول اللي قال انه الرواتب التمريض 5 الآلف والصيدليه 6 الآلف غير صحيح

المسألة راجعه لسلم الوظيفي وضع الشخص هل هو level 1 او هو level 2 كم سنة خدمه وفيه اعتبارات آخرى

طبعاً اخوي هذه اعتبارات موجوده في كل الشركات مو بس في المانع ..... يعني هذه قاعده عامة


ارجوا اني افدتك اخوي

المتمرد 2009- 6- 19 11:39 PM

رد: بالنسبة لتوظيف بعد التخرج من معهد المانع الصحي بالخبر
 
الكلام منك كبير ياخوي بالانقليزي انت الخبره

انا فلافه الاف <<<<<<<<مسوي فيها بنت الفيلسوف

MANOOR 2009- 6- 19 11:49 PM

رد: بالنسبة لتوظيف بعد التخرج من معهد المانع الصحي بالخبر
 
outlaws


مشكور ويعطيك الله العافيه

outlaws 2009- 6- 20 12:35 AM

رد: بالنسبة لتوظيف بعد التخرج من معهد المانع الصحي بالخبر
 
الشكر لله وحده

انا مجرد حبيت اوضح لكم فقط لا غير


All times are GMT +3. الوقت الآن حسب توقيت السعودية: 03:08 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه