ملتقى طلاب وطالبات جامعة الملك فيصل,جامعة الدمام

قصيده في الملك عبدلله حفظه الله
( ياغايبٍ عني تـرى للبطـى لـوم

لا شافتك عيني ولا جبت طـاري )

هذي قصيدة خالـد بهـاك الألبـوم

طرت علي من لوعتـي وانتظـاري

لأن غيابـك ياطويـل العمـر يـوم

عندي شهر وإن طال سبّب دمـاري

تكفى يابومتعب ترى القلب مهمـوم

متى تجـي واستقبلـك بالمطـاري

وانثر على موكب فخامتك يشمـوم

وآزف دربـك بالبخـور الظفـاري

ياقايـد الجبهـات ياهـازم خصـوم

ارجع ترى طالت علـي المسـاري

المملكة في كوم والشعب فـي كـوم

كلٍ علـى فرقـاك تصـلاه نـاري

غربتك غربة شعب بائس ومحـروم

محروم شوفك يازعيـم الحـراري

شعبك يحبّـك ياطويـل العمـر دوم

دمعه على فرقـاك شـلال جـاري

يدعي لك بليـل التنهـات ويصـوم

يرجي عسى الباري يرجّعْك بـاري

حتى الآرامل ماهنـا جفنهـا النـوم

وايضا اليتامى وانت مانته بـداري

حتى الفرح ياسيدي بـات معـدوم

كنه معـك سافـر وخـلاّ الديـاري

مشكلتي شاعر بالطواريـق مهيـوم

ياليتنـي جـراّح والا استـشـاري

واكشف على ظهرك وآعالجك وتقوم

وتعود سالم والفـرح لـك يبـاري

هذا هواء بالي يابو متعـب اليـوم

هذا طموحـي يالملـك بإختصـاري

ياخادم البيتين شعـري بـك يـروم

فوق القمم تذرى عليـه الـذواري

ارجع خلاص وبدّد أشبـاح وغيـوم

لا بالمسـاء نسـلا ولا بالنهـاري

تكفى يابومتعب ترى القلب مهمـوم

متى تجي وافرح بشوفك وآمـاري

قصيده لشاعر
نايف العتيبي