|
عفواً ياجامعة الملك فيصل
[align=center]
[align=center] عفواً ياجامعة الملك فيصل لم يكن هذا المامول من جامعة مرموقة مثل جامعة الملك فيصل انا اتكلم عن سوء التنظيم الحاصل في 0101 يعني الرياض حاطين عشرين مشرف على الاختبارات واحد يدخلنا القاعات والثاني يطلعنا والثالث يقول روحوا شوفوا اسمائكم بين الجدران وراح وقتنا بين رايح جاي حتى بداخل القاعة يخلونا نقوم وحنا جالسين باليمين يودونا نجلس يسار شوي وجاء مشرف قال لا مين جلسكم كذا شوي وجاء واحد قال اطلعوا دوروا اسمائكم وشوي يجي الثاني يقول لا مو ضروري اللي عنده اختبار بالجدول اليوم يقعد ماهذا المأمول من التنظيم واتمنا من الاخوان اللي يختبرون بالرياض بمدارس التربية النموذجية يكون لهم تعليق [/align] [/align] |
رد: عفواً ياجامعة الملك فيصل
هههههههههههههههههههههه
وربي ماقرهني الا المراقب اللي عند المكرفون ازعجنا بصوته واحد المراقبين جاء وجلس عندي وقعد يكلم بالجوال طفشني ولخبطني خخخخخخخخخخخخخ |
رد: عفواً ياجامعة الملك فيصل
نفس الوضع عندنا
بس بصراحه المراقبين عندنا اخلاقهم العاليه تجبركم انك تعاون معهم ووسع صدرك , جل من لايخطىء :) |
رد: عفواً ياجامعة الملك فيصل
والله عندكم تنظيم شي مكرفونات وحركات
عندنا بالجبيل تخش صف اول ابتدائي وعددنا لا يتجاوز العشرين اجلس جاوب واضرب الباب اما المراقبين انواع الدجه تمشي عليهم كباري |
رد: عفواً ياجامعة الملك فيصل
ايييه,,,,,,,, احنا ينقلونا من قاعه لقاعه ,,
اليوم ثلاث مرات اروح لقاعه ويقومون لقاعده غير .. في الفتره الاولى بس ويعطونا ورق ويرجعوا يسحبوه والشكوى لله |
رد: عفواً ياجامعة الملك فيصل
عادي حنا لو ندخل جوا القاعه يطلعونا يقولون مين ناداكم ههههههههههههههههه وهذا غير لما نجلس يقولون لنا لالا صف ايه و صف لا او بجبن بعض بس كرسي ايه وكرسي لا و لا كل الاقسام بنفس القاعه
ولمبات الساحه ظلااااااااااااااااام و ازين شي انه من الحر و العطش البقاله يوصلنا هههههههههههههههههههههههههههههههههههههههههههههههههه هههههههههه بس سمعت الغش عندكم ماشي هههههههههههههههه |
رد: عفواً ياجامعة الملك فيصل
احنا عادي عندنا كل شي منظم الحمد لله لان عدد الطالبات قليل مره يعني 68 طالبه بس !
|
رد: عفواً ياجامعة الملك فيصل
والله حن احس حليو ماعليهم منظم بس يوم العقيده زحمه عشان الي حاملين الماده كثير من الترم الاول اما اليوم مره مرتب والمبنى حلو وكافتيريا حركتات <<
<<تموووووت على دونات كرسبي كريم ونسكافيه المهم البراد يهبل التكييف مدار الحصان الاهليه يدرسون الطلبات 15000الف المنتظمين بالمتوسط وجميع المراحل <<تشرح عشان التذوق الادبي ههههه |
رد: عفواً ياجامعة الملك فيصل
الله يعينكم ويصبركم من جد حالكم مايسر
الوضع عادي عندنا بس عندنا الرئيسه هي اكبر وحده من المراقبات << اظن دكتوره اليوم قالت من اليوم ورايح الساعه 4 بسكر باب القاعه << والله حاله اللي عندها ظروف ولا شيء وش تسوي الله يعين بسس المفروض تتعاون وأكيد مافي بنت راح تتأخر من كيفها .. |
رد: عفواً ياجامعة الملك فيصل
يكفـــــــــــــــــــــي،،،،،،،،،،،،،،،،،يكفـــــ ـــــــــــــــي
أنكــــــــــــــــــــم بالرياض الحبيـــــــــــــــــــــبــــــه (من عــــــــذاب البرد جيت ابغى دفـــــــــ,النسيم,ــــــــــاكــــ) كلها ايام وتعدي مالكم إلا الصبر اهم شي يكون فيه وقت كافي للأجابه عالأسئله وأهــــــــــم شي البراد لأن هاليومين الله لايوريكم الحر زاااااااااااايد بقوه:c17::c17: |
رد: عفواً ياجامعة الملك فيصل
ياناااس حنا وربي ظلااام و مجاعه و المويه حااره يعطونا اياها وقت الاختبار وماذبحنا الا البصمه هذي ما يخلونها لما نسلم الورق احسن
|
رد: عفواً ياجامعة الملك فيصل
اقتباس:
اقوول انتي معانا بالرياض ؟؟ |
رد: عفواً ياجامعة الملك فيصل
:no2: عادي وأنا أخوك ياأبو حلا تحصل في أحسن الجامعات بلاك والله ماشفت الجامعات الثانية مثل جامعة الإمام مثلاً وغيرها ولايعبرون الطالب وتبي تدفع وتدرس ولاتتكلم وإلاأمسك الباب ( هذا منطقهم طبعاً ) لإن لي زملاء بها يعانون
بالعكس جامعة الملك فيصل في رأي المتواضع من أفضل الجامعات التي تقدم الإنتساب المطور |
رد: عفواً ياجامعة الملك فيصل
بسم الله الرحمن الرحيم
انا بالنسبة لي من 0101 ما اشوف انه كان فيه عدم تنظيم لماذا لم نلوم انفسنا على سوء التنظيم ؟؟!! نخلي الصفوف الأولى ونروح إلى آخر صف !! يا أخوان لا تزعلون مني والله مثلكم وفي نفس المستوى يعني لو حنا دخلنا بأنتظام وجلس كل واحد منا بداية من الصفوف الأولى هل كان بينقص منا شئ ؟؟ ويا أخوان هل يجوز ان نتكلم على اخواننا المراقبين بهذه العبارت ( كباري وماني عارف ايه ) لا تفكروني اني مطوع انا حالي من حالكم سيم سيم بس أموت ونرتقي بكلامنا ضد الآخرين وان كان هنالك مسيئ من المراقبين فعلا نفسه ويعلم الله انهم قمه بالاحترام والتقدير لجميع الطلاب طالبكم طلب انكم ماتزعلون مني خذوا هالكلام من باب التناصح وحفظ مابين الفكين هذا شئ الشئ الثاني والله يا انا استخدمت البركة في حل اسئلة الانجليزي < هذا وانت جايبن مدرس مفهي بعد هههههههههههههه عموماً المراقبين اخواننا والدكاترة اساتذتنا ونسأل الله العلي العظيم ان يوفقنا وينجحنا تقبلوا نصيحة أخوكم / فيصل الدوسري < الاسم الحقيقي ولكم من أجمل وأرق التحايا |
رد: عفواً ياجامعة الملك فيصل
[align=center]
كلامك سليم اخ فيصل الدوسري ولا مانع من التعليق على مايدور في القاعات من باب التفريغ ومثلك عارف توتر الاختبارات وضغطها يعني ماأحد ناقصه بعض الاخطاء اللي يقع فيها المراقبيين (عني انا لاحظة عدم التفاهم فيما بين المراقبات كل وحده تطحن في وادي) لكن مو مشكله اول يوم لازم وبصراحه بعد كذا بداء يزيد التنظيم وعقبال الايام الجايه [/align] |
رد: عفواً ياجامعة الملك فيصل
اقتباس:
امحق من مكرفون والله تقول انه يتكلم من قاع بير والا تقول ان حلقه كيس واقف ههههههههههههههههههههه |
رد: عفواً ياجامعة الملك فيصل
اميره السلطان
تصدقين بهالزمان الواحد يبيلها يمشيله على قاعدهـ الا وهي ( الصمت والاستماع مع شوي من الابتسامه لان فيها صدقه) والله لو كل واحد منا جاء ودخل القاعه وسمع كلام المراقبين وجلس في المكان المطلوب ان يجلس فيه ولا جلس يتكلم والله وانا بالقاعه اليوم حسيت نفسي في معارض النسيم بوب قاعه حنا جايين نأدي شئ وهو الاختبار وشهوله كثر الحكي والسوالف على بالك بتراجع !! لو به شمس كان من امس ذاكر بالبيت والله انقهر من هالحركات انا متى تصير عندنا ثقافه نبي شوية ثقافة شووووويه بس ولا يزعلون مني الاخوان كلهم فيهم الخير وعلى رأسي من فوق بس حصل اليوم اشكالية في حكاية الجلوس وكلها منا نحن كل واحد يبي الزاويه خلااااص نبي نترك الزوايا نبي نكون بالصفوف الامامية إلى متى ؟؟ وبالنسبة لحكاية ان الواحد يكون متنرفز مو مشكله بس يكون في حدود المعقول وين النقد البناء اللي يقولون عليه والله الواحد يبي يدخل المنتدى يرتقي بفكره لا ينحط فكره احس اني ماعاد انا بدخل من هالسوالف ورب البيت اني قبل لا ادخل اليوم كنت فرحنا بالعوده للبيت عشان ادخل المنتدى ونستانس شوي مع الشباب والبنات في كيفية الاسئلة يوم ادخل القاء اعلان واللي يقول حسبنا الله ونعم الوكيل وشو ذا !! منتدى عموماً المسيئ على نفسه والمحسن لنفسه ولك مني باقه من الورد ولجميع الاعضاء < والله يحبكم جميعاً يالي تتكلمون ومنقهر ماودهـ يكون فيه احد يصل الى هذا المستوى |
رد: عفواً ياجامعة الملك فيصل
اقتباس:
اخوي كلامك سليم بس كم مره طلعونا من القاعة قبل الاختبار وكم مره يقولوا صفو يمين وناس تقول تعالوا صفوا يسار؟؟ هنا الاعتراض |
رد: عفواً ياجامعة الملك فيصل
السلام عليكم ورحمة الله وبركاته
كيفكم ,, اعتقد التنظيم في المدينة افضل تنظيم شفته في حيااتي التعلمية لانة هنااك تعااون واحتررام كيبر بين الاطلاب والدكااترة ويضاا هنااك رعااية علي سبيال المثال,, لم ندخل القااعة 101 نحصل كل شي مرقم مثل a b c d ,حتي المووية تجيناا لعندناا باااردة مع hp2 قلم رصااص مجاانااا لكل طالب شكر شكر لجامعه الاسلاميه في المدينة,,,,, ابو ريتااج |
رد: عفواً ياجامعة الملك فيصل
صحيح فيصل يعني فيه ناس اليوم عندنا جايه الساعه 4 ونص و اللي 5 الاربع وغير كذا حنا مشكلتنا بقاعه المسرح و يجمعونا حنا و التربية يعني هم اللي متوهقين مش احنا واللي يجون متاخرين اليوم حذرو انها بعد 4 مافيه وحده تدخل للقاعه انه تحوس وين يجلسونها و اية نموذج يعطونهها
بس ماقهرررني الا الظلام اللي مخلينا فيه و عطش و الله اليوم بغيت اروح للبقاله مشي بين الفترتين بس الحارس مارضا وقال اطلبو منن البقاله ههههههههههههههههههه وطلبنا |
رد: عفواً ياجامعة الملك فيصل
الا بسالكم يا طلاب الرياض سمعت الغش عندكم ماشي تمام التمام هههههههههههههههههههههههه
|
رد: عفواً ياجامعة الملك فيصل
اقتباس:
ورب البيت مو تكذيب لك او لغيرك بس الحقيقه هوهـ البس حصل عند دخول القاعه قالوا تأكدوا من الاسماء وكل واحد يتأكد من اسمه موجود او لا وسألت احد المراقبين كان على علامة الالتزام يعني ( مطوع ) والله ما اعرف اسمه سألته تقريباً ثلاث مرات ويناظر فيني ولا رد علي اخذتها بروح رياضية وطلعت وتأكدت من اسمي ورجعت ولا جاء بخاطري مثقال ذره الطلاب دخلوووووا ياطويل العمر والسلامه واتجهوا الى الزاويه الآخيره وقالوا قوموا ياشباب املاؤ الصفوف الاولى بالاول وكأنك تكلم الجدار وبالصياح وتكفون قاموا الزملاء بارك الله فيهم وين الخلل الحين !!؟؟ عموماً انس يارجال وخلنا بالي بالايام الجايه والامور طيبه < تكفى يالشايب وسع صدرك بس |
رد: عفواً ياجامعة الملك فيصل
اقتباس:
والله الشباب فضيحه عاد الحين باقول شئ بخصوص الغش وما ادراك ما الغش جابت الطاري اختنا Lubna ياليت ياليت اذا كان فيه احد يساعد صديقه بمعلومه لا تروحون بالمنتديات تقولون انا غشينا وسوينا وماني عارف ايه < حلوهـ ساعدكم صح يعني المساعده هنا ماهي غش والله شئ اسكتوا الله يلعن ابليسكم تروا باقي معانا سنوات جايه طويله تروا كذا والله تخلونهم يقوون المراقبه علينا انتوا تفكرون انهم ما يدخلون المنتديات ويشوفون وش يصير بين الطلاب ؟؟!! والله عندهم قسم خاص وعشان ما اطيل عليكم اذا احد غض النظر عنك او عن زميلك اسكت ولا تروح تعلم سكوتم بكتم واتمنا للجميع بالتوفيق والنجاح الدائم يارب |
رد: عفواً ياجامعة الملك فيصل
اقتباس:
الحين البنت منكم تشيل شنطه في يدها كلها روج وماني عارف ايه < احلى ياللي يعرف وش بالشناط ههههههههههههههههه عجزانه تحطين فيها قارورة موية اللي بنص ريال < وبخيل بعد هههههههههههه والله انا جايب معاي مويتي تحسباً للعطش وبالنسبه لظلام كل الناس تبيييييه ذا ينفع للقزقزهـ محد يشوفك هههههههههههه شوفيلك محل زين بالمرهـ الجايه واسأل الله العلي العظيم ان يوفقنا وينجحنا يارب والله إلى حد الآن اشوفها مو هاك الصعوبه اللي كانوا يقولون عليها اقاربنا ولا زملانا اثاريهم نصابين مايبونا نكمل الدراسه هههههههههه |
رد: عفواً ياجامعة الملك فيصل
[align=center]
السلام عليكم يسعد أيامكم بالخير . أنا في مركز الرياض اليوم وأحب أقولكم أخواني لاتناظرون للموضوع من زاوية وحدة طالعوا من جميع الجهات يعني زي اليوم ممكن صار بعض اللخبطة بس في المقابل شف الناس اللي حضروا للاختبار متأخرين وماقصروا المراقبين دخلوهم يعني متساهلين معنا في أشياء كثيرة وأنا أخوكم طووووووووووووووولو بالكم . المهم اليوم جنبي شايب في اختبار الانجليزي يقولي هاهـ عساكـ مذاكر لاتنساني ،قلتله يابن الحلال ترى النماذج تختلف ،قال ساعدني باللي تعرفه << ماستوعب المسكين قلت يابن الحلال الاسئلة تختلف ،قال لاحول ولاقوة الا بالله ,,,, أحس أنه يقول في نفسه وش جلسني جنب ذا الدلخ . عموماً ترانا في الرياض أحسن من غيرنا بكثيييييييييييييييير [/align] |
رد: عفواً ياجامعة الملك فيصل
[glow1=ffffff]
اتقو الله ياشباب الاسلام ياللي متهاونين في مسألة الغش وتقولونها بسهولة وبكل بساطة اتقول الله لو غشيت في فقرة وحده بس فكر بعدين في المستقبل لما تاخذ الوثيقة بأذن الله وتتوظف فيها ويجيك راتب بالله بتحس ان الفلوس او الراتب هذا حلال ..؟! انتبهو من صغائر الذنوب لانها تؤدي الى الكبيرة لاتقولون ابالغا لغ هذا الحق وهذي كلمات حرقة قلب اخت لكم في الأسلام حريصة على اخوانها من كل حرام ولاتنسو قول رسول الله ـ صلى الله عليه وسلم ـ «من غشنا فليس منا». [/glow1] |
رد: عفواً ياجامعة الملك فيصل
أنا أعتب صراحة على أسلوب بعض المراقبين و تعاملهم اللاراقي مع الطلاب في اختبار يوم أمس ( الانجليزي - فقة السيرة) .. صراحة على كثر المرات اللي اختبرت فيها في أكثر من جامعة ما قد رأيت مثل هذا التعامل السيء ..
على المسؤلين في جامعة الملك فيصل الانتباه لهذه النقطة و عدم اغفالها ، فهؤلاء المراقبين يعكسون صورة سيئة عن الجامعة ، و السمعة كما هو معروف في علم الإدارة أحد أهم العناصر التي على كل منشأة أن تقوم بحمايتها و صيانتها حتى لو دفعت في سبيل ذلك الكثير ، لأنها إذا ذهبت فليس من السهل ارجاعها .. و الله الموفق |
رد: عفواً ياجامعة الملك فيصل
اقتباس:
الحمدلله ياربي: مازال هناك ناس يأمرون بالمعروف وينهون عن المنكر الهم اعنهم على الحق وأصلح من اغواه الشيطان الله لايحرمك الاجر ياحبيب المصطفى صلى الله عليه وسلم :119: |
رد: عفواً ياجامعة الملك فيصل
والله ياازين التنظيم عندناا يخشوونك وحتى المرااقبين يمين ذربين معك تاخرت ليه تاخرتي خشي حلي قبل لايضيع الوقت <<يالبيه يالدلال مب صاحي ححسسسوني اني دلوعه بهذاذا الكلام <<هههههههههههه امحق وصف يانوف دلوعه متن وحده هع
|
رد: عفواً ياجامعة الملك فيصل
اقتباس:
واناا صرااحه مااحب اتبع هذه الاساليب لانوو موو شرط تشووفني المرااقبه احط في بالي انوو ربي يشووفني وانا مابي انجح بغش لانوو الغش حراام واناا ماابي انجح بووسيله من وساائل الحراام وتذكروو ان الله يرى يعني اذاا مااشاافوو المراقبين الله عز وجل الاعظم والاكبر يشووووفنا ولا اذاا على الامتحاان قلعت ابوووه لوو اشوف الاجاابه جاايتني من طبق من ذهب ماغشيت لاني محااسبه على هذه الشئ في الاخره وتذكروو من غشنا فليس منا بالتوفيق جميعا |
رد: عفواً ياجامعة الملك فيصل
اقتباس:
من غشنا فليس منا والمعلومه اللي تاخذه الحين تصير نار عليك يوم القيامه موفقيييييييييين انشالله :119: |
رد: عفواً ياجامعة الملك فيصل
والله شئ
مره الاستقامه فيكم اعجبتني والله الله يوفقكم ان شاءالله اقول متى تنتهي هالاختبارات بس |
| All times are GMT +3. الوقت الآن حسب توقيت السعودية: 07:20 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام