اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

السلام عليكم ورحمة الله وبركاته

حياكم الله جميعـا ,

أكثر مادة عملت أزمـة في تسجيل المواد هي مادة مباديء الإدارة ,

وأمس أكثر الطلبة والطالبات لقوا المادة محذوفه و مو موجوده ضمن المواد اللي سجلوها بالبلاك بورد ,

والجامعه اللي يهديهـا غيروا الرقم المرجعي للمادة الخاص بطلبة وطالبات كلية الإداب بدون ما يبلغون ويعلنون !!

وللسبب هذا لازم الكل يدخل البانر ويتأكد من المادة ,

- اللي يلقى المادة موجودة في تسجيله يتأكد من عملية تأكيد تسجيل ,

لأني لما دخلت لقيت المادة تنتظر تأكيد تسجيل:017: .


- اللي ما يلقى المادة وحاب يسجلها من جديد لازم يدخل الرقم المرجعي الجديد لها

الرقم المرجعي للطلاب : 42813

الرقم المرجعي للطالبات : 42814

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

الله يعطيك العافية فعلا سويتها وضبطت معي :d5:

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

كلمـات

الله يعافيج يا رب ,

والحمدلله إنج سجلتي المادة :smile: ,

ولا تنسين الحــلاوة :tongue: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

صح انا كتبت نفس الرقم المرجعي حقك ..وضبط:71:

بس الرقم يختلف عن الرقم المرجعي اللي في الجدول..:(107):

من وين هذا الرقم ؟؟؟:g2:

موفق

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

little princess


العفـو أختي ,

افا عليج , ما طلبتي شيء :119: ,

الرقم المرجعي للطالبات يكون في أغلب الأوقات مقارب بشكل كبير إلى رقم الطلاب ,

والإختلاف يكون في رقم أو رقمين , يعني في حدود ضيقة ,

الرقم المرجعي السابق للطلاب كان 35200 و للطالبات كان 35202 , شوفي الفرق ؟ رقمين فقط ,

وعلشان كذا قلت دام رقم الطلاب الجديد هو 42813 فأكيد رقم الطالبات بعده برقم أو رقمين ,

والحمدلله الأخوات الطالبات جربن الرقمين وضبط معاهن الرقم :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

Dima

أهلين أخت ديمـا ,

الحمدلله إن الرقم ضبط معاج والمادة إنضافت لج , وهذا هو المهم :119: ,

والجامعه الظاهر غيرت الرقم المرجعي للمادة ولكن بدون إعلان وبدون تبليـغ , يعني سكتم بكتم :017: ,

ولكن الحمدلله قدرنـا نعرف الرقم قبل لا يتقفل البانر ويروح وقت التسجيل :wink: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

ماضبط معاي:mad:<<<<<سجلته بالبانر واكدت عليه بس ماطلع بالبلاك بورد

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

المفروض يغيرون إسمج من رايقه إلى مستعجله :cheese: ,


رايقـه

حياج الله :smile: ,

أهم شيء حاليا إنج تسجلين المادة في البانر وتتأكدين من وجودها وتسجيلهـا ,

وأما البلاك بورد فـ أمره بسيط وملحوق عليه إن شـاءالله , ولا تنسين إن البلاك كله راح يتم تحديثه ,

ودامج سجلتي المادة وأكدتي عليها إن شاءالله راح تلاقينها في البلاك :wink: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

ويذا مالقيته بكرة بالبلاك شسوي فيك:017:
بقلب اسمك من ساد هارت الى كريزي هارت -سمعت يالطيب:biggrin:

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

مششششكور اخووي عمرك طوووووويل كنت بكتب هالمعلومه بس ماقصرت وكتبتها قبلي الله يوفقك ويوفق الجميييع ياااااااااااااااااااااااااارب


واتمنى التوفيق والنجـــــــــــــــــــآح للجميع يااارب
واي سؤال او اي استفسار كلنا بالخدمممممممممممه

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

لا ما سمعت .. قريت :(284):

شرايج تراهنيـن :cheese: ؟ مو أحسن من التهديد :tongue: ,

الله يهديج الناس تدعي ربها بالمغفرة والرحمة والرزق في هالوقت من الـليل ,

وأنتي داخله علينا وكلج شر , يا دافع البلا سكنهم مساكنهم :bawling: ,



يا رايقـه

الله يرضى عليج دنيا وآخرة ,

العبرة في البلاك بورد هو مواد البانـر ,

وأنتي قولي إن شـاءالله وطولي بالج والمادة راح تلقينهـا في البلاك بورد ,

إذا مو بكرة , اللي بعده ,

وإذا مو اللي بعده , هالإسبوع ,

اللي حصل إن الجامعة غيروا الرقم المرجعي للمادة لكل طلاب وطالبات الآداب :017: ,

بعض الطلبة إنضافت لهم المادة في البانر والبلاك ولكن في البانر كانت محتاجة تأكيد تسجيل

وأما الطالبات فالأغلبية سقطت منهم المادة ,

والحمدلله إننا تلاحقنـا الموضوع ولحقنا على البانر ولقيناه مفتوح وقدرنا ننوه إن المادة لازم تتسجل من جديد :119: .



وإسمي يعبر عن حال وصفة لازمه , متلازمـة , غير قابلـة للتغيير حتى إشعار آخر .. فهمتـي :cool: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

ضہٍحكہٍة القمر


أهلين أختي ضحكة ,

ولا شكر على واجب :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

نفس مشكلتي حاولت ارجعها واجدد الرقم المرجعي وماقدرت الماده موجوده عالبانر وموموجوده على البلاك

الله يكون بالعون

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

اهلا SAD HEART

يعطيك ربي الف عافيه .. سويت الطريقه وسجلتها من اول ويديد..

عساك عالقوه .. والله يحعلها بميزان اعمالك...:d5:

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

يعطيك العآفيه
سجلتها من جديد وقبلت معي

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

بس مانزلت للحين في البلاك بورد

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

عملت الطريقه وضبطت معي
ونزلت الماده ف الخدمآت الطلابيه
لأنو لسه ماسددت الرسووم :(269):

يعطييك الف عآفييه خيوو

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

السهل الممتنع


حياك الله أخوي ,

الله يعافيك ويسلمك يا رب :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

مشكور اخوي

بس
:cool:
انا الحين طلعت مسجله مادتين مبادئ اداره

وش اسوي ؟؟؟؟http://www.m5zn.com/uploads/2011/2/1...grrfn0193x.png

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

little princess

لا شكر على واجب افا عليك أيتها البرنسيسة , إحنا في مركب واحد وشيء أكيد تهمنا فائدة الجميع :smile: ,

وتسلمين عـ الدعوة والكلام الطيب :mh318: ,

والحمدلله إن المادة إنضافت لج , وهذا هو المهم حاليا ,

بخصوص المادة القديمة اللي لحد الحين ما إنحذفت :

حاولي تدخلين الحين وتشيكين على البانـر وإن شـاءالله تلاقينهـا محذوفة ومو موجودة :wink: .


==================



للحب هيبة

حاولي تدخلين على نظام البانر وتتأكدين من المواد اللي سجلتيهـا ,

وإن شـاءالله تلاقين كل شيء مثل ما تبين ومثل ما سجلتيه وعدلتيه :119: ,

والمادة بإذن الله راح تلاقينهـا في البلاك بورد ولكن الشغله محتاجة شوية وقت ,

والبلاك بكبره راح يتحدث خلال هالإسبوع ويتعدل فيه كل شيء يخص الكورس الجديد , يعني لا تستعجلين :(204): .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

بنت العبدلي

حياج الله يا بنت العـم , ومدري إذا أنتي من عبادلة مطير أو من غيرهم :(107): ؟!!

ولكن والنعم فيج وفي أصلج من وين ما كنتي :smile: ,

والحمدلله إنج ما طولتي في الحوسه وعرفتي الحل وضبطتي أمورج وسجلتي المادة بالرقم المرجعي الجديد ,

الحذف أتوقع صار علشانهم غيروا رقمها المرجعي ,

فيه طلبة إنضافت لهم بالرقم الجديد ولكنها كانت تحتاج تأكيد تسجيل ,

وأما البنات فـ أتوقع إنهم ما ضافوها لهم خير وشر ,

المشكلة إن الجامعة ما كلفوا على نفسهم وحطوا إعلان أو توضيح عن التغيير اللي صار:017: ,

علشان الكل يعرف شنو صاير , واللي يبي يسجل المادة يسجلها من جديد !!

والله يعين اللي على فاله ولا يدري عن اللي صار , هذا صج وضعه يكسر الخاطر :icon9: !!

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

دنفـش

أهلين وسهلين , حي الله بنتنـا :smile: , حي الله أم أريغاتو :tongue: ,

الله يعافيج ويسلمج من كل شر يا رب :119: ,

والحمدلله إنج سجلتي المادة من جديد وإنضافت لج وكل شيء صار أوكي عندج :wink: ,

وتسلمين على تواصلج وكلامج الطيب يا دنفووووشه :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

ابن الشمال


حياك الله أخوي , الله يعافيك يا رب :119: ,

ودامك سجلت الماده فـهذا شيء طيب , وأمورك بإذن الله في السليم ,

وعـ البلاك بورد لا تستعجل , وإن شـاءالله هالإسبوع راح يتعدل ويتحدث البلاك ويضبط معاك كل شيء :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

jweel


مرحبـا فيج أختي ,

الله يعافيج ويخليج يا رب :smile: ,

الحمدلله إن أمورج كلها زينـه , وإن المادة إنضافت لج في البانر + الخدمات الطلابية ,

والرسوم ملحوق عليهـا إن شـاءالله , باقي إسبوعين على آخر يوم في تسديد الرسوم :wink: ,

وبـالتوفيق لج :119: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

maha


أهلين وسهلين مـهــا , - :mh318:أغلى إسم على قلبـي :mh318: - ,

أنتي أهم ما عليج هو تسجيل المادة بالرقم المرجعي الجديد , وإذا إنضافت لج إعملي لها تأكيد تسجيل ,

إذا عملتي هالطريقة ولقيتي المادة إنضافت لج في البانر معناها إنتي في السيف سايد :(204): ,

وأما اللي سجلتيها بالرقم المرجعي القديم فلا تشيلين همهـا , وإن شاءالله راح تنشال تلقائيا من النظام إذا ما قدرتي تشيلينها .

وبـالتوفيق لج يا مـهـــا دنيـا وآخـرة .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

والنعم فيك ياولد العم,,,ماغير هم عبادله فديتهم
-انا سويت طريقتك وطلع عندي وحده مسجله ووحده محذوفه بس لمن دخلت قائمه التسجيل الحالي شفت الماده مكتوبه لي بدون استاذعكس باقي المواد
اخاف تكون الجامعه حاذفتها لعدم وجود دكتور يدرسهاوحنا مصرين الا لازم نسجلها على الاقل لازم نتأكد اذا كذا نسجل مكانها ماده ثانيه .وبالبلاك بورد والجدول الدراسي مانزلت لي0
واعتذر اذا ازعجتك اوطولت عليك السالفه.

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

تسلم اخوي تعبناك معانا
فالك انشالله a+ في جميع المواد
وموفق دنيا واخره

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

بنت العبدلي

والنعم والله فيج يا بنـت العم , والساعه المباركة اللي جمعتنـا على خير في هالجامعة وهالمنتدى ,

افا عليج , لا تعتذرين ولا شيء , يكفي إنج من ريحـة مطيـر , أهل الخيـر ومشبعيـن الطيـر :119: ,

المحذوفه لا تشيلين همهـا , أهم ما عليج اللي سجلتيها بالرقم الجديد ,

والماده عند الجميع مسجله بدون دكتور , لا تخافين مو بس إنتي لحالج ,

أتوقع ينضاف هالإسبوع , وإن شاءالله يكون الدكتور ندير العليـان ,

دكتور محترم وطيب وحبوب ومزيون , ويمدحون طريقة تعامله مع الطلبة والطالبات وحتى واجباته وإختباره النهائي :(204): .

والبلاك بورد + جدول الإختبارات في الخدمات الطلابية صحيح المادة لحد الحين مو موجوده ,

ولكن لا تستعجلين على شيء , إن شـاءالله راح يتم تحديث وتعديل كل شيء خلال هالإسبوع :smile: .



By The Way

http://www.youtube.com/watch?v=6K4ni...eature=related

لا تطوووووفج :wink:

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

maha

الله يسلمج ويرحم والديج يا مهـا ولا يحرمنا من تواصلج الطيب :119: ,

وتسلمين عـ الدعوة الطيبـة , والفال لج وللجميع يا رب :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

:mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad::mad::mad: :mad::mad::mad:


الله يجزاك خيـر

سجلتهاا بس باقي مانزلت ع البلآآك بـورد
والبانـر موجوده مـرتـين اللي بالرقم القديـم مكتوب عندها اسقاط ومن عند تاكيد التسجيل مكتوب حذف وتاكيد حطيت تاكيد التسجيل ويرفض ودخلت الرقـم اللي حطيته وضبط الحمدلله

بس كيف اوخر القديمـه
وانا سددت اليوم قبـل لآ آعرف انو كنسسلوا القديمـه أخآف يصير فيه مشكله مع الرقـم القديم :000:

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

moly

أهلين أختي ,

الله يجزانا وياج كل خير يا رب , وتسلمين عـ الدعوة الطيبة :smile: ,

حلوة أوخـر :cheese: , الحمدلله إني بدوي وعرفت الكلمة , وإلا كان إبتلشنـا وقعدنا ندور لنا مترجم يشرح معنى الكلمة :tongue: ,

أهم شيء إنج سجلتيها وإنضافت لج بالبانر , وأما البلاك لا تحاتين أمره , وإن شـاءالله المادة راح تظهر لج فيه ,

اللي موجود بالبلاك حاليا هو للكورس اللي طاف وهالإسبوع سيتم تحديثه وإزالة كل اللي كان موجود وإضافة الجديد ,

وأما المادة اللي بالرقم القديم فلا تحاتينها , وإن شـاءالله راح تروح وتوخر على قولتج :tongue: ,

وحتى لو ما راحت هي موجوده بدون ساعات ومو محسوبه من ضمن المواد اللي سجلتيها لأنه تم إسقاطها (حذفها) ,

ونظام الجامعة مثل ما تعرفين مرات يخلي الصاحي مجنون ويعلقنـا على شغلات بسيطه ولازم نطول بالنا عليه :wink: ,

وبخصوص دفع الرسوم ,

مدري إذا مادة مباديء الإدارة من ضمن المواد اللي دفعتي رسومها اليوم أو لا ؟!!

إذا إيه فـ إن شـاءالله ما راح يصير شيء , ويا ليت تتأكدين من أيقونة دفع الرسوم في الخدمات الطلابية ,

هل زادوا عليج شيء غير الفلوس اللي دفعتيهم اليوم !!

في إنتظــارج :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

جوورري


أهلين أختي ,

الحمدلله إنج سجلتي المادة وضفتيها من جديد بالرقم المرجعي الجديد قبل لا يسكر نظام البانر :119: ,

والمادة بـإذن الله راح تنضاف في البلاك بورد هالإسبوع , والشغلة تاخذ شوية وقت إلين ما يتحدث نظام البلاك ,

واللي حصل إن المادة بكبرها تم إسقاطها من بعض الطلبة و كل الطالبات ,

وللسبب هذا تم إزالتها من اللي كانت ظاهره عندهم في نظام البلاك ,

وبــالتوفيق لج يا رب :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

دنفش

ولكمووووو أم أريغاتو :smile: ,

طافج قبل شويء بالجمعية قلت حق الكاشير أريغاتو , جان يبطل حلجه عباله قاعد أسبه :cheese: ,

الله يحييج ويخليج يا رب , تستاهلين الطيب والعافيه وكل شيء حلو في هالدنيا :119: ,

لا تقولين جذي يا بنت الحلال , ترى ما سويت شيء :mh318: ,

كلنا في مركب واحد وزملاء في جامعة واحد وشيء طبيعي نهتم في مصلحة بعض ونحرص عليها ,

وعسى الله يوفقنـا جميعـا وينجحنا في دراستنـا وفي حياتنـا :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

وش السالفه ليه هالحوسه:(177):

طيب وقت التسجيل خلص يمديني الحين اعدلها
وكيف الطريقه اذا برجع اسجلها

وشكرا للكل:106:

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

عفوا أيتها البرنسيسة الصغيرونه ,

والله يسلمح ويحفظج من كل شر يا رب :119:

وقايلج إن المادة راح تنحذف , بس يبيلها شوية صبر والحمدلله صبرتي وضبطت معاج :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

تفاحه خضراء

خلي عنج الحوسة لأن السالفة طويلة وما فيه وقت للشرح والتوضيح ,

إذا حابه تسجلين المادة رووووحي بسرعه للبانر وإدخلي على السحب والإضافة

وسجلي المادة بالرقم المرجعي الجديد 42814 وإعملي لها تأكيد تسجيل ,

وإن شـاءالله تنضاف لج من جديد :119: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

تعبت صدك


الله يعافيج يا رب ,

الحمدلله إن المادة إنضافت لج في البانر + السجل الاكاديمي في الخدمات الطلابية ,

وفي البلاك لحد الحين ما إنضافت عند أغلب الطلبة والطالبات ولكنها راح تنضاف خلال هالإسبوع ,

الحل هو شوية صبر وطولة بال , ولا تحاتين , لأنها بإذن الله منضافه منضافة :(204): .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

هههههههههه اي والله بغى ينجلط :lllolll: ,

لا شكر على واجب يا دنفوووشه ,

أنتم اللي تستاهلون الشكر والتقدير على تواصلكم الطيب :119: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

Queen


يكفيني والله هالدعوة الطيبة :mh318: ,

وما يحتاج تشكريني يا بنت الحلال , إنتي زميله وأخت ومساعدتج واجب تفرضه كل الحقوق والأعراف :119: ,

وموفقـه إن شـاءالله :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

Randz


الله يجزانا وياج وكل مسلم الخير والصلاح والفلاح ,

وعسى الله يبعد عنج وعن كل مسلم الضيقة :wink: ,

والحمدلله إنج قدرتي تسجلين المادة وإن شاءالله تدرسينها وتنجحين فيها في تقدير مرتفع :119: ,

وعسى الله يوفقج في حياتج وفي دراستج :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

شوفو اش سويت

رجعت اضفت في المربع رقم المرجعي حق الماده

قالي في اخطاء في التسجيل انو مسجله من قبل

رحت عملت لها تاكيد تسجيل

وبس

الله يستر

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

طيب تفاحه .. شنو الرقم المرجعي اللي سجلتي فيه المادة ؟؟

هل 42814 أو 35202 ؟؟

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

طيب و المستجدات زيي راح يضيفوها لنا او اش سالفتهم:Cry111:
و منتديات الحوار ابتدي :Cry111:اهايط فيها او استنى ينظفوها
طيب كم رقم الجامعه و على من اتصل
اسال كم من سؤال:mh12:

ياليت تفيدوني
ولكم دعوه من القلب

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

أنا أكدت التسجيل بالبانر حاليا موجوده

بس مو موجوده مانزلت بالبلاك


ايش الحل؟

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

سجلت بهالرقم
42814
مع اني لما دخلت بغير الرقم لقيته نفسه بس قلت احتياط راح ارجع ااكد عليه

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

onlybarbie

حياج الله أختي ,

المواد تنضاف تلقائي للمستجدين , وإن شاءالله تنضاف لكم وترجع لكم إذا تم إسقاطها ,

وإذا حابه تسجلين المادة يا ليت تدخلين للبانر وتضيفينها ,

مدري عن وضع المستجدين بخصوص البانر ولكن إن شـاءلله يكون مفتوح لكم لحد الحين ,


منتديات الحوار .. لا , لا تهايطين الحين , أجلي هياطج شويء , لأن كل شيء موجود الحين راح يتم إزالته :wink: ,

ورقم الجامعة .. السموحه منج لأني ما أعرفه , ولكن إن شـاءالله يفيدونج الأخوان والأخوات اللي موجودين في المنتدى :119: ,

وموفقه إن شـاءالله دنيا وآخرة :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

حياك الله أخوي راقي الفكر ,

الحمدلله إنك أكدت التسجيل في المادة في البانـر :119: ,

والبلاك مو بس عندك مو ظاهره , هالمشكله موجودة عند أغلب الطلبة والطالبات ,

وإن شـاءالله راح تنحل خلال هالإسبوع , أنت طول بالك شويء والأمور راح تزين وتتعدل :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

تفاحه خضراء

نفس اللي صار معاي بالضبط :wink: ,

والحمدلله إنج عملتي لها تأكيد تسجيل , لأنج إذا ما عملتي التأكيد الماده تنحذف من البانر :119: ,

ودام المادة موجوده في البانر فلا تحاتين , والبلاك أمره بسيط وهالمشكله عند طلبة وطالبات كثيرين ,

وإن شاءالله متى ما عملوا تحديث للبلاك راح تلاقينها موجوده هناك :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

يعطيك الف عافيه اخوي
رايتك بيضا
ربي يوفقك لكل خير
دنيا و اخره

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

انا سجلت الماده لكن لي يومين مانزلت على البلاك بورد
انا خايفه ماابي :mh12:تروح علي الماده

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

الله يعافيج ويخليج , وبيت مكه يوديج :119: ,

تسلمين على الدعوة وما قصرتي :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

افا والله .. سندريلا وتخافين !! شنو خليتي حق باربي :icon9: !!

لا تخافين ولا تتضايقين يا سندريلا , ودامج سجلتي المادة في البانر وعملتي تأكيد تسجيل معناها توكي على الله ,

والبلاك أمره بسيط وإن شاءالله خلال هالإسبوع راح يعملون له تحديث وكل شيء يصير اوكي وتمام عند كل الطلبة والطالبات :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

مرحبا جوورري ,

المادة إن شـاءالله راح تظهر بالبلاك بس منتظرين الجامعه تتكرم ويحدثون نظام البلاك ,

وأكثر التوقعات تقول إن التحديث راح يتم خلال هالإسبوع , والكل منتظر ومتأمل وإن شاءاله خير :smile: .

رد: اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه
 

خخخخخخخـ

اوخر كلمة أهـل الريـآض حضر وبـدو كل آلعآلم تقولها اوخر ووخر ووخري :biggrin:

اناا شيكت بالخدمات والسسعر مثل ماهو ماتغيير
اانا اول ما اضفتها كانت 3 سساعات وبعدها حذفتها وصارت سساعتين وسددت
وانصصدمت انها انحذفت ورحت اضفتها من جديد

بس لسسا ماطلع عندي اني مسدده مع اني ارسسلت :000: