ملتقى طلاب وطالبات جامعة الملك فيصل,جامعة الدمام - هام - عودة إلى مقاعد الدراسه من بعد 12 سنه عاما ً

اقتباس:

المشاركة الأصلية كتبت بواسطة no0o0ona (المشاركة 2612610)

1. ماهي طريقتك بالمذاكرة يعني يومي اسبوعي إلخ ؟ وكم ساعه يومي ؟
المحاضره اللي انت تاخذها ذاكرها بوقتها افضل ما احدد لك يومي او ساعه معينه

2ـ كيف توزع وقت المذاكره على المواد ؟
على حسب اذا انت موظف اكيد الوظيفه بتكون بالصباح وفترة المساء لحظور المحاضرات
ولاتشيل هم المحاضرات مره بالاسبوع يعني تقدر تخلي كل يوم ماده

3ـ ماهي الأمور التي تسهل عملية الاستيعاب والحفظ في مواد الحفظ ؟
اولا قراءة المحتوى بصوت مسموع ومحاولة فهم ماتقرأه مو تقراء والسلاااااااام
واعادة القراءة مره اخرى مع الحفظ .. طبعا اكثر من مره لازم تسوي هذا الشي

4ـ في مواد الفهم كيف طريقتك بالمذاكره ؟
مواد الفهم تعتمد بالدرجه الاولى والاخيره على حظور المحاضره المسجله وانت على حسب قدراتك
تحظرها مره او مرتين او اكثر

5ـ هل استعنت بأحد للمذاكره ( صديق - قريب - مدرس خصوصي ) أو غيره ؟
هذا سؤال الكل يختلف فيه وارجع واقول على حسب قدراتك اذا انت من النوع اللي يكفيه شرح مره وحده والا اكثر من مره
او من النوع اللي يكفيه شرح الدكتور او لازم يشرح لك احد غير الدكتور

6ـ نصيحه .. إبتكار .. فكره جديده ومفيده للمذاكره تزدونا فيها ؟
حاول تربط فكره بالمحتوى
يعني مثلا تربط تعريف معين بكلمه والا حرف والا اي شي معين

7ـ ........................ مفتوح تكتب فيه ماشئت ؟

نصيحه من اختك
لاتستصعب اي شي ودائما اذا بديت تذاكر قل الماده هذي سهله
والا كلمة سَهالات ان شاء الله
ورجااااااااااء لاتسمع لاي احد يقولك ان الماده صعبه
والا اللللللللله يعينك قدامك مشوار طويل << حطها في بالك زين ترى شغلهم الشاغل تحطيمك غايتهم

لاتظن اني اخوفك لكن انا قابلت وحده من هذا النوع اللي تحطم الواحد ولكن اختك اذن من طين واذن من عجين

ياللا ان شاء الله نشوفك نهاية السمستر وانت تبشرنا بالـa+
:119:

فعلا أختي الكريمة فيه ناس تحطم وكلن يعمل بأصله وبعقله واجهتني بعض الأمور الغير مباشرة بس إن شاء الله تكون ضريبه للنجاح بإذن الله تعالى ..

وجميل ربط المذاكره بشيء من واقعنا حتى يسهل الحفظ مع أني أفضل الحفظ بقراءة صامته أول مع الفهم أحسها أسهل لي ..

يالله اليوم النتائج وإن شاء الله لنا ولكم النجاح والمعدل الزين ياربي ياكري..

وشكرا

.