[ اسئلة اختبارات ] : رجاءً ابي مساعدتكم

[هدؤ أنثى]

السلام عليكم ورحمة الله وبركاته وبعد.

كيفكم جميعاً ، موضوعي وباختصار ابي انطباعكم عن مادة مبادئ الاحصاء واختباره هل هو سهل او صعب هل يعتمد على المسائل الرياضيه اكثر او لا واتمنى منكم تعطوني مرفقات لأسلوب الدكتور الجديد في اختباره لأني حملته وابي اخذه مستوى 6 ان شاء الله اذا حلوو الله يعين اضغط نفسي هذا المستوى وابي نماذج لاسئلته السابقه اذا تكرمتوا وشكراً لكم جميعاً .

[عهد شريفي]

وعليكم السلام ورحمة الله وبركاته
مادة الاحصاء من مقررات المستوى الثاني اسالي هناك افضل عشان تلقين الاجابات الشافية والوافيه

اذا كان لسه الدكتور سعيد يدرس المادة فهو اسلوبه اكثر من رائع واسئلة الاختبار جدا روعة بس يبغالك تركيز شوي ،كان جايب في بداية ورقة الاختبار القوانين كمساعده لنا

الحمدلله ع كثر خوفا ذيك الفترة من الدكتور النجار وفي بداية السمستر غيرولنا لدكتور سعيد ..إلا نجحنا وخرجنا من القاعات مبسوطين منه

الله يجزاه خير ويسعده دنيا واخره ...

[بنت لطيفه]

كم كانت هالماده كابوس لي بحكم إني متخرجه أدبي ومن زمان بعد لكن للأمانه الماده مهيب صعبه بس شوي تركيز ومذاكره مبكره للماده الدكتور سعيد شرحه ممتاااااااز درجه أولى شوفي المحاضرات أول بأول وعيدي الشرح لين ترسخ المعلومه واذا عندك أحد يساعدك ويشرح لك راح تكون الماده أسهل وأسهل مثل ماقلت أكرر ذاكريها من البدايه
ومثل ماقالت الإخت القوانين كان جايبها في الورقه بس أنتي تطبقين واغلب الأسئله كانت مسائل مع جزء لاباس منه أسئله عاديه بصراحه لمت نفسي لو كنت ماخذه وقتي فيها كانت جبت a+بسهوله صح جبت فيها درجه حلوه بس الإنسان يطمح للأعلى دائماً وموفقه إختي بإذن الله

[عبدالله محارب]

انا اخذتها المستوى الثاني وكانت سهله بالنسبة لي
انا خريج علمي هي ما يبيلها شي بس شوي تركيز مع
الشرح دكتورها ممتاز في الشرح توكلي على اللله
وماخاب من توكل على الله