ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   قسم المحذوفات و المواضيع المكررة (https://vb.ckfu.org/forumdisplay.php?f=33)
-   -   اقتراح للقسم ممكن الجميع يعطي رايه بالموضوع (https://vb.ckfu.org/showthread.php?t=305166)

hind ahmed 2012- 3- 12 04:47 PM
اقتراح للقسم ممكن الجميع يعطي رايه بالموضوع
 
السلام عليكم ورحمة الله وبركاتة
وش رايكم يتحول القسم انجليزي والله نستفيد كثييييير
عشان نتعود نكتب على الاقل :-X
ونتعلم من بعض كلمات جديده ، تصدقون عاد مأعرف اسماء المواد بالانجليزي B-)
مدرستي لغة الانجليزية حتى اهيه تنصح بهالفكرة تقول انها تقوي وتنشط الذاكرة
نبي حمااااس وعزيمة بليز:oao:

نغم الانجلش 2012- 3- 12 05:01 PM
رد: اقتراح للقسم ممكن الجميع يعطي رايه بالموضوع
 
بصراحه انا ضد هالفكره احنا طفشنا من الانجليزي
يعني كل موادنا انجليزي وعيوني تعورني وانا اقرا بالانجليزي
يعني هالاقتراح انا بكون معاه لمن نوصل مستوى ثامن
بس الحين اريح لنا نكتب بالعربي

hind ahmed 2012- 3- 12 05:15 PM
رد: اقتراح للقسم ممكن الجميع يعطي رايه بالموضوع
 
نغم الانجلش شكلك عكس نكك :sm5:
ستوى ثامن مرة وحده تعبتي عمرك :(269):
لانك مامارستي اللغة وصدقيني لما يتحول القسم انجليزي بتتعودين

Heart story 2012- 3- 12 05:18 PM
رد: اقتراح للقسم ممكن الجميع يعطي رايه بالموضوع
 
وعليكم السلام ورحمة الله وبركاته

سبق وطرحنا هذه الفكره انا وزميلي الساحر الله يجزاه خير
http://www.ckfu.org/vb/t221808.html
لكن للاسف مالقت صدى واكثر الاعتراض كان من المستوى السادس
لذلك تركنا لكم الحريه في الكتابه الي يبغى يكتب انجلش يكتب مافيه مانع واكيد الي قدامك لما يشوفك رديتي عليه انجلش طبيعي راح يضطر يرد عليك انجلش والي يبغى عربي ايضا له الحريه .

اما اسماء المواد فهي مثبته في جميع المستويات باللغه الانجليزيه .

موفقه .

hind ahmed 2012- 3- 12 05:25 PM
رد: اقتراح للقسم ممكن الجميع يعطي رايه بالموضوع
 
هلا بمشرفتنا
قريت القوانين وتحمست لكن لما شفت التاريخ حزنت
مادري اذا كذا بيصير فوضى :icon9:
المفروض على المشرفين يسون استطلاع وحسب الاغلبيه يتم القسم تحويله مو على كيف القله اذا هم مايبون يطورون نفسهم وش دخلنا فيهم
بليز نبي حزم من المشرفين

hind ahmed 2012- 3- 12 05:30 PM
رد: اقتراح للقسم ممكن الجميع يعطي رايه بالموضوع
 
فيه منتدى تعليمي مصري
قسمهم انجليزي ويتكلمون فيه كأنهم بلابل باللغة
الحين بقى لنا سنه ونتخرج بليز خلوا القسم انجليزي خلونا نستفيد من بعص

Heart story 2012- 3- 12 05:31 PM
رد: اقتراح للقسم ممكن الجميع يعطي رايه بالموضوع
 
هلابك هند

من قال اننا ماعملنا استطلاع والكل كان متحمس للفكره

http://www.ckfu.org/vb/t219603.html

ولكن للاسف وقت التنفيذ الكل تراجع

اختي انتي توك جديده على الملتقى عشان كذا فيك حماس واهنيك على هذا الحماس بس تقدرين تمارسين لغتك بكل حريه سواء بطرح مواضيعك او ردودك .

hind ahmed 2012- 3- 12 05:32 PM
رد: اقتراح للقسم ممكن الجميع يعطي رايه بالموضوع
 
قريت القوانين لكن للاسف وجودها مثل عدمها لانها مو مطبقة عالكل:Cry111:

نغم الانجلش 2012- 3- 12 05:34 PM
رد: اقتراح للقسم ممكن الجميع يعطي رايه بالموضوع
 
لو بطور نفسي اروح اكتب في اليوتوب بالانجليزي
او ادخل شات اجنبي واتكلم
او اقرا قصه انجليزيه او اشوف فيلم
عندي خيارات كثيره
بس بالمنتدى احس اطفش وعيوني تعورني من اشوف المنتدى كله انجليزي
وبعدين انا معدلي 4 يعني الحمدلله مستواي زين بس والله احس القسم يتعب
اذا الكل يكتبون بالانجليزي يعني مش كافي المواد نذاكرها بالانجليزي
بس المنتدى نبي نريح اشوي وارتاح اكثر بالعربي لاني احس ترفيه من عناء موادنا ومذاكرتنا

hind ahmed 2012- 3- 12 05:38 PM
رد: اقتراح للقسم ممكن الجميع يعطي رايه بالموضوع
 
:icon9:
خسسساره والله تحطمت

hind ahmed 2012- 3- 12 05:42 PM
رد: اقتراح للقسم ممكن الجميع يعطي رايه بالموضوع
 
انزين مشرفتنا
ليش الغيتوا الفكره وبعدين شدراكم يمكن الاعضاء مبسوطين بالقسم انجليزي وانتم غيرتوا الى عربي اقين:icon9:

الكويتي 1 2012- 3- 12 05:47 PM
رد: اقتراح للقسم ممكن الجميع يعطي رايه بالموضوع
 
ياعالم انتم تخصص أنجليزي

يجب عليكم الكتابه بالانجليزي لكي ترسخ المعلومات وتتعودن علي الكتابه بالانجليزي للفائده في المستقبل

ارجو تقبل رائي بصدر وسيع

ولكم تحياتي :53:

دوَدي 2012- 3- 12 05:50 PM
رد: اقتراح للقسم ممكن الجميع يعطي رايه بالموضوع
 
-

الكويتي وش جآبك هنآ :sm5:
آمزح حيآك الله :004: :10111:
بالنسبه لي اشوف ان الفكره كويسه لكن مو فعاله : )
يعني ممكن عشان نحس اننآ انقلش نكتب انجليزي ، لكن ماراح تطور مهارتنآ ف الكتابه :)

شكرآ هند :rose:

hind ahmed 2012- 3- 12 05:56 PM
رد: اقتراح للقسم ممكن الجميع يعطي رايه بالموضوع
 
شكرا كويتي

دودي ليش ماتتطور بالعكس نتطور كثير خاصة مع الكيبورد
وتتسهلعليك كثير كثير
ومو عيب نخطي الحين احسن من بعدين

نغم الانجلش 2012- 3- 12 06:01 PM
رد: اقتراح للقسم ممكن الجميع يعطي رايه بالموضوع
 
احنا المنتدى ندخله نبي شي سريع ونكون تعبانين لمن ندخله من المذاكره
فالعربي اسرع لنا
ولمن كان بالانجليزي كان نحوس بالمواضيع وحتى عيوني عورتني وانا اشوف المواضيع بالانجليزي

hind ahmed 2012- 3- 12 06:08 PM
رد: اقتراح للقسم ممكن الجميع يعطي رايه بالموضوع
 
عاااااادي بتتعوديييين بس في البدايه تحسينه شي جديد عليك

نغم الانجلش 2012- 3- 12 06:25 PM
رد: اقتراح للقسم ممكن الجميع يعطي رايه بالموضوع
 
مستوى ثامن وتاسع نطبق الفكره لمن نتعود على الانجليزي اكثر

دمعة الأحلام 2012- 3- 12 07:48 PM
رد: اقتراح للقسم ممكن الجميع يعطي رايه بالموضوع
 
كلام نغم الانقلش عدل نبي شيئ سريع واريح للعين ماعندنا وقت

شكرا هند على الاقتراح سبقك اخونا الساحر واختنا هيرت ستوري بس مو الكل تحمس

الكويتي 1 2012- 3- 12 08:32 PM
رد: اقتراح للقسم ممكن الجميع يعطي رايه بالموضوع
 
اقتباس:
المشاركة الأصلية كتبت بواسطة دوَدي (المشاركة 5990059)
-

الكويتي وش جآبك هنآ :sm5:
آمزح حيآك الله :004: :10111:
بالنسبه لي اشوف ان الفكره كويسه لكن مو فعاله : )
يعني ممكن عشان نحس اننآ انقلش نكتب انجليزي ، لكن ماراح تطور مهارتنآ ف الكتابه :)

شكرآ هند :rose:
حب وستطلاع وبين ( شفايه ) ونا قاعد افرفر بالمنتدي شفت اقتراح طبعا ماهان علي اخليه يطوفه

بدون تعليق لأنه والله قهر تخصص e وتقترحون مثل هالاقتراح المفروض أن الجميع مطبقه من أول

مستوي للفائده وكسر حاجز الرهبه من الاخطاء الاملائيه والتعود علي القراءه بالانجليزي .

حياج الله يأختي ( دودي ) وبعدين أنتي تفرفرين عندنا لازم افرفر عندكم :(284):

ـألسآحر 2012- 3- 12 08:46 PM
رد: اقتراح للقسم ممكن الجميع يعطي رايه بالموضوع
 
بارك الله فيكِ , تم مناقشة هالاقتراح مسبقاً ,
الاخت هارت ارفقت الروابط للفائدة..
يحذف الموضوع


All times are GMT +3. الوقت الآن حسب توقيت السعودية: 12:08 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه