[ اعاقه عقلية ] : بنات الرياض اليوم رحت وهذا كل شيء بالتفصيل ,, تعالو

[اروى ناصر]

السلام عليكم ورحمة الله وبركاته

اليوم رحت وقدمت اوراقي لادارة التعليم
اولا ,,,, ادارة التعليم الي مودجوه بالوشم وليست الي بعد الجوازات وراح انزلكم الكروكي

ثانيا ,,, اول مادخلت ارسلوني لوحده وخذت الاوراق الثلاثه الموجه لادراة التعليم الي طبعناها من خدمات الطالب وطلبت مني احدد المدرسه وانا اخترت بجنوب الرياض وماكان فيه غير وحده للعقليه الي هي الابتدائيه 380
اعطوني طبعا خطاب مغلف ورحت للمدرسه على طول وكان بالاسكان الجنوبي
بصراحه استقبلوني استقبال مره حلوه بس اظاهر اني اول وحده اجي اطبق عندهم بتاريخ المدرسه لانهم مو عارفين شي ولا حتى كيف يقيمون ولا ايش المطلوب
المهم اني اتفقت معاهم من بكره راح ابدا وانا طلبت اني استمر معاهم لاخر الترم وراح اشوف الوضع اعطيتهم اوراق التقيم وراح يكون الدوام من سته ونص ل 11 ونص

تعرفت ع الطالبات الي راح اتواصل معاهم صف ثاني ابتدائي جميلين جدا وحبوبين جداا وحضن وبوس من اول يوم انبسطت كثير

وبكره باذن الله راح ابدا اول اسبوع طبعا راح يكون حضور وملاحظه وبعدها راح يمسكوني حصص
ومن حظي بكره راح يكون عندهم درس جديد حرف النون ونشوف كيف الوضع

المعلمه المتعاونه فعلا متعاونه قالتلي لا تتوتري ولا تخافي الموضوع جدا سهل والتدريس حلوه وممتعه الشيء الوحيد الي يتعبون فيه القراءه وغيرها كله بسيط وحلوو وراح تشوفين وراح نكون مع بعض

بصراحه ارتحت كثير لاني كنت شايله هم التطبيق وحبيت الاداريين لانهم مرره حبوبين وطيبين والمعلمه جداااا حبوبه

وهذا كل شيء ياحبوبات

المهم الي ماراحت لادراة التعليم تروح لان الطالبات كثير وكلهم طالبات فيصل ياحبيلهم بس الموظفات بادارة التعليم جدا اخلاقهم سيئه ونفسييييه

نقول باي باي للكسل وخمول والسهر ونبدا الجد خلاااص
الله يوفق الجميع ويسهلكم جميعا

[اروى ناصر]

نسيت اقولكم ان الي ماعندها خلفيه بالمدارس يعطونها قائمه بالمدارس الي ممكن نطبق فيها وهي تختار كل مدرسه اسمها والحي وتختارين الي تناسبك واقربلك

[اخت رجال]

ياليت تكتبين يومياتك وتصورين دفتر التحضير واوراق العمل مادام ماشالله سبقتينا ويارب الفل مارك للكل

[اروى ناصر]

انشاء الله باذن الله راح اقولكم كل شي بالتفصيل على قد ما اقدر

بالتوفيق للجميع يارب

[دنيااليمه]

يسلموووووووووو ياعسل

الله يوفقك

[زخة مطر]

وانا بعد رحت اليوم والحمدالله اخذت الخطاب واتجهت للمدرسه الابتدائيه ٣٠٠ بحي النسيم بجنب فندق السفير شرق الرياض بضبط الي اخترتها نوعا ما مو قريبه للبيت بس وش اسوي رحت لها لاني سمعت عنها ومدحت لي والحمدالله كان اختيار موفق جداً المديره طيوبه ومتفهمه وشكله اول طالبه من فيصل انا سمعي تحسين مو فاهمه شي ابدا عطيتها ورقه التقيييم حقتها وللحين ماقبلت مشرفتي قالت لي حضور هالاسبوع بعدين نتفق ع كل شي والحمدالله تطبيق حسبته لي ١٣ يوم فقط لانها حسبت ٦٠ ساعه .. ومن بكرا المباشره من ٦:٣٠صباحا .. والحمدالله الامور تماام

[جامعيه قادمه]

الله يوفقك

[سدن22]

ماشاءالله الله يوفقكم يارب

[حلمي أنجح]

بالتوفيق للجميع

[نجد العذيه]

شكراً


جزاك الله خير

كنت ناوية انزل موضوع اسأل من راح


ان ان شاء الله بروح له بكره او بعده