|
رد: سجل حضورك بقصة ومثل
رايٍ سديد ومنها نستفيد وهاذي سالفه لا قالوا ماعندك سالفه كان فيه رجاّل توّه معرس وفقران ما عنده قرش .. قال لمرته : يامره بأروح أسج في الأرض أدوّر رزق الله قالت : الله يوفقك مشى الرجال ومعه ثلاث من الإبل ويوم هو طالع من ديرتهم ألا ومنادي ينادي من يشتري النصيحة من يشتري النصيحة ( كانت النصايح تباع بالأول ما هو مثل هالحين ترمى بالزبالة ) قال بأشتري النصيحة من ذا يمكن تنفعني قال بكم نصيحتك ؟ قال المناجي الحكيم : عندي ثلاث نصايح بثلاث من الإبل . قال : هات نصيحتك الأوله ؟ قال الحكيم : إذا سافرت لا تخاوي اللي عيونه زرق وسنونه فرق قال : الثانية ؟ قال : إذا بغيت تمرح ( تنام ) لا تمرح بوسط وادي قال : الثالثة ؟ قال : أجلّ عمل الليل لين تبدي الشمس قال وهذي الثلاث نياق ومشى أخونا بالله ما معه شي .. وأظلم عليه الليل وهو بالطريق ألاّ وذاك الرجال اللي متلطم قال بأخاويك قال : تم مشوا شويّ وقال خوينا خلنا نمرح تحت هالشجرة قال خويّه تم المهم نزلوا وفك خويه اللطمة ألا وعيونه زرق وسنونه متفرقات عن بعضها تذكر خوينا النصيحة وإستشك في قلبه وما نام طول الليل قبل يطلع الصبح فتح خوينا عبنه ألا وأبو عيون زرق فوقه بحصاة كبيرة يبي يذبحه وعلى طول يزرق خوينا من تحته ويلتف من حوله ويخنقه وقال وش تبي قال أبي أذبجك وآخذ قروشك قال خوينا ألاّ أنا اللي بأذبحك وآخذ قروشك المهم توسل له وفكه خوينا بعد ما خذ كل اللي معه قال في نفسه هذي النصيحة الأوله وطاحت بحسابها كمل طريقه ألاّ وهاك الوادي اللي كله ناس ودكاكين ذهب وأقمشة وأنعام نزل تفرج لين أظلم عليه الليل ونام بأحد الفنادق اللي بالوادي ( خيمة طبعاً وخمس نجوم بعد ) يوم إنتصف الليل ألا وفي قلبه صوت الحكيم ( لا تمرح بوسط وادي ) ويفز ويطلع وينام على شنق الوادي وما هي ألاّ لحظات والسيل الكبير يجتاح الوادي ويقشّ كل من فيه بدكاكينهم وحلالهم جلس خمسة أيام على جرف الوادي لين إنتهى الما ونزل وأخذ الذهب اللي ثبت في بطن الوادي من الدكاكين وقال هذي النصيحة الثانية طاحت بحسابها أقام الرجال بالقرية اللي جمب الوادي سنين ودنين وسوى دكاكين وإشتغل لين جمّ‘ مال وحلال وأنعام وخير وفير المهم قال هاذا يسدني أبي أرجع لأهلي بعد الخمسطعشر سنه غربه رجع ووصل بيتهم بالليل دخل مع الباب ( ما فيه بييبان مشرّع ) لقى مرته راقدة وجمبها ذاك الرجال المنسدح قال في نفسه ( إعقب مرتي تخوني في غيابي أفا يالعلم )سل سكين يبي يذبحهم ودقّ بقلبه صوت الحكيم : أجّل عمل الليل لين تبدي الشمس قعد برّا لين جا الصبح دخل البيت لقى مرته تسوي القهوة والرجال المنسدح جمبها رحبت برجالها : يا مرحبا يا أوب فلان هلا والله ، يا فلان قم سلّم على أبوك .. طلع ولده جا عقب ما راح قال وهذي الثالثة وإنتهت السالفه عساها أعجبتكم |
رد: سجل حضورك بقصة ومثل
ألا من يشتري سهرا بنوم ذهبت مثلا ويضرب لمن غمط النعمه وكره العافيه تفرقت ِحْميَر على ملكها حسان وخالفت امره لسوء سيرته فيهم ومالوا الى اخيه عمرو وحملوه علي قتل حسان واشاروا عليه بذلك ورغبوه في الملك ووعدوه حسن الطاعه والمؤازره فنهاه من بني ِحمْيَر شخص يدعي ُذو ُرعْين عن ذلك وعلم انه ان قتل اخاه حسان سوف يندم وينفر عنه النوم وانتقضت عليه أموره وانه سيعاقب الذي شار عليه بذلك ويعرف غشهم له . فلما راي ُذو ُرعْين انه لايقبل ذلك منه وخشي العواقب قال : ألا مَنْ يَشْـتَـرِي سَهَـراً بنَـوْم سَعِـيْدٌ مَنْ يَبـيتُ قريـرَ عَيْنِ فأمـا حِمْـيَرٌ غَدَرَتْ وَخَـانَتْ فَمَـعْـذِرَةُ الإِلهِ لِذِيْ رُعَـيْنِ ثم كتب البيتين في صحيفه وختم عليهابخاتم عمرو وقال : هذه وديعةٌ لي عندك الي ان اطلبها منك فأخذها عمرو ودفعها الي خازنه وأمره برفعها الي الخزانه والاحتفاظ بها الي ان يسأل عنها . فلما قتل اخاه وجلس مكانه في الملك ُمنِع من النوم وسلط ليه السهر فلما اشتد ذلك عليه لم يدع باليمن طبيبا ولاكاهنا ولامنجما ولاعرافا ولا عائفا الا جمعهم ثم اخبرهم بقصته وشكا اليهم مابه فقالوا له : ماقتل رجل اخاه او ذا رحم منه علي نحو ماقتلت اخاك الا اصابه السهر ومنع من النوم . فلما قالوا له ذلك أقبل علي من اشار عليه بقتل اخيه وساعده عليه من اعين حميرفقتلهم وافناهم فبما وصل الا ُذو ُرعْين قال له : ايها الملك ان لي عندك براءه مماتريد ان تصنع بي قال الملك : ومابرائتك و امانك ؟ قال : مر خازنك ان يخرج الصحيفه التي استودعتكها يوم كذا وكذا وأمر خازنه بأخراجها فنظر الي خاتمه عليها ثم فضها فأذا فيهما البيتان : ألا من يشتري سَهَرا بنوم ..... سعيدٌ من يبيت قريرَ عيْن فاما حميرٌ غدرت وخانت ..... فمعذرةُ الاله لذي ُرعينْ ثم قال له : ايها الملك قد نهيتك عن قتل اخيك وعلمت انك ان فعلت ذلك اصابك الذي قد اصابك فكتبت هذين البيتين براءة لي عندك مما علمت انك تصنع بمن أشار عليك بقتل اخيك . فقبل ذلك منه وعفا عنه . * مجمع الأمثال للميداني,,, |
رد: سجل حضورك بقصة ومثل
السلام عليكم ورحمه الله وبركاته اليوم بصراحه جايب لكم قصه وقصيدة من اروع القصايد اللي سمعتها طبعا راح ادخل طوالي بالقصه يقولك فيه واحد دايما يطلع من بيته العصر وكل ما طلع الا مرت جارة تطالع فيه يعني زي ماتقول ضايقته كل ماخرج من بيته.............. المهم الرجال ماحب يقول لجارة ولا يجرحه بسلوب العاميه قام وكتب له قصيدة ... &&&&&&&&&&&&&&&&&& هذي قصيدة الشاعر الكبير هادي الرزقي اللي شارك بها في شاعر المليون 1 وأجازوه اللجنه ولكنه انسحب ياجـار كانـك طعتنـي برقـع الطـيـر طيـرك وحـش واقلوبنـا مستميـتـه لولاي رجـلٍ مـن رجـال بهـم خيـر ماصـد واغـض النظـر مـن بخيتـه ياجار طيرك كل ماعـرض اعصيـر مــدري عـلامـه يلتـفـت مادعيـتـه يـمـر كـنـه شــارد الصـيـد لاذيـــر لا بــوه لابــو حــي حـيـه ومـيـتـه اغيـر وانـذر وانـذر القـوم واغيـر وابـيـع روحــي وانـهـزم لا بغيـتـه يـردنـي يـاجـار طـبـعٍ لـنــا غـيــر الـجـار مــا نــدرج لـغــرات بـيـتـه يبقا علـى حشمـه وشيمـه وتقديـر ويـروح عـنـي بـالـردا مــا قفيـتـه من خوف شيٍ ما بعد صار ويصير يـمـا هـدمــت الـبـيـت والا بنـيـتـه بعـدٍ عــن الهـيـن مـعـزه وتوقـيـر ورجـمٍ علـى غيـر النقـا مـا بديـتـه يحـدنـي يــم الـخـطـا دون تـبـريـر الــى بــلا نــي بالـهـوى مابلـيـتـه وانـا بشـر منـي خطـايـا وتقصـيـر الله يـغـفـر كــــل ذنــــبٍ جـنـيـتـه http://www.zshare.net/download/5178628307637458/ بصوووت الشاعر هاادي الرزقي [COLOR="rgb(139, 0, 0)"]تحيااااتي[/COLOR] |
رد: سجل حضورك بقصة ومثل
السلام عليكم ورحمه الله وبركاته اليوم بصراحه جايب لكم قصه وقصيدة من اروع القصايد اللي سمعتها طبعا راح ادخل طوالي بالقصه يقولك فيه واحد دايما يطلع من بيته العصر وكل ما طلع الا مرت جارة تطالع فيه يعني زي ماتقول ضايقته كل ماخرج من بيته.............. المهم الرجال ماحب يقول لجارة ولا يجرحه بسلوب العاميه قام وكتب له قصيدة ... &&&&&&&&&&&&&&&&&& هذي قصيدة الشاعر الكبير هادي الرزقي اللي شارك بها في شاعر المليون 1 وأجازوه اللجنه ولكنه انسحب ياجـار كانـك طعتنـي برقـع الطـيـر طيـرك وحـش واقلوبنـا مستميـتـه لولاي رجـلٍ مـن رجـال بهـم خيـر ماصـد واغـض النظـر مـن بخيتـه ياجار طيرك كل ماعـرض اعصيـر مــدري عـلامـه يلتـفـت مادعيـتـه يـمـر كـنـه شــارد الصـيـد لاذيـــر لا بــوه لابــو حــي حـيـه ومـيـتـه اغيـر وانـذر وانـذر القـوم واغيـر وابـيـع روحــي وانـهـزم لا بغيـتـه يـردنـي يـاجـار طـبـعٍ لـنــا غـيــر الـجـار مــا نــدرج لـغــرات بـيـتـه يبقا علـى حشمـه وشيمـه وتقديـر ويـروح عـنـي بـالـردا مــا قفيـتـه من خوف شيٍ ما بعد صار ويصير يـمـا هـدمــت الـبـيـت والا بنـيـتـه بعـدٍ عــن الهـيـن مـعـزه وتوقـيـر ورجـمٍ علـى غيـر النقـا مـا بديـتـه يحـدنـي يــم الـخـطـا دون تـبـريـر الــى بــلا نــي بالـهـوى مابلـيـتـه وانـا بشـر منـي خطـايـا وتقصـيـر الله يـغـفـر كــــل ذنــــبٍ جـنـيـتـه http://www.zshare.net/download/5178628307637458/ بصوووت الشاعر هاادي الرزقي [COLOR="rgb(139, 0, 0)"]تحيااااتي[/COLOR] |
رد: سجل حضورك بقصة ومثل
عش رجبا ترى عجبا
|
رد: سجل حضورك بقصة ومثل
سبحان الله وبحمده سبحان الله العظيم
|
رد: سجل حضورك بقصة ومثل
الحاجة ام الاخترااااااع
|
| All times are GMT +3. الوقت الآن حسب توقيت السعودية: 05:04 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام