|
تكفون كلكم ادخلوا :(
هذا اول اسبوع اختبارات وخلص الحمدلله على كل حال
يا جماعه شوفوا لي حل واللي ماعنده شي يفيدني يدعي لي والله مدري وش صارلي بالضبط هو تبلد ولا برود اعصاب مدري فقدت الاحساس انا مابي انجح وبس ابي معدل عشان بإذن الله احول انتظام يكفي شهادتي مو مطابقه لشرط التحويل بس انا متوكله على الله ومعتمده عليه وشايله من راسي هذا القلق عشان مايحبطني وكل همي اعدي هالفصل نفس المستوى الاول وأحسن لكن المشكله الحين فيني مدري من الضغط و تقديم الاختبارات ولا احس اني مهتمه بهالشي تخيلوا اليوم مثلا دخلت الاختبار مو مخلصه المنهج كامل انا مذاكرته قبل الاختبارات بس حتى ولو جيت للقاعه بدري بس ما كان مسموح نراجع ووش بتسوي الربع ساعه اصلا وقبلها العقيده نفس الشي اختبرت وانا باقي ماكملت الماده ياجماعه ساعدوني وترا واجد زيي شي يحفزنا دعوه صادقه تشرح صدورنا وتخليني انتبه لنفسي والله احس برود الدنيا كله فيني ولا هامني شي ومستغربه مني كل هذا !! اعذروني لو مكان الموضوع غلط يا ادراه بس عشان القى اكبر نسبة مشاهده وردود والله يوفقني ويوفقكم يارب |
رد: تكفون كلكم ادخلوا :(
والله مثلك :(
|
رد: تكفون كلكم ادخلوا :(
انا من امس صايره احس بتبلد
الظاهر طاقتنا كلها طلعت بداية السمستر والحين ماعاد فيناا حييل لششي الله يسهلها عليناا ونعدي هالسمستر باعلئ الدرجاات احس ببكي لوو ينزل معدلي :bawling: والمراقبات للاسف صارو يسدو النفس يخلوناا نبدا الاختبار والنفسيه زيروو |
رد: تكفون كلكم ادخلوا :(
كل شخص تحصل لة فترة فتور و تشبع ب أشياء معينة بإعتقادي ان السبب الأول لمثل هذا الشعور هو غياب او نقص المحفز الدافع للمذاكرة و الاجتهاد , بالإمكان أيضاً المرور على المستويات المتقدمة لتخيل الحال بهذا المكان ورفع مستوى الحماس لدى النفس أيضاً استشعار الهدف الرئيسي من دخول هذا المعترك العلمي و مدى أثرة على حياتك العلمية و العملية.
ادعو من الله و ارجية ان يشرح صدوركم للدراسة , و ينول لكم امانيكم :rose: |
رد: تكفون كلكم ادخلوا :(
اللهم امين وياك متعب
والله جالسين نحفز انفسناا بكل شي بس ماااااش :biggrin: الظاهر منتششر فايروس البلااده ههههههههههههه |
رد: تكفون كلكم ادخلوا :(
يارب توفقنا ولاتحرمنا لذه النجاح صدق اوقات اتكسل بس احس في سباق مع الوقت واقول حق نفسي حلو النجاح بعد تعب
|
رد: تكفون كلكم ادخلوا :(
انا التوتر متعبني ولاكن ابذل جهد والحمدلله
بس طبيعه مواد هذا السميستر تختلف عن الترم الاول الله يسهل علينا ويبلغنا أعلى الدرجات في الدنيا والآخرة ���� |
رد: تكفون كلكم ادخلوا :(
وربي كانك تتكلمي عني نفس حالك والله تعبت
ماعمري حسيت بهالبرود وكل تفكيري بالمذاكره وامسك الملخص واجلس بالصفحه ساعتين واكثر ويمر الوقت وزي مانا الله يوفقكم ويسعدكم ادعولي |
رد: تكفون كلكم ادخلوا :(
كلنا مثلك انا م فتحت ماده أصلن الله يوفقنا يارب
|
تكفون كلكم ادخلوا :(
وش هدفكم
ليه هدفكم ومتي يتحقق هدفكم دايم اسلو نفسكم هالسوال اذ حسيتم في تلبد مشور الميل خطوه بدايته دايم غيرو مكان المذاكرة جو المذاكرة تنشيط الخافز للدراسة كافئ نفسك بنفسك بعد النجاح وفي الاخير الله يوفقكم بدراستكم واختباراتكم وحياتكم اللهم امين اللهم ارحمني فوق الارض وتحت الارض ويوم العرض |
رد: تكفون كلكم ادخلوا :(
انا مثلك احس طاقتي راحت ب اول اسبوع خلاص م احس اني شاده حيلي مثل السمستر الاول وبنفس الوقت مابي معدلي ينزل اتحلطم وبعدين ارجع ارفع معنوياتي وواتحمس :(85): بس يلا كلها كم يوم نتعب فيهم ونشوف نتيجة تعبنا ان شاءالله والله لايضيع لنا تعب ويسهل علينا ي رب ويرزقنا اعلى الدرجات |
رد: تكفون كلكم ادخلوا :(
شفي حبيبتي الحين عندك ويك اند ريحي نفسك يوم وسوي كل شي تبينه سويه
اعطي لنفسك هديه شي كذا وان شاء اللله ترجع لك طاقتك مجربتها انا |
رد: تكفون كلكم ادخلوا :(
كلنا تمر عندنا هالفتره بس خليك اقوى منها خلي عندك دافع تحدي بينك وبين نفسك
وقبل كل شي توكلي على الله لاتقولين ما اقدر ما بحل صعب كل العبارات السلبيه تخلصي منها لانه عقلك الباطن ياخذ بكلامك وخلاص يصير اللي تبيه ماتذاكرين ماتحلين عدل تقولين صعب يصير صعب توكلي على الله وهونيها وتهون و خلي عنك التكاسل والعبارات السلبيه وخلي عند هدف توصلين له باذن الله |
رد: تكفون كلكم ادخلوا :(
اقتباس:
وربي نسيت اتكلم عن هالشي الله يهديهم الأمن والمراقبات اغلبهم وربي اذا مو كلهم ووالله ما ابالغ اسلوبهم خايس ليه دايما دايما الابتسامه وربي مانشوفها على وجيهم الا بالغلط ليه هذا التعامل من الفصل الاول وانا نفسي احد يتكلم عن هالشي حنا نجي الاختبار مواصلين تعبانين تقريبا إلى حد كبير طافين وفوق هذا متوترين ونحاتي نلقى هالمراقبات نفسياتهم علينا اعوذبالله والامن في الحر والبرد مايدخلونا ويطلعونا اذا خلصنا على طول وكلهم مزعجين بأصواتهم العاليه واللي أسوء من كذا تجهمهم بوجيهنا دايم ليش يعني هم وش متعبهم مثلنا غير هالساعتين اللي يوقفون فيها ماوراهم شي اذا رجعوا بيوتهم يذاكرونه ويفكرون فيه ولا هم اللي جايين يختبرون ويعيشون ضغط الاختبارات انا اختبر دايما في 45 الله يهدي المراقبات هناك في منهم اللي اعوذ بالله اتحاشى قد ما اقدر اطلب شي او اتكلم معاهم حتى لو كنت محتاجه شي ضروري والسبب تعاملهم الاكثر من سيء بذكر لكم مثال مثلا في هناك مراقبه من عرفتها وهي كله صوتها عالي وتتنرفز بشكل مستفز على اشياء تافهه تقدر انها تعديها وماتعصب حيل بهالشكل الاوفر وتوتر غيرها شفتها هذا الاسبوع بموقف غريب عجيب كانت فيه تضحك مع مجموعة طالبات يا سبحان الله كيف شكلها تغير 180 درجه والله انه الابتسامه والهدوء غيروا معالم خلقتها بشكل مذهل !! ومره معاي انا وشفتها من قريب كيف ملامحها صارت غير عن لما تكون معصبه وشايشه علينا سبحان الله كيف ممكن الاسلوب الحلو وتبسمك في وجه اخوانك وخواتك المسلمين يغير اشياء كثير في الشخص نفسه وبالمكان اللي هو فيه اما ينشر طاقه ايجابيه ولا ينفر الاوادم وتقفل اخلاقه بوجيهم وربي اتمنى انه الوضع يتغير بجامعة الدمام مو معقولة في كل كليه ومجمع كليات القى نفس النفسيات هاذي متى بيتغيرون ويغيرون من انفسهم والله تعبنا واحنا نشتكي من معاملتهم واسلوبهم في الحديث الصحيح بما معناه صاحب الخُلق الحسَن يبلغ مرتبة الصائم القائم ب شنو ؟ بـ حسن اخلاقه !! وأقربهم منزله للنبي صلى الله عليه وسلم يوم القيامه أحسنهم أخلاق ؟ والله شي يفشل جامعه لها اسمها ومكانتها اللي كل يوم تزيد وترتقي للحين موظفاتها على نفس الحال ماتغير الا يزيد سوء وسيئات مدري على شنو صابرين وساكتين عنهم سوولهم على الاقل دورات يطورون من نفسهم ويحسنون من اسلوبهم وطريقة تعاملهم والله خاست جبودنا وحنا نتكلم سنين ولا احد يسمع او يغير شي انا وحده مثلي مثل غيري اتأثر بالجو العام ويؤثر فيني ولا ارتاح وسط الاجواء المتوتره ليه الضغط هذا يعني واللامبالاه وعدم احترام مشاعر الناس شي والله يقهر ويتعب وحنا نكتلم ولا فيه فايده او رد رسمي وتصرف مسؤول تجاه هالتصرفات اللي تعودوا عليها اصلا ومأمنين على انفسهم من اي عقوبه او جزاء سبحانك اللهم ربنا وبحمدك نشهد ان لا اله الا انت نستغفرك ونتوب إليك |
رد: تكفون كلكم ادخلوا :(
اسأل الله عز وجل أن يشرح صدوركم وييسر لكم أموركم ، ويرزقكم الدرجات العلياء في الدنيا والآخره .. :rose:، اقتباس:
أختي الهنوف ؛ الموضوع أنتقل من كونه تعبير عن حالتك النفسيه وتبلدك تجاه الدراسه إلى شكوى وتذمر من بعض الممارسات للمراقبات في الإختبارات وفي كل الأحوال تعتبر جميعها مخالفه لقوانين الأقسام التعليميه والأكاديميه المنصوص عليها في قوانين الأقسام التعليميه ، حيث أنه يُمنع فتح المواضيع غير الأكاديميه في هذه الأقسام .. للشكوى فيما يخص الجامعه يكون من خلال الجهه المسؤوله وأصحاب القرار في العماده والمُتمثله في شخص الدكتور صالح الرشيد .. الدكتور/ صالح الراشد - وكيل التعليم عن بعد saalrashed@uod.edu.sa أرجوا الإلتزام بذلك من الجميع .. نكتفي بهذا القدر .. أعتذر منك : يُغلق ,, مخالف لقوانين الأقسام التعليميه .. :icon1: |
| All times are GMT +3. الوقت الآن حسب توقيت السعودية: 08:23 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام