|
تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
بسم الله الرحمن الرحيم طبعا يا اخوان انا شفت اغلبكم متظايق من مادة الاقتصاد الجزئي وبصراحه مالومكم لئني انا اول متضايق من شرح الاستاذ السيئ جداً ولكن توصلت اليوم الى طريقة حلوه وهي كيفية مذاكره الاقتصاد : اول شي الدكتور الخاص بمادة الاقتصاد يفرق عن جميع الدكاتره من ناحية توجه الدكتور وفكره فهو يعتمد على الكتاب بنسبة 100% وانا مشيت معاه اكثر من محاضره جميع مايقوله في محاضراته هي في الكتاب ولكن ( فقط تحتاج الى تركيز شوي ولو بنسبة 10% من اجمالي تركيزك ) ابداء أو ابدئي في تحديد الاقسام المهمة التي يتكلم عنها الدكتور بقلم ( فسفوري ) سواء الاقسام الرئيسية او شرح الاقسام بعد مانخلص جميع المحاضرت وتم تحديد الاقسام التي تكلم عنها الدكتور راح نحصل على ملخص بسيط عن الاشياء المطلوب في هذا الكتاب كامل وراح ينحذف من الكتاب 95% هنا وفي هذا الوقت ابداء ابحث او ابحثي عن اي معلومه او شرح يوصل لك توضيح وفهم سريع الى الاشياء المحدده مثل شرح اخوانا ايزو الذي يشكر عليه رغم اني اختلف مع الاخ ايزو في نقطه واحد فقط واحذر الجميع منها وهي التغرير في الطلاب ياخ ايزو وياعزيزي وياصديقي انت غررت في الطلاب !! فا ليس "من حقك ان تقول ان هذا الجزء لن يأتي في الاختبار وان هذا كله كلام حشو في حشو في حشو وان هذا مهم وهذا مدري ايش !!" وعلى ايش تبنيت اراءك على عدم وجودها في اسئلة الاختبارات في السنوات الماضية ( كلام فاضي هذا ياعزيزي ) مدام الشيئ هذا وجد في المحتوى ومحاضرات الدكتور اذاً الشيئ الذي حفته انت ونعته بالحشو " مطلوب " فكيف تسمح لنفسك بحذف ما طلبه مني ومنك الدكتور نفسه !! الشيئ المهم انا تابعت شرحك هو قراءه مباشره من ملخص ابو موزه واذا كنت تشرح لنا فأهلاً وسهلاً بك ياخي العزيز اذا كنت تحمل شهادة تمكنك من هذا الأمر في نهاية الأمر اشكرك كل الشكر على توضيحك وشرحك لطلاب ولكن يجب ان لا يتكرر خطاءك في حذف مايطلبه الدكتور مني ومنك ومن اخوانا واخواتنا الطالبات فلن ينفع الطالب او الطالبه اذا اتى سؤال في الاختبار من الحشو الذي تكلمت عنه وأجزمت انه لن يئتي لئن وقتها من يضع الاسئلة هو الدكتور وليس انت |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
أمسي عليك بالخير خالد الطويلعي والله يجزاك مليون خير على كل خطوه خير لاخوانك واخواتك حبيت استفسر منك اخوي او قصدي اسالك شلون فهمك بحل الواجبات والمناقشات وتحميل اللقائات المباشره يعني درجة اعمال السنه الـــ 30 ؟؟؟ ان شاء الله تجيبها كامله ؟؟؟ |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
وراك الله يهديك خربت علينا :/
|
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
اخوووي احنننا عارفين وش قال ايزززو وشفناه ب ايرادتنا :017:
يعني م اححد انغصصب يشوفه واذكر انه قال نرججع نقرائها وبعدين اذا انت بتفهمنا الاشياء اللي مو فاههميينها تفضضل احنا اللي طلبناه يعني ككللنا كبار وعارفين مصلحتنا الله يساامحك اخوي خربت علينننا الصراحححه :icon9: وشكككرا ع موضووعك |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
اقتباس:
انا ماخربت على احد ياعزيزي بالعكس تماماً انا فهمت اشياء من الاخ ايزو ماقدرت افهمها من نفس الدكتور ولكن اختلافي مع ايزو حول مسئله هل هذا مهم وهذا حشو وهذا غير مهم فهمت الحين !! وبالعكس انا مابي اخوي ايزو ياخذ ذنوب خلق الله لئن اليوم سائلني واحد عن شي وقلت له انت من قالك ان هذا غير مهم قال الدكتور ايزو قلت هذا مطلوب في المنهج وعدلت له الفكرة تمنى وصلت لك المعلومة |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
اقتباس:
اكتفي بنفس الرد انا ماخربت على احد ياعزيزي بالعكس تماماً انا فهمت اشياء من الاخ ايزو ماقدرت افهمها من نفس الدكتور ولكن اختلافي مع ايزو حول مسئله هل هذا مهم وهذا حشو وهذا غير مهم فهمت الحين !! وبالعكس انا مابي اخوي ايزو ياخذ ذنوب خلق الله لئن اليوم سائلني واحد عن شي وقلت له انت من قالك ان هذا غير مهم قال الدكتور ايزو قلت هذا مطلوب في المنهج وعدلت له الفكرة تمنى وصلت لك المعلومة |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
اقتباس:
والله وانا اخوك اللي اعرفه حل الواجبات كامله +تحميل المحاضرات واللقاءات المباشره ( طبعاً راح تكون مسجله وتحملها )+ مناقشات الدكتور الـ (14) مناقشه = 30 درجه يعني الوباجبات والمناقشات مع تحميل المحاضرات واللقاءات المسجله تضمن 30 درجه باذن الله |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
يؤيؤيؤ منك يا خالد ليتك سكت
احنا عارفين وفاهمين ايش يقصد Ezio وعارفين انه مو دكتور الماده الاساسي بس يا اخي الرجال ماخذ من وقته ومتعب حاله والله يجزاه خير ويعطيه العافيه على الي يسويه قاعد يشرح لنا الاشياء المهمه والصعبه اما الاشياء الي احنا نقدر نذاكرها وسهله يعديها عشان الوقت باقي كم محاضره عجزت افهمها واحس الوقت راح :Cry111: والي يعافيك خالد اذا ما تبي تشوف محاضرات Ezio لا تشوفها مو لازم ومو غلطته ان خويك ما يفهم وش يقصد بحشو كلام واقروه بعدين |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
اقول وش رايك تسكت
احنا نبيه يهذر علينا بكلام فاضي يااخي انت وش تحس فيه فرحان الحين يعني يوم يكنلسها يالله يارب عطه العقل وربي احس بكلامك غيره ووش دخلك خلنا ينلعب فينا احنا مبسوطين ياالله صدق اصحاب العقول في راحه:cool: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
الله يصلحك يوم تنزل هالموضوع
شي طبيعي انه نزل المحاضره عشان الاشياء المهمه والحفظ شي طبيعي اكيد عليك يعني تبي الرجال يوقف ويحفظك التعاريف :24_asmilies-com: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
طيب وش الحكمه من فتحك للموضوع تخريب على ايزو بس الله يوفقه يكفي انه ماخذ من وقته على حسابنا
ولا الموضوع عشان نشوف فيه واحد اسمه خالد:lllolll: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
اقتباس:
|
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
قسم بالله انك خربت على كثير بدوا يذاكرون الاقتصااد الاخ ايزو يقصد انه يفهمنا اكثر يوصل لنا المعلومه اكثر واحنا مافهمنا الا عليه تقدر تتطوع انت وتفهمنا الشروحاات ولا ماتقددر هو تتطوع وجالس يحاول ويجيب لنا اشياء تسهل ويقرب لنا المعلومه وانت بالاخير تجي تقول يحذف وما يحذف احنا بالمحاضراته طلعنا بفايده انو فهمنا اللي انكتب بالملخصاات رجا انك تسوي حل كثير والله يبون يفهمون وانت خربت عليهم احنا ندور الشرح اللي نفهم منه مو المكتوب بالاورق :Cry111::Cry111::Cry111::Cry111: بتضيع فهمنا بعدين في اسلوب ثاني كلمه على رسايل الخاصه مو عام والكل بيوقف ضدك لانو الكثير فهم من شرحه وانا وحده فهمت ضيعت عليا افهم الباقي تقدر تقولي الحين من بيفهمني
|
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
احنآآآ فاهمين بالضبط وش يقوول الاخ ايزو وفااهمين بالضبط وش يقصد وكل واحد معه عقله
وما حد مغصووب انه يتااابع شرحه .,, الرجأأآآآل مآآ قصر الله يعطيه العآآفيه ويجزآآه الف الف خييييير وفهمنآآ اشيااء ما رضت تدخل بروووسنا .,, وضيع من وقته عشآآن يسآآعدنآآ .,, وبعدين هو ما قآآل عن نفسه دكتور و ولا شيء هو ساعدنا وما قصررررررر من جد احنا الي سميناه دكتور ولقبناه كذا هو ما قال شيء عن نفسه من جد ما ادري ليه انت تقول كذا استغفر الله العظييييييييييم .,, |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
لكل من شتمني اقوله مسامح دنيا واخرة وكلامي هذا يبين لكم بعد الاختبارات انشاء الله المعلومة تأخذ من شخص فاهم للمعلومة وليس من شخص يطلب المعلومة مثلي ومثلكم ومع هذا استفدنا من الاخ ايزو ومن شرحة واسئل الله له التوفيق واسئل الله ان يعيده لنا ويعيد شرحه لنا |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
اقتباس:
اطلبنا نسامحك بس |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
الله يسسامحك دننيا واخخخره
اححنا عارفين وش قصدك بعد انت انو تنبيه بس ي ليت قبل م استعجلت كان ارسلت له رساله وقلت فيها كل اللي تبي وهو يوضح لنا او يلغي من نفسسه لان الحين الكل حاط الحق عليك وانو السبب انت ولو يعني م نبهنا وشفت انه م قال لنا شيء ذاك الوقت كان يمديك تكتب لنا موضوعك بس الله يساامح الجمييع وان شاء الله يرججع يككملل لان بججد محتاجيينه واعذرني اذا غلطت عليك وب التوفييق لك وللجميع :love080: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
قربت الامتحانات وقرب الضغط النفسي :71:
بدت الهوشات :hhheeeart4:خخخخخخخ |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
مممممممممن جد محد شكى لك الحال احنا فاهمين شنو يقصد ايزو
اذا انت مو فاهم تعاال نفهمك مممن جد خررربت ع كثير نااس بدت تذاكر اقتصاط وخذ دعاااوي من النااس واللي انقهررر و اللي حقد عليك والله اذا صاحبك متنح ماهي بمشكلتنا تروح وتفتح موضوع طويل عررريض ع شي باايخ مممممن جد انتوا ياهالنوعيه غلطان اللي يعطيكم مجال تكتبون مواضيع يمممممممممممممين بالله انك قهررتني يعني انا الحين كنت انتظر شرححه عشان ارتاح من هم الاقتصااااد تقوم بحرركتك السسخيفه هذة وتخررررررررررب علينا اااااااه انا مابدعي لكن ماقول الا حسبي الله ونعم الوكيل:Cry111: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
هههههههههههههههههههههههههههه انا اترفع عن بعض الردود ولن استطيع الرد عليها لسبب بسيط انتم مثل الغرقان اللي تمسك في قشه من التبن ( اكرمكم الله واكرم الله السامعين والملائكه ) وراح اعطيكم السبب لو الاخ ايزو كمل شرحه وبنفس الوقت سمح نصيحتي حول عدم التحديد والحذف والقول بان هذا حشو او غير مهم ما صارت المشكله هذي كلها او ان الاخ ايزو شاف كلامي وطنشه واعتبره كلام لا يودي ولا يجيب وكمل شرحه كمان ما صارت المشكله لكن المشكله انو ماعندكم فكر ولا تعرفون كيف تذاكرون وصار املكم بعد الله الاخ ايزو ( الذي اسئل الله ان يعيد شرحه لنا سالماً غانماً ) عشان كذا بديتو تخربطو وتسبو وتشتمو وتقولن كلام لا يودي ولا يجب ولا اي انسان عقلاني يقراء كلامي ويفهم انا ايش اقصد يجد ان كلامي صحيح 100% |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
يالله يالله اشرح لنا مدامك فاهم
وبعدين هو مودكتور علينا هو فهم وفاهم وقام يشرح ويكتب تبسيط له ولنا عشان الكل يفهم الماده طبعا الواحد لما يكتب تلخيص من فهمه اكيد بتثبت بعقله هذي الحكايه انت خربت على الكل بصراحه لازم انت تعتذر له واحنا بنعتذر لك:Cry111 : |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
ممكن اعرف انت وش فيك علينا من الصبح ( ثور وتبن ) والله اعلم وش الجاااي !
ترا ذا منتدى تعليمي محترم يليت تقدر الفاظك اخوي ! |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
حسبي والله ونعم الوكيل
انت وش حاشرك كل انسان يفهم بمزاجه لا انت ولا غيرك مغصوب انه يتابع مع الاستاذ ايزو وغصب عن الكل هو استاذ تدري ليش ؟.... لانه خصص لنا وقته يشرح ويعيد ويزيد ويزبط برنامج ويكرر المعلومه حتى لو كان واحد بس الي مافهم انت قولي وش سويت؟ ؟؟؟؟ واتوقع احنا اكبر من انك تقول هو قال وهو سوواء نبي نذاكر زي مانبي تدري انو كلنا نذاكر من شرحه انا كنت حتى اقول ماعاد بقدر افتح هالماده لان مو فاهمه شي ولا المساله فقط مسأله ترا انا هنا شوفوني يااخي ابتعد ابتعددددد محد جبرك والكلام ماطلع الا من حرره شوف كم عضو بدا يفهم ويتابع مع ايزو حسبي الله ونعم الوكييل |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
اخوي وعزيزي خالد
اولا ماعليك من احد هم الحين معصبين وتحت تأثير ضغط الامتحانات وربي اني فاهمه عليك مايهزك ريح عطهم مهله حتى تهدى الانفس ويطيح اللي براسهم حنى هنا عشان مصلحة الجميع وكلنا في مركب واحد يعني انت ليش قلت كذا ؟؟ مو عشان هم ينتبهوون ويركزون ومالك مصلحه اخرى حصل خير وهدوا اللعب حنى اخوان وحبايب سوء فهم لا اكثر ولا اقل تحيااتي للجميع تحلوا باالاخلاق لاهنتوا :love080::love080::love080: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
:mh12::mh12::mh12::mh12:
|
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
انت ماتعرف تسكت يعني كفايه خربت علينا بعد جاي تتفلسف
مسوي فيها فاااهم احنا ترى اللي نتررفع مو انت حسبي الله ونعم الوكييييل عليك وين المشرفين يسكرون موضوعك لانه موضوع بايخ ماله اي هدف ولا يفيييد اي شخص وماراح تاخذ الا دعاوي وتحسسسب انت المفروض تروح تعتذر له او انك ترجع كل اللي فهمته من شررح ايزوو لانك ماتستاهل حسسسسبي اللله ونعم الووكيل يااااارب يسكروونه قبل ما الاعضاء يطبون ببطنك ايزوووووو اررجع لنا ::bawling::bawling::bawling::bawling: :bawling::bawling::bawling::bawling::bawling: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
اقتباس:
وبعدين كلامهم يدل عليهم الانسان خلق الله له فكر وعقل ويقدر يمز بين الصحيح وبين الشيئ الخاطئ وانا ماقلت للاخ ايزو لا تشرح وضحت له خطئه فقط لكن بالنسبة لللي ردودهم سيئه اتمنى انك تشوفين اعمارهم فقط 18 و 19 وهذولي اخواني الصغار وراح تحملهم |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
فعلاً الاسلوب يدل ع صاحبه وانت من اول ماكتب موضوعك ماسك لنا ثور وتبن
بصرااحه اهنييك :(204): |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
وربي اني داريه ان قلبك معاهم مو ضدهم
بس هم فهموك خطا انت تبي توضح لهم لا اكثر ولا اقل والمصلحه للجميع بس هم الله يهديهم قوموا الدنيا وشوله مدري بصراحه ارتعت من ردة فعلهم وانا هنا عشان اعتذر منك باالنيابه عن الجميع والعذر والسموحه :106::106::106: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
:lllolll::lllolll::lllolll::lllolll::lllolll::lllo lll: تركيز ع الاعمارر عجيب ترى الكل اللي هنا كبار مو صغار اتوقع الاغلب
خلي كلام الاعمار بعيد (خصص من وقتك واشرح وتعب نفسك واكتب تلخيص مفهم نفهمه يالله ) وتعال اشرح يالله |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
اقتباس:
هذا ردي يابابا هههههههههههههههههههههههههههه انا اترفع عن بعض الردود ولن استطيع الرد عليها لسبب بسيط انتم مثل الغرقان اللي تمسك في قشه من التبن ( اكرمكم الله واكرم الله السامعين والملائكه ) وراح اعطيكم السبب لو الاخ ايزو كمل شرحه وبنفس الوقت سمح نصيحتي حول عدم التحديد والحذف والقول بان هذا حشو او غير مهم ما صارت المشكله هذي كلها او ان الاخ ايزو شاف كلامي وطنشه واعتبره كلام لا يودي ولا يجيب وكمل شرحه كمان ما صارت المشكله لكن المشكله انو ماعندكم فكر ولا تعرفون كيف تذاكرون وصار املكم بعد الله الاخ ايزو ( الذي اسئل الله ان يعيد شرحه لنا سالماً غانماً ) عشان كذا بديتو تخربطو وتسبو وتشتمو وتقولن كلام لا يودي ولا يجب ولا اي انسان عقلاني يقراء كلامي ويفهم انا ايش اقصد يجد ان كلامي صحيح 100% ركزي اختي وتركي عنك الفلم الكرتوني حق الثور في قناه براعم وخليك بالاقتصاد الجزئي انا ماقلت لا ثور ولا غيره انا ظربت مثل شائع يعكس حالكم وفوق هذا قلت ( اكرمكم الله واكرم الله السامعين والملائكه ) تصبحو على خير للجميع :d5: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
لماذا هذا الهجوم على أخونا / خالد ..
فكلنا هنا آخوهـ .. مصلحتنا وهدفنا واحد .. فبحسب ما فهمت من موضوعه تنبيه لا أكثر .. وهو بالفعل ليس الحق بأن يذكر بأن هناك لن يأتي بالامتحان .. وأن هذا محذوف .. وربما تذكرون لا سمح الله هذا الموضوع بعد الخروج من الامتحان .. وهذا يحسب لآخونا حرصه على اخوانك واخواته .. وليس من باب الاساءة الى اخونا ايزو .. بل تنبيه لا اكثر .. من اراد النصحية فيأخذ بها .. ومن لا يريد ليس مجبوراً على ذالك .. جل الآحترام .. |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
ي جمماااعه هدووو وروحو ناممو وتعوذو من ابلييس والصباح رباح
ووم بيصير الا اللي كاتبه الله وانشاء الله تقومون وكل شيء محلووول واختتي سوسو م كذبت جد احننا فجاءه قريينا موضوعه وعصبنا ومدري شنو والله انا وحده منك م بس لممن هديت وقريت الموضوع وفهممت قصصده طلع شيء ثاني فتعوذو من ابليييسس وصلو ع النبي عليه الصلاه والسلامم وشغلو قرآن عشان تهداء نفوسسكم واععتذر له عن ككل شيء صددر مني بححقه وب التوفيق للجمميع :love080: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
انما الامم الاخلاق ما بقيت فان هم ذهبت اخلاقهم ذهبوا
الله يصلح الحااال |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
مع احترامي لك ولرايك انا اشوف انك تركت موضوعك الرئيس وذهبت تعنف الاخ ايزو وبقسوه , الكمال لله سبحانه وتعالى ,كان باسلوب ادبي تكتب ملاحظتك على اخونا ايزو باسلوب افضل من اللي قلته ,,,,,,,,,,,,,,,,, |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
الصراحه ردة فعلكم غريبة يا ناس الرجال ما قال شي غلط كل الي قاله ركزوا
على الكتاب +شرح الاخ ايزو بس ويعني استغرب من بعض الناس الي ما تدري عن المادة ة تجي اخر اسبوع تبي تفهم كل شي وترى شرح الاخ ايزو الله يجزاه خير شرح تكميلي يعني لو انت مو فاهم ما راح تعرف وش يقول لازم على الاقل تكون قاري من الكتاب و لو بتعتمد على الشرح حق الاخ ايزو ما راح يغنيك عن الكتاب هو يوضح النقاط الصعبه و كلام الاخ خالد صحيح بس لا تستعجلو في الردود اقرو وش قال بعدين ردو |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
ههههههههههههههههههههههههههههههههههههههههههههههههه ...!
اهننيك سويت اكشن لنا سلييتنا :biggrin: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
كل واحد يصلح سيارته يالربع :biggrin:
الاخ ايزو ماقصر وقدم لنا شروح لبعض المسائل والاخ له وجهة نظر وهو حر فيها الله يهديكم ياشباب ابعدوا عن الشتيمه والسب لللاخ خالد هو قال وجهة نظره من الاخ ايزو |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
مسكين + تناقض بالكلام
الي يبي يوضح فكره او ينصح مثل مماتزعم يكون بادب حتى الامثله خليها راقيه اذا فكرك راقي الاف الحكم والامثال ماطحت الا على هالمثل سبحان الله مثل مايقولون اخوانا الخليجيين الي بالقدر يطلعه الملاس وعلى فكره العقل مو بالعمر ياما عالم اعمارهم وصلت الخمسين وعقولهم صغييييره وياما ناس صغار وعقولهم توزن بلد سلام |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
السلام عليكم .. عسى ماشر وش الســـ:(107):ــالفه ...
هدو النفوس واحسنو الظن ترى الموضوع مايستاهل كل هذا (( قال صلى الله عليه وسلم اتق الله حيثما كنت واتبع السيئه الحسنه تمحها وخالق الناس بخلق حسن)) حديث حسن رواه الترمذي حمستوني اشوف ملخص الاستاذ ايزو بالله اللي يقدر يرسله لي لا يقصر ... لاني حيل تااااايـــ:mh12:ــهه بهالماده وابي اسألكم بعد ع عن ملخص هاني عرب كيف مضمون ولا لا ,,, |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
الصراحه الصرحه ليتك ياخالد ماتدخلت وربي شرحه كان تمام
وبعدين ليه لغو الشرح في بنات يسالؤن عنه :017: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
لو سمحتوا لا احد يتفلسف الكل ماكان فاهم شنو هو الاقتصاد اصلن و اغلبنا مافهم الا يوم شرح لنا ايزو الله يجزاه خير بما فينا صاحب هالموضوع
وبعد هالملام الاخ ايزو الغى المحاضره اللي كان بيشرحها لنا و السبب هالكلام اللي مادري من اي عقليه جاي وبعدي كل اللي كتبوه الاعضا هذا من قهرررهم روحوا شوفوا المل يشتكي من الاقتصاد لكن بعد شرح ايزو شوفوا الناس شلون استوعبت الفكره ايزو بسط لنا الاقتصاااد اذا انتوا مسووين فيها فاهمين و و و و ترا الاغلبيه ضاايع بالطووشه و انا اللي اعرفه الاخوان مايخربون ع بعض ولو فيه شي اتوقع رسايل الزوار اة الخاصه تفي بالغررض اذا انتوا تشوفونه عاطي غيركم يشوفه ازززمه ولا تنسوون ان فيه ناااس كثيره هينا ماتقدر تتنقل من شرح دكتور ل الثاني وراهم بيوت و مسؤوليات ماصدقوا يحصلون احد يبسط لهم المفاهيم ممممن جد محد اهتم لهذة النقطه |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
آخواتي آخواتي ..
حالياً أدرس الاقتصاد مع دكتور اقتصاد بأحد الجامعات السعودية المعروفة بالرياض .. وهو لا يدرس خصوص ولكن بحكم صداقة تربطنا وافق على مساعدتي بالمادة .. فلكم مني .. أي شي تحتاجونه بهذه المادة لن أتاخر عليكم بة . وأول ما نخلص راح اطرح لكم شرحه كاملاً. اتفقنا ..أن شاء الله اتفقنا .. بس .. وخلونا حلوووووين .. واهم شي الاخلاق ... وحب الوطن .. ومادة الاقتصاد .. جل آحترامي وتقديري لكم جميعاً .. |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
يااسر نبي منك وعد رجل حر
|
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
الله يستر وبس :sdfgdsf::sdfgdsf::sdfgdsf::sdfgdsf::sdfgdsf:
|
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
يمكن يخرب عليه خالد :24_asmilies-com::24_asmilies-com::24_asmilies-com: ويقوله انت تقول حشوو وتقول حذف
|
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
نننوسه ماصدقنا ع الله يهدى الوضع << بلا حـ:mh35:ـــرش
ما رديتو علي وش اسوي مع ملخص الدكتور هاني عرب .. |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
اقول قومو غسلوو وجيهكم بمااي بارد واكلو لكم شي من الثلاجه وروووقو ترا اذا ربي كاتب تحملونها بتحملونها لباكم :biggrin:
انا ابي شرح اقتصاد من 10 الى 14 لو سمحت :(204): < فتحته قريت قريت مفهمت شي سكررته .. :love080: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
اقتباس:
هههههههههه من جد :71: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
انا مايقهرني الا لاجيت اخر الناس وينه خل اشوفه وخر انت اقوووول مايرد الكريم الا .... يالله ورنا شطارتك سو ما سوا ايزو وقل انا الصح اما انك تقول كلام لا لك فيه حظ ولا نصيب القبر امامك وهذاك قدامك مدري وش السالفه كاني شطحت:cheese: |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
ابو محمد طلبتك لاتصك الموضوع
خلينا نعبر عن ضغط الاختبارات ونفش خلقنا :cheese: <<<< ماحد بتتقفل عضويته :(269): |
رد: تبي تفهم الاقتصاد تعال هنا ،،، كذلك تنبيه للأخ ايزو ولكل من سمع شرح اخونا ايزو !!
كل المواضيع تقفلت بقي هذا الموضوع الحين بيقفلونه يالله رحو ذاكوررررررررررررر ونشوف حل يا رب يحن علينا ايزو المحاضارات هذي محمه تكفى تكفى تكفى :Cry111::Cry111::Cry111::Cry111::Cry111::Cry111::C ry111::bawling::bawling::bawling::bawling::bawling ::bawling:
|
| All times are GMT +3. الوقت الآن حسب توقيت السعودية: 09:11 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه