|
وجهة نظرى بمعهد المانع الصحي بالخبر الشماليه
:150:السلام عليكم
ارى هناك بعض من الظلم في معهد المانع الصحي بالخبر جميع سنوات يعطون مكافأة ما عدا السنه التحضيرية ليس لهم مكافأة ويطالبوهم بمبلغ وقدره 24 الف ريال رسوم دراسيه فهذا حرام لانه انا اول ما جيت قالي المعهد جميع الرسوم الدراسيه يتكفل به الموارد البشريه وليس هناك رسوم درست نص سنه وتفاجأت وحضرت الاجتماع الا انهم يقولون السنه التحضيريه صندوق الموارد البشريه ما يدعمه ويطالبونا بمبلغ 24 الف ريال ثمن دراسة السنه التحضيريه فهذا ظلم هناك اناس لا يملكون هذا المال الكثير ظروفهم الماليه لا تسمح لهم بدفع هذا المال الكبير بدال ما يعطون مكافأه مثل باقي السنوات يطالبوننا بهذا المال الكبير ما ذا نفعل يعني ولا هناك قالوا اختبار اسمه اختبار الهيئه للتخصصات الصحيه وثمنه 1000 ريال الف ريال ما صار اختبار واذا ما نجحت فيه ما ينقلوك للتخصص ويطاالبوك بثمن دراسة السنه التحضيريه ثمن وقدره 24 الف ريال واذا نجحت في هذا الاختبار ينقلوك السنه التحضيريه على طول يعني احنا جاين ندرس ولا ندفع فلوس حتى الملابس بستين ريال الملابس الخاصه بالمعهد وهناك احتبار تحديد مستوى اول ما تخشى المعهد يخبروك عنه قيمة الاختبار 100 ريال ودخول الاختبار 100 ريال شدعوه داخلين نختبر في بيت امير الملابس الخاصه بالمعهد ب60 ريال والكتب 100 ريال والاوراق اليوميه الي يعطيك المدرس بفلوس اما باقي السنوات فهم مرتاحين مكافأه عندهم 1500 ريال والسنه التحضيريه معذبينهم ظلم اما من فضائح المعهد فاصلين البنات عن الاولاد ومخلين مدخل البنات قريب من الاولاد اول ما تفتح النافذه اكرمكم الله تشوف باب البنات تكشف البنات كشف والعياذ بالله واالطلاب اربع وعشرين ساعه بشارع كل 10 دقايق بريك يعني ظلمين السنه التحضيريه ظلم جميع المعاهد الصحيه اول ما تخش يدخلوك على التخصص ما عدا معهد المانع يدخلوك على السنه التحضيريه ظالمين السنه التحضيريه ظلم وهذا كله كلامي صحيح والله والطلاب 24 ساعه تدخين يعني كل موظفيهم الطلاب ميتين حتى المدرسين كلهم مدخنين اتمنى رايكم بالمعهد وشكرا اخوكم بوعشوق |
رد: فضائح معهد المانع الصحي بالخبر الشماليه
اخي بو عشق
يمكن ماحضرت الاجتماعات الا صارت في معهد البنات وتم تجميع البنات والشباب رح اعطيك المختصر 24 الف ريال هذة مارح تدفع ولا ريال كان >> بالماضي كنت رح تدفع بس 12 الف هذا اخر كلام في الاجتماع بس الحين ولا ريال بس عليك تدفع امتحان الهيئة 300 ريال فقط مو 1000 وعندك 5 محاولات الى امتحان الهيئة ورح يسوو اجتماع يوم الاحد ويمكن يخبرونا وحتمال كبير بأن السنة التحضيرية كاملة مجااان ان شاء الله مايتغير الكلام ويتم كل شي على اوراق واذا تبي تعرف كيف عرفنا بأن الدارسه مجان عندك موضوع الاخت حساوية مشهورة الله يعطيها العافية فيه تفاصيل اما على المكافأت اتوقع مارح تنزل الا اذا دخلنا تخصص ماتوقع ينزلو الينا في هالسنة |
رد: فضائح معهد المانع الصحي بالخبر الشماليه
ارحب فيك يااخوي بوعشووق مدري من وين طلعت انت
من ناحية المعاهد الثانيه مافيه سنة تحضيريه كلامك صحيح بس انت لوتفكر فيها بتشوف المانع سوى شي حلو الي هو انه يدرسك سنة انقليزي حتى ماتدخل التخصص الا انت عارف بعض الكلامات ماني قايل كلهم البعض منهم. ومثل ماتفضلت عليك الاخت /بنت الفيلسوف انك ماحضرت الاجتماع الي صار حتي تعرف وش نهاية الحل بس في اجتماع ثاني راح يكون يوم الاحد ان شاء الله وتعال وراح تفهم كل شي |
رد: فضائح معهد المانع الصحي بالخبر الشماليه
:hahaha_2008:ههههههههههههههههههههههههههههههه:hahah a_2008:
بوعشوق والله انك صادق انا مااشوف الرجال الا وهم براا ويدخنون باالعربي من وجهت نظري السنه التحظيريه مفيده لاكن ليش مااقالو من البدايه انها نصب على الطلاب وطريقه تكسبهم فلووس لاكن لو احد من هاالطلاب وقف لها وهددها انه بيروح يشتكي في الديوان الملكي كان اكيد خافت واستحت على كشتها |
رد: فضائح معهد المانع الصحي بالخبر الشماليه
هههههههههههههههههههههههههههههههههه اما كشتها حرام عليك استشوار وشغل عدل
حساوية مشهوره مايفيد التهديد اخذي الامور بااسهل من كذاء اخاف اهدد ومااروح ماادل مكانهم ههههههههههههههههه الله يوفقك |
رد: فضائح معهد المانع الصحي بالخبر الشماليه
انت مااعليك
تراا مولازم تروح انا وصديقاتي بنكتب شكوة وبنرسلها للملك عبدالله لاكن قبل مانرسلها بنشوف كلامها يوم الاحد الله يكتب الي فيه الخير,,,انا اسحب كلامي هذا لاشكوى ولا شي خلاص |
رد: فضائح معهد المانع الصحي بالخبر الشماليه
وانا وياكم عيب تكتبونها يالبنات لازم محرم ههههههه هو انا المحرم
بس لوصيك سوي قروب الـــلـ حساء في الاجتماع يمكن اتشجع واوقف اخانقها:017: تراني حاقد على ترانديل يوم غيرت الجدول اتفقنا لاتنسيني بالمعروض الي بتكتبينه:104: |
رد: فضائح معهد المانع الصحي بالخبر الشماليه
مساااء الخير جميعااا
موضووع الاجتمااع خلصنااا منه بالنسبه لعنوان موضووعك اول مااشفته صرااحه بدأت المواضيع تدور برااسي ياخوان في غير طلاب المعهد يطالعون ويتصفحون في منتدى المعهد اول ماايشوفون كلاام الاخ في موضوع الاختلاط وان بااب البنات قريب من بااب الشبااب وش رااح تكون نظرتهم لطلاب المعهد وخااصه طاالبات المعهد وش صار يوم مدخل الطلااب قريب من باب الطاالباات صار شي البنات مثل اخوااتناا ملهاا دااعي التشهير وتبين ان معهدنااا مختلط وان البنات ماايقدرون يمشون بالشاارع الموااضيع لاتثيروهاا بالمنتدى النااس ماراح تفهم على طول رااح يحكموون ان الي يدرسون بالمعهد بدون اخلاااق سؤال للبنات صرااحه في بنت منكم من بدأت الدرااسه احد من الطلاب تحرش فيهاا او ازعجهاا عنوان الموضووع فضااائح يااخي حط مشاكل معهد الماانع ارحم من فضاائح |
رد: فضائح معهد المانع الصحي بالخبر الشماليه
كلامك منطقي
وسمعت الانسان اهم شي عنده والحمدالله الي يمشي طريقه عدل مااحد يتحرش فيه وماله داعي تجيبون طاري باب البنات ولاباب الشباب مشكلة المانع بس النصب وحب الفلوس والاسترزاقهم على طلابهم وطالباتهم |
رد: فضائح معهد المانع الصحي بالخبر الشماليه
شكرااا لتفهمك اختي حسااوية
يااريت الكل يرااعي ويدقق في كل كلمه يكتبهااا المنتدى الواجهه لناا قداام العالم كلهااا وخلاص طيب ليه مستعجلين على رزكم الاجتماع يوم الاحد بعده يتقرر كل شي لا تسووا شي حتى نشوف وش راح يطلع من اجتمااعهم بعدهاا نتحرك تحياتي |
رد: فضائح معهد المانع الصحي بالخبر الشماليه
بصراحه بو عشوق موضوعك غريب شنو يعني انت مو ولد اكيد الاولاد بعكسك عاجبنهم انا الباب مواجه للبنات
مو هذا تفكير كل ولد هههه وبعدين الاجتماع يوم الاحد شنو انت ماكنت موجود وشفت الي صار شكلك كنت مو موجود:o3: حساويه مشهوره من جد بترسلي رساله للملك اح زودناها مع انا لامن رحنا الموارد اثرنا عليه شوي حتى جوا لشئونالاكادميه بس احنا بنتظار يوم الاحد ولازم الرد تكون عايشه كتبته على ورق ونوقع ولا بتقول هذا كلام ادبي |
رد: فضائح معهد المانع الصحي بالخبر الشماليه
يا ناس هذا معهد والا حلبة مصارعة
مافيكم احد يتكلم باسلوب احسن من كذا حتى النقاش في هواش يا اخوان اسمه نقاش يعني اخذ وعطى مو زعل وتوصل الملك عبد الله اشدعوه سارقين جزيره من السعوديه وبعدين لا تسبقون الاجتماع بافكاركم انتظروا والله كريك ان شاء الله تنحل الامور بخير والله يوفقكم مثل ما وفق غيركم من اللي تخرجو والحين يذكرون المعهد بالخير بعد ما كانو مثلكم يعانون من مشاكله:bye: |
رد: فضائح معهد المانع الصحي بالخبر الشماليه
انا بعد رايي يكفي شكاوي ماله داعي يوصل للملك عبدالله ولا غيره
لان بعدين راح ينقلبوا علينا ننتظر يوم الاحد وانشالله في الاخبار الحلوه الي تسرنا كلنا |
رد: فضائح معهد المانع الصحي بالخبر الشماليه
السلام .. اول شيء في ردي بقولكم ان كل اللي ينكتب سواء في جرايد او عالنت بالمنتديا راح يأثر علينا طلاب وطالبات بالنسبه للي يقرا ويسمع وما يدري .. ثانياً .. موضوع الدفع والرسوم هذا خالصين منه وما صار الا الخير .. واجتماع يوم الاحد الفاصل لهالجدل .. ثالث شيء حبيت اعلق على بعض الاشياء اللي ذكرتها بالموضوع كــ طالب .. اقتباس:
يعني احفظ نفسك والحافظ الله .. وبعدين محد يجبرك تفتح النافذة وتناظر خلق الله .. ولا انت شرايك !! وما شاءالله عليك كااشف البنات كشف .. بس لالا اكيد مو قصدك وكنت غاض النظر عنهم .. الا صج شلون يعني كاشفهم !!! البنات طالعين سفور مثلاً !! او انك محلل النظره !! ولا شسالفه !! اقتباس:
بسوي روحي ما ادري وبقول صدقت .. بس ما اوصيك حاول انك تقنع الباقي بهالشيء .. اقتباس:
لان هالسنة التحضيريه اللي مو عاجبتك في صالحك لانها راح تقوي اللغه عند الكل يعني ماراح تدش التخصص وانت اعمى بظلمه .. لانك راح تقاسي وايد على ما تعدي سنوات التخصص .. اقتباس:
اذا كان التدخين داخل المبنى وهالشيء مضايقك .. في ادارة تقدر تروح تعترض عندها على هالشيء ويصير ممنوع التدخين داخل المبنى .. خارج المبنى مالك على احد كلام في هالشيء .. طلبت راينا بالموضوع وهذي وجهة نظري الشخصيه تقبل مروري حبة سكر |
رد: وجهة نظرى بمعهد المانع الصحي بالخبر الشماليه
سلامـ الله عليكمـ جميعآآ اتمنى أن يكون الحوار في هذهـ الصفحات يكون راقي جدا كل هذا الشي الي يصير يعكس شخصياتكمـ ككل اتمنى ردة افعالكمـ ماتكون كذا اهي مجرد ردة فعل لا اكثر ولا اقل وراح تذكرون ذا الكلام فيما بعد .. اما على موضوع اخونا بالله بو عشووق عندي تعقيبات على موضوعكـ .. التعقيب الاول في موضوعكـ ياعزيزي اهو كالتالي .. (يعني ظلمين السنه التحضيريه ظلم جميع المعاهد الصحيه اول ما تخش يدخلوك على التخصص ما عدا معهد المانع يدخلوك على السنه التحضيريه ظالمين السنه التحضيريه ظلم وهذا كله كلامي صحيح ) الي يميز المانع عن غيرهـ اهو السنه التحضيريه وسنه التحضيريه اهي الاعداد الصحيح لجميع الطلاب من شائن الطالب مايدخل مايدري شنو الطبخه في السنه التحضريه ،، ولكن ليه انت قلت هالكلام قلته من بااب انهم يدخلونه على سنة التخصص بشكل مباشر من شائن يدعمون الموارد صح لو لا انا مع اختي حساويه مشهورهـ انهم ماقالو من البدايه ،، لكن توصل الى التهديد والديوان الملكي مااتوقع حلوهـآ بتاتا .. الشغله الثانيه .. طبعااا في انتظاار الاجتماع يوم الاحد في حال لم يتوصلو الى حل >>> الكلام الى اختي حساويه مشهورهـ اختي حساويه اتوقع انه قضية شكوى وتنرسل للملك اشوي قويه نحاول نوصل لحل بشكل افضل من كذا ،، وهذي نصيحه مني لاتسويه لانه ماراح تفيدكـ شي من ذلكـ .عدم الاستعجال في مثل هذي الامور ياأختي ولكن مثل ماقلتي الله يكتب الي فيه الخير ،، والمتمرد صاير محرم اشووف ههههههههآآآآي وقروب حساوي وأنا وياكمـ في الصورهـ عشان يكملون العيال الحساويه <<<احم احم وبعدين هذي الترانديلو خليه عنكـ بيجي له يوم بطيح في حفرهـ <<<<خاف الله ياجنرال هههههههه اسم الله عليج ياترانديل >>>>احم احم الهم المهم نرجع لمحور حديثناا ياخوي بوعشووق انت في هذا الموضوع تناولت قضيه الا وهيه التشهير الاغير جميل طبعاا في كل مكاان في شي زين وشي مو زين اذا جيناا نذكر الاشي مو زينه هم نذكر الاشي الزينه في نفس الوقت لكي نعمل مقارنه ،، من شائن المشاهد يحكم على الشي اما اذا جيناا نذكر الاشي الاغير زينه ماتوقع فيه انصاف في حق هذا الشي . وهذا الكلام يطبق على المعهد تماام طبعاا اوايد كلام اخوي اخو عليا اسلوب التشهير مو حلو بتاتااا حتى لو المانع غلط في حقناا اوكي مانجي نكتب الحلو المر .. وهذي مابعد نخلص من اجتماع يوم الاحد اشلون اذا يوم الاحد ماطلعنا في حل نقوم نضرب د.عائشه مثلا او ايش نسوي ،، اتمنى أن يكون الطرحكـ للمواضيع المعهد الرقى من كذا . التعقيب الثاني في موضوعكـ (فاصلين البنات عن الاولاد ومخلين مدخل البنات قريب من الاولاد اول ما تفتح النافذه اكرمكم الله هههههههههههههههههه تشوف باب البنات تكشف البنات كشف والعياذ بالله) انا اتوقع ان كل واحد عارف نفسه واثق من نفسه ماتوقع ان ابواب المعهد او النوافذ له اثر كبير في الموضوع الي احنا نناقشه الان والي يهم الكل وليس البعض فااتمنى أن احنا نتواصل لحل لغير مشكلة الابواب والنوافذ وووو.....الخ يعني بالله عليك تبغى يكون ابواب الاولاد في الشرق وابواب البنات في الغرب مثلا؟؟ وبعدين لو بنجي على سالفة النوافذ . مثلا/جيت افتح النافذه وشفت بنات مجتمعين على باب المعهد ليه انا ارز الفيس حقي وطالع فيهم هناا يعود لشخص نفسه صح لو لا يااخوي ابو عشوق ليه انا اكشفهم وناظرهم من فوق لين تحت شنهي الدعوى وكاله بدون بوابه . عارف اني طولت عليكم.. لكن ولدكم وتحملوني... اتمنى اني وضعت بصمتي في هذا الموضوع واتمنى الاستفادهـ للجميع احب واقدر وانحني احتراماً لكل من ينتقدني.. اذا كنت استحق النقد في النهايه نسال الله عز وجل ان يهدي الجميع ويوفقنا الى كل مانحبه ونرضى ، احترامي للجميع ،، اخوكمـ ،، الجنرال |
| All times are GMT +3. الوقت الآن حسب توقيت السعودية: 12:18 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه