|
الاجزاء المحذوفه من كتاب التأهيل
السلام عليكم ورحمة الله وبركاته عندي استفسار او نقاش بخصوص مادة تأهيل ذوي الاحتياجات الخاصه انا الحمد لله ختمت جميع المحاضرات المسجله وتابعتها مع الدكتور من الكتاب وكنت معه بكل كلمة لكن الي لاحظته شي غريب الدكتور يقول كل الكتاب معكم الى صفحه 200 لكن في المحاضره العاشره بدء الدكتور من صفحه 120 الى صفحة 134 ولما جه يبدء المحاضره الحاديه عشر طمر صفحات من الكتاب وبدء المحاضره من صفحه 154 وانتهت المحاضره بصفحة 159 ولما جه يبدء المحاضره الثانيه عشر بدء من صفحة 180 الي لاحظته انه طمر صفحات كثيره من الكتااب ما تطرق لها ابد ولا موجوده با ملخص اريج هو يقول الكتاب كله معكم وبعدها قال من المحاضره العاشره في تغيير با المحاضرات والي ما شرحه هو بدء من المحاضره العاشره هلحين نذاكر الي ما شرحه ولا نطمره مثله ولا وش السالفه لا يكون يقصد التغيير انه بيقول هذا الجزء محذوف لاانه بصراحه صفحات و معلومات كثيره ما يستهان فيها |
رد: الاجزاء المحذوفه من كتاب التأهيل
انا اقوول انتظري لاتستعجلين
يمكن المحاضرات المسجلة قديمة وقال الكتاب كلة معااكم ننتظر للمحاضرة العاشرة ونشووف وش يصير وبالمحاضرة المباشرة الثانية تتضح الأمور أكثر |
رد: الاجزاء المحذوفه من كتاب التأهيل
عليكم السلام ..
يعنى المطلوب إلى الحين 140 صفحه بس ؟؟ |
رد: الاجزاء المحذوفه من كتاب التأهيل
اقتباس:
و الله انا عندي احساس انه بيقول الصفحات الي ما قلتها لكم تراها معكم با الاختبار لاانه ما يميده يسجل اربع محاضرات مسجله يقرء فيها الصفحات الي طمرها الذيب ما يهرول عبث ما قال في تغير با اربع محاضرات الاخيره الا انه وراه انه |
رد: الاجزاء المحذوفه من كتاب التأهيل
اقتباس:
هتاآآن يا حبك للاختصارات وتقليل الصفحات اصبر خلنا نشوف وش السالفه مستحيل يكون عدد الي معنا 140 كيف عديتها انت بس :(107): |
رد: الاجزاء المحذوفه من كتاب التأهيل
اقتباس:
من الوناسه حسبتها :biggrin: نتمنى انها تقلصت إلى 140 |
رد: الاجزاء المحذوفه من كتاب التأهيل
تتوقعون بيقول الاربع محاضرات الاخيره محذوفه :biggrin: |
رد: الاجزاء المحذوفه من كتاب التأهيل
بما انك متابعه هالمتابعه الدقيقه محاضرة محاضرة انتي أوكد وراح امشي على الي تقولين والرزق على الله ويمكن التغيير جديد ومعتمد
لاهنتي:106: |
رد: الاجزاء المحذوفه من كتاب التأهيل
من جد
هذي الماااااااااده الوحيده الي احس مخربطه معاها احيان يقول اعتمدو علي المحتوي والشرح واحيان يقول الكتاب معنا وشوي يقول الكتاب مهم والله شي يقلق وكلامه كثير واغلبه مهم |
رد: الاجزاء المحذوفه من كتاب التأهيل
134 - 154 = 20
180 - 159 = 21 199 - 180 = 19 المجموع 60 و 14 صفحه فى البدايه صارت 74 طيب 199 - 74 = 125 لا بعد طلع 125 نسيت 14 صفحه فى البدايه دارى والله انى لحست مخك |
رد: الاجزاء المحذوفه من كتاب التأهيل
اقتباس:
و الله انا متخوفه من هل الماده عشان كذا حريصه عليها مره لاانها تعتبر اصعب ماده بجدولي هي و التطبيقات لكن بنتابع معه ونشوف اخرتها مشكور على هل الثقه |
رد: الاجزاء المحذوفه من كتاب التأهيل
اقتباس:
:000::000: صحيح لكن بعد صفحه 180 كمل الدكتور شرح عايدي لين وصل صفحة 199 |
رد: الاجزاء المحذوفه من كتاب التأهيل
انا ماعندي هالماده
بس اللي لاحظته ع الدكاتره انهم يطالبون بالفقرات اللي مايشرحونها بالمحاضرات المسجله :(177): |
رد: الاجزاء المحذوفه من كتاب التأهيل
ولا يهمك نزود 19 على 125
يعنى تقريبا 144 خلاص نعتمد :tongue: عاد والله اتابعك خصوصا فى هالماده :(204): |
رد: الاجزاء المحذوفه من كتاب التأهيل
طلاب المستوى الي قبلنا قالو انهم تفاجئو با اسئله مو موجوده في المحتوى وقالو ان الي ذاكر من الكتاب بس هو الي عرف يحلها وهذا كلام ناس معدلهم امتياز اتوقع ان الي اعتمدو على الكتاب وذاكروه كله عرفو يحلون والي اعتمدو على المحتوى ما اعرفو لاانه جاب الاسئله من هل الصفحات الي مو موجوده في المحتوى يعني جاب اسئله من هل الصفحات :(177): |
رد: الاجزاء المحذوفه من كتاب التأهيل
اقتباس:
تصدقين حتى انا هذا الي لااحظته فيهم |
رد: الاجزاء المحذوفه من كتاب التأهيل
اذا راح تعتمدين ع المحتوى لازم تكتبين معه الشرح
او انك تذاكرين من الاول للاخير من الكتاب (وهالطريقه اريح) فالك a+:(204): |
رد: الاجزاء المحذوفه من كتاب التأهيل
اقتباس:
بس انتبه لا اجيب العيد في هل الماده وتجيبه معي :53: |
رد: الاجزاء المحذوفه من كتاب التأهيل
خذيها قاعده
اي ماده مطلوب فيها كتاب (وخصوصا اذا كانت اسئله الدكتور من الكتاب) اعتمدي عليه لا تذاكرين المحتوى او تسمعين للمحاضرات |
رد: الاجزاء المحذوفه من كتاب التأهيل
اقتباس:
انا عن نفسي بعتمد على الكتاب اضمن لي واريح اجل وشوله يوم اني افرفر على المكتابات ادور الكتاب واخرتها اذاكر من محتوى كتاب وخلصنا |
رد: الاجزاء المحذوفه من كتاب التأهيل
اقتباس:
هموسه انتي تعرفين طبعي ما اعرف لاازم احضر المحاضرات المسجله حتى لو الدكتور يقرء انا اعتمد على الفهم للماده ما اعرف احفظ :bawling: وبعدين لو ما كنت متابعه المسجله ما كنت انتبهت لهل الصفحات :cool: |
رد: الاجزاء المحذوفه من كتاب التأهيل
اقول ياجماعة الخير تراني مذاكرة لين المحاضرة 10 ووقفت لايكون تقولون كل شي تغير
يعني كلها شهر ونص بس على الاختبار وش نذاكر وش نخلي !!! وبعدين هو الي قال راح يغير المحاضرات الاربع الاخيره وان شالله خير وانا متفائله انها ابسط راح تكون .. . |
رد: الاجزاء المحذوفه من كتاب التأهيل
اقتباس:
صحيح هو الي قال بس ا لله واعلم وش بيغير او يضيف |
رد: الاجزاء المحذوفه من كتاب التأهيل
:064:
لا تشخبطين عليه كثير عشان اخذه منك :hahahahahah: |
رد: الاجزاء المحذوفه من كتاب التأهيل
اقتباس:
اووووو صح قلتيها لي الف مره وانسى :biggrin: الله لايضيع لك تعب :love080: |
رد: الاجزاء المحذوفه من كتاب التأهيل
سؤال طيب لي كم مره اكتبه ولا احد يرد علي تقول اشحت منكم
الحيييييييييييييييييييين ابي جواب زين واكيد بكره ببدا في هالتاهيل العله وعندي ملخص لمس نونا واريج الياسمين هل هو زين وينفع اذاكر منه واتوكل على الله ولا اذاكر من الكتاب ابرك لي واحسن:g2: ابي رررد اكييد لو سمحتوا |
رد: الاجزاء المحذوفه من كتاب التأهيل
اقتباس:
ملخص مس نونا ما اعرفه ولا شفته لكن ملخص اريج عندي طبعته وبصراحه حلو و مرتب وكاتبه معه اشياء كثيره لكن انا وقفت با ملخصها الى المحاضره العشره لما شفت اللخبطه كملت المتابعه من الكتاب اذا عندك الكتاب لا تترددين ذاكري منه واذا عندك ملخص اريج وقفي عند المحاضره العاشره و خلينا نشوف وش بيقول الدكتور ولا تنسين الفصل الاول من الكتاب ركز عليه الدكتور وقال ركزو عليه اتمنى اني جاوبتك صح |
رد: الاجزاء المحذوفه من كتاب التأهيل
ايه مشكوره ياقلبي انتي
بس انا عندي مس نونا واريج كاتبينه ال2 بشووف هو زين او لا والمحاضره الاولى نفس الفصل الاول من الكتاب |
رد: الاجزاء المحذوفه من كتاب التأهيل
الراقيه يعطيك العافيه
بسألك اللخبطه في الصفحات من بعد المحاضره العاشره ؟؟؟ |
رد: الاجزاء المحذوفه من كتاب التأهيل
بصراحه اللي فهمته من كلام الدكتور في المباشره انه راح يغير في المحاضرات من العاشره لأن أكيد فيه إضافات ووضح انه من يعتمد على المحتوى مع المسجله راح يجيب 65 و لمح انه الفصل الاول من الكتاب مهم ومو جايب منه كثير في المحتوى وقال ماأقدر أوضح أكثر من كذا كأنه يقول اعتمدوا المحتوى بعد التعديل والفصل الأول من الكتاب وتجيب الa+ وماأدري يمكن أنا فهمت غير اللي يقصده الدكتور وبصراحه محتارره مع الماده اكثر ماده مخوفتني
|
رد: الاجزاء المحذوفه من كتاب التأهيل
والله حتى انا محتااره مرره مدري وش اذاكر:Cry111:ووش اخلي
|
رد: الاجزاء المحذوفه من كتاب التأهيل
:Cry111::Cry111:
|
رد: الاجزاء المحذوفه من كتاب التأهيل
ياراقية صباح الخير
ممكن اعرف وش أذاكر لان الكتاب توه وصل:biggrin: |
رد: الاجزاء المحذوفه من كتاب التأهيل
مرحبا :53::53:
الزبده وش نذاكر لاني زهقت من الجامعه :017::mad: |
رد: الاجزاء المحذوفه من كتاب التأهيل
حبوبه أنا متابعه معه لاحظت انو مأكل اغلب الصفحات بالضبط مثل ماحكيتي نفس تقريبا الدفعه اللي راحت بس يمكن الاختلاف الأربع الاخيره ننتظرها و انشالله الخير فيها ،،،:biggrin:
|
رد: الاجزاء المحذوفه من كتاب التأهيل
اقتباس:
صباح النور يا السنيدي :53: انا اقول لو تبدء من الصفحه رقم 14 لكن وين توقف با الدراسه مدري اصبر نشوف الدكتور وش يقصد با التغيير بعد المحاضره العاشره :(107): شكل الكتاب واصلك من الهند :mh35: |
رد: الاجزاء المحذوفه من كتاب التأهيل
:Cry111::Cry111:
لاااااااا لاااا يعني كل الكتااااب معناااا حرااااااااااام شكله يجيب بالمرض.. تكفون وش الاكيد اما انه كله نذاكره صعبه :sdfgdsf::sdfgdsf: |
رد: الاجزاء المحذوفه من كتاب التأهيل
انا طبعت ملخص اريج لين العاشره
وبستنى الاربع الاخيره وش يصير فيهم وماراح اشتري كتاب من بعد هاللي طبعت :biggrin::biggrin::biggrin: |
| All times are GMT +3. الوقت الآن حسب توقيت السعودية: 12:15 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام