|
تكفووووون ساعدوني؟
لو سمحتم اللي عنده معلومه يجاوب بأمانه :
س:كم سنه مده دراسة الصيدله دبلوم مع بكالوريوس؟؟ س:وكم رسوم الدراسه لكل سنه وهل يوجد أقتطاع من الراتب بعد التوظيف؟ س:وشو تقصدوا بالمكافأة 1500 مادام مافي اقتطاع ضمن الموارد كيف ندرس على حسابنا ويعطونا مكافأة؟؟ س:هل يعتمدوا على الأختبار أعتماد كلي للقبول والله لا؟؟ وآسفه كثرت عليكم بالأسئله بس مره محتاجه للإجابه ومشكورين مقدماً وجزاكم الله خير أرجو الإجابه بأسرع وقت يعطيكم الله العافيه |
رد: تكفووووون ساعدوني؟
لو سمحتم أبي الإجابه لأن أسمع من كل شخص رأي مختلف تماماً عن غيره كل واحد يقول شيء حيرتونا
أبي الجواب من أحد المشرفين ومتشكره |
رد: تكفووووون ساعدوني؟
وين المشرفين ليش محد معطينا الجواب أرجو الإجابه بأسرع وقت وجزاكم الله خير
|
رد: تكفووووون ساعدوني؟
هلا خيتو ... أنا اليوم رحت المعهد وسألتهم عن المبلغ بالنسبه للدبلوم 3 سنوات كله 72000 والبكالوريوس 5 سنين سنويا تدفعين 45000 >< نصب واحتيال هذا طالعي الفرق بينهم الدبلوم كله بـ 72000 والبكالوريوس سنويا تدفعين 45000 وما فيه بالتقسيط لازم تدفعي مقدم وبالنسبه للموارد تقول إن ما فيه هذا أول الحين مافيه أنتي تدفعين المبلغ كامل .. وهذا الكلام والله شاهد عليّ هي الموظفه اللي هناك قالت لي كذا وبالتوفيق غناتي |
رد: تكفووووون ساعدوني؟
هلا غزل الحب بس أنا لما سجلت قالت لي أنك تقدري تدفعي المبلغ على شكل أقساط إذا حبيتي أو كامل أوضمن الموارد لك الحريه واللي أفهمه من كلامك أنو المجموع ثمان سنوات دبلوم مع بكالوريوس؟
|
رد: تكفووووون ساعدوني؟
هلا خيتو مادري والله هي كذا قالت لي يوم سألتها إذا اقدر ادفع بالأقساط قالت لا تدفعين مقدم مافي بالأقساط وموارد كان اول الحين مافيه والله اعلم اتصلي واتأكدي بعد أنا ولا ملييون مره اتصلت ماحد يرد فرحت لهم اذا بتدرسين دبلوم 3 سنوات واذا بكالوريوس 5 سنوات |
رد: تكفووووون ساعدوني؟
هلا خيتو
يعني انت سجلتي وقالت كذا بس انا لما سجلت قالت تقدري بالأقساط وانو مو مرتفعه الأسعار بس ب12 ألف ولا شو غيروا كلامهم؟؟ وبعدين فرق كبير بين 12000 أو 45000 وش تفرق الدراسه على شان فرق في المبالغ كذا ؟ |
رد: تكفووووون ساعدوني؟
والله مادري خيتو أنا انصدمت يوم قالت المبلغ 45000 تدفعين سنويا للبكالوريوس وأنا نفس الشئ قبل 12000 من كذا قلت بسجل وانصدمت يوم قالت لي 45000 وهونت المبلغ مررره كبير ما اقدر عليه ولا لازم تدفعين مقدم لو بالأقساط كان اوكي هذا اللي اعرفه والله يوفقك وأنتي ارجعي واسأليهم كلميهم أو روحي لهم والله يوفقك غناتي |
رد: تكفووووون ساعدوني؟
مرحبا,,
اخوات انا سألتهم اتصلت فيهم وقالوا لي في السمستر الواحد عشرة الاف و500 يعني في السنه كامله 22 الف مو 45 الف انا لما رحت الاختبار قالوا لي ان 45 في السنه بس لما اتصلت قالوا لي كذا والله العالم,, |
رد: تكفووووون ساعدوني؟
هلا والله انا بعد اليوم وقت الي كلمتهم قالو تدفعين بالسمستر 12 الف ولافيه موارد بشريه ولاتتوظفين عندهم الا والمبالغ كامل وهم مستلمينه مدري كل وحده تكلمينها تقول كلام |
رد: تكفووووون ساعدوني؟
بصراحه حيرونه كل موظفه تقول شئ والله اعلم من الصادق :hahaha_2008: |
رد: تكفووووون ساعدوني؟
فعلا كل موظفه تقول شي اخر وحده
قالت لي اذا سجلت انك طالبه منتظمه راح يكون لك دعم من الموارد البشريه الدبلوم شي والبكالوريوس شي اذانبي معهد تدرسي سنه تحضيريه وله رسوم خاص بالدبلوم اما اذا كنت تبغين دعم من المواراد البشريه تطلب منك ان تسجلي انك طالبه منتظمه يعني ما تفكري انك تنسحبي اما البكالوريوس ايضا له رسوم خاصه وهي كل سمستر تدفعي 12000 6000 في البدايه وفي الميدتيرم تدفعي السته الباقي وتقول لي موظفه ثانيه احتمال البكالوريوس يكون له دعم من الموارد البشريه بس الي اكدت ليه اياه انه بعد مافيه لحد الان قرار اخير بالنسبه للدفع سواء للدبلوم او البكالوريوس يعني ما جه لحد الان شنهو القرار الأخير خاص من الدكتوره عائشه المانع:no2: |
رد: تكفووووون ساعدوني؟
وبالنسبه عن الامتحان تقريبا ثلاث موظفات يقيلوا انهم مايعتمدوا
على الامتحان اعتماد كلي لأنه تحديد مستوى فقط |
رد: تكفووووون ساعدوني؟
طيب اختي ذرف العيون ماقالول لك متى النتايج ؟ |
رد: تكفووووون ساعدوني؟
مرحبا,,
الحين طيب احنا ما علينا من كلامهم ع اساس الدفع بس اللي ابغى اعرفه اني الحين سجلت واختبرت فهل اعتبر مقبولة او لا؟ وهم يقبلوا كل اللي يسجلوا عندهم او لا؟ في ناس محددين ع اساس معين اما الاختبار نتائجه تطلع السبت,, موفقين,, |
رد: تكفووووون ساعدوني؟
مرحبـــــــــــتين اختي انا استفسرت وسألتهم مثل ماقلتي قالوا الاختبار لها دور بس مو كثير يعني اذا كانت نسبتك لثانويهـ كويســهـ راح تساعدكـ بس كلام الدكتور الي عطتنا المعلومات قبل الاختبار <<<تعني المصريهـ الكبيره بالسن قالت هذا الاختبار لايحدد قبلوكـ من رفضكـ وهذا الاختبار بس تحديد مستوى عشان نعرف من وين راح نبداء معك انجليزي من كلامها معروفه انها مستويات مختلفه <<<شفتو انه كلامهم متناقض اممم من قال لك انتيجهـ السبت ؟؟؟؟؟ سألتهم وحده قالول لها بعد العيد <<<شفتو كيف يبون يعذبون |
رد: تكفووووون ساعدوني؟
مرحبا,,,
اختي لا تعتمدي ع كلام احد الافضل الواحد هو اللي يعتمد ع نفسه ويسعى ورا نفسه انا اليوم كلمتهم وعطيتهم اسمي ورقمي وقالوا لي انهم قبلوني ,, فاذا نتي مو مصدقتني بكرة اتصلي فيهم واسأليهم عن نتيجتك,, موفقين... |
رد: تكفووووون ساعدوني؟
مشـــــــــــكوره يالغلا والف مبروك القبول :) الحمد لله وانا بعد انقبلتـ |
رد: تكفووووون ساعدوني؟
مرحبا,,,
الله يبارك في حياتك وانتي بعد الف مبررروك القبول متى مقابلتك؟! انا يوم الاحد بكرة ان شاء الله, |
رد: تكفووووون ساعدوني؟
وانـــــا بعد بكره مقابلتي على خير :) |
رد: تكفووووون ساعدوني؟
سلام انا عضو جديد
و انا طالب في معهد المانع و تخصصي صيدله ما في صيدله دبلوم في بس بكالوريس و مدة الدراسه فيها 6 سنين سنه انجليزي و خمس سنين دراسة التخصص و ان شاء الله افدتك |
رد: تكفووووون ساعدوني؟
اللي يدرسوا صيدله هل التخصص صعب وممكن تعطونا نبذه عن المواد اللي تدرسونها بالنسبه للبكالوريوس ؟؟
وشكراً مقدماً |
رد: تكفووووون ساعدوني؟
ودي اساعدك بس
ما بعد ابدا سنة التخصص |
رد: تكفووووون ساعدوني؟
موفق أخي بس اللي عندهم معلومات عن البكالوريوس ياليت يفيدونا عن مواد الدراسه وجزاكم الله خير
|
رد: تكفووووون ساعدوني؟
نصيحه ليكم خواتي
المانع كله نصب و احتيال و كل يوم يقولوا كلام :Cry111: فتأكدوا قبل ما تبتلشوا معاهم :103: فكروا زيييين |
رد: تكفووووون ساعدوني؟
هلا أختي آل ناصر.. بالنسبه لي .. لا أُريد بإن أضع لكِ أفتراضات .. فالأفضل بإن .. تتصلي .. والأفضل الأفضل بإنك تجيهم بنفسك .. وبالنسبه لسؤالك .. هل دراسة الصيدله صعبه ..؟؟ لاتسمعي لأي حد حطي في بالك الناس مستويات .. لكن مجملاً. الدراسه في المانع سهله وممتعه .. |
رد: تكفووووون ساعدوني؟
اقتباس:
أنا كنت طالبه بكلية سعد وأنصب عليّ.. لكن الوضع ممكن تغير الأن لكن مع ذلك أنصينا والدليل الكثير من الطالبات أنسحبن منها.. خُلاصة الكلام .. كل مكان أهلي بتلاقي منه تعب ومشاكل .. أنتِ كيف تتحذري من هالشيء.. كوني على بينه أكثر مما يحُيط حولكِ:119: |
| All times are GMT +3. الوقت الآن حسب توقيت السعودية: 08:52 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه