المشاركة الأصلية كتبت بواسطة إحساس سلطان (المشاركة 2594651)

اللي كاتب هالايميل مبالغ فيه حييييل

اذا على طوفاان جده هذا شي فوق قدرة الانسان واللي يسويه الانسان

ياجماعه حتى لو فيه بنيه تحتيه وتصريف السيول ماراح تنفع مع شي مثل اللي صاير بجده

هذا طووفان مو سيل

انا اسمع من ابوي وجدي والناس الكبار انهم ايام البداويه يعني ايام ماكانوا ببيوت شعر

وبالبر مو بمدينه جاااهم طوفان رغم انهم بالبر ومع ذلك ماتووو ناس كثير لان الطووفان ماينفع معه اي شي هذا من الله ومن الكواررث الطبيعيه

البركان مثلا له حل؟ او الزلزال؟؟

هذي كوارث طبيعيه وليس لها حل الا من الله اما صنع الانسان لاينفع مع هذه الكوارث

فليش الهجووم هذا اللي بالايميل اتمنى الشعب او كل من يفكر مثل هذا التفكير يعو هالشي انه كارثه

لا فرد ولا وزير ولا ملك يقدر يوجد لها حل

ومن ناحية الاستهزاء بالمعيشه وحنا اغنى دولة بالعالم ياخي الحمدلله عايشين احلا عيشه

والفقير فينا اكله مثل اكل الغني ولا فرق بينا

فيه احد ماياكل لحم؟ فيه احد ماعنده ملابس؟ فيه احد صعب عليه ياكل ثلاث وجبات باليوم؟؟

مشكلتنا ان الشعب يبون كلهم اغنياء وعندهم قصور ويبون كلهم يركبون سيارات وكاله ويبون كل واحد رصيده مليون!

لو صار هالشي من بيقبل بوظيفة جندي مرور؟
منو بيقبل يصير موظف جندي بالجيش؟
منو بيقبل ؟ ومنو بيقبل؟ والامثله كثير......الخ

الكلام اللي بالايميل مو معقول ومو صاير بالدول الاغنى من دولتنا الحبيبه

ياجماعه لاتقنعنون حالكم بالافكار وترا الناس طبقات وصعب يصير الشعب كله طبقه وحده

على سبيل المثال الكويت دولة صغيره عدد سكانها لايتجاوز عدد سكان الرياض ودولة غنيه ومع ذلك اسألو اهلها عن الغلا عندهم وعن غلا العقار والاراضي والشقق

روحو لمكان بالكويت اسمه تيما وروحو لمكان اسمه اسمه الشعبيات وروحو لمكان اسمه جليب الشيوخ

وشوفوا شلون الفرق

واللي من الكويت يقدر يفيدكم بهالشي

ياجماعه حنا بخير ونعمه ولله الحمد روحوو برا شوفو الشعوب شصاير فيهم

قولو بس الله يخلي لنا ابو متعب ويخلي آل سعود على عرش الملك

لان لو كان احد غيرهم وربي بتشوفون الجوع

ورضا الناس غايه لاتدرك

هذا رأي واتمنى منك نسخه وارساله الى صاحب الايميل اللي انا واثق انه طول عمره صياااعه ولا معه اي شهاده ويبي وظيفه حلوه وبيت

ياخي مثل ماصار اي شخص بوضيفه حلوه وبيت وكون عائله مرتاحه انت بامكانك تصير احسن منه لكن بالتعب مو وانت تلعب بلوت وتبي كل شي يتحققلك وانت متمركي على مركاك

الرسول صلى الله عليه وسلم كان يعمل ويتعب من اجل المعيشه

نتمنى الافضل وفيه بعض التقصير لكن الحمدلله عايشين ومبسوطين ومافي احد كامل والكامل وجه الله

لكن انظر لحسنات الملك على الشعب وانظر لسيئات وشوف الفرق

هل تعلم ان الدول الاخرى عندما يصاب طفل بحرارة ( سخونه ) يكلفه الفحص والعلاج اكثر من 50 دولار
وعملية الزائده اللي هي ارخص العمليات تكلفه اكثر من 1000 دولار
هل تعلم ان التنويم بالمستشفى الحكومي عندهم يدفعون على السرير باليوم الواحد اكثر من 200 دولار
اما نحن ولله الحمد علاج وادوية وعمليات واسرة تنويم بالمستشفيات كلها ببلاش

هل تعلم ان الدول الاخرى في حالة وفاة شخص فإن اهله يدفعون للمستشفى قيمة وجوده بثلاجة الموتى حتى يستطيعو ان يشترو له قبر؟

ياشيخ احمد ربك ولاتنكر النعم اللي انت عايش فيها

وسلامي