|
رد: للشعـــــر فقط
مآ صدمني اليوم إلا طبـع هالنّــــآس
وأنفوسهم اللي نست حتى الشهـآمـه مدري بلاهم صآروآ لنا مثل الأشرآس وقلوبهم متروسه من الحقـد والملامه كلن نهش عظم الثآني وعاب هالسـآس حتى الدمع قام يعصاني لجل الكرآمه توصلين بالسلامة يارب |
رد: للشعـــــر فقط
واعشق سميك في البزارين وادعيه
واقبل خطاه الا اخطى واتلقاه واسمك يروعني اذا مرّ طاريه واحب ملقوفٍ يسولف وطراه وامرّ بيتك من بعيدٍ ولا اجيه وانا لو انه في يدي ماتعداه حتى تواير موتري تلتفت فيه تبغي تلفّ ويستحي العقل والجاه |
رد: للشعـــــر فقط
ويلي على ادري حبنا ويش تاليه
وويلي على ادري وش ورى الغيب ويلاه عشان اشوف اذا محبتك ترفيه والله لاقفي عنك . استغفر الله |
رد: للشعـــــر فقط
|
رد: للشعـــــر فقط
كثر ماأخسْر كل شيّ
.......... كثر ماأنسى اني ربحت الحزن :هو الدمعه:هيّ ............ لاتعتذر لي لو سمحت اطلع من الخفـّـاق زيّ ........ ذرة صخر من فعـْل نحت لي حق.. لك حق ٍ عليّ .......إذا جرحـت ولا انجرحت! هاذي يدك ..هاذي يديّ ..صح لي..وانا لاصحت ، صحت! بـ اراودك لحظه ، وعيّ! ...... ولو ماتعبت ، انا استرحت! يلعـنـك .. حتى (في يديّ ......... بيّن غيابك) ليه رحت؟! دوّرت فـ وجيـه آهليّ ....... ضحكة .. وناديتك و طــ حـ ت !!! !! ! |
رد: للشعـــــر فقط
في غيابك .. ضاقت بعيني الأماكن ..!
كل دنياي .. انطفت من نفــخ زفرة ،، واستوى جو المدن .. مظلــم وساكن ،، واشهقت وسط العيون .. الفين عَبرة ..! |
رد: للشعـــــر فقط
/
أحبك لو عجزت القى لوصلك في الحياة دروب تكفّن شوقي بصدري عسـى مثـواه للجنّـه ! / |
رد: للشعـــــر فقط
**والشجرة انثى
** نساء خضر ونساء مُجدبات! اوفى الاشجار شجـْرة واقفة ........... من زمن ماتمّل الانتظار راحت اوراقها فيْ العاصفة ..........واضْحَكت بين كومات الغبار قالت لمن نساها : آسفة ........ واشتكت حزنها لشمس النهار شجرةً بالنسايم وارفة ....... كنّها ام ٍ خذوا منها صغار ! في ليالي المفارق : خايفه! ......... من يقدّم لها بعض اعتذار؟! فـ الشجر شي كني عارفه ............قل خريف ٍ تحوّل لـ اخضرار فـ الشجر لوسمحتوا! :سالفة .........من على طاولات الما : تـُدار! وحب ٍ آخر كأني شايفه! ..........وفي مدى اغصانها..ردّ اعتبار سرّها الظل، يعني نايفة .......قلبها العشق، يعني فـ ازدهار! جيتها والمآقي طارفه! ..........وكان عصفور يسكنها، وطار! قلت أحبك، وقالت: خايفة ........... وانحنى الصمت في روحي ودار قلت وَ انتي لحالك! واقفة؟! .......... قالت مْواعد ٍ ظلي : صغـار! |
رد: للشعـــــر فقط
عــلـيـاء
تهب الريح فـ اوراق الشجر ويغرد العصفور ...........وأنا تحت الهجير وصمتي أحياناً يكون ظلال وتتكسر خلاخيل الرعد في بارق ٍ مغرور ...........وأحس اني تكسّرت وبقى في داخلي رجال أطش بفم هذا الضي حزن وبعض من ديجور ...........وأغمض جفن من تحته سديم ٍ واقف ٍ مامال يالارض أخذي سنابل وجهي اللي مانبت فيْ البور ..........تعب حتى أساريره غدت بعد الغياب أطلال! خذي بعض الجهات ومن ملامح شاعر ٍ مجبور ........وهو يذبح من عروق الزمن ساعه على الترحال يالارض البارحه همّ الستاير والنجف والدور ............وحزن أمي وجوعي والفراغ ودفتر ٍ دجال خذت أغلى الدّموع مْن العيون وخاطري مكسور .........وصوتي ينسكب فوق الورق واحس به لاسال قبل ذيك المدينه والنعاس وبابها المبتور ............تعلمت البداوه والحضاره هي سراب اللال أمانه قولي لـ(عليا) قراح الما وطهر النور ...............تراني طفل مامل البكا لو ملت الأطفال! طفل مات بهدبها والخدود وشعرها المنثور ............قبل يمشي بزهو ويلبس الغتره بدون عقال! طفل كان يتشيطن فيْ السطوح ويدِّرج فـ السور .............ويسرح فيْ النياق مواعد ٍ عشره وهو جمال يشوف بعين عليا صورته وبثغرها البلور ............ويْتنفس غلاها ويهذي لامرّته بالشــال يالارض الوقت خليّته مزيف واحترف لي دور ...........وأنا مالي سوى عليا وحلمي والهوى القتال فبعض أحيان أحس اني كذا ..شاعر وله جمهور ........وأحس اني في بعض أحيان أقول أشياء ماتنقال ورى هذا الكلام يحسّب الشاعر بليد شعور ..........لوى معصم حديثه والقلم بيدينه الأغلال؟! وخيول ٍ تركض بصدري وتجمح ويْغشاها عثور ...........وتعاود ركضها عقب المطيح ويرتجل خيّال يجيني من قبل هالحال ..حال..وحالي المستور .....رضيت بقسمتي لو "نصف تفاحه" على ايّة حال يقولون البشر عنتر وهو عنتر يخاف الثور ...........وأنا أقول المخافه وارده في سيرة الابطال! أجل ..ملّيت أنوّخ حيرتي لعتابي المقهور .............ومليت آتسلل فالسطور المظلمه واختال يالارض أخذي يديني مالقيت اللي يمد الشور ..........وأنا تحت الهجير وصمتي احياناً يكون ظلال |
رد: للشعـــــر فقط
السلام عليكم
مسالخير لكل اعضاء المنتدى انين وينك؟؟ وش اخبارك؟؟ باركولنا خلصنا امتحانات:119: بشرونا عنكم انوووونه تمنيتك معانا... بس الخيره فيما اختاره الله |
| All times are GMT +3. الوقت الآن حسب توقيت السعودية: 04:14 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه