|
هام - عودة إلى مقاعد الدراسه من بعد 12 سنه عاما ً
السلام عليكم ورحمة الله وبركاته ،، ومساءكم طيب وخير ومبارك إن شاء الله تعالى .. قررت هذه السنة العوده للدراسة هنا بعد مضي 12 عاما ً من تخرجي من الثانويه العامة .. والحمد لله الأمور إن شاء الله عدت ومشت على خير .. بفضل الله ثم جهودكم الطيبه في هذا الملتقى الرائع .. والله لا يضيع لكم ولنا تعب إن شاء الله من الناجحين والناحجات بأعلى الدرجات .. ومن باب الزياده والتحصيل العلمي الأكثر والأكبر .. والتسهيل والاستفادة وتبادل الخبرات .. أريد التكرم من الاخوان والاخوات الذين اجتهدوا وتابعوا وذاكروا منذ بداية الترم إلى آخر إختبار .. إفادتنا بالأتي : ـ 1. ماهي طريقتك بالمذاكرة يعني يومي اسبوعي إلخ ؟ وكم ساعه يومي ؟ 2ـ كيف توزع وقت المذاكره على المواد ؟ 3ـ ماهي الأمور التي تسهل عملية الاستيعاب والحفظ في مواد الحفظ ؟ 4ـ في مواد الفهم كيف طريقتك بالمذاكره ؟ 5ـ هل استعنت بأحد للمذاكره ( صديق - قريب - مدرس خصوصي ) أو غيره ؟ 6ـ نصيحه .. إبتكار .. فكره جديده ومفيده للمذاكره تزدونا فيها ؟ 7ـ ........................ مفتوح تكتب فيه ماشئت ؟ أتمنى إني وفقت بما كنت أريد الوصول له .. تقبلوا تحياتي أخوكم :119: |
رد: هام - عودة إلى مقاعد الدراسه من بعد 12 سنه عاما ً
يرفع
|
رد: هام - عودة إلى مقاعد الدراسه من بعد 12 سنه عاما ً
حياك الله اخوي
بالنسبه لطريقة المذاكره انا اشوف لكل واحد طريقته وعلى حسب طموحك راح تقدر تحدد جدولك اتمنى لك التوفيق اخي الفاضل |
رد: هام - عودة إلى مقاعد الدراسه من بعد 12 سنه عاما ً
سلام عليكم
شوف أخوي ما عندي الا شيء واحد ...المذاكره يكون من بدري لاتتركم عليك دروس مثلي اخرت المذاكرة وجاء الاختبار وكان صعب علي ان شاء الله في احد يفيدك اكثر |
رد: هام - عودة إلى مقاعد الدراسه من بعد 12 سنه عاما ً
ماشاء الله ...
بس انا 20 سنة ...والان عاودت الدراسة:lllolll::lllolll::lllolll: |
رد: هام - عودة إلى مقاعد الدراسه من بعد 12 سنه عاما ً
وعليكم السلام ورحمة الله وبركاته ..
عودة مباركة ان شاء الله .. ومبروك قبولك اخوي .. 1. ماهي طريقتك بالمذاكرة يعني يومي اسبوعي إلخ ؟ وكم ساعه يومي ؟ افضل لك علشان مايجمع اذاكر اول بااول هو كل مادة تنزل محاضرة لها كل اسبوع فاانت فهذا الاسبوع وزع كل يوم مادة .. واذا كل محاضرة تابعتها الو بااول فراح تكون لك بالمذاكرة الساعات اقل ..2ـ كيف توزع وقت المذاكره على المواد ؟ كل يوم مادة ..3ـ ماهي الأمور التي تسهل عملية الاستيعاب والحفظ في مواد الحفظ ؟ الصباخ اذا تقدر .. ووقت يكون انت مرتاح ولا تكون مرهق ..4ـ في مواد الفهم كيف طريقتك بالمذاكره ؟ سمع المحضارات لهم لان يعتمد على شرح الدكتور ..5ـ هل استعنت بأحد للمذاكره ( صديق - قريب - مدرس خصوصي ) أو غيره ؟ انا وحدة استعنت من طلاب الملتقى ماقصروا .. وبالانجلش اخوس ماقصر ..6ـ نصيحه .. إبتكار .. فكره جديده ومفيده للمذاكره تزدونا فيها ؟ ماعندي فكرة تروادني7ـ ........................ مفتوح تكتب فيه ماشئت ؟ ربي يوفقك يااااااااارب ويسهل امورك ..واخر شيء دعواتك لنا بالمعدل .. |
رد: هام - عودة إلى مقاعد الدراسه من بعد 12 سنه عاما ً
اقتباس:
شكرا عزيزي هيثم على الرفع .. . |
رد: هام - عودة إلى مقاعد الدراسه من بعد 12 سنه عاما ً
اقتباس:
الله يحييك ويسلمك عزيزي .. أنا عارف أنه كل واحد له طريقته فلذا ودنا نستفيد من الافكار والطرق وتبادل الخبرات .. وبخصوص الطموح طموحي الدكتوراه :119: .. ولك التوفيق والنجاح وللجميع إن شاء الله تعالى .. وشكرا . . |
رد: هام - عودة إلى مقاعد الدراسه من بعد 12 سنه عاما ً
ماشاء الله تبارك الرحمن ...العلم والدراسه ليس لهم عمر او زمن محدد ... ((اطلبوا العلم من المهد الى اللحد )) مبروك لك العوده الى مقاعد الدراسه ...عوده حميده ان شاء الله ..وبصراحه مافي احلى من شعور العوده الى الدراسه بعد انقطاع ....... بالنسبه للتخصص..التربيه الخاصه ممتع جدا وفيه كم هائل من المعلومات الي المفروض كل فرد يكون ملم بها ....عشان يعرف كيف اولاده يدرسون بالمدرسه وكيف هو يكون خير قدوه لاولاده او تلاميذه اذا كان معلم .... المهم ماطول عليك هرج بس لان احب الي عنده طموح ويحاول يحقق اماله واحلامه ولا يوقف بوجهه شي من عقبات الحياه بجاوب على اسالتك ..... 1. ماهي طريقتك بالمذاكرة يعني يومي اسبوعي إلخ ؟ وكم ساعه يومي ؟ بالنسبه لي لاني ربه منزل ومسؤوله عن اولاد مذاكرتهم ومتابعه دراستهم ...مذاكرتي تكون الصباح كل يوم طبعا عشان ماتتراكم علي المحاضرات يعني تنزل 7 محاضرات بالاسبوع مايجي نهايه الاسبوع الا انا متابعتهم وملخصه المهم فيهم ومخلصتهم ... تقريبا اخذ 4 ساعات مذاكره وقت الصباح لان يكون هدوء والذهن صافي...... 2ـ كيف توزع وقت المذاكره على المواد ؟ لانها 7 مواد موزعه كل يوم ماده اتابعها ...واذا شفت وقت فاضي عندي اتابع محاضره ماده ثانيه عشان يكون عندي يوم اجازه :) يعني على حسب الوقت اتابع المحاضرات ...لان احيان تكون المحاضرات ساعه واحيان نص ساعه ...يعني على حسب الوقت اتابع المحاضرات ... 3ـ ماهي الأمور التي تسهل عملية الاستيعاب والحفظ في مواد الحفظ ؟ متابعه المحاضرات اول باول والتركيز مع الدكتور والشرح وحتى الامثله الي يعطينا اياها وحاول تكتب الامثله على المحتوى عشان تذكر بعدين الشرح بدون ماترجع للمحاضره مره ثانيه 4ـ في مواد الفهم كيف طريقتك بالمذاكره ؟ اركز مع الشرح عدل مدل واذا خلصت المحاضره اشيل المحتوى على جنب واراجعه وقت ثاني اشوف مدى استيعابي له ...والشي الي مو مستوعبته ارجع للجزء الي ماني فاهمته من المحاضره المسجله واتابعه لين افهم .. 5ـ هل استعنت بأحد للمذاكره ( صديق - قريب - مدرس خصوصي ) أو غيره ؟ لا الحمد الله لاني متابعه اول باول ماحتجت احد يشرح لي او يساعدني بشي 6ـ نصيحه .. إبتكار .. فكره جديده ومفيده للمذاكره تزدونا فيها ؟ ماعندي اي افكار او ابتكارات جديده ..بقولك الي انا سويته ممن بدايه الترم .... اطبع المحتوى اول باول واكتب مع الدكتور الاشياء الي مو موجوده في المحتوى ..ملاحظات او مثال او اي شي ...عشان اذا قرأته اذكر شرح الدكتور للنقطه الي اذاكر فيها ....واحاول الون الاشياء المهمه بلون تحديد الفسفوري .....عشان وقت المذاكره ماقعد احوس وادور شنو المههم:) 7ـ ........................ مفتوح تكتب فيه ماشئت ؟ اتمنى لك التوفيق والنجاح وربي يرزقك على قد نيتك ..والدراسه روعه روعه روعه تحس ان المخ يشتغل بعد ماكان عليه غبار الزمن :) وتحس اننك تحصد معلومات حلوه ..وكل مادرست بالذات في هذا التخصص كل ما بغيت معلومات ودراسه وتعمق زياده في هذا العالم ... موفق اخوي سوري ع الهرج الطويييييييييييييييييييييييل :(269): |
رد: هام - عودة إلى مقاعد الدراسه من بعد 12 سنه عاما ً
اول شيئ الله يوفقك ويكتب لك الخير وشيئ حلو انك التفت لنفسك وذاتك وحياتك ورجعت لمقاعد الدراسه طامحا وطامعا في الأفضل 1. ماهي طريقتك بالمذاكرة يعني يومي اسبوعي إلخ ؟ وكم ساعه يومي ؟ شخصيا كل اسبوع ماده وفيه مواد اتابعها مع الدكتور حسب الدكاتره يوميا 3ساعات اذا المحتويات عندك وفيه ايام مارح تفتح شيئ حسب قدرتك ووقتك بس لا تهمل وتأجل 2ـ كيف توزع وقت المذاكره على المواد ؟ شخصيا المواد المكتمله والسهله ذاكرها اول شي وتابع اول بأول اما الاحصاء انا افضل تذاكر كل محاضره لحالها وتلخص مفهومك وتحل التمارين وبعدين بالمذاكره تذاكر التلخيص فقط وتجنب انك تجاوب او تناقش الماده قبل الدخول لقاعه الاختبار او يوم الاختبار 3ـ ماهي الأمور التي تسهل عملية الاستيعاب والحفظ في مواد الحفظ ؟ مو مطلوب منا حفظ نصي عشان كذا اعتمد على الفهم وحفظ التعريف بفهمك واربطه بواقعك وبطريقتك 4ـ في مواد الفهم كيف طريقتك بالمذاكره ؟ اشرح لنفسي واسمع لشرح الدكتور ولا تستصعب شيئ ابد كلنا بعقولنا كاملين وكل واحد وطريقته لكن اهم شيئ المكان الهادئوالسماعات وكوب النسكافيه 5ـ هل استعنت بأحد للمذاكره ( صديق - قريب - مدرس خصوصي ) أو غيره ؟ ابدااااااااااا الحمدلله 6ـ نصيحه .. إبتكار .. فكره جديده ومفيده للمذاكره تزدونا فيها ؟ ذاكر ولخص بطريقتك ولا تعتمد على ملخصات احد الا بعد ما تذاكر المحتوى المحتوى المحتوى اهم شيئ وتعرف على الدكاتره وكل دكتور له اسلوبه وطريقته منهم يعتمد على السماع ومنهم على المحتوى 7ـ ........................ مفتوح تكتب فيه ماشئت ؟ اهم شيئ المتابعه لا تراكم شيئ ابد خليك على تواصل مع الزملاء بالمنتدى والمحتوى اهم شيئ واهم شيئ الصبـــــــــــــــــــــــــر الصبر |
| All times are GMT +3. الوقت الآن حسب توقيت السعودية: 07:15 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام