الله يمسيكم بالخير جميعاً ، وفالكم الدرجات العاليه يا رب .. :rose:

نعم من حقكم تشتكون ، وهذا أبسط حقوقكم ، وراح تكون محل الإهتمام من الدكتور صالح الراشد حسب تجارب سابقه لي معه شخصياً فيما يخص قسمنا والأقسام الثانيه .. وللعلم الدكتور صالح من أكثر الإداريين حرصاً على خدمة الطلاب ومساعدتهم ..

جامعتنا برضوه غيرت الدرجات ثلاث مرات في دفعتنا ، لما كنا في ثاني وثالث ورابع ورفعوا نسبة النجاح بزيادة كانت من 5 درجات إلى 8 ..

الآليه المثلى للشكوى :
- تحديد النقاط اللي كانت فيها المشكله اللي تسببت في صعوبة المقرر وكان لها الأثر المباشر في انه محد يقدر يحل صح سواءً كانت صياغه او اخطاء من حيث المحتوى ..............الخ .. ( يكون تحديد دقيق للاسئله وذكرها بالشكوى ) مثل الاسئله اللي ما وردت في المحتوى ولا المسجله وهكذا ..
- عدم الإتفاق على صيغه موحده للشكوى ينسخها حتى يكون لها أثر قوي وتعُبر عن مشكلة كل طالب على حده ولا تظهر كأنها إتفاق أو إن بعض الطالب ( ما يدري وين الله قاطه ومع الخيل يا شقرا نسخ ولصق ) .. كل واحد يكتب وين كانت المشكله في الاختبار بتعبيره الشخصي ويوضح في الأخير إن كان لها الأثر على التحصيل العلمي وتحصيل الدرجات واللي ممكن يأثر على المعدل لأن الجميع لا يطمح للنجاح فقط وإنما للمعدلات العاليه .. ( رساله تعكس إهتمام الطالب أكثر ولا يطهر فيها إي جانب يدل على الإهمال ) ..
- يقوم الجميع بإرسال رساله للدكتور ويوصي باقي الطلاب اللي عندهم اصدقاء منظمين للملتقى بضرورة إرساله بذلك ، أو الإنضمام للملتقى هنا لصياغة الرساله حسب ما تتفقون عليه جميعاً وتقررون بخصوصه ..

* الأفضل بعد إرسال الرساله أن يتبرع عدد من الشباب لمقابلة الدكتور والتأكيد على محتوى رسائل الشكوى عن طريق البريد بشكل مباشر ولقائه وجهاً لوجه ..

أخيراً ؛
الموضوع منكم وإليكم والطاقم الإداري والإشرافي جميعه في خدمتكم وتقديم المساعده لكم قدر المُستطاع ، لذلك أرجوا الإستفاده من الموضوع قدر المستطاع لتجميع الأفكار وطرح ما يخدمكم دون التجريح أو التعرض بالسب والدعاء في حق أي مسلم أياً كان ( أستاذ ، طالب ، إداري ..............الخ ) لأنه لا يجوز الدعاء على أخيك المسلم أولاً ، ولأن الدعاء والسب والتجريح لن يُقدمكم خطوه تجاه أي شيء يحقق لكم الفائده ، ولن تجنون سوى الآثام منه ..


بالتوفيق لكم , و إن شاء الله ربي يفرحكم بما يرضيكم في شكواكم ,, :rose: