ملتقى طلاب وطالبات جامعة الملك فيصل,جامعة الدمام

- - [ محتوى مقرر ] : مسائل حسابيه .. (https://vb.ckfu.org/showthread.php?t=572973)

رد: مسائل حسابيه ..

اقتباس:

المشاركة الأصلية كتبت بواسطة dnoy (المشاركة 10904634)

ايوا عارفه

بس سؤالي كيف احط اوس بالاله

فيه زر

اكس فوقه مربع

رد: مسائل حسابيه ..

ابو مازن في حال جاك اوجد الوسيط للبيانات
مسألة لازم تكتب القانون لان عليه درجات
فلو جاتك القيم التالية 4 3 6 2 9
اول شيء رتب القيم تصاعدي او تنازلي
2 3 4 6 9
بعدها حدد نوع هذا القيم زوجي ام فردي
2 3 4 6 9 (فردي)
n=5
نكتب القانون للوسيط الفري
(xn+1)قسمة 2
(x5+1) =(x6)
x6/2= x3
اذا الوسط الحسابي هو الرقم الثالث
والرقم الثالث =4
هذا في حال اذا كان القيم فردية

رد: مسائل حسابيه ..

اقتباس:

المشاركة الأصلية كتبت بواسطة arng (المشاركة 10904298)

تكوين جدول التوزيع التكراري .. بسم الله
اول شيء .. في المسألة بتجيك قيم كثيره وتقول كوني جدول التوزيع التكراري
وبتعطيك في المسأله عدد الفئات وركزي عليه
الحل اول شيء سوي جدول
العامود 1 اسمه حدود الفئة
العامود 2 الحدود الفعلية للفئات
العامود 3 مركز الفئة
العامود 4 التكرارت ..
يلا رسمتي الجدول بتقولين من كم صف الجدول اقولك من عدد الفئات
يعني مثلا قالت عدد الفئات 7 يلا سمي وارسمي جدول من 4 اعمده و7 صفوف
خلصنا من رسم الجدول نوجد القيم للعامود 1
اول شيء حددي اعلى قيمة وادنى قيمة في المسألة
حددتيهم اوجدي بعدها المدى من القانون =اعلى قيمة -ادنى قيمة
اوجدنا المدى وطلعت القيمة
يلا ناخذ عدد الفئات الي قلت لك ركزي عليه
ونسوي القانون طول الفئة = المدى /عدد الفئات ونقرب
طلع لك 7.5 نقربها تصير 8 مانقرب الا من خمسه وفوق
الحين اوجدنا حدود الفئة =8
نبدأ بأدنى قيمة في المسألة نحطها مثل الي في المسألة الي في الملخص ص5
ادنى حد =42
نحسب لين نوصل للطول 8
42-43-44-45-46-47-48-49
الحين عدي القيم كم تساوي 8
انتهينا عند 49
الحد الثاني نبدأ من عند 49 ونحسب لين يصير الطول=8
ونبدأ حساب الحد من عند 49
وكملي على كذا لين تخلصين عامود 1
خلصتي عامود1
نبدأ بعامود 2 هذا سهل
الحدود الفعلية للفئة
بعد ماكونا الحدود للفئة في العامود 1
ناخذ ادنى قيمة ونطرح منها 1/2
وناخذ اعلى قيمة ونضيف عليها 1/2
القيم الي في العامود 1 طبعا الي ناخذها
42-49
الحد الادنى = 42
الحد الادنى الفعلي يساوي= 42-0.5
=41.5
الحد الاعلى=49+0.5
=49.5
وكملي كذا على البقية
نجي للعامود 3
مركز الفئة= الحد الاعلى +الحد الادنى كلهم قسمة 2
طبعا الحدود ناخذها من العامود 1
42+49=91
91/2=45.5
وكلمي على كذا للبقية
العامود الرابع التكرار
سهل
عندك القيم من 42-49
شوفي في المسألة الارقام بين 49-42
وحدد عليها شوفي كم مره تكررت واكتبي التكرار في الجدول
واوجدي مجموع التكرارا
اذا بإختصار ..
اذا سويتي العامود الاول
تقدرين منه تطلعين الحدود الفعلية ع2
ومركز الفئةع3
ان شاء الله واضح

الله يجزاكك خيير .. الحمدلله فهمت :004:

رد: مسائل حسابيه ..

. الله يسعدك ويوفقك يارب .... أنا عند دكتوره نجلا وشرحها مش واضح كثير وعندي محاضرات ما تشتغل اعتمدت اعتماد كلي على ملخص و على YouTube وعلى شرحك الله يجزاك خير
بس ما فهمت المحاضره ١٣ الانحدار الخطي البسيط ممكن تشريحها الله يعافيك

رد: مسائل حسابيه ..

ايه تموم

لمن احول الاله ل math يصير

لكن هي قالت اختارو stat

اقسم بالله ذا الماده مرضضضضضض

بجلس كل شوي اغير

يعني اذا جا جذر اغير للماث واذا كان شي 2 ارجعه للstat

رد: مسائل حسابيه ..

عاااجججججججل
كيف طريقة حساب معامل التغيير على الحاسبة
الخطوات الله يعافيكم

رد: مسائل حسابيه ..

ص 22 من الملخص تحصلين الحل

فيه زر بالاله اللي هو تحت calc ع اليسار موجود تحته ع طول هذا اللي تستخدمينه فالحساب بالاله

تحطين الرقم فوق والرقم ثاني تحت تضربيينها ب 100 ويطلع لك الناتج ونزلي % بالناتج

رد: مسائل حسابيه ..

الله يسعدك ويخليك
اوك الانحدار الخطي
اذا جاتك مسألة فيها جدول تكراري
وجدول التوزيع التكراري يحتوي على عامودين
اضيفي للجدول عامود3و4
العامود3= xiyi
العامود4=xiاس 2
……
اوجدي قيم العامود3 عبارة عن ضرب قيم ع1في ع2
اخر شيء اوجدي مجموع القيم
واوجدي قيم العامود4 عبااره عن تربيع قيم العامود1
اوجدي مجموع قيمه
سوينا الجدول خلصنا منه
نكتب قانون الانحدار الخطي البسيط
y= B0+B1xi
1- القانون لـلـB0
الوسط الحسابي لy ناقص B1مضروبه في الوسط الحسابي ل x
نخلي قانون B0 على جنب
نبدأ نكتب قانون B1 ونشتغل عليه
هو اول مانبدأ فيه
B1=ssxy/ssx
اذا عندك الملخصص انا موضحه كيف نوجدهم في درس الارتباط
ssxy على جنب اوجدي قيمته
ssxy=(yixi)-nxy
اوجدنا في العامود الثالث قيمة xiyi
نوجد الوسط الحسابي للاكس بار
والوسط الحسابي لyبار
روحي للعامود الx عشان توجدين الوسط الحسابي له
يقولك القانون للوسط مجموع القيم قسمة عددها
مجموع قيم اكس قسمة عدد القيم
ونفس الكلام لy
اوجدنا الوسط الحسابي لxو لy
نعوض في قانون ssxy
n عدد القيم
طيب خلصنا من ssxy
نوجد ssx وطبعا قيمها جاهزه تاخذين تعوضين
قانونه =xiتربيع ناقص n مضروبه في الوسط الحسابي x
احنا عندنا الوسط الحسابي لx اوجدناه
وعندنا مجموع القيم لxi من الجدول
وعندنا عدد القيم جاهزه
ناخذ مجموع القيم لxi ونربعه
ناخذ الوسط الحسابي لxونربعه
ربعنا ذا وربعنا ذا
نعوض في القانون فقطط
الحين اوجدنا قيمة ssxy
وقيمة ssx
يلا نعوضها في قانون B1
B1=ssyx/ssx
الحين اوجدنا قيمة B1
نوجد قيم B0 نكتب قانونهB0=y-b1x
الوسسط الحسابي لy
الوسط الحسابي لx
سبق واوجدناه
وقيمة b1 برضو اوجدناها
فقط نعوضض في قانون b0 عشان نوجد قيمتها
خلاص اوجدناا قيمة b1 وقيمة b
اخييرررررااا
نعوضها في قانون الانحدار
قيمة b0+قيمةb1 مضروبه في x
الاكس في قانون الانحدار زينه
ان شاء الله يكون واضح
في حال مره حسيتي مو واضح قابليني في الجامعة
اذاا بأختصار
احفظي قانون الb1
احفظي قانون b0
الشغل يبدا من b1
اذا انتي اوجدتي قيم b1
يصير عليك مجرد تعوض في قانون b0
اوجدي الوسط الحسابي لx و لy
من البداية اوجديها وخليها على جنب
لانك واح تستخديميها في الb1 و b0
اوجدي تربيع xi راح تستخديمها في قانون ssx
وتربيع x بار راح تستخدمينها في ssx
طيب n ايش يعني عدد القيم
عدد القيم في الجدول يعني عدد القيم الي لx كم قيمة موجودهه
وعدد القيم في الحدول لy كم قيمة موجده في عامود y

رد: مسائل حسابيه ..

واوجدي قيم العامود4 عبااره عن تربيع قيم العامود1

هذا م عرفت كيف يطلعونه ممكن توضحين ؟