وش الـقمرا سـوى غـلطة ظـلام ولاني مغالي
وش الـظلما سـوى غلطة سـما بـتقلد آهـدابك

يـساورني يـقين ان الـمطر غـلطة هوى عالي
حـسب نـفسه يـصالح غـيمتين وبـلل ثـيابك !

الوضع مزري , و ترتيب الثلاثا , مُمْلْ
و الأرض ضاقت وهي كانت بنا راحبهْ

رمشٍ من الدّمع سكرانك و رمشٍ ثَمِلْ
قليل و الرّمش الاوّل يلحق بـ صاحبهْ

تذكّرت الحصير، وغدفة امّي، والثياب سمال
قميص المدرسه، برد ومطر، وايدين مرتجفه

ولد يتشعبط الجدران حافي , ما عليه نْعَال
عشان , " بنيـّةٍ " ، عفريتـةٍ ، مغرورةٍ ، ترفه ..

كُبَرْ وهْي كبَرَتْ واللي مضى سمّوه لعب عيال
نساها ونْـسِتَهْ ما فيهم اللي " بَـّر " في حِلْفَه

كتَب شيٍّ ، وظن انّه طريف، وقال اقول، وقال
تعَجّب: كيف هلّت دمعة اصحابه من الطّرْفَه

عَرَف درب القصيد، وجَمّعْ الدنيا ف حَبـّة خال
وقال ان القمر : تلميذةٍ، وان السما : شُرْفَه