|
مطلوبين هون
السلام عليكم ورحمة الله وبركاته اعزائي الطلاب واخواتي الطالبات انا عندي مشكله كبيره مع مادة الانقليزي مره مره ميح التئسيس صفر والمعلومات صفر وكل شي يخص هالماده صفر انا تركت جامعة طيبه كان تخصصي فيها ادارة اعمال وكان وضعي توب ماخلاني اتركها الا هالماده لانو اغلب المواد فيها رموز وكلمات تخص الانقلش للمعلوميه تركت من المستوى الثالث المهم ياحلوين انا ما ابي الا انو اضمن نجاحي بهالماده لانو مستواي بالمواد الثانيه جدا ممتاز انا تخصصي الحين علم اجتماع ولا معقدني الا هالماده ياليت تفيدونا وش الحل الله يوفقكم ياحبايب تحياتي لكم |
رد: مطلوبين هون
رأيي الشخصي اخوي العامل النفسي والعقل الباطني لديك .. كلما كانت فكرتك سيئة كلما كانت المادة صعبة عليك .. وكلما تفاؤلت خير واعتقدت انك قادر على التغلب عليها وتجاوزها كانت سهلة عليك جدا ..
اقتنع اخوي الغالي انها سهله وانك قادر على تجاوزها وباذن الله تقدر .. يوجد بالقسم مراجعات وملخصات وواجبات واختبارات الاعوام الماضيه .. اذا ركزت عليها وحاولت تفهمها تقدر تنجح .. ولو تقدر تجيب مدرس خصوصي كعامل مساعد ليرسخ المعلومة كان افضل وافضل !! اتمنى فكرتي وصلت واتمنى ان تؤمن بنفسك وبقدراتك بعد عون الله .. بالتوفيق للجميييييع :16: |
رد: مطلوبين هون
و عليكم السلام ..
حياك اخوي ، طالما احنا في بداية الدراسة .. استخدم مدرس خصوصي .. يشرح لك المادة بالتفصيل الممل .. لأنو صراحة لو تسمع الدكتور عمار دكتور المادة ما راح تستوعب شيئ .. لأن ثلاثة ارباع المحاضرة يتكلم انجلش .. لكن الجميل الحين انو احنا في بداية الطريق .. تقدر تقوي نفسك في الانجلش .. و خلي المدرس مثل ما قلت لك يشرح كل صغيرة في المنهج .. العبارات .. القواعد ..الخ و على فكرة في مستوى ثاني فيه مادتين انجليزي .. انا ما اقول كذا علشان اخوفك مثلاً .. لا .. انا اقولك علشان تستعد لها و تشتغل على نفسك من الحين .. علشان وقت ما تجي وقت المادة تكون مستعد و مرتاح لها .. بس بقولك نقطة هي الي إن شاء الله راح تطمنك .. إذا انت عديت الانجليزي تبع الثانوي و اكيد الكل عداه طالما احنا الحين طلاب جامعين .. اكيد راح تعدي هالمادة بعون من الله .. لأنو منهج هالمادة مثل مناهج الثانوي و المتوسط بعد .. يعني منهج مو متقدم .. و مثل ما عديت مادة الإنجليزي في الثانوي .. راح تعدي هالمادة إن شاء الله .. |
رد: مطلوبين هون
كلام اختي كونفدنس عين الصواب لا يعلى عليها نصيحة ولا مشورة ..:16:
|
رد: مطلوبين هون
ازيد على كلام اختي كونفيدنس واخي سيريوس
انك تقوي نفسك بنفسك بانك تتفرجلك على كم حاجه انقلش تتعود اذنك على اللغه وتكتسب مصطلحات وبكل بساطه احفظلك كلمتين كل يوم من الدكشنري وهذا الي انا بسويه باذن الله |
رد: مطلوبين هون
لازم مدرسه وهيك ماقدر اذاكره بروحي ..؟ لاني انا ميح بالانقلش ماقدر اجيب مدرسه صعبه هيك . بس اذا هو مثل الثانوي ان شااءلله بقدر ااعديه :24: |
رد: مطلوبين هون
مبادرة حلوة .. استمري وان شاء الله الاخ يبدأ .. :16:
|
رد: مطلوبين هون
مشكورين جميعا بسراحه ماتوقعت هالردود خلال دقائق
اجل مدامكم كذا فالكم التوفيق ان شاء الله اكثر من هيك حماس مافيه اطبع المنهج كامل واخذه لمدرس يشرحه لي ولا كيف موفقين حبايب واسف علا كثرة الاستفسارات وبالنسبه لي كيف عديت من هالماده بالثانوي بسراحه بالواسطه ههههههههههههههه وهذا انا جالس احصد مازرعت |
رد: مطلوبين هون
هنا اسهل من الثانوي اعتقد لانها اختيارات ..
بالتوفيق اخوي .. :16: |
رد: مطلوبين هون
و على فكرة الي النقطة الي تكلم فيها اخوي Serious جداً
مهمه و لا أبالغ فيها .. ساعات نعتقد إن قدراتنا الذهنية وحدها هي طريق النجاح ..ناسين انو العامل النفسي قد يكون اهم ، و هو سبب الإخفاق الرئيسي .. مو معدل ذكاءك او مدى استيعابك .. يعني عط نفسك إيحاء أنو المادة سهلة و ممتعة و حتى لو كانت عكس كذلك .. تخيل إنك عديت المادة و بتفوق بعد .. تخيل انك جالس تحل المادة و بكل أريحية و انو الأسئلة سهلة .. خلي عندك اعتقاد تام ما يهتز انك بتعديها .. يعني بتعديها .. الإيحاءات و التخيلات و تغيير المعتقد السابق .. كلها مهمة بقدر استيعابك للمادة .. طبعاً انا اتكلم من منطلق علمي .. و مجرب .. ياما شفنا ناس قدراتهم الذهنية عالية و يستعبوا المادة بكل سهولة .. لكن يطلعوا بنتائج مخيبة .. و لا يعرفوا ليش .. لأنو وقت الإختبار .. يرتفع مستوى التوتر عندهم .. و مع التوتر العالي يفقد الشخص التركيز .. فما يفهم السؤال بطريقة صحيحة و يجاوب غلط .. يرتفع مستوى الخوف و تهتز شوية ثقته بنفسة .. فتلقاه يتردد في الإجابة على الرغم انو عارف الإجابة الصحيحة بس يقول لنفسه يمكنها غلط .. و يجيب العيد على قولتهم في الإمتحان .. صحيح هيئ نفسه ذهنيا ً بمذاكرة المادة .. بس نسى يهيئ نفسه نفسيا ً.. الخلاصة .. هيئ نفسك إنك راح تنجح إن شاء الله .. و يتنجح بعون من الله .. |
رد: مطلوبين هون
انا نفس الشئ مااعرف اللغه الانجليزيه كثير وخايفه بس بحاول قد مااقدر وان شاء الله ربي يسهلها.
|
رد: مطلوبين هون
لا تخافي تكاتفنا جميع يسهل الامور باذن الله .. :16:
|
رد: مطلوبين هون
1 مرفق
كابتن
موضوعك جداً بسيط الانجليزي بس يحتاج لها (( ممارسه )) إذا كنت في السياره حاول تسمع إذاعات أجنبيه (( حتى لو ماتفهم أسمعهم ومع التكرار تفهم )) حاول تحفظ كلامهم وتترجمها أشتر لك كتب قصص (( بالانجليزي )) حاول تفتح عيونك وتركز مثل لما نلعب بلايستيشين ونركز إذا كنت من محبين كرة القدم أو أي مجال بالرياضه (( حاول أتابع البطولات الأجنبيه )) وأحفظ أسماء اللاعبين حتى لو صعبين خلي (( اللسانك )) يتمرن على النطق إذا كنت في البيت دردش على خفيف مع الأهل وتكلم (( كلمه أو كلمتين )) معاهم بالمزح أشتر لك دفتر تتعلم فيها وتعود أصابعك على كتابة الحروف والكلمات الانجليزيه كل أسبوع أحفظ لك عشر كلمات ومع الاستمرار بالممارسه إذا عندكم خادمه لاتكلمها بالعربي (( بعدين تخليها تستفيد منك كثير )) حاول تعكس الفكره لصالحك (( تكلم معاها بالانجليزي )) مثال على ذلك: ماء - Water >>> تنطق (( واتر )) شاي - Tea >>> تنطق (( تي )) كأس-Cup >>> تنطق (( كاب )) كأس العالم - World Cup >>> تنطق (( ووولد كاب )) محمد-Mohammed >>> تنطق (( موهامد )) (^_^) شفت وناسه تدخل عالم ثاني أنا جبت لك كتاب ينفعك كثير كتاب يعلمك الانجليزي من الصفر وحتى الاحتراف وكذلك هذا الرابط حق الشيخ (( قوقل )) موقع ترجمه وفيها نطق أدخل وأكتب بالعربي ويترجم لك بالانجليزي والعكس صحيح،،،تفضل الرابط: http://translate.google.com.sa/?hl=ar&tab=wT والكتاب في المرفقات تحياتي لك أخوك / فارس |
رد: مطلوبين هون
الاخ الغالي فارس الرومانسيه
بيض الله وجهك وماقصرت ماشاء الله عليك واضح ثقافتك عاليه ودائما ردودك متميزه واصل يالغالي ولا تحرمنا من الاستفاده من معلوماتك |
رد: مطلوبين هون
السلام عليكم
حاول ان تبعد فكرة صعوبة الماده عن عقلك بعض المنعطفات قاسيه لكنها إجباريه لمواصلة الطريق اكثر من الاستغفار وتوكل على الله قل بصوت عالي استطيع تجاوز كل الصعوبات لاترضخ لشي اسال الله لك وللجميع التوفيق دمتم احبتي |
رد: مطلوبين هون
انا من اللي يكرهون إنجليزي ودي يمحون المادة من ع هالكون لعبة فيني لعب في الثانوية العامة واحمد ال علي حقهم:32:
|
رد: مطلوبين هون
إقناع العقل الباطن بأنك قادر على تغلب هذه العقبة 50% من المشكلة أنحلت ..
|
رد: مطلوبين هون
انا مثل حالتك لاكن قلت اتوكل على الله
|
رد: مطلوبين هون
معليش سؤال خارجي :25:الحين كل من دخل قسم انجليزي يغير اسمه ويصير عنقريزي:38:احوليت وانا أقرى اساميكم
|
رد: مطلوبين هون
مشكورين حبايب علا الافاده
لاكن مافيه حل جذري يختصر لي هالماده المتوفيه |
| All times are GMT +3. الوقت الآن حسب توقيت السعودية: 02:32 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام