ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   المستوى الثاني - كلية الأداب (https://vb.ckfu.org/forumdisplay.php?f=308)
-   -   [ اسئلة اختبارات ] : الحل مع الإحصاء (https://vb.ckfu.org/showthread.php?t=536573)

شجون الوهج 2013- 12- 28 10:39 PM
الحل مع الإحصاء
 
السلام عليكم ورحمه الله وبركاته
اسعد الله مساكم /صباحكم
أكيد طفشتو من الإحصاء والمواضيع اللي انكتبت علشانه بس والله
الإحصاء لعب فيني وشاغل بالي مره ومسبب لي قلق
ولقيت وحده كاتبه لنا انها أخذت الأحصاء في الصيفي وجاب لهم نفس أسئلته اللي جانبها لنا
واشتكت ع موقع الجامعه هي ومن اختبر الإحصاء في الصيفي
وقال لهم الفريدان ان الغلط تتحمله الجامعه ونجحهم في الإحصاء

المطلوووووووووب اننا نقدم شكوى في الخدمات الطلابيه ونوحد الشكوي
ع الأقل ننجح في الإحصاء والله يسيرها يارب

faisalckfu 2013- 12- 28 10:40 PM
رد: الحل مع الإحصاء
 
وانا معكم ياليت تكتبون لي صيغة الشكوى ..مخي ضارب وماني عارف أجمع

التركيز صفر الله المستعان

иαšeя αłωαđαич 2013- 12- 28 10:42 PM
رد: الحل مع الإحصاء
 
ليت الامر بهالسهولة كان هانت ..

الا على فكرة غريبة ما فيه احد نزل الاسئلة مع اجاباتها الصحيحة على الاقل يعرف الواحد ألي له وألي عليه ؟؟

Lolatkoom Oobs 2013- 12- 28 10:48 PM
رد: الحل مع الإحصاء
 
الجميع ماقصر , بس اذا احد يعرف إيميل الفريدان يعطينا ولا عليكم امر ؟

شجون الوهج 2013- 12- 28 10:55 PM
رد: الحل مع الإحصاء
 
أنا فتحت الخدمات الطلابيه وفيه أيقونة ملاحظه حول الاختبارات
خلووونا نوحد الشكوي وربي يسيرها لنا يارب

Sarah777 2013- 12- 28 10:58 PM
رد: الحل مع الإحصاء
 
afridan@kfu.edu.sa هذا الايميل
وله حساب بتويتر alfraidan

Lolatkoom Oobs 2013- 12- 28 11:11 PM
رد: الحل مع الإحصاء
 
الله يعطيك العافيه :love080:

ابوبدر566 2013- 12- 28 11:49 PM
رد: الحل مع الإحصاء
 
هذه الشكوى التي قدمتها في الخدمات الطلابيه
سعادة مدير التعليم عن بعد الدكتور محمدالفريدان السلام عليكم ورحمة الله وبركاتة , افيدكم اني احد الطلبة بكلية الاداب تخصص علم اجتماع المستوى الثاني لعام 1435 واود تسجيل ملاحظة بخصوص صعوبة امتحان مادة مبادئ الاحصاءحيث ان الاسئلة وضعت كما هي لتخصص ادارة اعمال مع عدم مراعات الفرق بين التخصصين , اضافة الى وجود اخطاء في بعض المسائل تمثلت في عدم وجود (الفواصل)بين الارقام مما يعطي نتيجة مختلفة , وكذلك وجود نقص في القوانين المرفقة, وعدم وجود مسودات لاتمام العمليات الحسابية مما اضطرنا للحساب على الطاولة حيث ان اغلب الاسئلة تحتاج الى انشاء جداول وتحتاج الى وقت اطول من المخصص للمادة. آمل من سعادتكم النظر في شكوانا لما فية مصلحة الطالب ,والسلام عليكم ,,,,

لورين! 2013- 12- 28 11:59 PM
رد: الحل مع الإحصاء
 
وانا معكم ورح ارسلها والله يوفق الجميع

شجون الوهج 2013- 12- 29 12:11 AM
رد: الحل مع الإحصاء
 
وانا كمان معاك
راح ارسلها

sh8ao0oh 2013- 12- 29 12:16 AM
رد: الحل مع الإحصاء
 
معاكم وربي شايله همها

Dusk 2013- 12- 29 12:22 AM
رد: الحل مع الإحصاء
 
انا لدي حسابه في تويتر @alfraidan

..اللوتس.. 2013- 12- 29 12:32 AM
رد: الحل مع الإحصاء
 
وانا معاكم والله يسر لان جد حنا انظلمنا بقوووة في هالمادة اسبةع كامل وحنا نذاكر وكنت اتمنى من الدكتور النجار ان يراعي ان هالطلبة اولا مش تخصص ثانيا مش انتظام يعني لنا فترة عن الدراسة لكن سبحان تعامل بفوقية دون مرعاة للفروق الفردية...

Dusk 2013- 12- 29 12:37 AM
رد: الحل مع الإحصاء
 
ونا معكم قدمت ربي يكون بعوننا

العابرر 2013- 12- 29 01:24 AM
رد: الحل مع الإحصاء
 
ياشباب انا ارسلتها .....لااحد يتهاوون ...صدقت اختي فيه احد الطلاب زادوه خمس نقاط بالاحصاء بعد ان ارسل شكوااااه.....يالله يااخوان الكل يررررسل ....الفريدان ماهو قاعد يلعب ...صدقوني بيجيب حقكم ..زي ماجاباه العاام لااخواننا الي قبلنا.

طموح وامل 2013- 12- 29 01:39 AM
رد: الحل مع الإحصاء
 
أخاف نتوهق
طيب نزلو لنا الإجابات عشان عالاقل نشوف فيه مجال نعدي ولالا

Rody. 2013- 12- 29 02:00 AM
رد: الحل مع الإحصاء
 
وانا ارسلتها

piece of art 2013- 12- 29 02:05 AM
رد: الحل مع الإحصاء
 
الله يقويكم وان شاء الله يحققون مطالبكم

العابرر 2013- 12- 29 02:33 AM
رد: الحل مع الإحصاء
 
للرفع

sam1980 2013- 12- 29 07:06 AM
رد: الحل مع الإحصاء
 
انا طلعت من الاختبار وعلى طول قدمت شكوى ............ مثل ماسويت بالصحه واللياقه ........

عالم ماتدري منين يجيبون الأسئلة ........ عزالله انهم خبلونا ...............

aboorakan 2013- 12- 29 07:09 AM
رد: الحل مع الإحصاء
 
الدكتور زعلان على المسجلين في الترم ؟؟؟؟؟؟؟؟

تدرون ليه ؟؟؟؟؟؟؟؟؟؟


ليه تصورن الكتاب وتنزلون بلمنتديات ؟؟؟

علشان كذا قطعتو رزقه من وجهة نظري


وراح يرفع قضية نشر محتوى غير مصرخ بنشرة بالانترنت لووجود حصري


والله يعين الدكتور راح يرفع قضية والطلاب راح يرفعون قضية \\\

لاكن اعتقد ان الدكتور سوف يغادر للرياض للجامعه الالكترونية هذا والله اعلم \\\

بيدو1 2013- 12- 29 07:12 AM
رد: الحل مع الإحصاء
 
الله يقلعه هو وكتابه اللي خسرنا فيه

الله لايرده عساه ينقل يا انا شايله علي بقلبي

مشكلته معقد بطفولته وحط حرته بالطلاب مايدري ان فوق كل قوي قوي !

ياجعلني ماصير بمكانه كلن يدعي علي

اميره الجزيره 2013- 12- 29 07:28 AM
رد: الحل مع الإحصاء
 
أنا برضو أرسلت بالخدمات الطلابيه وبالتويتر للشعيبي
وان شاء الله يااااارب نعدي هالماده مع انو بتخسف المعدل والله يسهل

أم دندونه 2013- 12- 29 07:55 AM
رد: الحل مع الإحصاء
 
ماقول غير حسبي الله ونعم الوكيل

ياليت الكل يدخل الايقونه ويشتكي

احنا اصحاب حق ومضلومين لازم الجامعه تسمع لنا ويوصلها صوتنا وترد علينا اطمنا مثل ماطمنت طلابها اللي اختبرو في الصيفي ماشالله ونجحو الله يوفقهم ويوفقنا ويسخر لنا عبيده
ولاينسون كل راعي مسؤل عن رعيته والفريدان مسؤال عنا لايسكت ويتحمل ذنبنا ليته يدخل الملتقى وتويتر ويشوف العالم كيف تدعي ع النجار

الله لايقسي لنا قلب وننام مضلومين لا ضالمين :Cry111:
فيني صيحه
حسو يلمسؤلييييييييييين

اتقو دعوة مضلوم مابينها وبين الله حجاب

zoozi 2013- 12- 29 08:50 AM
رد: الحل مع الإحصاء
 
تم الارسال .......... واتمنى الكل يتفاعل ويرسل الشكوى

حـلاها 2013- 12- 29 09:04 AM
رد: الحل مع الإحصاء
 
اقتباس:
المشاركة الأصلية كتبت بواسطة بارق الوادي (المشاركة 10147802)
ليت الامر بهالسهولة كان هانت ..

الا على فكرة غريبة ما فيه احد نزل الاسئلة مع اجاباتها الصحيحة على الاقل يعرف الواحد ألي له وألي عليه ؟؟
امبلى نزلوه هاد حل من احد طلاب الادارة
http://www.ckfu.org/vb/showthread.php?t=534323

علياء2013 2013- 12- 29 09:31 AM
رد: الحل مع الإحصاء
 
انا سجلت كلام الاخ وراح ارسله لكن اضيفوا ان المساله الي بدون فواصل قائم عليها حل لمسائل اخرى

علياء2013 2013- 12- 29 09:59 AM
رد: الحل مع الإحصاء
 
لكن تاكدوا هي المساله الي بدون فواصل عليها مسائل اخرى والا لا لاني ما اذكر اذكر حاولت اطلع الناتج لكن ما طلع صحيح ردوا علي قبل ما ارسل مابي اظلمه في هالنقطه ..انتظر ردكم

zoozi 2013- 12- 29 02:33 PM
رد: الحل مع الإحصاء
 
لا مايترتب عليها حل مسائل ثانيه .بس سؤالها كان حله مقدور عليه لو كان السؤال مكتوب بطريقه صحيحه ,على الاقل نضمن درجته

علياء2013 2013- 12- 29 07:39 PM
رد: الحل مع الإحصاء
 
اقتباس:
المشاركة الأصلية كتبت بواسطة zoozi (المشاركة 10157062)
لا مايترتب عليها حل مسائل ثانيه .بس سؤالها كان حله مقدور عليه لو كان السؤال مكتوب بطريقه صحيحه ,على الاقل نضمن درجته


شكرا على الرد تسلمين

علياء2013 2013- 12- 29 08:15 PM
رد: الحل مع الإحصاء
 
قدمت اعتراضي وانكتب تم الحفظ يعني يش:Looking_anim:

علياء2013 2013- 12- 29 08:18 PM
رد: الحل مع الإحصاء
 
يالله شدوا حيلكم وارسلوا درجاتنا مو لعبه عندهم
انا متاكده لما يجي ضغط عليهم راح يشوفنا دبره

نداء @@ 2013- 12- 29 08:28 PM
رد: الحل مع الإحصاء
 
تكفوووووون خلونا يد واحدة انا ارسلت من ايقونة ملاحظات حول الاختبار وع ايميل الفريدان وكمان جوالة ياجماعه الاسئلة كانت جدا صعبة اقسم بالله اني من اول يوم فتح فية البلاك بورد وانا اذاكرها وفهمتها زين ووقت الاختبار وانا ماوصلت نص الاسئلة سحبوا الورقه الاسئلة ماتتناسب مع طلاب كلية الآداب ابدا انا طول عمري متفوقه ومعدلي المستوى اللي راح جدا جدا عالي ومذاكرة المادة قبل عشرات المرات وماحليت ابدا كيف احمل المادة يارب لاتضيعلي تعب المهم خلونا يد واحدة نتعاون ضد الظلم اللي حصلنا والعميد قاللي اللي يرسل شكوى ماراح اقصر معاه يالله الهمة والله ينصفنا على من ظلمنا

ملوكا 2013- 12- 29 08:28 PM
رد: الحل مع الإحصاء
 
كلنا اناوالبنات حطينا شكوى بالخدمه الطلابيه حتلاقي انطباعك عن الماده خشيها واختاري الماده واكتبي بصراحه مره صعبه وماهي موحوده بالكتاب وبعدين بعد كم يوم يفتحون قسم الشكاوي كمان حنروح نخش ونشتكي بس الحين خشي هالانطباع عن الاختبار وحطي الكلام عسان ينجحونا لانها الماده الوحيده اللي مخوفتني مره وشكرا

عبدالله زايد 2013- 12- 29 10:29 PM
رد: الحل مع الإحصاء
 
يعطيكم العافية ياشباب والله انا جبت العيد واكيد صفر بالاختبار لكن الله يستر شكلي بحملها

م العسكر 2013- 12- 29 10:39 PM
رد: الحل مع الإحصاء
 
شدوا حيلكم والجميع موافقين اتوقع مافيه احد له رأي آخر

يآرب التوفيق 2013- 12- 29 11:53 PM
رد: الحل مع الإحصاء
 
ارسلتهااااا

جوهرة عتيبه 2013- 12- 29 11:57 PM
رد: الحل مع الإحصاء
 
قدمت شكوي للعماده والفريدان بعد وايقونة الاختبارات بعد ماخليت شي الله معانا فوق كل ظالم

لافي محمد 2013- 12- 29 11:59 PM
رد: الحل مع الإحصاء
 
السلام عليكم ورحمة الله وبركاته

ماختبرت الماده ومعي عذر طبي اني كنت بالطواري واجازه توقعون يقبلونه او لا ؟

ومن سواليفكم احس اني لو مختبر راح اشيل الماده معي

تركي9080 2013- 12- 30 12:30 AM
رد: الحل مع الإحصاء
 
انا ارسلتها وع الله التوفيق

أمل النور 2013- 12- 30 07:56 AM
رد: الحل مع الإحصاء
 
تم الارسال وان شاء الله مايضيع تعبنا

أمل النور 2013- 12- 30 08:00 AM
رد: الحل مع الإحصاء
 
الكل يرسل لاحد يسكت ان شاء الله تتغير الامور

aboorakan 2013- 12- 30 11:09 AM
رد: الحل مع الإحصاء
 
تم الارسال




1- شرح الدكتور مغاير لمى اتي بالاختبار
2- كان الدكتور يشرح المسائل والتي لم يأتي بشي منها في الاختبار في المحضرات المسجله وكان يكمل الحل بقوله الشرح مفصل في الكتاب

3- ملاحظة مهمه وضع دكتور يشرح كتابه ويحث الطلبه على شرائه ولما علم انه وضع على النت لم ياتي بالمسائل التي لا بلكتاب ولا بالشرح فكيف بالطالب ان يعرف او بتعرف على الاجابه

4- الوقت غير كافي لحل مسائل الدكتور واتحدى ان يكفي الزمن لحل الاسئله مع تعبئة النموذج مع التظليل ويكون الطالب الذي يحل الاختبار ممتاز ( فكيف بطالب انتهى اجابته الخاطئة بعد زمن الاختبار )

5- اعادة النظر في وضع الدكتور وشرحه وتقييمه ولايمنع ذلك من انه كان عميداً لعمادة التعليم عن بعد

6- الاخذ في الاعتبار والفوارق بين طلبة الانتظام والانتساب

شيمووو الدوسري 2013- 12- 30 11:17 AM
رد: الحل مع الإحصاء
 
تسمعون بالمثل اللي يقول
(أنفخ ياشريم قال مامن برطم) ههههههههه :(284):

أمل النور 2013- 12- 30 04:23 PM
رد: الحل مع الإحصاء
 
اقتباس:
المشاركة الأصلية كتبت بواسطة شيمووو الدوسري (المشاركة 10172335)
تسمعون بالمثل اللي يقول
(أنفخ ياشريم قال مامن برطم) ههههههههه :(284):
ليش عاااد التحطيم بس دفعتنا اعترضت على دكتور واسئلته كانت نااار وبعد الشكوة تغير الوضع

شيمووو الدوسري 2013- 12- 30 05:17 PM
رد: الحل مع الإحصاء
 
أموله ياروحي ياليت يتغير الوضع بس الشكوى لله وانا اختس :rolleyes:

شيفون 2013- 12- 30 08:39 PM
رد: الحل مع الإحصاء
 
تم الارسال

reyof alamri 2013- 12- 31 02:15 PM
رد: الحل مع الإحصاء
 
تم رفع شكوى


All times are GMT +3. الوقت الآن حسب توقيت السعودية: 07:55 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه