كانت ولا زالت
كانت ولا زالت
كانت ولا زالت
وتسحبني إلى ماكنت أبا انسى !!
ليه .. ؟!
تبي أكتب عن الغيم المرادف
أو عن الغيم
الذي ينزح بوجه الريح
ليه ؟!

.
.

تصدق كل ما أكتب قصيدة
أشعر بتلويح
وتصدق كل ما أقرا قصيدة
يستفيق الخنق
وانا أسف عن
إحساس الخروج المــرْ
فــ .. المعنى المراد
وكل طين الخلق
أبي
أبي
أبي
أبي أطلق فراشات وضيا لليل لأجل أبدد العتمة
وتشعرني البلاد أنسان
أبي ماهم أبد يستصرخونه
لأجل أعيش وأشعر إطمئنان .

خروج أخر بنفس الصوت :

ولو كان الصخب حد السماوات !!
ولو كانت عيون الناس تجـري !!

ألملم من ضـلوعي هالـعـبارات
أرتبهن … وأهمّل حزن صدري

بدت في داخلى كـل المـدارات
ودرت ودرت وين لوين مدري !!

ذرعت أطول مفازات المسافات
وأجي اتصاغر ويكبر حيل قدري

خروج لداخل الرؤيه
إذا نقدر ؟
تعال نحاول نصيغ الكلام
لمجمل العالم
تعال نرتبه داخل خزانة
صاحيٍ حالم
وأكتب من سوافي صاحبك يعني أنا .. !

المدينه سانيه حزن .. وأنا أخر طرف في حبل عقدتها القديمه
والشوارع .. زفرة اللي ودع الاطفال رتبهم حمامات وأماني

كل ماغنيت أتحشرج بنافذه السكوت المر وأبحث عن نديمه
أكتشف ان البكا سادر وأن أطرافي السفلى مشت داخل مكاني

أييييه .. وجروحي سما ارض وفضاي الهم وأحزاني عظيمه
آآه وأتلمس مداي الغض يتشكل جزع للطيش ودموع وأغاني

كلهم مستمرين بخطو ممشاهم وأنا وحدي مخير .. ياعظيمه
هم يقولون استراح بجد من صمته وأنا يامترفه جدا ..أعاني

وين أوديني وانا حددت دربي للحديث الصعب اخره وعتيمه
وين أسافر وأنا كل الجهات تعذرت صوتي وخانتني المواني