|
بضيف مادة انشاء وتعبير1 .. اتمنى مشورتكم
السلام عليكم انا تخصص انجليزي رايح مستوى ثاني بإذن الله وابغى اعرف وش افضل خطه امشي عليها جلست مع مدرس انجليزي اخذ رايه وريته كل الخطه الدراسيه واقترح علي بالشي اللي ينفعني ويخفف علي المواد وبشكل اكون اخذ المواد بالترتيب وبدون لخبطه يعني مثلا ما اقدر ادرس نظرية الترجمه من مستوى خامس وانا ما درست التركيب اللغوي من مستوى ثالث لانها تعتمد عليها بالفهم وزي كذا ركزوا معي :agolakser: مستوى ثالث عندنا ماده 3 ساعات والمستوى الرابع عندنا اربع مواد كل وحده 3 ساعات فقال لي ضيف انشاء وتعبير 1 الترم الثاني اللي هو ذا الترم عشان الترم الثالث اضيف مادة مدخل الى اللغويات من مستوى الرابع يعني ذحين نحذف 4 ساعات من الترم ذا يعني مادتين انا ابحذف الاحصاء وتلاوة وتجويد واضيف مادة انشاء وتعبير 1 كذا يصير تخلصنا من ماده 3 ساعات والترم الثالث اسحب مادة مدخل الى لغويات عشان الترم الثالث يكون عندي 3 مواد كل ماده 3 ساعات بدل ما تكون 4 مواد ودي اضيف ماده استماع واستيعاب كمان بذا الترم عشان الترم الثالث اضيف مادة انشاء وتعبير 2 عشان المستوى الرابع يكون مادتين بس 3 ساعات :53: ماده استماع واستيعاب بما ان دكتورها يمدحونه واسئلته سهله بس خوفي الماده تكون معتمده على انجليزي قراءة وكتابه بالفهم واتورط مثلا ما نقدر نضيف النثر الانجليزي من مستوى رابع لازم نكون مخلصين مواد مستوى ثالث عشان نكون فاهمين انجليزي صح ونقدر نتعمق فيه اللي عنده خبره يفيدني لا هنتم :Looking_anim: |
رد: بضيف مادة انشاء وتعبير1 .. اتمنى مشورتكم
الله يجزاك خير على هالمعلومات
ماعندي شي يفيدك ..بس بصراحه انا الي استفدت ياليت اذا ماعليك كلافه اذا عندك معلومات اكثر ياليت تفيدنا فيها اكون شاكره لك ..الله يعطيك العافيه :106::106::106: |
رد: بضيف مادة انشاء وتعبير1 .. اتمنى مشورتكم
اخوي بالنسبه لاضافة الانشاء والتعبير راجعت الجدول
لقيت الماده هذي بيكون اختبارها في نفس اليوم مع النحو يعني بتكون صعبه شوي عليك تختبر مادتين بنفس اليوم الا اذا بتحذف النحو وهذي مشكله ثانيه لانك كذا بتحذف ثلاث مواد :(107): بصراحه انصحك تتبع الخطه الموجوده وتفتك من اللخبطه هذا رأيي الشخصي ..وبالنهايه القرار لك اسفه على الاطاله |
رد: بضيف مادة انشاء وتعبير1 .. اتمنى مشورتكم
هلا ام حاتم
انا كنت ابغى احد يشاركني برأيي يمكن يفيدني بمعلومه بس المنتدى نايم مدري وش السالفه بالنسبه للنحو عادي هو كذا ولا كذا ما راح يكون بيوم اختبار لحاله لان اغلب الناس اجلوه وبياخذونه مع انشاء وتعبير 1 الترم الجاي وثاني شئ الدكتور متساهل الله يجزاه خير يعني ما في مشكله هذا المثل ينطبق عليك جبتتك يا عبدالمعين تعين لقيتك يا عبدالمعين تعان هههههه وش بغيتي امري ما راح اقصر ان شاء الله |
رد: بضيف مادة انشاء وتعبير1 .. اتمنى مشورتكم
حتى انا امس فكرت اسوي كذا وبالمره اخذ لي18 ساعه كامله بس لقيت فيه تعارض مع النحو
وعلى فكره الماده سهله بعد اطلعت عليها ملقيت فيها صعوبه لكن استصعيت الحركه وقلت اخذ المواد العامه عشان ارتاح منهم كلهم |
رد: بضيف مادة انشاء وتعبير1 .. اتمنى مشورتكم
ماعليك امر
حبيت بس اعرف وش المواد الي لازم ناخذها بالترتيب؟ لانك تكلمت عن المواد الي مانقدر ندرسها الا اذا درسنا مواد قبلها مثل نظرية الترجمه والتركيب اللغوي طيب فيه مواد غيرها ؟ :106::106::106: وشكرا مقدما |
رد: بضيف مادة انشاء وتعبير1 .. اتمنى مشورتكم
اقتباس:
انا اشوف والله صعب علينا ندرس الترم الثالث 4 مواد انجليزي واغلبها اساسيات الانجليزي ولا تنسين عندك قراءات ومطالعات يدرسها عمار المعاني وانتم عارفينه شديد شوي والماده كلها قواعد مع انشاء وتعبير1 مع التركيب اللغوي يدرسها الفريان الماده صعبه بس الدكنور متساهل يعني وش الفايده اني افتك من المواد العامه ذحين مو ضروري عادي اجلها بالمستويات القادمه واخفف من مواد التخصص والمستوى الرابع لحاله نكبه مواده صعبه وساعاتها 3 يعني اي تهاون يخسف بالمعدل وثاني شي الواحد فينا بأول الدراسه يكون عنده حماس مو زي يوم توصل للمستويات الاخيره فليش اضيع الحماس على مواد عامه اشد حيلي فيها ويوم اجي للمسويات الصعبه الواحد تبرد معنوياته هذي وجهه نظري :icon19: |
رد: بضيف مادة انشاء وتعبير1 .. اتمنى مشورتكم
اقتباس:
انا كتبت ذا الموضوع عشان ابغى احد يفيدني اكثر بذا الموضوع مثلا ماده استماع واستيعاب اتوقع يبغالها حفظ كلمات اكثر عشان الواحد يعرف وش يسمع لانه يجيب قطعه يمكن تكون خارج المنهج هذا الشي اللي خوفني اني ما اضيفها ذا الترم ماده استماع وتحدث تعتمد على ماده استماع واستيعاب الانشاء والتعبير يعني كيف اكتب قطعه والترقيم والفواصل واضحه لازم الاول بعدين الثاني الادب والنثر هذي مواد يبغالها حفظ التركيب اللغوي هو يتحدث عن الفاعل والمفعول وتركيب الجمل بس اتمنى احد يفيدني اكثر :sdfgdsf: |
رد: بضيف مادة انشاء وتعبير1 .. اتمنى مشورتكم
بفكر بالموضوع مع اني سجلت مقرراتي
وان حصل بحذف التجويد والتذوق الادبي على الاقل يصير في مجال اذاكر المادتين لان بيكون تعارض مع النحو |
رد: بضيف مادة انشاء وتعبير1 .. اتمنى مشورتكم
اقتباس:
|
رد: بضيف مادة انشاء وتعبير1 .. اتمنى مشورتكم
نصيحتي لك اتبع خطة الجامعه ..
مثلا المستوى الثاني خذ كل المواد واحذف ماده بالنسبه لي حذفت تلاوة وتجويد .. الحين بأخذ مواد ثالث كلها مع التلاوة والتجويد بالاضافه لماده من رابع مدخل اللغويات 3 ساعات .. لان لو اخذت من كذا مستوى احتمال الجدول يتغير تبع الاختبارات وتتلخبط خطتك ويمكن تطلع لك مادتين بنفس اليوم.. فنصيحتي خطة الجامعه افضل خطة مدروسه واريح لك من اللخبطه .. والرأي الاول والاخير لك.. |
رد: بضيف مادة انشاء وتعبير1 .. اتمنى مشورتكم
/
ليش مستعجلين على مواد التخصص الي بالمستويات المتقدمة :eek: وتخلون المعدل يروووح بكل سهولة عاشان تبون الفكة :017: خليك بلي بين ايديك ورتب امورك على اساسه والمستقبل بيد الله :004: انا كنت ماشية على خطة الجامعة والمفروض جدولي لها السمستر يكون مرتب حاله من حاله :16.jpg: لما سارت حركة تغيير الجدول اتلخبط جدول ثالث :139: الحمد لله اني اخترت القراءة والمحادثة وكانت المادة الوحيدة الي لها مكان بكل المستويات :16.jpg: وماراح اخذها هالسمستر بعد بأجلها لرابع بإذن الله علشان تخفف ع المواد ابو ثلاث ساعات :icon9: . . مثل ماقلت لك نونة لو غيروا الجدول انت الي بتاكلها وممكن يكون عندك مادتين العن من بعض بنفس اليوم وممكن مايكون قبلهم ولابعدهم راحه تخيل كمية الضغط بس :007: . . النحو 2 اسهل من نحو 1 بكثثثثثثير بس وربي خسف معدلي هالترم ليش ما ادري :139::000: فلا تستسهله ااااابد :icon120: . . امشي ع الخطة افضل شي الي تبي الفكة منه احذفه على الصيفي اذا فيه مجال عندك :16.jpg: مواد التخصص مرتبطة ببعضها فلا تقدم وتأخر بدون ماتعرف وش المطلوب من كل مادة :sm4: |
رد: بضيف مادة انشاء وتعبير1 .. اتمنى مشورتكم
اذا انتو خايفين من ضغط المستوى الرابع فخففو منه بالمستوى الثالث لانه المستوى الوحيد ياللي تقدرون تضيفون له بكل اريحيه ...عندكم مادتين من رابع تقدرون تضيفونها اللي هي حاضر ومدخل اللغويات ...
بالنسبه للمستوى الثاني فمن رايي تتركون الخطه زي ماهي طبعا لازم تحذفون ماده بس قبل الحذف ضروري تقرررون وين بتحطون علشان ماتصير لخبطه بعدين .... هذا اللي اقدر افيدكم به وبالتوفيق ... |
رد: بضيف مادة انشاء وتعبير1 .. اتمنى مشورتكم
و عليكم السلام إذا ناوي تتخرج بـ 4 سنوات إتبع الخطه تمام مع الملاحظات التالية: مستوى أول كامل 15 ساعة مستوى ثاني أجل منه مادة وحده = 17 ساعة أو 18 ساعة مستوى ثالث نزل المادة المؤجلة من ثاني و اسحب مادة من رابع ( حاضر العالم الإسلامي أو مدخل إلى اللغويات ) = 17 أو 18 ساعة مستوى رابع ادرسه تمام مثل ما تبقى بعد سحب مادة = 17 أو 18 ساعة مستوى خامس أجل منه مادة وحده ( قضايا ثقافية كمعاصرة ) = 18 ساعة مستوى سادس تمام = 18 ساعة مستوى سابع + المادة المؤجلة من خامس = 17 ساعة و ترم التخرج يتبقى فيه 5 مواد + المشروع = 12 ساعة يعني كل اللخبطة في مادة من ثاني و مادة من رابع و مادة من خامس لإن جدولهم فوق 18 ساعة الزيادة في ثاني و رابع تقدر تآخذهم في ثالث الزيادة في خامس تقدر تآخذها في سابع أو ثامن http://im34.gulfup.com/0tt5K.png |
رد: بضيف مادة انشاء وتعبير1 .. اتمنى مشورتكم
مدخل للغويااااتت جدا جدا صعب .. نزلت ملخصاات حسسيت صعووبه فيه حذفتهاا وضفت لغويات تطبيقه
|
رد: بضيف مادة انشاء وتعبير1 .. اتمنى مشورتكم
الله يجزاكم خير جميعا ..
انا كل السالفه اشوف الترم ذا ما فيه انجليزي قراءة وكتابه وهي مواد سهله ومستخسره يروح الترم ذا عالفاضي ثاني شي انا الترم ذا فاضي بس الترم الثالث راح اكون مشغول بزياده وثالث شي انا عندي مدرس انجليزي يعني الحمد لله اذاكر اول اول من بداية الترم هذا السبب اللي يخليني اضيفها وشكلي بضيف استماع واستيعاب بعد :mh12: |
| All times are GMT +3. الوقت الآن حسب توقيت السعودية: 09:29 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام