|
استفسارات بسيطه
السلام عليكم و رحمة الله و بركاته اخباركم انا اتصلت للمانع و قالو ل التسجيل لى بدايه اول اسبوع دراسه طبعا ع الحساب الشخصي بس ماسالتهم في ولاد لو بنات فقط >< هالسنه في اودلا ؟؟ و كيف الدراسه سهله صعبه (تمريض)؟؟ ووين موقع الكليه لان الربوع راح اسجل يريت تطلعوه لي من هنا الي عنده علم http://wikimapia.org/#lat=26.2260181...8&z=14&l=0&m=b و كيف ادا ع الحساب الشخصي في اختبار مقابله ؟؟؟ ممكن ادفع ع دفعات لو ادفع دفعه وحده و كم السنه التحضيريه + التسجيل + الترم او السنه وسلامتكم |
رد: استفسارات بسيطه
لغتي الانجليزي ميييح نسبتي 85% قياس 71% سنة التخرج 1433 وين ممكن اتوظف بهالشهاده و مضمونه الشغله لو لا ؟؟ |
رد: استفسارات بسيطه
اذا ع حسابك بيقبلوك أكيد
والتخصصات الصحية حلوه والتمريض تخصص جديد بالنسبة للشباب حتى جامعه الدمام فتحته للشباب :biggrin: موفق |
رد: استفسارات بسيطه
الي يقدر يفيدني اكثر عن الاستفسارات و الموقع بالزببط |
رد: استفسارات بسيطه
شباب محتاج الاجوبه ضروري مابيها تروح مني هالكليه بعد >< لو موقعهم وين بالخبر بس |
رد: استفسارات بسيطه
اقتباس:
عذرا اخوي توني اشوف موضوعك نسبك مثل المطلوبة في الكلية الثانوي من 80 والقدرات واالتحصيلي من 70 والدراسة في الكلية حلوة ومضمونة والشهادة بكالريوس معترفة من وزارة التعليم العالي والتمريض وظيفته مطلوبة بعد في جميع المستشفيات بالنسبة الى انو في اولا او لا يبغا لك تروح الكلية تسجل وتشوف لان اذا في عدد معين مسجلين اولاد يفتحون لكم الدراسة بس اذا مافي احد والعدد قليل يمكن مايفتحون .. هذا اللي صار السنة اللي فاتت مافتحو لان ماكان في عدد جيد لفتح كلاسات للدراسة وبالنسبة للغة الانجليزية لاتحاتي لانهم يعلمونك من مستوى اول لين تتقن اللغة والمواد بتكون دراستها بالانجلش فهذا بيساعدك انك تقوي لغتك ورسوم الدراسة 60 الف للسنة الواحدة اي تدفعو دفعات اول مايقبلونك لازم تدفع 6000 مقدم وكل ترم تدفع 30 الف على دفعتين بداية الترم ونهايته واي استفسار احنا بالخدمة |
رد: استفسارات بسيطه
كلية محمد المانع للعلوم الطبيه / الخبر الشمالية / مقابل مستشفى المانع - شارع الملك سعود
تلفون 8649066 /8890846 تحويلة 112 - 110 8937158 تحويلة 115 |
رد: استفسارات بسيطه
ع حسابي طبعا
طيب التحصيلي 67 يقبلوني ؟؟ تراكمي 85 |
رد: استفسارات بسيطه
انا التحصيلي 65 والتراكمي 86 وقبلوني ( قبول مبدئي )
يمكن الوضع بين البنات والاولاد يتشابه ويمكن يختلف بالتوفيق على كل حال |
رد: استفسارات بسيطه
متى رحتي سجلت ؟؟
ماردو عليك للان ؟ |
رد: استفسارات بسيطه
امس رحت اسجل ، سألتني كم النسبه اول شي وبعد ماقلت لها عطتني الاوراق علشان اكتب بياناتي ..
قالت استني حتى نتصل عليك |
رد: استفسارات بسيطه
الله يكتب فيه الخير يا رب
و فالك القبول انتي من الخبر لو بعييد ؟؟ |
رد: استفسارات بسيطه
اجمعين يارب :004:
انا من راس تنوره :( المسافة للخبر اكثر من نص ساعه واقل من ساعه :biggrin: |
رد: استفسارات بسيطه
بالتوفيييق
و ان شاء الله ننقبل ثنينا الربوع رايح لهم عندك علم عن كليه الغد ؟؟ |
هل اكتفو من العدد
السلام .. هل اكتفو من العدد ع الحساب الشخصي اولاد |
رد: استفسارات بسيطه
اذا قصدك من ناحية الدراسه فاأنا ماأعرف ، ولا اعرف الأفضل بينهم
اللهم اني حسيت حالي ارتحت لكلية الغد اكثر :biggrin: |
رد: استفسارات بسيطه
انتي قدمتي في المانع و الغد سوا ؟؟ و ليش ارتحتي ليها اكثر انتي ع حسابك الشخصي صح ؟؟ الله يستر مايقبلوني لمانع نسبتي 85 حلوه صح ؟ |
رد: استفسارات بسيطه
لا قدمت على المانع على حساب الصندوق بس قالوا لي انو ماعندهم اوراق علشان اسجل بالصندوق
وحده من البنات قالت لي انو التسجيل بالغد مستمر ليوم الاربعاء عل حساب الصندوق ، بروح اليوم وبشوف حظي سبب الارتياح مجهول :biggrin: يمكن علشان اني فضلت مبنى كلية الغد على المانع ، وكمان تعامل الموظفات بالمانع قهرني :007: نسبتك حلوه ماشاء الله ، خل املك بالله كبير وتفائل بالخير:004: |
رد: استفسارات بسيطه
مكاويه انا اليوم انشاء الله بروح وخايفه حددي لانه التحصيلي 58%
واريد اسجل ع الصندوووق انزين اذا مااعطوش ورقه كيف اجل الجمعيات توقعها؟ ويقبلوك بالكليه ! ادعي لي ربي يسهل علي امري |
رد: استفسارات بسيطه
صديقتي راحت تبي تسجل على الصندووق ونسبتها بالتحصيلي 68 ماعطتها ورقه
احد راح وسجل وقدراتها بالستين وعطوه ورقه ؟ |
رد: استفسارات بسيطه
بالتوفييق للجميع و ان شاء الله القبول لكم
|
رد: استفسارات بسيطه
طيب و الي ع حسابه و تحصيلي 68 وش وضعه |
رد: استفسارات بسيطه
لاتشكين لي وابكي لك :bawling:
اذا طلع الكلام صحيح ولسه الغد فاتحه التسجيل على حساب الصندوق راح اتوكل عل الله واسحب على المانع لأنو حاسه المانع راح تطول على ماتجي الأوراق :Cry111: وبعدين لا تخافي كثير سمعت انو دايم التحصيلي يكون مهمش :biggrin: مايدققوا فيه كثير .. الله يوفقك ويسهل امورك ويحقق مناك ، روحي والقلب داعي لك .. :004: وطمنينا ايش يصير معاك .. |
رد: استفسارات بسيطه
اقتباس:
متى راحت ؟ انا بالتحصيلي 65 ، ولمن طلبتها الورقه ماقالت شي بخصوص النسبه !! تلاقين الأوراق خلصت وصرفتها بطريقة محترمه :biggrin: |
رد: هل اكتفو من العدد
اذا انت على حسابك رح يقولون لك اهلا وسسسسسسسسسسهلا في اي وقت لانو انا علا حسابي
|
رد: هل اكتفو من العدد
تسلمي ع المعلومه ^^ بكره راح اسجل وش اخد معي ؟ |
رد: هل اكتفو من العدد
[size="4"]في وين هذ التسجيل كلية الغد ولا وين [/size:004::004:
|
رد: هل اكتفو من العدد
في المانع
وش اخد معي غدا ارجو الرد |
رد: هل اكتفو من العدد
* آلآوٍرٍآَقِ آلمٍطَلوٍبُة عُ'ـنٍدُ آلتِقِدُيًمٍ:
2 نٍسِخٍهُ مٍنٍ شُهُآدُهُ آلثَآنٍوٍيًة آلعُآمٍهُ 2 نٍسِخٍهُ مٍنٍ شُهُآدُة حِسِنٍ آلسِيًرٍة وٍآلسِلوٍگ 2 نٍسِخٍهُ مٍنٍ بُطَآَقِة آلعُآئلهُ آوٍ بُطَآَقِة آلآحِوٍآل مٍوٍآَفٍقِة خٍطَيًة مٍنٍ وٍليً آلآمٍرٍ 4 صِوٍرٍ شُخٍصِيًة بُمٍقِآسِ صِوٍرٍ آلجَوٍآزٍ 100 رٍيًآل رٍسِوٍمٍ آلتقِدُيًمٍ صِوٍرٍة مٍنٍ نٍتِآئجَ آلتِحِصِيًليً وٍآلَقِدُرٍآتِ (فٍقِطَ لتِخٍصِصِآتِ آلبُگآلرٍيًوٍسِ) |
رد: استفسارات بسيطه
اقتباس:
هي راحت قبل اسبووع وقالت لها دا تعميم من الوزارة طيب انتي كم اخدتي بالقدرات يمكن على القدرات من 70 وفووق والتحصيلي اقل يبوو |
رد: استفسارات بسيطه
اقتباس:
اما منح الصندوق الخيري يشترط ان القدرات والتحصيلي ماتقل عن 70 واذا أقل يسجلوهم ع الإحتياط أنا سحبت أوراقي من الغد و سجلت بالمانع :Looking_anim: لأن الغد زحمه عليهم وقالو الوزارة ماعطتهم قرار مدري إذن ببدء التسجيل رحت اسجل ف المانع وعندي ورقة من الجمعية لكن قالت لي مانبيها دي نسخه مو أصلية قلت لها كيف ؟ بتعطوني ورقه من عندكم يعني ؟ قالت الأوراق خلصت :icon120: قلت متى بتعطوني الورقه ؟؟؟ قالت اذا انقبلتي نعطيك كيف يرفعوا الطلب بدون الورقة المفروض أخذت ورقتي الي مو أصليه ع قولتها حسيتها تبي تخلص بسرعه وحتى تجاوب علي بملل :icon9: |
رد: استفسارات بسيطه
^
صديقتي اللعام ع الصندوق سجلت تمريض ولا اعطوها ورقه الصندوق الخيري عشان يعرفوا اذا هي مو مستفيدة ولآ لآ المهم تراها انقبلت واعطوها الورقه بعد القبول مع ورقه كشف صحي ختمت الورقه وسوت الكشف واعطتهم اياها مع ان باقي البنات اخدوها قبل القبول واللحين هي تدرس :10111: انقبلت يعني لآ تخافي اذا ما اعطوك اياها اذا لك نصيب بتاخديه |
رد: استفسارات بسيطه
شروط التسجيل بالصندوق 80 ثانوي ، 60 قدرات وتحصيلي !
شفت هالشروط بكلية الغدد وحاطينها كمان جنب شروط المنح ! ^^ pink شكلها نفسها الي رحت لها انا ، مليانه وجالسه بالمكتب الي عل اليمين :biggrin: انا سألتها سؤال منطقي ويوم ماعرفت الجواب جلست تضحك !! :017: |
رد: استفسارات بسيطه
اليوم سجلت
و اخدو الاوراق و عطوني وصل مكتوب عليه رقم انقبلت ؟؟ |
رد: استفسارات بسيطه
اذا انقبلت بيتصلو لك وبيخلوك تجيب الشهادة الاصلية
ودفع مقدم للدراسة تقريبا 6000 ريال |
رد: استفسارات بسيطه
طيب كم يوم لين يردوون علينا و في لباس مخصص ؟ و كيف الدراسه 5 سنوت ع شنو الي اعرفه اول سنه تحضيري و بعد التحضيري ..؟؟ << مايدري بشي :lllolll: |
رد: استفسارات بسيطه
بعد التسجيل فاتح بكلية ولا له لو سمحتو ردو علي اذا مافيه ازعاج وكم الرسوم للبكالريوس وكم يبقون للقبول على الحساب الشخي نسبة الثانوية والقدرات والتحصيلي كم الدرجة المطلوبه فيهم وشكرا للجميع
|
رد: استفسارات بسيطه
اقتباس:
الاولاد ما ادري عن نظام اللبس عندهم بس احنا البنات اللبس حر عندنا واكثر البنات صارو يلبسون سكراب الحين انت وش بتدرس ؟ السنة الاولى مابيخلوها تحضيري بيركزو الترم الاول عالانجلش والترم الثاني يعطونكم.مواد |
رد: استفسارات بسيطه
اقتباس:
الشروط 80 بالثانوي والقدرات والتحصيلي هم قالو.70 بس اللي سجلو على حسابهم اخذو اوراقهم مع انهم اقل يعني اذا بتسجلي على حسابك يمكن يقبلو.لو.كان اقل من 70 والتسجيل لسى ماقفل |
رد: استفسارات بسيطه
بدرس تمريض :biggrin: |
رد: استفسارات بسيطه
اقتباس:
بدرس تمريض طيب و الي الانجليزي عنده صفر و شنو هالمواد السنه الاولى ويعطيك الف عافيه |
رد: استفسارات بسيطه
ماعندي علم بجميع المواد بس الترم الاول المواد بتكون مثل الصيدلة
Year 1 - Fall English Language I --- 8 Hoers communicative English --- 2 Hours Information Technology --- 2 Hours Introduction To Ethical Dimensions For Health Care Perofessionals --- 1 Hour General Biology (Zoology) --- 4 Hours Arabic Language I --- 1 Hour والترم الثاني اللي اذكره كانو التمريض ياخذون psychology Anatomy Nursing Bio statistics English II Ethics for nursing وبالنسبة للغة مثل ماقلت لك لاتحاتي بيعلموكم وبتمشو بس لازم تدرس وماتغيب وتجد على روحك لان المواد من الترم الاول تدرسها بالانجلش ما عدا مادة العربي وبتلاقي صعوبة في دراسة المواد بداية بس لما تجتهد على روحك بتتطور لغتك وبتمشي |
| All times are GMT +3. الوقت الآن حسب توقيت السعودية: 04:48 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه