|
لوبغيت أوقف الدراسه هالترم ؟
السلام عليكم صباحكم خير ونور وبركه يارب ياجماعه أنا ناوي أوقف دراسه هالترم مع العلم إنه اللي سويته أني سجلت مواد فقط لا غير .. ولا سددت الرسوم .. وش أسوي بالضبط ألحين مع انه في التقويم الزمني يقول انه اخر موعد للانسحاب واسترداد المبلغ يوم 4/4 تقريبا ( صححوا لي إذا انا غلطان ) المهم وش اسوي الحين وشكرا :smile: |
رد: لوبغيت أوقف الدراسه هالترم ؟
شد حيلك وسدد وكمل دراستك..~:mh35:
راحت عليك إذا على قولك انها في 4|4..~ موفق يَ بطل..~:(204): |
رد: لوبغيت أوقف الدراسه هالترم ؟
2/5/1432هـ اخر موعد للأعتذار عن الدراسة
مع استرداد خمسين بالمية من المبلغ يعني اذا تبي تعتذر الحين لازم تدفع نصف المبلغ |
رد: لوبغيت أوقف الدراسه هالترم ؟
اقتباس:
ظروفي صعبه .. ماظنها تضبط معي الله يوفق الجميع إن شاء الله تعالى .. بس المفروض ماتروح لانه اساسا مددوا فترة السداد المفروض يمددون فترة الاعتذار بعد .. . |
رد: لوبغيت أوقف الدراسه هالترم ؟
اقتباس:
شفته في التقويم الزمني .. بس قلت يمكن غيروا الوضع ومددوا فترة الاعتذار لانه مددو فترة السداد مثل ماقالوا إلى نهاية شهر4 والا انا غلطان موفقين . |
رد: لوبغيت أوقف الدراسه هالترم ؟
على كذا الله ييسر لك وتضبط ع اللي تبيه..~
و يَ رب احد يفيدك..~ :smile: |
رد: لوبغيت أوقف الدراسه هالترم ؟
اقتباس:
اللهم أمين رب العالمين إن شاء الله .. إذا الله وفقني في اللي اسعى له .. بأجل الدراسه مهما يكون .. موفقه إن شاء الله . |
رد: لوبغيت أوقف الدراسه هالترم ؟
...صباحك معطر بذكر الرحمن ... سر تكوني افتقدناك كثيرا ً .... وان شاء الله ربي ييسر الصعاب ... وإذا عندك ظروف تعيقك عن مواصلة الدراسة لهذا الترم .. فالتأجيل خير معين ...أسأل الله لك السداد والتوفيق ... هذا الرابط رايح يفيدك باذن الله .. شرح الفقرة .. ( د)... رقم 4 http://kfuforums.kfu.edu.sa/showthread.php?t=99065 |
رد: لوبغيت أوقف الدراسه هالترم ؟
اقتباس:
صباحكم خير وذكر وآيات قرآن .. ماتفقدون عزيز وغالي أختي الكريمة .. ظروف الدنيا الله يسهل علينا جميع يارب ياكريم .. ماقصرتي أختي .. المشكله أنا الحين ماسددت أصلن ؟ فكيف بيكون الوضع لو طلبت اعتذار عن هالترم ؟؟ وش يكون وضعي الاكاديمي .. يعني اطلب اعتذار والا وش لون ؟ موفقين . |
رد: لوبغيت أوقف الدراسه هالترم ؟
لازم تسدد بالاول لانه من قوانين التاجيل ... هو تسديد الرسوم ...حتى لو خمسين في المية .. لانه اذا ماسددت .. مثلك مثل اللي مايبي يدرس ... هذا والله اعلم .. |
رد: لوبغيت أوقف الدراسه هالترم ؟
اقتباس:
لاحول الله .. لازم ادفع بالاول ومن ثم أجل .. كيف ؟ جزاك الله .. فيه رابط معين يفيدنا بشيء رسمي عن هالموضوع .. موفقين .. . |
رد: لوبغيت أوقف الدراسه هالترم ؟
اخي سر تكويني وددت التنبيه لكلمة لا حول ولا قوة الا بالله ... بالنسبة اخوي الرابط اللي عطيتك اياه في تفصيل لحالتك , ومثبت ... واهلا وسهلا بك .. |
رد: لوبغيت أوقف الدراسه هالترم ؟
اقتباس:
شكرا على التوضيح .. لاحول ولا قوة إلا بالله .. وبخصوص الرابط مافيه شيء يقول لو انك مادفعت لا زم تدفع ومن ثم تأجل ( ماشفتها مذكوره ) والا انا غلطان ؟ هلا بك وسهلا اختي .. موفقين .. . |
رد: لوبغيت أوقف الدراسه هالترم ؟
اقتباس:
اسعد الله صباحك وضعك مختلف بعض الشي وسوف اجاوبك بالتفصيل حسب التقويم الدراسي فإن اخر موعد للأعتذار وليس الأنسحاب هو 4\4\1423 هـ هو بأن تسترد المبلغ كاملا في نظام الجامعه لايهم هل دفعت المبلغ ام لم تدفع وانما سوف يحسب عليك حتى لو لم تدفعه بما انك تعديت الوقت المسموح به في استرداد الرسوم كامله سوف يقبل اعتذارك وفي الترم القادم تدفع مايلي عدد الموادالمسجله + 50% من الترم المعتذر عنه بعد انتهاء الوقت المسموح به لأسترداد الرسوم كامله لو تأخرت الى تاريخ 2\5\1432 هـ سوف تدفع قيمة الترمين الدراسيين ملاحضه تمديد فترة السداد ليس الا من باب التسهيل على الطلاب ولكن لايشمل المعتذرين والمنسحبين حسب ماورد من الجامعه سوف نطالب العميد بهذه النقطه ونرى ماسوف يرد علينا بخصوص تمديد فترة الأسترداد للمعتذرين بعد تجاوز الوقت المحدد في التوقويم الزمني القديم وجهة نظري اذاكنت تستطيع حضور الأختبارات ولكن لديك ضروف تمنعك من المذاكره والمتابعه قم بحذف بعض المقررات الدراسيه وسوف يحسب عليك 50% من المحذوف وبهذا تستطيع تخفيف المبلغ في الترم القادم بالأضافه ودفع مبلغ بسيط هذا الترم وايضا تستفيد من اجتياز بعض الساعات ولايذهب عليك بدون فائده اتمنى اكون افدتك تحياتي |
| All times are GMT +3. الوقت الآن حسب توقيت السعودية: 01:04 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام