ملتقى طلاب وطالبات جامعة الملك فيصل,جامعة الدمام - اعلان هاااام بخصوص المحاضرات المباشرة

للجميع مع التحية

اولا شكرا على مروركم وتشريفكم

ثانيا بخصوص استفساراتكم

كل شخص عنده مواد ( مقررات ) هو مسجل فيها
يعني كل واحد قبل لا يدخل هو عارف انه عنده المادة كذا وكذا

الجدول كالتالي :
لو اخذنا مثلا اول يوم الثلاثاء 26/3/1432 الموافق 1/3/2011

يوجد 6 محاضرات مباشرة
كل محاضرة مسجلة بالشكل التالي

اسم المقرر :
اسم الدكتور :
الكلية والقسم :

المطلوب منكم:
1- تشوفون مقرراتكم ومن اللي يعطيكم المقرر
2- تشوفون وش مكتوب طلاب / طالبات
3- تنتبهون للوقت يعني لو كنت طالب مثلا ما راح تقدر تدخل على محاضرت الطالبات والعكس
4- بخصوص (جميع التخصصات) لو مكتوب قبلها كلية الآداب يعني كلية الآداب بجميع تخصصاتها يعني
دراسات اسلامية ، لغة عربية ، علم اجتماع ، تاريخ ، جغرافيا ... وهكذا وينطبق على بقية الكليات

بالمختصر كل شخص عارف وش يدرس ومن اللي يعطيه المقرر من الجدول شوفوا موادكم وتابعوا محاضراتكم
وفالكم التوفيق ..

نصيحة عامة :
1- لطلبة المستوى الاول :
لا تؤجل عمل اليوم الى الغد 30 درجة بيدينكم وانتم قادرين على الحصول عليها
لا تتركون المحاضرات تتراكم واذا جاء اخر الترم قامت العجة وصار الضغط على الموقع صار كلن يصيح من صوب
رتبوا اموركم وخصصوا لدراستكم وقت اتوقع انها 8 مقررات مو كثيرة عندنا 7 ايام بالاسبوع نقدر نحضر فيها المحاضرات
ونقدر نشارك بمنتدى الحوار
ونقدر نحل الواجبات بشكل مرتب
بالاخير وفي نهاية الترم راح تلاحظون ما عليكم ضغط ويصير ما عليكم الا انكم تذاكرون وسلامتكم

2- اخواني وزملائي مستوى ثاني وما فوق:
كلنا شفنا وش صار معنا بالمستوى الاول من ركبة ومن زحمة ومن تعليق ومشاكل في نظام البلاك بورد
والاسباب معروفة ومن ضمنها الضغط الهائل على النظام باخر الايام والاعلانات المتاخره من قبل العمادة
يكفي المعاناة اللي عشناها والضغط النفسي اللي مرينا فيه

ولا اوصيكم بالجد والاجتهاد
الايام تمر بسرعة وهالحين كل مادة تقريبا تم انزال ما يقل عن 3 محاضرات لها
منتدى الحوار ينتظركم الواجبات تنتظركم المحاضرات المسجلة والمباشرة تنتظركم
لا تفوتون شي

احد الزملاء باقي له درجتين على النجاح لما رجعنا نشيك معه على درجاته اتضح ان مشاركاته كان ينقصها
منتدى الحوار والواجبات والمحاضرات المباشرة والمسجلة يعني لو انه شارك وحل الواجب على الاقل بدل f
جاب d+ او c على الاقل

ارجع واقول للجميع يا اخواني ويا خواتي للي سجل في نظام الدراسة ما سجل على شان بعد 4 او 5 سنين
يجي وياخذ شهادة فيها مقبول والا على شان يدرس وبعد كم مستوى يمسكونه الباب
حرام التعب والسهر والفلوس اللي تندفع تروح كذا
كلنا عنده التزامات وعنده ظروف بس ما دخلنا الا وعارفين وش عندنا
فينا اللي يبي حسن من وضعه الوظيفي وفينا اللي يحسن من مسواه التعليمي وفينا وفينا
الطموح مطلوب ولكل نجاح لابد من ضريبة تدفع

ويكفي هذرت عليكم كثير .. بس صدقوني انه محترق قلبي على اللي ناقصه درجتين او خمس
وكان هالشي بيده وما استفاد من الفرص المطروحة

تمنياتي للجميع بالتوفيق والفل مارك باذن الله

واسف على الاطالة