ملتقى طلاب وطالبات جامعة الملك فيصل,جامعة الدمام
صفحة 1 من 5 1 2345
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   المستوى الثاني - كلية الأداب (https://vb.ckfu.org/forumdisplay.php?f=308)
-   -   للي مو فاهمين في الاحصاء يدخلون هنا (https://vb.ckfu.org/showthread.php?t=301835)

Mr.FahaD 2012- 3- 2 06:18 PM
للي مو فاهمين في الاحصاء يدخلون هنا
 
الي مو فاهم اي مسألة في الاحصاء يكتبها هنا وانا اشرحه له

شقاوة جنوني 2012- 3- 2 06:35 PM
رد: للي مو فاهمين في الاحصاء يدخلون هنا
 
انى محاضرة رابعه مافهمتها احسها ملخبطه؟؟

Mr.FahaD 2012- 3- 2 06:46 PM
رد: للي مو فاهمين في الاحصاء يدخلون هنا
 
العرض الجدولي للبيانات ٢

ابشرح المحاضرة كامله وابي ابسطها
شويات وارفع المحاضرة بالشرح التفصيلي

Rashed 2012- 3- 2 07:07 PM
رد: للي مو فاهمين في الاحصاء يدخلون هنا
 
الله يجزاك خير ويوفقك اخوي :biggrin:
والله يعينك بالنسبة لي انا كنت افكر اني فاهم الين شفت اسئلة الواجبات و ماعرفت احل منها شي :139:
وننتظر شرحك :rose::rose::rose:
موفق اخوي

عاشق السحاب 2012- 3- 2 07:08 PM
رد: للي مو فاهمين في الاحصاء يدخلون هنا
 
انا ماضيعني الا المحاضرة المسجلة والمحتوى يختلف

فيه شيئ خطأ

F!x 2012- 3- 2 07:10 PM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة Mr.FahaD (المشاركة 5915509)
الي مو فاهم اي مسألة في الاحصاء يكتبها هنا وانا اشرحه له

الله جابك بس مني مسؤله ابخليك من كثر أسئلتي:sm5:
:hahahahahah:

أشرح لي الواجب ألأول

سؤال الثاني والأخير
لوسمحت

ر يا ن 2012- 3- 2 07:12 PM
رد: للي مو فاهمين في الاحصاء يدخلون هنا
 
الله يجزاك خير ويوفقك اخوي

امي اغلى البشر 2012- 3- 2 07:18 PM
رد: للي مو فاهمين في الاحصاء يدخلون هنا
 
جاري الانتظار

عاشق السحاب 2012- 3- 2 07:21 PM
رد: للي مو فاهمين في الاحصاء يدخلون هنا
 
سؤال

هل اعتمد على المحتوى فقط

او لازم الكتاب اللي في جرير


لأن اشوف كل جدول للبيانات ومكتوب الحل التفصيلي في الكتاب !

Mr.FahaD 2012- 3- 2 07:28 PM
رد: للي مو فاهمين في الاحصاء يدخلون هنا
 
البيانات الكميه المتصله

اربع خطوات


الخطوه الاولى : تحديد عدد الفئات

مثال : لدي عدد فئات من 16-10 كيف استخرج عدد الفئات ؟

اثنين ضرب اثنين يساوي اربعه اربعه ضرب اثنين يساوي ثمانيه ثمانيه ضرب اثنين يساوي ستة عشر

الجواب هو اربع فئات ..

مثال اخر: 65-10 استخرج عدد الفئات ..

اثنين ضرب اثنين يساوي اربعه اربعه ضرب اثنين يساوي ثمانيه ثمانيه ضرب اثنين يساوي سته عشر سته عشر ضرب اثنين يساوي اثنين وثلاثين اثنين وثلاثين ضرب اثنين يساوي اربعه وستين (( الى الان ماوصلنا الى الرقم 65 نكمل ضرب )) اربعه وستين ضرب اثنين يساوي ميه وثمان وعشرين (( الخمسه وستين داخله ضمن الميه وثماني وعشرين


يعني عدد الفئات هو سبعه كيف عرفنا انه سبعه احسب كم يوجد اثنين باللون الاحمر ...؟؟؟ يوجد سبعه يعني عدد الفئات هو سبعه

يتبع
الخطوه الثانيه

(( اذا مافهمت علمني عشان اشرحها لك بصيغة ثانيه ))

L,v 2012- 3- 2 07:33 PM
رد: للي مو فاهمين في الاحصاء يدخلون هنا
 
جزاكك الله خير :004:

Mr.FahaD 2012- 3- 2 08:15 PM
رد: للي مو فاهمين في الاحصاء يدخلون هنا
 
الخطوه الثانيه تحديد طول الفئه


طول الفئه = المدى تقسيم عدد الفئات المقترح


وش نقصد في المدى ؟؟ نقصد فيه اعلى درجه واقل درجه في التوزيع

المدى = اعلى درجه في التوزيع ناقص اقل درجه في التوزيع

احسب المدى لهذه الدرجات

2,5,7,3,8,12,15,19,22,13,19,24,16

الجواب : وش اكبر رقم في الارقام السابقه ؟؟؟ اكبر رقم 24 طيب وش اصغر رقم في الارقام السابقه ؟؟ اصغر رقم 2

يعني المدى = 24-2=22

طلع عندنا المدى يساوي 22 طيب وشلون نطلع طول الفئه ؟؟؟
نطلع طول الفئه كالتالي

1- احسب كم يوجد رقم في المثال السابق الي باللون الاحمر ؟؟

يوجد 13 رقم

طيب طريقه استخراج طول الفئه كالتالي

اثنين ضرب اثنين يساوي اربعه اربعه ضرب اثنين يساوي (( الى الان ماوصلنا الى الرقم 13 نكمل ضرب )) ثمانيه ضرب اثنين يساوي سته عشر تعدينا الرقم 13 يعني عندنا اربع فئات

يعني 22 نقسمها على 4 = 5.5

5.5 <== رقم غير صحيح من الافضل تحويل طول الفئه الى رقم صحيح حتى يسهل لك عملية التعامل مع البيانات نقرب الرقم الى رقم صحيح فنجعل الرقم اذا كان الكسر نص واكثر نقربه الى الرقم الي بعده


اذاً طول الفئه يساوي



6

منوة الخيال 2012- 3- 2 08:20 PM
رد: للي مو فاهمين في الاحصاء يدخلون هنا
 
جزاك الله كل خير:rose:

F!x 2012- 3- 2 08:43 PM
رد: للي مو فاهمين في الاحصاء يدخلون هنا
 
مستر فهد الله ينور لك طريقك

أحنا وياك

moon story 2012- 3- 2 09:18 PM
رد: للي مو فاهمين في الاحصاء يدخلون هنا
 
يعطيك الف عاااااااااااااااااااااااافية

Mr.FahaD 2012- 3- 2 09:23 PM
رد: للي مو فاهمين في الاحصاء يدخلون هنا
 
الخطوه الثالثه

تعيين حدود الفئات

http://www6.0zz0.com/2012/03/02/18/958014073.png


طريقه ثانيه

مثل عندنا فئات من 8-40 كيف نطلع قيمها

الطريقه كالتالي مثل الشرح الي فوق لكن الحين عندنا طول الفئه يساوي 8

8.9.10.11.12.13.14.15
15.16.17.18.19.20.21.22
22.23.24.25.26.27.28.29
29.30.31.32.34.35.36.37
37.38.39.40


يعني تزيد ثمان ارقام لين توصل لاخر رقم

المقصود بتعيين حدود الفئات هو / لكل فئه حدين حد ادنى وحد اعلى الحد الادني يمثل بداية الفئه والحد الاعلى يمثل نهاية الفئه

نـــــــــــوني 2012- 3- 3 01:01 AM
رد: للي مو فاهمين في الاحصاء يدخلون هنا
 
يعطيك
الف
عافيه
....خلااص انت المدرس تبعي يامستر فهـــد ..:S_45:
:biggrin:

m a h a 2012- 3- 3 01:29 AM
رد: للي مو فاهمين في الاحصاء يدخلون هنا
 
مسنتره هنا ان شاء الله :biggrin:

تو قبل شوي فتحت اول محاضره مافهمت ولا كلمه ><

الله يعين بس

بدر الدوسري 2012- 3- 3 01:59 AM
رد: للي مو فاهمين في الاحصاء يدخلون هنا
 
:(204)::(204)::(204): ماشاء الله تبارك الله
بارك الله فيك فهد بصراحه عمل روعه وتشكر عليه
وماعليك امر راح ايضاً نحتاجك في اي سؤال ثاني
لاني الدكتور بصراحه مو عارف يوصل المعلومه
مشكوووور يا غالي

السااااهر2 2012- 3- 3 02:03 AM
رد: للي مو فاهمين في الاحصاء يدخلون هنا
 
شكرا لك وأنتي صديقي من اليوم طالع >>>راعي مصالح :10111:


من جد شكرااااااااا لك والله يوفقك وبرجع لك بكم هااااائل من الاسئله :s_45:

Mr.FahaD 2012- 3- 3 04:14 AM
رد: للي مو فاهمين في الاحصاء يدخلون هنا
 
الخطوه الرابعه والاخيره ( توزيع التكرارات علي الفئات )

http://www5.0zz0.com/2012/03/03/01/283243681.png

غرآم 2012- 3- 3 04:16 AM
رد: للي مو فاهمين في الاحصاء يدخلون هنا
 


مشششششششششششششششششكور منك التواصل معنــــــــــــــــا

ان درست هليت عليك الاسئلة........................ الله يعينك علينــــــــــــــــــــــا

الله يوفقــــــــــــــــــــــــــــــــــــــــــــــ ــــــــــــــــك

sawsan1 2012- 3- 3 10:51 AM
رد: للي مو فاهمين في الاحصاء يدخلون هنا
 
الله ينور عليك يا فهد:(204):

Om Emad 2012- 3- 3 11:29 AM
رد: للي مو فاهمين في الاحصاء يدخلون هنا
 
جزاك الله كل خير اخي ,,,
:(204):

ام بندووري 2012- 3- 3 11:33 AM
رد: للي مو فاهمين في الاحصاء يدخلون هنا
 
الله يعافيك اخوووي

بغيت منك تشرح لي
في المحاضره الاولي :biggrin:
المتغير النوعي والمتغير الكمي
كيف نفرق بين المتصل والمنقطع وكيف نعرف اذا هي قابله للكسور او غير قابله:(107):
لان الدكتور الله يهديه شرح هالنقطه بشكل بسيط وسريع
وحنا طلاب ادبي مانعرف شي:139:

Mr.FahaD 2012- 3- 3 11:46 AM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة ام بندووري (المشاركة 5920649)
الله يعافيك اخوووي

بغيت منك تشرح لي
في المحاضره الاولي :biggrin:
المتغير النوعي والمتغير الكمي
كيف نفرق بين المتصل والمنقطع وكيف نعرف اذا هي قابله للكسور او غير قابله:(107):
لان الدكتور الله يهديه شرح هالنقطه بشكل بسيط وسريع
وحنا طلاب ادبي مانعرف شي:139:
مهي مشكله راح اشرحها بطريقه مختصره بس مو الحين لاني توني جاي من الكليه وموااصل مانمت من امس العصر ان شاء الله اليوم بالليل اشرحها لك واشرح من اول محاضرة الى الخامسه والكتاب الي طلبه الدكتور عندي راح يسهل المهمه لان الامثله فيه كثيره تبسط المعلومه

Mnmoni 2012- 3- 3 12:10 PM
رد: للي مو فاهمين في الاحصاء يدخلون هنا
 
[QUOTE=Mr.FahaD;5916432]
الخطوه الثانيه تحديد طول الفئه



طول الفئه = المدى تقسيم عدد الفئات المقترح


وش نقصد في المدى ؟؟ نقصد فيه اعلى درجه واقل درجه في التوزيع

المدى = اعلى درجه في التوزيع ناقص اقل درجه في التوزيع

احسب المدى لهذه الدرجات

2,5,7,3,8,12,15,19,22,13,19,24,16

الجواب : وش اكبر رقم في الارقام السابقه ؟؟؟ اكبر رقم 24 طيب وش اصغر رقم في الارقام السابقه ؟؟ اصغر رقم 2

يعني المدى = 24-2=22

طلع عندنا المدى يساوي 22 طيب وشلون نطلع طول الفئه ؟؟؟
نطلع طول الفئه كالتالي

1- احسب كم يوجد رقم في المثال السابق الي باللون الاحمر ؟؟

يوجد 13 رقم

طيب طريقه استخراج طول الفئه كالتالي

اثنين ضرب اثنين يساوي اربعه اربعه ضرب اثنين يساوي (( الى الان ماوصلنا الى الرقم 13 نكمل ضرب )) ثمانيه ضرب اثنين يساوي سته عشر تعدينا الرقم 13 يعني عندنا اربع فئات

يعني 22 نقسمها على 4 = 5.5

5.5 <== رقم غير صحيح من الافضل تحويل طول الفئه الى رقم صحيح حتى يسهل لك عملية التعامل مع البيانات نقرب الرقم الى رقم صحيح فنجعل الرقم اذا كان الكسر نص واكثر نقربه الى الرقم الي بعده


اذاً طول الفئه يساوي



6[/Q
شكررررا لك الله يوفقك دنيا واخره :119::119:

ضمير الود 2012- 3- 3 12:33 PM
رد: للي مو فاهمين في الاحصاء يدخلون هنا
 
اخر شي مافهمته بس الباقي جزاك الله الف خير فهمت

دبلوماسي غير 2012- 3- 3 01:43 PM
رد: للي مو فاهمين في الاحصاء يدخلون هنا
 
مشكوووور يا عزيزي

والله يعدي ها المادهـ على خير

Aishah-q 2012- 3- 3 02:01 PM
رد: للي مو فاهمين في الاحصاء يدخلون هنا
 
جزاك الله خير
والله يحرم وجهك عن النار
مأجور بإذن الله
أسأل الله التوفيق للجميع

F!x 2012- 3- 3 02:13 PM
رد: للي مو فاهمين في الاحصاء يدخلون هنا
 
الله يعطيك العافيه

الالم الصامت 2012- 3- 3 02:47 PM
رد: للي مو فاهمين في الاحصاء يدخلون هنا
 
الله يوفقك ياخووووووووي

ويفتحها بوجهك ويييين مارحت

تكفى طلبتك لاتردني

دام انك بتساعدنا وتشرح من الاولى للخامسه

انك تفتحهم بموضوع لحاله

وواحد من هالمشرفين يجزاهم خير ربي يثبته لنا

ولو تكرمت وترفقهم كملفات عشان ضيعت من كثر ماانسخ والصق بهالوورد

وربي يجعل لك بكل خطوه سلامه

وييسر لك كل دروب الخير

اختك

الالم الصامت

:004: :004: :004:

knoOoOoza 2012- 3- 3 05:36 PM
رد: للي مو فاهمين في الاحصاء يدخلون هنا
 
الله يجزاك الجنه..ماقصرت اخوي ...يعطيك الف عافيه ..متابعينك

ريم الفلا 33 2012- 3- 3 05:40 PM
رد: للي مو فاهمين في الاحصاء يدخلون هنا
 
الله يجزاااك الجنه يارب مشكور وماقصرت اخوي .

Dm.Dm 2012- 3- 3 05:48 PM
رد: للي مو فاهمين في الاحصاء يدخلون هنا
 
مسسستر فهد ..:S_45:
فتحت على نفسسك باب :biggrin: وشش يفكك مننآ اللحين :biggrin: !!!
انا اصلا هالاحصصآء كللله ما احبه:bawling:
ولا حضرت ولا محاضره له الى اللحين:(269): :Looking_anim:


اول ما احضر المحاضره بجيبلك الصصدآع من الاسسسئله:(269)::icon120:


ام فزاع 2012- 3- 3 08:12 PM
رد: للي مو فاهمين في الاحصاء يدخلون هنا
 
يالبى قلبك اساذ فهد

الله يجزاك خير:rose:

ام فزاع 2012- 3- 3 08:13 PM
رد: للي مو فاهمين في الاحصاء يدخلون هنا
 
ابي طريقة الاعمدة المزدوجه:eek: فهد اشتري الكتاب افضل ولالا


ثبتو الموضوع للمصلحه العامه:lllolll:

ام فزاع 2012- 3- 3 08:25 PM
رد: للي مو فاهمين في الاحصاء يدخلون هنا
 
:rose:في عدد الفئات ليه اخترنا العدد 2 وضربناه عشان نطلع كم عدد الفئات
:rose:لما يكون الرقم غير صحيح على طول نقربة لاقرب عدد بدون مانسوي حوسة

:rose:استاذ فهد بالنسبة لطول الفئة من الى 3 -45 متى استخدم ضرب 2 ومتى ازيد 3 لين اوصل للعدد 45

وجزاك الله خير

F!x 2012- 3- 3 10:00 PM
رد: للي مو فاهمين في الاحصاء يدخلون هنا
 
الله يعطيك العافيه

ثبتوووووو الموضوع
رائع

أم عمر w 2012- 3- 3 10:02 PM
رد: للي مو فاهمين في الاحصاء يدخلون هنا
 
الله يجزااك خيير ويوفقك يا رب ,,

تم التثبيت ,,

زهر وورد 2012- 3- 3 10:16 PM
رد: للي مو فاهمين في الاحصاء يدخلون هنا
 
ماشاءالله تبارك الله

الله يبارك لك في فهمك ويحفظك


جزاك الله خيرا وبارك فيك:(204):


ا

همس الـ غ ـلآ 2012- 3- 4 12:18 AM
رد: للي مو فاهمين في الاحصاء يدخلون هنا
 
الله يعطيكم العافيه ويوفقكم يااااااااااااااااااارب


:d5:

Mr.FahaD 2012- 3- 4 01:15 AM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة ام بندووري (المشاركة 5920649)
الله يعافيك اخوووي

بغيت منك تشرح لي
في المحاضره الاولي :biggrin:
المتغير النوعي والمتغير الكمي
كيف نفرق بين المتصل والمنقطع وكيف نعرف اذا هي قابله للكسور او غير قابله:(107):
لان الدكتور الله يهديه شرح هالنقطه بشكل بسيط وسريع
وحنا طلاب ادبي مانعرف شي:139:
قصدك المحاضرة الثانيه ... دقايق وانزل الشرح لان المحاضرة الاولى اغلبها مصطلحات

ميمي السنافيه 2012- 3- 4 02:02 AM
رد: للي مو فاهمين في الاحصاء يدخلون هنا
 
لا هنت اخوووووووي فهد ما قصرت :rose:

جزاك الله الف خير وفي ميزان حسناتك

وفعلا على ما قالو الاعضاء الله يعينك على الاسئله:10111:

Mr.FahaD 2012- 3- 4 02:20 AM
رد: للي مو فاهمين في الاحصاء يدخلون هنا
 
تعديل

Mr.FahaD 2012- 3- 4 02:43 AM
رد: للي مو فاهمين في الاحصاء يدخلون هنا
 
المتغير النوعي والكمي المحاضرة الثانيه


المتغير النوعي هو الذي بياناته تسجل باوصاف لفظيه مثل ازرق احمر اصفر او طويل قصير
والمتغي الكمي هو الذي بياناته تسجل بارقام عدديه مثل 9 او 694 ...
-----------------------------------
الكميه المتصله فيها استمراريه قابله للكسور مثل 2.5 او 9.6 يعني اي رقم او ناتج يكون فيه فاصله

الكميه المتقطعه غير قابله للكسور مثل رقم صحيح مثل 9 او 695 او 64 وهكذاااا




وهذه مثال على المتغيرات الكميه والنوعيه

[IMG]http://www14.0zz0.com/2012/03/03/23/350406540.png[/IMG]




ملاحظه : المتغير النوعي والكمي بيجي بالاختبار بنسبة خمسه وعشرين الف مليون بالميه وجاب منه سؤال في نهاية المحاضرة واتوقع بيجي على المتغيرات الكميه والنوعيه اكثر من سؤال

الطيف والدانة 2012- 3- 4 05:09 AM
رد: للي مو فاهمين في الاحصاء يدخلون هنا
 
زين الله يعافيكم شايله هم الماده مره الله ييسر اموركم

Mr.FahaD 2012- 3- 4 07:41 AM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة Hebaf (المشاركة 5915851)
الله جابك بس مني مسؤله ابخليك من كثر أسئلتي:sm5:
:hahahahahah:

أشرح لي الواجب ألأول

سؤال الثاني والأخير
لوسمحت

السؤال الاول :


.............. هي عملية وضع البيانات الخاصة بظاهرة معينة في جداول منسقة وعرضها بطرق مناسبة .


تعريف تنظيم وعرض البيانات < == مايحتاج شرح ( حفظ )



السؤال الثاني :

المدى R لمجموعة من البيانات هو :
( المدى يرمز له بالرمز R للملاحظه )

الفرق بين أكبر وأصغر قيمة من البيانات .. يعني اعلى درجه في التوزيع ناقص اقل درجه في التوزيع <== وشلون يافهد ؟؟ انا اعلمك كيف تابعي الشرح


http://www13.0zz0.com/2012/03/04/04/538574945.png



السؤال الثالث :

انظر الصورة المرفقة أعلاه ثم أجب عن السؤال


طريقة الحل كالتالي

http://www13.0zz0.com/2012/03/04/04/830407504.png

ومثال اخر



http://www6.0zz0.com/2012/03/04/04/113933067.png
http://www13.0zz0.com/2012/03/04/04/974677424.png


ملاحظه : 360 هي بالاساس في القانون

حكايه لاتنسى 2012- 3- 4 09:15 AM
رد: للي مو فاهمين في الاحصاء يدخلون هنا
 
بسم الله عليك الله يحفظك من كل مكروه مشاء الله تبارك الرحمن
بيض الله وجهك تسلم يالطيب ماقصرت الله يجعله في موازين حسناتك

AL-Maram 2012- 3- 4 10:38 AM
رد: للي مو فاهمين في الاحصاء يدخلون هنا
 
الله يسهل عليك:004: ..مثل ماسهلت ع الجميع :(204):

هناء روق 2012- 3- 4 11:34 AM
رد: للي مو فاهمين في الاحصاء يدخلون هنا
 
:d5: ما شاء الله

Miss 3beer 2012- 3- 4 12:11 PM
رد: للي مو فاهمين في الاحصاء يدخلون هنا
 
الله يسعدك :rose:

الف شكر لك

ام بندووري 2012- 3- 4 01:11 PM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة Mr.FahaD (المشاركة 5929214)
المتغير النوعي والكمي المحاضرة الثانيه


المتغير النوعي هو الذي بياناته تسجل باوصاف لفظيه مثل ازرق احمر اصفر او طويل قصير
والمتغي الكمي هو الذي بياناته تسجل بارقام عدديه مثل 9 او 694 ...
-----------------------------------
الكميه المتصله فيها استمراريه قابله للكسور مثل 2.5 او 9.6 يعني اي رقم او ناتج يكون فيه فاصله

الكميه المتقطعه غير قابله للكسور مثل رقم صحيح مثل 9 او 695 او 64 وهكذاااا




وهذه مثال على المتغيرات الكميه والنوعيه

[IMG]http://www14.0zz0.com/2012/03/03/23/350406540.png[/IMG]




ملاحظه : المتغير النوعي والكمي بيجي بالاختبار بنسبة خمسه وعشرين الف مليون بالميه وجاب منه سؤال في نهاية المحاضرة واتوقع بيجي على المتغيرات الكميه والنوعيه اكثر من سؤال

الله يجزاك الف خير :(204)::(204):

يعني الي انا اللحين فهمته
ان المتصل هو الي يكون الرقم بفاصله والمنقطع هو الرقم الصحيح


والي فهمته اكثر
ان المنقطع والمتصل يخص الكمي فقط
يعني مايجي مع النوعي :biggrin:
صحيحه استنتاجاتي >>ولا جبت العيد

شعاع النور 2012- 3- 4 04:56 PM
رد: للي مو فاهمين في الاحصاء يدخلون هنا
 
الله يسعدك يارب:rose:
ماشاء الله عليك شرح رائع :rose:

kadyan 2012- 3- 4 06:42 PM
رد: للي مو فاهمين في الاحصاء يدخلون هنا
 
شكرا لك واحترامي للجميع

أنثى من الخيال 2012- 3- 4 08:35 PM
رد: للي مو فاهمين في الاحصاء يدخلون هنا
 
:d5::d5:مشكووووووور اخووووووووي الله يعطيك العاااافيه
:(107):اذا صعب علينا شي تلاقينااااا هنااا:mh12:

Mr.FahaD 2012- 3- 5 01:22 AM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة ام بندووري (المشاركة 5931049)
الله يجزاك الف خير :(204)::(204):

يعني الي انا اللحين فهمته
ان المتصل هو الي يكون الرقم بفاصله والمنقطع هو الرقم الصحيح


والي فهمته اكثر
ان المنقطع والمتصل يخص الكمي فقط
يعني مايجي مع النوعي :biggrin:
صحيحه استنتاجاتي >>ولا جبت العيد
الكميه المتصله هي اللي تحتوي على مقايييس زي كيلو او لتر او سم يعني ارقام تحتوي
على كسور مثال وزن البطاطس 5.5 خمسه كيلو ونص
الكميه المنفصله اعدد 1 23 7 9 8

زي عدد الطلاب او عدد السيارات مايصلح تقولين عدد الطلاب 4.5 او عدد الشجرات 2.3

لازم يكون عدد صحيح


والمنقطع والمتصل مايجي مع النوعي

ميمي السنافيه 2012- 3- 5 01:54 AM
رد: للي مو فاهمين في الاحصاء يدخلون هنا
 
:004::004::004:
واصل احنا معك

وربي ريحتني الله يفتحها عليك يا النشمي

رامـ2009ـا 2012- 3- 5 04:42 AM
رد: للي مو فاهمين في الاحصاء يدخلون هنا
 
الله يسهل عليك دنيا واخرة يارب ويوفقك
طيب ببداء أذاكر هل اشتري الكتاب أحسن لأني شوي ماحب المواد العلمية ولا المحتوى يكفي

Mr.FahaD 2012- 3- 5 06:08 AM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة رامـ2009ـا (المشاركة 5939151)
الله يسهل عليك دنيا واخرة يارب ويوفقك
طيب ببداء أذاكر هل اشتري الكتاب أحسن لأني شوي ماحب المواد العلمية ولا المحتوى يكفي
اي يفيد الكتاب بس مايغني عن المحاضرات الي في موقع الجامعه

وترا الاحصاء خرابيط مايبي لها شي واسهل من القراءه والمحادثه بس الدكتور طريقه شرحه غبيه والامثله الي يجيبها تشتت فكر الواحد وهو مصعبها ......ولا نفس المقرر بالظبط ادرسه في الكليه التقنيه الحين الاسبوع القادم اخلص من اخر محاضرة في الاحصاء سهل بشكل ماتتصورونه

وفيه المواضيع القادمه اسهل وابسط مثل البيانات المبوبه والغير مبوبه والوسط الحسابي المبوب والغير مبوب والوسيط الحسابي المبوب والغير مبوب والمنوال ومعامل ارتباط بيرسون وسبيرمان ومقاييس التشتت

وذلك عشان ماتصعب عليك الماده تابع المحاضرة مع الدكتور اولا بااااااااااول والمحاضرات لاتشوفها الا وانت مروووق

GOYOOM 2012- 3- 5 10:11 AM
رد: للي مو فاهمين في الاحصاء يدخلون هنا
 
الله يجعل ماتقدم في ميزان حسناتك

وييسرلك كل عسير

ويرزقك من حيث لاتحتسب

وينولك اللي بالك وافضل من اللي في بالك

ويفرج همك مثل مافرجت همومنا

ويجزاك ربي خير الجزاااااااااااااااااااء

:106::106::106:

اول حلمي علمي 2012- 3- 5 12:06 PM
رد: للي مو فاهمين في الاحصاء يدخلون هنا
 
شرح اي محاضره شكلي بروح لمدرسه الماده :017:صعبه مادري ويش اسوي :oao::24_asmilies-com::Cry111: ضاع الوقت وانا مافهمت شي:41jg::017::017::017::017::017::017::017::41jg:

(كـبـريـآء) 2012- 3- 5 03:36 PM
رد: للي مو فاهمين في الاحصاء يدخلون هنا
 
بصراحه الله يبيض وجهك ويرفع مقدارك:rose:


والله اني اتابع المحاضره مع الدكتور الاهبل ولافهمت ولاكلمه ...ومعك فهمت المحاضررات

من كل قلبي الله يوفقك ويفتحها بوجهك ...وراح اتواجد هنا الين اخلص هالمستوى على خير ...

fozz 2012- 3- 5 04:43 PM
رد: للي مو فاهمين في الاحصاء يدخلون هنا
 
يعطيك الف عافيه .. بس بالنسبه للجزء الثالت اللي شرحته اول شي..

مافهمت ممكن تبسط اكثر ...
الله يعطيك الف عافيه فكيت ازمه عالميه مع الاحصاء

ابو ريوم 2012- 3- 5 05:13 PM
رد: للي مو فاهمين في الاحصاء يدخلون هنا
 
يعطيك العافيه

حكايه لاتنسى 2012- 3- 5 05:25 PM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة mr.fahad (المشاركة 5939244)
اي يفيد الكتاب بس مايغني عن المحاضرات الي في موقع الجامعه

وترا الاحصاء خرابيط مايبي لها شي واسهل من القراءه والمحادثه بس الدكتور طريقه شرحه غبيه والامثله الي يجيبها تشتت فكر الواحد وهو مصعبها ......ولا نفس المقرر بالظبط ادرسه في الكليه التقنيه الحين الاسبوع القادم اخلص من اخر محاضرة في الاحصاء سهل بشكل ماتتصورونه

وفيه المواضيع القادمه اسهل وابسط مثل البيانات المبوبه والغير مبوبه والوسط الحسابي المبوب والغير مبوب والوسيط الحسابي المبوب والغير مبوب والمنوال ومعامل ارتباط بيرسون وسبيرمان ومقاييس التشتت

وذلك عشان ماتصعب عليك الماده تابع المحاضرة مع الدكتور اولا بااااااااااول والمحاضرات لاتشوفها الا وانت مروووق

الله يجعلك في كل خطوه سلامه ,صراحه كلمة شكرا قليله في حقك الله يجزاك خير
خلك معنا ماعليك امر لاخر المحاضرات الله يحفظك .

ابو ريوم 2012- 3- 5 07:06 PM
رد: للي مو فاهمين في الاحصاء يدخلون هنا
 
:33_asmilies-com:

ميمي السنافيه 2012- 3- 6 01:51 AM
رد: للي مو فاهمين في الاحصاء يدخلون هنا
 
طيب يعطيك العافيه ما عندك نماذج من اسئلة الاختبار للاحصاء

قرموشي 2012- 3- 6 11:43 AM
رد: للي مو فاهمين في الاحصاء يدخلون هنا
 
ياجماعة ابي ملزمة مادة الاحصاء دورتها عند تميم قالوا ماوصلت
وش الحل بالمادة الوقت يمر
:007:

mansuor707 2012- 3- 6 01:31 PM
رد: للي مو فاهمين في الاحصاء يدخلون هنا
 
الله يعطيك العافيه بس برجع لك لما ابداء اذاكر مالي غنى عنك يا طويل العمر

تحملنا ومالك منا الا الدعاء

بســوووم 2012- 3- 6 02:06 PM
رد: للي مو فاهمين في الاحصاء يدخلون هنا
 
تسلم الله يعطيك العااااااافيه ويسهل دربك:rose:

امي اغلى البشر 2012- 3- 6 03:07 PM
رد: للي مو فاهمين في الاحصاء يدخلون هنا
 
بالعكس شرح الدكتور جدا يفتح النفس حلو ويشرح من قلب احس انه يحاول يوصل المعلومه

هذا انا بس سمعت المحاضره الاولى وطلعت منها سوالين مو فاهمتهم
اليوم بحاول اروح للمحاضره الثانيه

ذكرى مبعثره 2012- 3- 6 05:05 PM
رد: للي مو فاهمين في الاحصاء يدخلون هنا
 
الله لايحرمك الاجر

الطائف احلى 2012- 3- 6 05:35 PM
رد: للي مو فاهمين في الاحصاء يدخلون هنا
 
الله يجزاك خيرررر
والله يوفقك ويفتح لك رزق

maryaam 2012- 3- 6 07:35 PM
رد: للي مو فاهمين في الاحصاء يدخلون هنا
 
ودي ابدا واتابع معكم الشررح بس المشكله مو لاقيه ملزمه للاحصاء
من وين تجيبونها انتم
لاتقولو لي المحتوي لاني ماعرف افهم الا بشي قدامي
يعن يلازم ورق وشخابيط :53:

الدوسري2 2012- 3- 7 12:28 AM
رد: للي مو فاهمين في الاحصاء يدخلون هنا
 
:d5::d5:

ysssy 2012- 3- 7 08:32 AM
رد: للي مو فاهمين في الاحصاء يدخلون هنا
 
شكراً استاذي يعطيك العافيه بس نبيك تتحملنا شووووي :d5:

ميمي السنافيه 2012- 3- 8 07:45 AM
رد: للي مو فاهمين في الاحصاء يدخلون هنا
 
كملي اخوي

خلصنا 3 محاضرات امسك الرابعه واسدحها هنا مو لازم نسال لن اصلا محد فاهم عشان نسال

الي تشوفه معقد اشرحه هنا ما شاءالله اسلوبك سهل بالشرح

ابن حمران 2012- 3- 8 08:10 AM
رد: للي مو فاهمين في الاحصاء يدخلون هنا
 
تحيه طيبه لجميع طلاب وطالبات كلية الاداب مستوى ثاني
إن شاء الله الكل بخير
أحيتي أنا أحل الواجب لكن مايقبل الجهاز إرسال الحل؟ أختار الاجابات وإذا ضغطت على (حل الواجب) مايرسل الحل وش السالفه0
أرجو من عنده حل مساعدتي0
هل هو من عندهم ام من جهازي؟
تمنياتي للجميع التوفيق والنجاح،،،

الدوسري2 2012- 3- 8 08:11 AM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة (سرآب) (المشاركة 5940808)
بصراحه الله يبيض وجهك ويرفع مقدارك:rose:



والله اني اتابع المحاضره مع الدكتور الاهبل ولافهمت ولاكلمه ...ومعك فهمت المحاضررات


من كل قلبي الله يوفقك ويفتحها بوجهك ...وراح اتواجد هنا الين اخلص هالمستوى على خير ...

الله يؤفقك اختي

مهما كان لا يجوز تصفين الدكتور بهالصفه هذا اسلوبه وهذي قدرته

واحنا طلبة جامعه ارقى من هالاسلوب :119:

نورة 2012- 3- 8 08:19 AM
رد: للي مو فاهمين في الاحصاء يدخلون هنا
 
مجهود تشكر عليه

بارك الله فيك

بس حلو تابع المحاضرة مع الدكتور وبجنبك المحتوى كذا ما راح نضيع :biggrin:

ابو ليال 2012- 3- 8 08:53 AM
رد: للي مو فاهمين في الاحصاء يدخلون هنا
 
يعطيك الف عافية وبارك الله فيك والكلام للجميع ما يثبت المعلومة في الدماغ إلا مثل هذه المناقشات نأمل التواصل في المناقشات لتعم الفائدة للجميع ومرة أخرى شكراً 0 ( ياسيد فهد )

طالب دراسات اسلامية 2012- 3- 8 02:13 PM
رد: للي مو فاهمين في الاحصاء يدخلون هنا
 
دامك فاهم ومتميز في هذه الماده
نزل لنا شرح نعتمد عليه في الاختبارات

Mr.FahaD 2012- 3- 8 05:57 PM
رد: للي مو فاهمين في الاحصاء يدخلون هنا
 
ياليت الي مو فاهم مسئله معينه في محاضرة معينه يعلمني عشان اشرحها له متى مافضيت لان صعب اشرح محاضرة كامله... وعندي اختبارات في الكلية يعني ماقدر انزل لكم الشرح كل محاضرة او كل يوم


وياليت الي فاهم يشرح للي مو فاهم اذا ماكنت فيه والموضوع ذا خلوه مثل المناقشه ام مرجع لمادة الاحصاء كل واحد يشرح للثاني وان شاء الله ماراح اقصر مع احد وترا الامور سهالات

Mr.FahaD 2012- 3- 8 06:00 PM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة fozz (المشاركة 5941259)
يعطيك الف عافيه .. بس بالنسبه للجزء الثالت اللي شرحته اول شي..

مافهمت ممكن تبسط اكثر ...
الله يعطيك الف عافيه فكيت ازمه عالميه مع الاحصاء

الجزء الثالث في اي محاضره وضح اكثر ؟؟

Mr.FahaD 2012- 3- 8 07:36 PM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة fozz (المشاركة 5941259)
يعطيك الف عافيه .. بس بالنسبه للجزء الثالت اللي شرحته اول شي..

مافهمت ممكن تبسط اكثر ...
الله يعطيك الف عافيه فكيت ازمه عالميه مع الاحصاء

قصدك تعيين حدود للفئات في البيانات الكميه المتصله


لابد عندما نقوم بتعيين حدود الفئات لإنشاء جدول تكراري ان نشمل اقل قيمه في البيانات واعلا قيمه في البيانات بحيث تكون جميعها مشموله في الجدول

فلو كان اقل قيمه اربعه واعلا قيمه تسع واربعين في هذه الحاله لابد ان تكون اول فئه تكون شامله للفئه اربعه .......واخر قيمه في التوزيع تكون شامله للتسع واربعين


مثلاً الدكتور قال لك يافوز ضعي الارقام التاليه في جدول توزيع تكراري

الارقام هي من 4-49
اكبر رقم هو التسع واربعين واصغر رقم هو الاربعه




اولا شي نختار عدد مناسب نبداء فيه عشان نوصل للرقم تسع واربعين

نبدا بالرقم 0

يالله نبدا نزيد على كل فئه خمس ارقام لين نوصل للتسع واربعين


من صفر الى خمسه ( 0.1.2.3.4) من خمسه لين عشره ( 5.6.7.8.9) من عشره لين خمس طعش ( 10.11.12.13.14) من خمس طعش لين عشرين ( 15.16.17.18.19) من عشرين لين خمسه وعشرين (20.21.22.23.24) من خمسه وعشرين لين ثلاثين ( 25.26.27.28.29) من ثلاثين لين خمسه وثلاثين (30.31.32.33.34) من خمسه وثلاثين لين اربعين (35.36.37.38.39)

من اربعين لين خمسه واربعين (40.41.42.43.44) <== مابعد وصلنا لاكبر رقم الي هو تسعه واربعين يالله نكمل ... من خمسه واربعين لين خمسين (45.46.47.48.49)

وصلنا للرقم تسعه واربعين



عشان محد يتشتت ذهنه راح اضع الجدول التكراري


http://www9.0zz0.com/2012/03/08/16/355975851.jpg


التسع واربعين شامله للرقم 50 الي هو اخر رقم في الفئات يعني 46.47.48.49.50

هذه هو تعين حدود الفئات او مايسمى باختيار عدد مناسب للفئات





ملاحظه لم يذكرها الدكتور النجار :


لاختيار عدد مناسب للفئات يفضل ان لاتزيد عن خمس عشرة فئه ولاتقل عن خمس فئات فإن اختيار عدد اقل من خمس فئات سيؤدي إلى ضياع الكثير من المعلومات وكذلك اختيار اكثر من خمس عشرة فئه يقلل من الوضوح في المعلومات ولتسجيل الفئات طرق مختلفه لعل ابسطها هو ان نجعل لكل فئه لها حدان حد ادنئ وحد اعلى حيث تبدا محدوده وتنتهي باقل من قيمه محدودة على ان تبدا الفئه التاليه بهذه القيمه الاخيره

Mr.FahaD 2012- 3- 8 07:39 PM
رد: للي مو فاهمين في الاحصاء يدخلون هنا
 
ياليت وانتو تتابعون شرح الدكتور ان يكون معكم دفتررررر واله حاسبه وقلم لان الماده كلها كتابه وفهم يعني مو حفظ مثل المواد الثانيه الي هي الفقه وغيرها



وكل محاضرة شوفوها اكثر من مره واهم اهم اهم شي يكون معكم الي ذكرته



قلم + دفتر + اله حاسبه

Mr.FahaD 2012- 3- 8 07:59 PM
رد: للي مو فاهمين في الاحصاء يدخلون هنا
 
راح اشرح طريقة حل التدريبات الي ينزلها الدكتور بنهاية كل محاضرة

وللعلم تراها مهمه وبتجي في الاختبار



Mr.FahaD 2012- 3- 8 09:19 PM
رد: للي مو فاهمين في الاحصاء يدخلون هنا
 
تمارين المحاضرة الاولى


س1/ المدى لمجموعة من البيانات المنفصله هو :

1-اكثر القيم تكراراً في البيانات 2- اكبر قيمة في البيانات
3-اصغر قيمة في البيانات 4-الفرق بين اكبر واصغر قيمتين في البيانات


( يعني اكبر رقم واصغر رقم في البيانات مثل 1.6.7.10
اكبر رقم العشره واصغر رقم الواحد )








س2/ الجدول المرافق يبين درجات 20 طالباً في احد المقررات الدراسيه :

أ : عدد الطلاب الحاصلين على 94 فاقل هو :

3 0.15 4 7

http://www11.0zz0.com/2012/03/08/17/820377143.jpg

ب: عدد الطلاب الحاصلين على درجة اقل من 94 هو

3 0.15 4 7

طريقة الحل في الفقره ب








ج : نسبة الطلاب الحاصلين على 94 فاقل هي

0.35
35%
4
7

طريقة الحل في الصوره التاليه :

http://www14.0zz0.com/2012/03/08/18/670751164.jpg



د : النسبة المئويه للطلاب الحاصلين على 94 فاقل هي

0.35
35%
4
7


طريقة الحل في الصوره التاليه :


http://www3.0zz0.com/2012/03/08/18/914402577.jpg

المنصور 2012- 3- 9 12:33 AM
رد: للي مو فاهمين في الاحصاء يدخلون هنا
 
جزاك الله خير اخي على هذا المجهود الرائع
لما فيه فائدة للجميع
وارجو ان تواصل ونحنو معاك وحاول ان تستخدم اسلوب الترتيب
في الشرح لانه يفيد للفهم لنه لمفروض جزاك الله خير تبني الشرح
على اقل فهم
وهوانا جدول الضرب لم احفظه حتى الان :hahahahahah::hahahahahah:

Abeeer33 2012- 3- 9 12:59 AM
رد: للي مو فاهمين في الاحصاء يدخلون هنا
 
جزاك الله الف خير باأخ فهد نهايه تمارين المحاضره الخامسه ماعرفت لها Cry111:مادري مستعمل اي قانون :060:والف شكر لك:106::106:

رآعي البورش 2012- 3- 9 01:49 AM
رد: للي مو فاهمين في الاحصاء يدخلون هنا
 
:hahahahahah: الله يجزاك خير وانا اخوك اللي يبغى مساعده انا حاضرموضوع انساني بحت

ميمي السنافيه 2012- 3- 9 02:01 AM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة ميمي علوش (المشاركة 5963272)
كمل اخوي

خلصنا 3 محاضرات امسك الرابعه واسدحها هنا مو لازم نسال لن اصلا محد فاهم عشان نسال

الي تشوفه معقد اشرحه هنا ما شاءالله اسلوبك سهل بالشرح
....

الراجية ربها 2012- 3- 9 01:46 PM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة Mr.FahaD (المشاركة 5965746)
تمارين المحاضرة الاولى


س1/ المدى لمجموعة من البيانات المنفصله هو :

1-اكثر القيم تكراراً في البيانات 2- اكبر قيمة في البيانات
3-اصغر قيمة في البيانات 4-الفرق بين اكبر واصغر قيمتين في البيانات


( يعني اكبر رقم واصغر رقم في البيانات مثل 1.6.7.10
اكبر رقم العشره واصغر رقم الواحد )








س2/ الجدول المرافق يبين درجات 20 طالباً في احد المقررات الدراسيه :

أ : عدد الطلاب الحاصلين على 94 فاقل هو :

3 0.15 4 7

http://www11.0zz0.com/2012/03/08/17/820377143.jpg
معليش ليش هنا نجمع مو نضرب في اثنين طيب واذا كان الحل الضرب في اثنين كيف اعرف انه هو المطلوب وكيف اعرف ان الحل ضرب مو جمع
اسفه بس ابي اعرف المطلوب من السؤال لان المحاضرات فاهمتها بس اذا جيت احل ما اعرف ايش المطلوب
ب: عدد الطلاب الحاصلين على درجة اقل من 94 هو

3 0.15 4 7

طريقة الحل في الفقره ب








ج : نسبة الطلاب الحاصلين على 94 فاقل هي

0.35
35%
4
7

طريقة الحل في الصوره التاليه :

http://www14.0zz0.com/2012/03/08/18/670751164.jpg



د : النسبة المئويه للطلاب الحاصلين على 94 فاقل هي

0.35
35%
4
7


طريقة الحل في الصوره التاليه :


http://www3.0zz0.com/2012/03/08/18/914402577.jpg
كيف اعرف المطلووووووووووووب

al7sass88 2012- 3- 9 04:17 PM
رد: للي مو فاهمين في الاحصاء يدخلون هنا
 
:d5::d5:الله يعطيك العافية ويجعلها في ميزان حسناتك :d5::d5::d5:

ام عبدالرحمن 20 2012- 3- 9 06:08 PM
رد: للي مو فاهمين في الاحصاء يدخلون هنا
 
الله يعطيك العافية ويفتح عليك

ميامي2011 2012- 3- 10 06:16 AM
رد: للي مو فاهمين في الاحصاء يدخلون هنا
 
انا مافهمت شرح الدكتور :sm1:
ماشفت الاالاولى والثانية وتعبت من طريقته في الشرح يتنقل بين المواضيع بشكل غريب يخليني اتشتت
مدري انا بس كذا :g2:

ام بندووري 2012- 3- 10 08:19 PM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة الراجية ربها (المشاركة 5968084)
كيف اعرف المطلووووووووووووب
اختي تعرفين المطلوب من السؤال نفسه


يعني الدكتور في الفقره أ
أ : عدد الطلاب الحاصلين على 94 فاقل هو :

يبغي عددهم نجمع التكرارات الي في الجدول لي حاصلين علي 92 و 93 مع الي حاصلين علي 94 المجموع =7
http://www11.0zz0.com/2012/03/08/17/820377143.jpg




الفقره الاخيره من السؤال كان طالب نسبه مئويه
: النسبة المئويه للطلاب الحاصلين على 94 فاقل هي


http://www3.0zz0.com/2012/03/08/18/914402577.jpg
بتوفيق
:(269):

ام بندووري 2012- 3- 10 08:27 PM
رد: للي مو فاهمين في الاحصاء يدخلون هنا
 
اقتباس:
المشاركة الأصلية كتبت بواسطة الراجية ربها (المشاركة 5968084)
كيف اعرف المطلووووووووووووب
ماعليش بجاوب عليك مانتبهت لسؤالك الي بين الفقرات


التكرارات تجمع ولا تضرب


الضرب في استخراج الفئات فقط


يعني اذا جاك سؤال استخرجي الفئات او حددي طول الفئات هنا نضرب


اذا جانا جدول وفيه تكرارات والمطلوب عدد معين مثل الطلاب ومثل الجدول الي حاطه لنا في التمارين هنا نجمع


يارب تكونين فهمتي ع شرحي :060:

الراجية ربها 2012- 3- 10 08:32 PM
رد: للي مو فاهمين في الاحصاء يدخلون هنا
 
مشكوره اختي ام بندووري ايه والله فهمت
الله يجزاك خير


All times are GMT +3. الوقت الآن حسب توقيت السعودية: 06:58 PM.
صفحة 1 من 5 1 2345
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه