ملتقى طلاب وطالبات جامعة الملك فيصل,جامعة الدمام - بناات آرائكم .. كلية التربية او جامعة الأمير محمد ؟؟

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- قسم المحذوفات و المواضيع المكررة (https://vb.ckfu.org/forumdisplay.php?f=33)

- - بناات آرائكم .. كلية التربية او جامعة الأمير محمد ؟؟ (https://vb.ckfu.org/showthread.php?t=212145)

Dr-Unique

2011- 8- 26 10:22 AM

بناات آرائكم .. كلية التربية او جامعة الأمير محمد ؟؟

السلام عليكم ،،

تقبل الله صيامكم و قيامكم ،،

انا محتارة بين كلية التربية بالجبيل و جامعة الأمير محمد بن فهد .. فأبغى ارائكم او تجارب عنهم .. الفرق بينهم في كل شي .. طاقم التدريس و مستوى الدراسة و الأضمن مستقبلا
لأن ودي بحاسب لكن يوم عرفت ان المعدل من 4 و فوق حسيته كثير صراحة يعني مش ضامنة التخصص اللي ابغاه ،،، انا خايفة اسحب ملفي من الحكومية و انا مش ضامنة الخاصة و اني اقدر اكمل فيها :mh12:
عن جد كثيير محتاجة مساعدتكم .. ما اعرف بنات في الجامعة يفيدوني غيركم فأذا عندكم معلومة ي ريت تفيدوني و لكم دعوة في ظهر الغيب :106:

القلب بيتك

2011- 8- 26 10:57 AM

رد: بناات آرائكم .. كلية التربية او جامعة الأمير محمد ؟؟

حبيبتي انا اعرف 2 من صديقاتي يدرسون في محمد بن فهد .. الجامعة مره كويسه وشهادتها حلووه

بسس مرره يبيلها تشدين حليك دراستهم شوي صعبه ودوامهم طويل ويتعب .. يعني (كرررف لابعد درججه )

هذا اللي اعرفه والله يسهل لك .. واستخيري قبل ماتسووين شي

Dr-Unique

2011- 8- 26 11:02 AM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة القلب بيتك (المشاركة 4268176)

حبيبتي تسلمين على ردك ،،

بالنسبة لصعوبة الجامعة من اي ناحية ؟؟ الدكاترة او المناهج ؟؟
و تشوفين ينفع اجازف و اسحب ملفي من الدمام ؟؟:mh12:

ان شاءالله استخير و الله يكتب اللي فيه الخير

شهد محمد

2011- 8- 26 11:13 AM

رد: بناات آرائكم .. كلية التربية او جامعة الأمير محمد ؟؟

صبآح آلخير

بصرآحه جآمعة آلأمير محمد مآعليهآ كلآم !

وترآ برضو كليتنآ شهآدتهآ كويسه تقريباً نفس آلمستوى . .

وبآلنسبه للدرآسه آحنآ آسسهلَ بكثيررر من غيرنآ وآلحمدلله

وإذآ آنتِ مو ضآمنه تكملين فيهآ آنصحك بآلجبيل آحسنْ

وآن شآءآلله يفيدوكَ آلبنآت آكثر آلي عندهم خبره فيهآ آكثرِ :wink:

Dr-Unique

2011- 8- 26 11:24 AM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة شهد محمد (المشاركة 4268218)

صبآح آلخير

بصرآحه جآمعة آلأمير محمد مآعليهآ كلآم !

وترآ برضو كليتنآ شهآدتهآ كويسه تقريباً نفس آلمستوى . .

وبآلنسبه للدرآسه آحنآ آسسهلَ بكثيررر من غيرنآ وآلحمدلله

وإذآ آنتِ مو ضآمنه تكملين فيهآ آنصحك بآلجبيل آحسنْ

وآن شآءآلله يفيدوكَ آلبنآت آكثر آلي عندهم خبره فيهآ آكثرِ :wink:

شاكرة لك ردك اختي ،،

انا اعرف ان شهادة التربية حلوة بس المشكلة في التخصص المرغوب !! التخصصات الحلوة في التربية مثل الأنجلش و الحاسب لها مستقبل لكن لازم اجيب معدل +4 و احسها مش مضمونة بالنسبة لي !!
و هذا اللي خايفة منه مش ضامنة جامعة الأمير محمد و ما ودي اترك جامعة الدمام لأن اذا سحبت ملفي ما اقدر اقدم عليها بعدين :icon9:

القلب بيتك

2011- 8- 26 03:58 PM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة dr-unique (المشاركة 4268196)

الصعوبه بكل شي تقريبا يعني المناهج صعبة والدكاتره دقيقين وغير كذا لازم يكون الانقلش حقك حلو .. ولا بيعطونك سنه ونص لغه

الدراسه كلها 6 سنوات :53:

Dr-Unique

2011- 8- 26 04:58 PM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة القلب بيتك (المشاركة 4268566)

الدكاترة دقيقين من اي ناحية ؟؟ و الله تعبتك معي :mh318: الله يجعلها بموازين حسناتك :love080:

و الله يعين ،،

القلب بيتك

2011- 8- 26 05:04 PM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة dr-unique (المشاركة 4268656)

الدكاترة دقيقين من اي ناحية ؟؟ و الله تعبتك معي :mh318: الله يجعلها بموازين حسناتك :love080:

و الله يعين ،،

خذي راحتك حبيبتي

انا اللي سمعته انهم دقيقين بكل شي يعني يبون كل شغلك بيرفككت

Esc	2011- 8- 26 07:06 PM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة القلب بيتك (المشاركة 4268678)

خذي راحتك حبيبتي

انا اللي سمعته انهم دقيقين بكل شي يعني يبون كل شغلك بيرفككت

ايه صح قريبتي قالت نفس كلامها
ماسويتي شي عدل مع السلامه واحلمي يعطونك درجه كامله لازم شغلك فيه ابداع
هذا بالنسبه للتصميم الداخلي الباقي مدري عنه ويكون دراستهم انجلش
انا انصحك التربيه احسن

رهينة قلبي

2011- 8- 26 07:42 PM

رد: بناات آرائكم .. كلية التربية او جامعة الأمير محمد ؟؟

هلا اختي شوفي جامعة الامير محمد زي ماقالوا الاخوات ماعليها كلام وكوويسه وشوي صعبه ودقيقه يعني اسم على مسمى جاااااااااامعه ودامها خاصه انتي لازم تسجلين فيها واذا انقبلتي فيها تقدمين على المنحة الداخليه عن طريق موقع وزارة التعليم العالي المهم ماعلينا
الحين انتي حيرتيني انتي تقولين كليتنا يبي لها مجموع عشان الحاسب وكذا ولازم 4 انا اقول يمكن مجموع 4 تاخذيناها بكليتنا ولا انك تنكرفين بالجامعه وبالنهايه ماتوصلين للي انتي تبينه انا معك ان تخصصاتهم جدآ رووعه لكن الانسان يكتفي بالحد الي يريده وانتي استخيري ياوخيتي وربي يكتب لك الخير بس كليتنا جدآ حلوه صح تطلع من الدكاتره لعانه بس هم كويسه :119:

blanco

2011- 8- 26 10:27 PM

رد: بناات آرائكم .. كلية التربية او جامعة الأمير محمد ؟؟

شوفي مو صعب تجيبي 4 بالجبيل لأن مواد عامه عندك + مواد ماهي بذاك الصعوبه وان شاءالله سهالات بس جامعة الامير قريبتي هناك والله ماعمري سمعتها الا وتتشكى من كثر الضغط والكرف والمواعيد مو مظبوطه ابد فجأه تلقا منزلين اعلان وتدوام تلقا اختبار وتقول اتعب اتعب واحس مقدر اجيب معدل ويبغوا كل شي مثالي وكامل واختباراتهم ماتخلص ماتحضر مناسبات كثيره بسبب الاختبارات ماقولك ذا الكلام معناها الجبيل كويسه لا برضوا كرف وتعب بس ع الأقل تخسري فلوس وتجيبي نتيجه مو تخسري وتتعبي ولاتقدري تجيبين فيه ناس تحسب بفلوسي بجيب معدل وتعدي الدنيا وخلاص لا جامعة الامير كأنها حكوميه هذا غير سنه تروح بس انقلش بالنهايه استخيري استخيري استخيري والله يسهل امورك وبقولك كلمه اخيره حتى لو لاقدر الله خلصتي اول سنه وماقدرتي تجيبين معدل يدخلك التخصص الي تبيه اعرفي ان ربي حطك بمكان كاتب لك وان شاءالله تبدعي فيه وتتميزي عن غيرك <<شفتها كثيرررر من بنات ومشاءالله وكملوا دراسات عليا وهم مايبون التخصص ولاالجامعه بكبرها
الله يوفقك يارب واستخارتك صدقيني بتريحك وماخاب من استخار :106:

نسيم الجوري

2011- 8- 27 01:36 AM

رد: بناات آرائكم .. كلية التربية او جامعة الأمير محمد ؟؟

السلام عليكم ,,

أول شي مشكورة لأنك طلبتي نصيحتي :119:

و ثانياً أقولك ( من صبر ظفر ) :119:
بما إن ملفك موجود الآن بالكلية لا تعملي خطوة كبيرة ما انتي متأكدة من تبعاتها و تسحبيه .. برايي ادرسي فيها شوي و شوفي ، و إذا ودك حولي لجامعة الأمير بعدين ، أو خليك بالكلية ,, و ترى الـ4 مو شي مرة كبير ؛ باختصار يبغى له
انتباه و انتظام و اجتهاد
و تجيبينه و تجيبين أبوه و أبو أبوه بعد :biggrin:

اصبري على نفسك شوي ,, ممكن تقولين أبغى أتحدى نفسي أو شي كذا ؛ بس التحدي ما يكون بالقرارات المصيرية اللي تنبني عليها حياتنا مثل كذا :wink:

و بنفس الوقت ما أقولك إنو الحاسب بكليتنا سهل ,, تراه صعب و يبغى له هز اكتاف :71:

و صدقيني حاسه بإحساسك و تراني انحطيت بموقف أصعب من كذا قبل ما أدخل الكلية ,, بس ربك يسرها :119:

.؛.

الله يوفقك وين ما كنتي و يتمم لك أمورك على خير يارب :love080:

البشاير

2011- 8- 27 05:14 AM

رد: بناات آرائكم .. كلية التربية او جامعة الأمير محمد ؟؟

زوجي كان يدرس فيها
روووووعه
كان مرتاح فيها
وممشي فيها والدكاتره حلوين
بس كل ذا مايجيك الا اذا انجليزيييييييتك زينه وااااااااااااااااجد
عشان تعرفين تمشين وياهم
الصراحه لو انا مكانك رحت جامعة الاميرررررررررررررررررر
بلا مننافسسسسسسسسسسسسسسس
بلا هم التربيه بلا هم جامعة الدمام
بلا هم الدراسه نص عربي ونص انقليزي
ولا
اخ لاتخلييني احط عيوب كليتنا الحلوه
توكلي على الله وروحي الامير

Dr-Unique

2011- 8- 27 08:36 AM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة القلب بيتك (المشاركة 4268678)

خذي راحتك حبيبتي

انا اللي سمعته انهم دقيقين بكل شي يعني يبون كل شغلك بيرفككت

شكرا لك اختي ،، يعطيكـ العافية ،،

Dr-Unique

2011- 8- 27 08:37 AM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة ч7łнα явк (المشاركة 4268942)

ايه صح قريبتي قالت نفس كلامها

ماسويتي شي عدل مع السلامه واحلمي يعطونك درجه كامله لازم شغلك فيه ابداع
هذا بالنسبه للتصميم الداخلي الباقي مدري عنه ويكون دراستهم انجلش

انا انصحك التربيه احسن

مشكورة على ردك و بالتوفيق لك

Dr-Unique

2011- 8- 27 08:44 AM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة رهينة قلبي (المشاركة 4269045)

مشكوورة اختي على ردك ،،
انا كنت مقهورة لأن تخيلي كان يفصلني عن كلية الحاسب نسبة وحدة و شوي :icon9: فمن جد طول الأجازة و انا متحسفة على هالنسبة بس الحمدلله على كل حال انا متأكدة ان الله ما يكتبلي الا الخير ،،
و انا لما قلت لك مش ضامنة المعدل لأني خايفة يصير فيني مثل نسبة الثانوية و قليييل يفصلني عن اللي ابغاه:Cry111:
و تتكرر السالفة مرة ثانية ،،
مشكووورة مرة ثانية و بالتوفيق لك :106:

Dr-Unique

2011- 8- 27 08:47 AM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة blanco (المشاركة 4269702)

شوفي مو صعب تجيبي 4 بالجبيل لأن مواد عامه عندك + مواد ماهي بذاك الصعوبه وان شاءالله سهالات بس جامعة الامير قريبتي هناك والله ماعمري سمعتها الا وتتشكى من كثر الضغط والكرف والمواعيد مو مظبوطه ابد فجأه تلقا منزلين اعلان وتدوام تلقا اختبار وتقول اتعب اتعب واحس مقدر اجيب معدل ويبغوا كل شي مثالي وكامل واختباراتهم ماتخلص ماتحضر مناسبات كثيره بسبب الاختبارات ماقولك ذا الكلام معناها الجبيل كويسه لا برضوا كرف وتعب بس ع الأقل تخسري فلوس وتجيبي نتيجه مو تخسري وتتعبي ولاتقدري تجيبين فيه ناس تحسب بفلوسي بجيب معدل وتعدي الدنيا وخلاص لا جامعة الامير كأنها حكوميه هذا غير سنه تروح بس انقلش بالنهايه استخيري استخيري استخيري والله يسهل امورك وبقولك كلمه اخيره حتى لو لاقدر الله خلصتي اول سنه وماقدرتي تجيبين معدل يدخلك التخصص الي تبيه اعرفي ان ربي حطك بمكان كاتب لك وان شاءالله تبدعي فيه وتتميزي عن غيرك <<شفتها كثيرررر من بنات ومشاءالله وكملوا دراسات عليا وهم مايبون التخصص ولاالجامعه بكبرها

الله يوفقك يارب واستخارتك صدقيني بتريحك وماخاب من استخار :106:

عن جد مشكوورة على نصيحتك كثيير افادتني و الله
و انا اعرف ان جامعة الأمير قوية و يبغالها كرف بس عالأقل
تخصصاتها حلوة ،،
صاادقة بكل كلمة ,, الله يوفقك و يسهل امرك ي رب و ينول لك اللي في بالك

Dr-Unique

2011- 8- 27 08:50 AM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة نسيم الجوري (المشاركة 4270392)

السلام عليكم ,,

أول شي مشكورة لأنك طلبتي نصيحتي :119:

و ثانياً أقولك ( من صبر ظفر ) :119:
بما إن ملفك موجود الآن بالكلية لا تعملي خطوة كبيرة ما انتي متأكدة من تبعاتها و تسحبيه .. برايي ادرسي فيها شوي و شوفي ، و إذا ودك حولي لجامعة الأمير بعدين ، أو خليك بالكلية ,, و ترى الـ4 مو شي مرة كبير ؛ باختصار يبغى له
انتباه و انتظام و اجتهاد
و تجيبينه و تجيبين أبوه و أبو أبوه بعد :biggrin:

اصبري على نفسك شوي ,, ممكن تقولين أبغى أتحدى نفسي أو شي كذا ؛ بس التحدي ما يكون بالقرارات المصيرية اللي تنبني عليها حياتنا مثل كذا :wink:

و بنفس الوقت ما أقولك إنو الحاسب بكليتنا سهل ,, تراه صعب و يبغى له هز اكتاف :71:

و صدقيني حاسه بإحساسك و تراني انحطيت بموقف أصعب من كذا قبل ما أدخل الكلية ,, بس ربك يسرها :119:

.؛.

الله يوفقك وين ما كنتي و يتمم لك أمورك على خير يارب :love080:

عن جد كثيير ارتفعت معنوياتي من كلامك،، مرررة مشكوورة
الله يوفقك و يسهلك امرك و ينولك اللي في بالك ،،
و كنت محتاجة كثير اسمع منك و من البنات لأن ما اعرف بنات يعرفون غيركم الله يوفقكم:106:

Dr-Unique

2011- 8- 27 08:50 AM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة البشاير (المشاركة 4271861)

مشكورة على ردك و بالتوفيق لك

أم علوووك

2011- 8- 27 09:00 AM

رد: بناات آرائكم .. كلية التربية او جامعة الأمير محمد ؟؟

والله إذـآ تبين تتحطممين
وتنكسرين ويروح طموحك هبـآء منثورا
تعالي الجبيل
وانت شوفي نفسك درسي سنه وحكمي ..

انا جايبه درجااااات عاليه ضحيت بجامعة فيصل وجيت الجبيل
واللحين اعد اصابع الندم

Dr-Unique

2011- 8- 27 09:07 AM

رد: بناات آرائكم .. كلية التربية او جامعة الأمير محمد ؟؟

القلب بيتك :106:

blanco :106:

نسيم الجوري :106:

شهد محمد :106:

البشاير :106:

ч7łнα явк :106:

رهينة قلبي :106:

اشكركم من كل قلبي على مساعدتكم لي اللي كنت في حاجة لها
و على نصايحكم اللي افادتني كثيييير و بأذن الله راح ألتزم فيها ،،
الله يوفقكم و يسهل امركم و ينوّل لكم اللي في بالكم ،، و اسأل الله لكم النجاح و التوفيق في دنياكم و اخرتكم و بأذن الله ما رح انساكم من دعائي فشكرا لكم :106::106::106:

Dr-Unique

2011- 8- 27 09:19 AM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة أم علوووك (المشاركة 4273194)

اوه طيب اختي ي ريت تشرحين لي بالضبط من جد محتاجة اعرف ،،
انا كنت حاطة في بالي تخصصين تربية خاصة و حاسب و كنت مقدمة في فيصل و الدمام انقبل في الدفعة الأولى في الدمام تربية في الجبيل و فيصل انقبلت في رغبتي الثالثة آداب و ما وديت اوراقي و انقبلت في الدفعة الثانية تربية خاصة بس طبعا ما لي مقعد فيها لأني ما وديت اوراقي لها من اول صدق انقهرت بس الحمدلله ع كل حال و اللي كاتبه ربي بيصير

Dr-Unique

2011- 8- 27 09:26 AM

رد: بناات آرائكم .. كلية التربية او جامعة الأمير محمد ؟؟

فيه دفعة بعد العيد ي رب انقبل في الدمام

شهرزااااد

2011- 8- 28 11:50 AM

رد: بناات آرائكم .. كلية التربية او جامعة الأمير محمد ؟؟

< اللــــــــــــــــــــــــــــه يوفقك

بصراحة اقولك اياها اول مرة اعطي مضوع حقة ههههههههه يعني بجد اول مرة اجلس اقرا موضوع كامل وكل التعليقات والردوود

اهم شئ بشرينا بالي راح تدخلينه هع

وترى الخيرة اذا احذتيها لزم تطبقينها والله يووووووفقك

انا كمان حست لين انقبلت بكلية التربية وانا من الخبر وحوسة وما رضو اهلي وبعدين تعدل الوضع وهذا كرة السنة الي راحت بترجع الحين ههههههههه على الروحة والسكن وو

فهدهـ

2011- 8- 28 06:42 PM

رد: بناات آرائكم .. كلية التربية او جامعة الأمير محمد ؟؟

اهلين ...

انا اقولك وانتي مغمضه ادخلي محمد بن فهد .. مرا جامعه قويه ..

وصعوبه بكل مكآن ..

بس هي صح صعبه شوي بس يريحونك ..
صراحه ما اشوف ناس انا يشتكون منهآآ

انا كنت ابغهآ وانقبلت فيهآآ .. بس مشكلتي هي منو يوديني ويجيبني وهيك يعني :Cry111:
بعدين راح تتخرجين منها وانتي مستفديه مها كآلغه يعني
يعني عندك القطاع الخآص بس يبغون لغه اذا عندك ماتهم شهآد
وعندك البنك بعد لازم باكريوس انقلش وجامعه فيها شي زي كذا

يعني فيها اشياء مضمونه ..
بس التربيه لو تخرجتي !! وشو بيصير !!
انتي فكري من ناحيه المستقبل لا تفكرين من ناحيه صعوبه ..
لان بكل شي يبغاله شد حيل
وبس
والله يوفقك وين ماتكونين وتختارين:d5::love080:

أم علوووك

2011- 8- 29 12:24 AM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة dr-unique (المشاركة 4273253)

شوفي قلبي
والله انا مـآ أبي احبط
بس ـآنـآ مقهورة من نظام الكلية
صدق الكليه كـ درـآسه ابد مو صعبه

بسس ابد ما تحسسين انها كليه
يعني تتعبين وتكرفين وتجيبين معدل
وغير كذـآ انا ساكنة بالدمام يعني اروح اوجي كل يوم !

واختبـآرـآتنـآ لـ الساعه 3 العصر
واطلع وتنتظرين البنات يتجمعون جات 3.30 و 4

ما اوصل البيت الا متى مع المغرب

في النهاية
حطوني ريـآضيـآت ..

حتى حـآسب مـآ دخلوني

وكل اللي دخلوا حاسب بالواسطه
عندك وـآسطه بتدخلين اللي تبين ما عندك ارتاحي

Dr-Unique

2011- 8- 29 09:27 AM

رد: بناات آرائكم .. كلية التربية او جامعة الأمير محمد ؟؟

شهرزاااد & فهدهـ .. مشكورات و يعطيكم العافية و بالتوفيق لكم :106:
ام علوك,, الله يعين و الله يكتب اللي فيه الخير ي رب

وهج الشمس

2011- 8- 29 01:17 PM

رد: بناات آرائكم .. كلية التربية او جامعة الأمير محمد ؟؟

Dr-Unique
مع اني توني تحضيري ولا عندي خبره آبد
بس سمعة جامعة الامير محمد مرآ حلوه
و مدري ليش عندي احسسآس انها احسسن
و " الدرآسه الصعبه " تدل على كفاءة الجآمعه
اذا بغيتي رآيي
ترى توها مقفله المنح .. ليش مو من اول فكرتي فيها و دخلتي ع المنح ؟

Dr-Unique

2011- 8- 29 03:35 PM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة وهج الشمس (المشاركة 4283303)

dr-unique
مع اني توني تحضيري ولا عندي خبره آبد
بس سمعة جامعة الامير محمد مرآ حلوه
و مدري ليش عندي احسسآس انها احسسن
و " الدرآسه الصعبه " تدل على كفاءة الجآمعه
اذا بغيتي رآيي
ترى توها مقفله المنح .. ليش مو من اول فكرتي فيها و دخلتي ع المنح ؟

من ناحية سهلة او صعبة فهالشي مش مهم عندي كثر ما مهم عندي التخصص و مستقبله ،، اعرف ان جامعة الأمير قوية و صعبة بس انا كان همي هل ينفع اجازف و أترك الحكومية ؟
و المنح مش مهمة عندي مررة لأن لازم كل سنة اجدد الطلب يعني اذا سجلت ع حسابي عادي اقدم السنة الجاية ع المنحة لأن الشروط مستوفية عندي ،،
انا فكرت بالجامعة بعد نزول نتايج الدفعة الثالثة و سألت اكثر من مرة و قلت اسأل بنات التربية خصوصا انو باقي كم يوم و يوقف التسجيل طبعا هالكلام من كم يوم تقريبا و التسجيل امس وقّف ،،
شاكرة لك ردك :106:

mejoo

2011- 8- 29 04:13 PM

رد: بناات آرائكم .. كلية التربية او جامعة الأمير محمد ؟؟

ي هلالالا بناات وربي يوفقك ي dr-unique:love080::love080:
انااا ي قلبي تقريبا لي نفس حالتك والله ان ششهاادتي الثانويه عااليه 99 والقدرات والتحصيلي بالستينات:icon9:
وقدمت الالكتروني بجاامعاات الريااض وجاامعه الدمام بس المهم طبعن مااانقبلت ولالا بجامعه وفقدددت الامل:bawling:

اني انقققبل باي جججامعه وقمت اتخيل ششكلي واناا قاعده بالبيت ومضيعه علي سسنه كاامله:icon9:قمت اتمنننى اي كليه واي جااامعه وططبعن بععد الوسسايط والليل انقبلت بجامعه الخررج باخيس تخصص تخيلووا فيزيااء :bawling: المههم قعدددت فتترة الالا ويجي خخبر قبوولي بجاامعه الاميرة نورة بنت عبدالرحممن :lllolll:ي اني فرحححت فرححه ماااتتصورونها قلت رربي ماايضيع تعب احححد ورربي اني تعبت بالثانوي 3سنين اكرف بس عششان اجيب معددل ززين وادخل الجامعه اللي ابيهاا الممهم الحمدلله رححت للجامعه وقدمت اورااقي بنفسسي والحممممدلله طلعت من الجججامعه واناا بططططير من الفرححه :71:
المههههم رججعت لششرقيه وبعد فتتترة ججاني خخبر قبوولي بكليه التربيه بالجبيل >>ههههههههه قامت تجيني الجامعاات من كل ججهه فديتني:mh318: طبععن كلها بوسسايط ححتى الجبيل واللحين برروح اسسحب ملفي من جامعه الاميرة نورة وبججي الجبيل لالان اههلي يبووني اكوون قريبه منهم لاني موب قادرة اقعد هنااك 5سنين بالحالي والله صعبه:bawling:

والله اللحين بتقولون ليش تتركين جاامعه الاميرة نورة وززي كذاا لان كل ماقلت لححد قام يعاتبني على هالشي اللي سويته بس ظرووفي مااسمححت لي اني اقعد هناك بالريااض والحمددللله اناا مرتااحه بقبولي بكليه التربيه اهمم شي الرااحه النفسسيه وححسيت الصرااحه راحت عند اهلي موب اروح هنااك واتشحطط هنااك بالريااض لححالي :icon9:

امممم وبس سلالالامتكم هااذي معنااتي مع تقديمي على الجامعاات والحمدلله فرججت زيي ماقلت لكم ربي مايضيع تعب احححد :d5::d5:

ربي يوفقكم ان ششاااء الله:106::106:

حنيني لسلوآها

2011- 8- 29 06:39 PM

رد: بناات آرائكم .. كلية التربية او جامعة الأمير محمد ؟؟

انا 2 من صديقاتي في الامير محمد وحده سحبت ماقدرت تكمل

والثانيه مكروفه لابعد حد ..

انا اشوف الجبيل أفضل ..

وبالنسبه للقبول بقسم الحاسب من75, 3

وفوق مو 4 ومتأكده

وبالأخير هذا مستقبلك وشوفي قدراتك ..

موفقه يارب

ibtihal

2011- 9- 1 06:52 PM

رد: بناات آرائكم .. كلية التربية او جامعة الأمير محمد ؟؟

هلا والله

(راح احيلكـ قصتي و امكن تستفيدي انا كنت زيكـ السنه الي راحت )

طبعاً رحت جامعهـ محمد عشان اسجل طبعاً الجامعه فلوووووس بفلووووووووووووووووووس

و فيه كثير مشاكل البنات انهم ما ينجحون

و كل سنه راح تدفعي 45 الف وغير انه لاااااااااازم تاخذي سنه لغه واذا ما جبتي مستوى ادفانس(مستوى متقدم في الانجلش)

راح يدخلونكـ غصب بسنه لغهـ واذا اصلاً نجحتي لان المستوى هذا مره صعب حتى لو انكـ مررررررررررررره شاطره بالانجلش صعب مرررررررره>>>>انا درسهـ هذا المستوى بخارج المملكهـ فمرهـ صعب

طبعاً ما سجلت فيها لانها مررررررررررره خربطه في خربطهـ والى الان ما تخرج منها الا دفعه وحده او دفعتين وما ندرين عنهم

انا اشهد ان التخصصات مررررررررررره حلوه بس احتمال مرررررررررررره كبير اني اقعد في الجامعه 6 الى 7 سنوات

طبعاً طلعت منها وحالفهـ ما ادخل فيها مع ان دادي يحاول يقنع فيني اني اروحها طبعاً رفضت وقدمت ع جامعه في البحرين بس يبغون معدل عاااالي في الايلز(اختبار انجليزي)

المهم الله كتب لي اني ادخل التربيه بالجبيل والحمد الله عديت السنه ونجحت
اما الي يقولكـ ان مررررررررررررره صعب تجييبي فوق 4 فان اقلكـ انها من جنبها اقوى شي

انتي حطي في راسكـ المعدل و التخصص

وهذا انا جبت 4 فاصلهـ و تخصصت حاسب الحمد الله هذا كلهـ من فضل الله ثم اجتهادي و عزمي و طموحي

انتي الحين جربي كليهـ التربيه السنه هذي و حاااااااااااااااولي بكل جهدكـ تجيبي معدل ما عليكـ من كلام البنات انه صعب وهذا الكلام>>>>فيه ناس ما تحب ان احد افضل منها

تدرين ليش لان السنه التحضيري نفس دروس الثانويهـ بس في بعض المواد بالانجلش زي الفيزياء و الرياضيات و الكيمياء ع ما اعتقد و انتي ما نقبلتي بالتربيه الا اكيد معدلكـ حلو بالثانوي و القدرات

و فيهـ معلومهـ مرررررررررره حلوه و تفرحكـ في بدايه السنه راح تكرهين نفسكـ انكـ بهذي الكليه >>>ما تعرفي احد وزي كذا
بس بعد كذا والله تحبببببببببببببين الكليهـ مره لو احد قالكـ وش رايكـ نتقلين بعد سنه ترفضين لانها مررررررره مريحهـ و مجتمعها مرررره صغير و حلو مو زي كليه الي بالدمام

واحمدي ربكـ انكـ انقبلتي بجامعه حكوميهـ و مضمونهـ عشانها شهادتها تربويهـ و غيركـ يتمناااااها

انصحكـ ما تتركيها اذا ما اعجبتكـ مرررره اسحبي ملفكـ وسجلي بجامعه محمد>>>مع اني ما ايدكـ لاني مجربه نفس حالتكـ

لكـ خاص حبي

ibtihal

2011- 9- 1 07:03 PM

رد: بناات آرائكم .. كلية التربية او جامعة الأمير محمد ؟؟

اما المعدل الي يدخل حاسب ترا يتغير من سنه الى سنه ع حسب المتقديمين في الكليه و رغبااااات البنات

يعني هذي السنه 3 فاصله 95

السنه الي راحت فاصله 70

انتي لا تجعلي الدرجات تحدد مصيركـ بلا انتي من يحدد مصير مستقبلكـ هذي نصيحهـ جميلهـ من احد الناجحين

Dr-Unique

2011- 9- 1 09:41 PM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة ibtihal (المشاركة 4290715)

اشكرك اختي على نصائحك و سرد قصتك و الله يوفقك بدراستك الجامعية :106:

Dr-Unique

2011- 9- 1 09:42 PM

رد: بناات آرائكم .. كلية التربية او جامعة الأمير محمد ؟؟

اقتباس:

المشاركة الأصلية كتبت بواسطة ibtihal (المشاركة 4290724)

اكيد اختي اعرف هالشي بس انا مشكلتي خوافة و موسوسة شوية :biggrin:
و شكرا مرة ثانية

All times are GMT +3. الوقت الآن حسب توقيت السعودية: 10:01 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه