|
تأجيل..أو إعتذار.. خلاص قررت
السلام عليكم ورحمة الله وبركاته الكتاب واضح من عنوانه على قولتهم بصراحة يعز علي كثير فراقكم لأنكم بصراحة دفعة متكاتفة متعاونة بكل ماتعنيه الكلمة والكل يتمنى يكون ضمن دفعتكم للأسف بسبب ظروف عملي ولظروف شخصية ما أقدر أكمل معاكم ولا أقدر أختبر معاكم بالرغم إني حاولت بشتى الطرق إني أتغلب على هالظروف وأدرس وأختبر معكم وكنت أتمنى أرجع للإختبارات خصوصاً لإن لي منها حوالي 10 سنوات وكنت متحمس لأبعد حد تتصورونه ولكن ماكل مايتمناهـ المرء يدركه أتمنى ما أكون غلطت على أحد فيكم ولا زعلت منكم أحد أو في قلوبكم علي ولو مثقال ذرة وإن فيه أحد بخاطره علي شئ يبشر باللي يرضيه ومستعد أعتذر منه أمام الجميع شدوا حيلكم والله يوفقكم جميعاً دعوااتكم |
رد: تأجيل..أو إعتذار.. خلاص قررت
ليه ياخوي ..؟؟
ان كان على المذاكره فترى يمديك من الحين تذاكر >>ترى كثيرين اعرفهم باقي مابدؤا .. حاووول بالله انك تكمل وتظل معنا ..:Cry111: مايهون علينا والله نخسر اي احد من الاعضاء فكر ثم فكر تم قرر .. |
رد: تأجيل..أو إعتذار.. خلاص قررت
الله يوفقك اخوي بندر
وان شاءلله تتغلب ع ظروفك وترجع لنا من جديد :(204): وبصراحه كلنا نبي نقدم اعتذار ونسحب والحمدلله الظروف اوك بس صدعت من المواد والملخصات والأهم من ذالك الدجه الي براسي :mh12: |
رد: تأجيل..أو إعتذار.. خلاص قررت
الله يفرجها عليك عشان تكمل معنا ....
لكن ماودنا إنك تندم إذا تركت مستقبلك ... حاول تستخير قبل تطلع لعل الإستخاره تنفع معك وتغير رايك ... الله يسهل أمورك ...:Cry111::Cry111: |
رد: تأجيل..أو إعتذار.. خلاص قررت
الله يكتب لك مافيه الخير
بس تتوقع باقي باب الاعتذار الى الان متاح !! استخر واللي فيه الخير لك الله يكتبه |
رد: تأجيل..أو إعتذار.. خلاص قررت
ااااستخرررررررر قبل كل شي وترى يمديك على المذااكره ان شاء الله
الله يجعله لك فيه خيرررر ويسهل اموررك ودربك مووفق خيو |
رد: تأجيل..أو إعتذار.. خلاص قررت
بندر
تعوذ من ابليس وجرب تختبر ترى منت خسران شيء الامور ميسره ماهي مثل منت مصعبها انت اقراء وجرب تختبر وشوف يمكن السالفه تجوز لك في ناس معانا مايعرفون البلاك بورد كل ماشافوني يقولون متى نختبر وانت افهم وعسى ربي يوفقك ويسهر امرك |
رد: تأجيل..أو إعتذار.. خلاص قررت
السلام عليكم
ما خاب من استخار ولا ندم من استشار اخي الكريم بندر الله يكتب لك الي فيه الخير ان شاء الله وبالنسبه للغلط ما يحصل الغلط من مثلك وشرواك الله يوفقك دنيا واخره اخوك ماجد |
رد: تأجيل..أو إعتذار.. خلاص قررت
[align=center]
بندر حاول تضغط على نفسك وترتب امورك قهر والله يروح عليك ترم حاول انك تستمر ورقع منا ومنا بتمشى معك بأذن الله [/align] انت اضربها يمين يسار بتجى معك |
رد: تأجيل..أو إعتذار.. خلاص قررت
[align=center]اخوي والله العالم بظرف كل واحد فينا
وانا اخوك الخيره فيما اختاره الله وربي يفرج همك ويزل كربك ويسير امورك لم يحبه ويرضا وما اضن بكتب كلمه غير اللهم ان يجعل الخير طريقك ومبتغاك وينور بصيرتك بما هوا خير لك وفيه صلاح لي امورك اخوك [/align] |
رد: تأجيل..أو إعتذار.. خلاص قررت
الله يوفقك اهم شي لا تستعجل قدامك وقت انت شوف الي يريحك واذا على الظروف الدنيا تجارب ,,انت فكره واستخير و الله يعينك من جد ,,
|
رد: تأجيل..أو إعتذار.. خلاص قررت
لا تتسرع قدامك وقت وانشاء الله تقدر تتغلب علي ضروفك !وربي مايضيع لك تعب ولكل مجتهد نصيب :Cry111: انت حاول تكفى حاول :Cry111: انشاءالله ربي يوفقك ويسرلك دربك يمديك والله يمديك تكفى :mh12: خلاص عاد رح تكمل واشوفك في الترم الثاني بلادلع :41jg:
|
رد: تأجيل..أو إعتذار.. خلاص قررت
سهلها وتسهل :biggrin:
انا للحين مابعد ابدى بشي كل يوم اقول بـآتسر :biggrin: اللهم الاحصاء هو اللي ماشيه معه والباقي ربك يستر :biggrin: تعوذ من ابليس ويمديك ان شالله .., والله يوفق الجميع:cool: |
رد: تأجيل..أو إعتذار.. خلاص قررت
الله يكتب لك اللي فيه خير ياخوي
|
رد: تأجيل..أو إعتذار.. خلاص قررت
الله يسهل اموورك انشاءالله واذا عن ظروفك الظروف اقوى من كل شي وربي الله يعينك ويوفقك
وبالنهايه اللي يريحك :106: |
رد: تأجيل..أو إعتذار.. خلاص قررت
انا اقول استخير وارجع ترى بعدين بتندم انك خليت دراسه
:017: بالتوفيق يارب |
رد: تأجيل..أو إعتذار.. خلاص قررت
الله لا يضيع لنا تعب
على العموم الله يسمح دروبك اخوي بندر |
رد: تأجيل..أو إعتذار.. خلاص قررت
الله يفرج هماك:Cry111:
|
رد: تأجيل..أو إعتذار.. خلاص قررت
الاستخاره راح تبين لك الخير وينه
|
رد: تأجيل..أو إعتذار.. خلاص قررت
اخوي بندر ماعندي شي اقوله اكثر من سبقني ولكن وجت اكثر شور يشرونه عليك هو افضل شي انك تستخير واسئل المولى عزى وجل ان يسهل امورك وكلامهم على حق استير لعل الله ان يفرج عنك همك ويهئ لك مافيه خير وتقبل تحياتي
|
رد: تأجيل..أو إعتذار.. خلاص قررت
اخوي مالك غير الاستخارهـ :smile:
والله يوفقك وان شاء الله تنحل ظروفك وتكمل معنا :smile: |
رد: تأجيل..أو إعتذار.. خلاص قررت
يخرب بيتك
اين مواقف الرجال وقت الصعاب خليني اعطيك مثال بسيط صاير معاي العمل بتاعي رافض اني اكمل الدراسه بحجه ( ان هذا التخصص لايخدم القطاع ) كلام فاضي لكن قرر اخوك انه يكمل غصب عنهم مع العلم بان اقرب مركز اختبارات يبعد هني مشوار ساعتين ونصف والمسوؤل لوتحب السماء ماعطاك دقيقه لكن برضوه راح اختبر باذن الله |
| All times are GMT +3. الوقت الآن حسب توقيت السعودية: 08:52 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه