|
ارجو الدخول للاهمية
من لايشكر الناس لايشكر الله حبيت اشكر كل من تعب في هذا المنتدى ووضع اسئلة وملخصات وكويزات واطلب من الله تعالى انه يوفقة ومايشوف الا كل خير في حياتة وشكرا قال الرسول صلى الله عليه وسلم احب الناس الى الله انفعهم لناس الله يوفقكم احتسبو الاجر فضلكم كبير علينا
|
رد: ارجو الدخول للاهمية
.
الله يجزاك خير على هالكلام الطيّب , بغيت ادخل واقفله بس كذا ماقدر اقفله امدحونا بعد ترا نستاهل :) , , العفو الله يسعدك ومافيه شي الواحد ينتظره من خدمة الطلاب والطالبات هنا الا الاجر والدعاء وشكرا انك عطيتنا وقت بدعواتك , الله يكتب لك كل توفيق وسعادة . |
رد: ارجو الدخول للاهمية
نضام المشرفه حب الذات وحب الظهور والتعالي والتفاخر بالمقدره بالتحكم باأغلاق المواضيع والدليل أسلوب ردها مع ألاعضاء وحجبها مواضيع مهمه من قبل لكن ماأقول الا ياصبر الأرض على هل الأشكال ِ:(284): |
رد: ارجو الدخول للاهمية
1 مرفق
صدقتي والله يا خلووود في كل موضوع طامره
يا صبر الارض عليها يا خوفي تقفل مستوى سابع :007: |
رد: ارجو الدخول للاهمية
^
قبل كل شي احب اقولك ياخلود هالاشكال اللي تقولينها لو مامسكت القسم هالترم ونظمته ورتبته كان الحين انتي وغيرك قاعدين بقسم فاضي بسبب قلة المشرفين . وكل اللي قاعده اسويه من اغلاق وترتيب ما اخذته بتعالي قد ماهو احساس بالمسؤولية وحسن ادارة وتصرف . و والله هذي مشكلة ان كنتي ياخلود تشوفيني بهالنظرة ’ لانك تبغين مواضيع جيبولي ملخص وعطوني حل واجب , انا ماقصررت بالقسم وتعبت وقضيت اغلب وقتي عشان ارتبه وانظمه ولا يصير فوضوي , ورزقني الله بنخبه من الطلاب والطالبات ساعدوني وساهمو معي بالقسم . ما اقفل موضوع او اغلق موضوع الا اكون عارفه ان فيه اجابه له بالمواضيع المثبته بس انتم ماشفتوها وتبغون كل شي على الجاهز ماحد يبي يطلع ويبحث بالقسم , فيه ناس تجي تفتح موضوع جيبولي الملخص والمهم بالمادة وكل شي ؟! كيف هالطريقه بالله ؟ هذا اللي انتي تبينه ؟ انا حرصت ان يتوفر كل شي بالقسم بدون ماحد يطلب ويتكلم وكل شي موجود بالمثبت وفوق هذا فيه ناس ماتبي تبحث تبي هي تكتب موضوع وحننا نخدمها اننا نجيب لها اللي تبيه ؟ بأي نظام تتكلمين انتي ؟ ترا هنا فيه ناس راحت عيونهم ليل ونهار عشان يلخصون ويرتبون وينظمون ويكتبون ملخصات ويكتبون اسئلة ويحلون واجبات ؟ وبعد هذا كله نجي هنا ننتظر كلمه طيبه ويجون امثالك الاتكاليين وينسفون جميع مجهوداتنا جد شئ محزن . لذلك ابي اطمنك انتي وغيرك هذا اول ترم لي واخر ترم بالاقسام الاكاديمية لاني ايقنت ان مهما اعطيت من وقت وجهد ماحد راح يشوفه شي . |
رد: ارجو الدخول للاهمية
اقتباس:
السلام عليكم ورحمة الله وبركاته الى مشرفتنا منال الله يوفقك ويجزاك خير والله اني اقول بخاطري الله يعينها ويجزاها خير كيف هي متحملة المنتدى ومرتبته مع اشغال حياتها الله يفرجها عليك ويرحم والديك انتي والجنوبي ومبعثر والجارح وابن السلطان واللي نسيتهم ماذكرت اسمهم وساعدونا الله يوفقكم ويعدي هالترم لي ع خير وسعاده ترى ما انساكم من دعائي 🌹🌹🌹🌹🌹🌹🌹🌹🌹❤️🌹 |
رد: ارجو الدخول للاهمية
شكراً لك صاحب الموضوع ...
الشهادة لله ان المشرفة ماقصرت من ناحية التنظيم والترتيب وكله في مصلحتنا .. الإيجابيات اكثر وانا شهادتي مجروحه .. يكفي انها كانت في وسط الترم تفتح مواضيع للمشاركة الجماعية ومسابقات تحفيزيه من ثقل الأمانة و الإشراف تكليف ليس تشريف ( فتحت المجال لي وساعدتني اني اشارك اخواني واخواتي الطلاب ) جزاها الله خير الأعضاء والعضوات شغالين من بداية الترم الله يجزاهم خير ويكتب الاجر لهم .. |
رد: ارجو الدخول للاهمية
الشكر والعرفان والتقدير والاعتراف بالجميل واجب على من يستفيد من هذا الصرح الكبير سواء كان مشارك او زائر..
بعد الشكر لله سبحانه ان أعطانا ناس مثلك مشرفتنا و مثل الاخوة والاخوات اللي يتعبون ويسهرون ويقدمون لنا كل شيء جميل ومفيد نشكركم بحجم السماء والشكر يظل قليل بحقكم ولكن نقول جزاكم الله عنا خير الجزاء وجعل ماقدمتوه لنا بموازين حسناتكم. اما بخصوص اغلاق المواضيع وخلافه بالعكس القسم مرتب ومنظم وكل تساؤل له مكانه ووفر علينا معاناة التشتت بالمواضيع الغير مهمه.. شكرا مشرفتنا مره اخرى والشكر موصول لمن ساهم ولو بحرف في سبيل رفع الطلبة والقسم الى الافضل. وأتمنى أستمرارك مشرفتنا منال وماعليك من أحد بالعكس انتي :d5::(204)::(204)::(204): وفقك الله والى الامام:106::106::106: |
رد: ارجو الدخول للاهمية
يستاهلون الشكر و الشكر لله اولاً ثم لجهودهم ماقصروا من اشراف و اعضاء متميزين بالكويزات و الملازم و المواضيع المهمه و كل من ساهم بفايده تعم للجميع و الله يجزاهم كل خير
منال ( رايتك بيضاء ) و جهودك واضحه و كلمة حق القسم مرتب مقارنه في بعض الاقسام فيها فوضه و الله يعطيك على قد ماتعبتي و اكثر موووووفقه .. :106: |
رد: ارجو الدخول للاهمية
اضم صوتي مع الاخوه والاخوات اللي دافعو عن مشرفتنا الحكيمه
قال الله تعالى ﴿ وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ﴾ |
رد: ارجو الدخول للاهمية
انا كتبت هذا الموضوع للفائدة الكبيرة الي جنيتها من هذا المنتدى والاعضاء الي يتعبون لكي يضعون كل مايسهل عليك مذاكرتة بطريقة سهلة وممتعة .... لاني منذ دخولي الجامعة لم اشتري ملازم الا لمستوى اول فقدمت شكري ودعائي وهو قليل بحقكم وارجو عدم التجريح يااخ مشاكس واخت خلود وشكرا للاخت المشرفة.... انتظرو الاجر من الله ومن يعمل مثقال ذرة خيرا يرة
|
رد: ارجو الدخول للاهمية
السلام عليكم .. بخصوص المشرفه منال.. بدون أي مجامله او ثناء,, والله العظيم ياهي ماسكه القسم من أبدع ميكون...\:d5: فعلا إنسانه واعيه مقدره للمسوليه,, الله يجزاك بالخير,, والله انتي تقومين بعمل ومجهود الي جرب الاشراف يعرف بالعمل الجبار الي تعملينه.. من أفضل الاقسام بالمنتدى,, ترتيب .. تتظيم.. كل شي منسق.. الطالب يدخل يلقى كل شي قدامه.. ايش يبي اكثر من كذا!! من أبدع شي,, لايهمونك.. هنا موضوع دراسه وعلم,, الي خارج النص خارج النص,, ,, وحتسبي الاجر.. نجاحنا وتوفيقنا بعد الله بهذا الترم لك نصيب منه.. أسال الله لايحرمك أجر الطلبه الي أستفادو من مجهودك..:004: والشجره المثمره لاترمى الى بالحجاره.. وإن شاء الله انك بعد مشرفتنا بالمستوى القادم بحول الله,..\ تقبلي احترامي واحترام زملائي:106: |
رد: ارجو الدخول للاهمية
اضم صوتي مع الاخوه والاخوات اللي دافعوا عن مشرفتنا الحكيمه
وماأقول الا كثرررر خييرك ماااقصرتي سويتي الي ماااحد يقدر سويه |
رد: ارجو الدخول للاهمية
اضم صوتي مع الاخوه والاخوات اللي دافعو عن مشرفتنا الحكيمه قال الله تعالى ﴿ وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ﴾ |
رد: ارجو الدخول للاهمية
كونو على ماكنتم علية لا تجعلوا لشيطان طريق بينكم المشرفون يعملون ولهم منا الدعاء
|
رد: ارجو الدخول للاهمية
مشكورين جميعا وكل الاحترام للمشرفين ماقصرو بشي بصراحة الله يجزيهم خير جميع تحية معطرة
|
رد: ارجو الدخول للاهمية
يبوووووووووووووي ياحبكم للنكد المشرفه عسل وكل القائمين ب هالملتقى ساعدونا غير تدورون مشاكل مو كافي الاختبارات وانتم بعد الا ياصبر الله عليكم من قلوبكم اللي ماندري وش تبي |
رد: ارجو الدخول للاهمية
السلام عليكم ورحمة الله وبركاته
بالعكس الأخت منال نشوف اللي تسوينه شي كبير وفي كل مره تذكرين بدعوة في ظهر الغيب الله يوفقك ويسدد خطاك وامثالك هنا لا ينسون ابدا |
رد: ارجو الدخول للاهمية
الى مشرفتنا الفاضله ...جزاك الله عنا خير الجزاء ..لاتهتمي لكلام شخص اتكالي وليس له هدف ف الحياه الا الراحه ..رايتك بيضاء والله يكثر من امثالك
|
رد: ارجو الدخول للاهمية
.
الله يسعدكم مهما اقدم لامثالكم يعتبر قليل :004: |
رد: ارجو الدخول للاهمية
خوفي من ترم يمر عليكم
ماتلقون اللي تبونه فيه ناس بختصار يسوون اشياء ورب النعمه استغرب انهم فاضين لكم انا واحد من الناس اللي مستحيل ابجلس ليل ونهار عشان اضبط ب المنتدى اللي تكلم ع المراقبه حرام عليگ وش هالتحطيم حتى لو كانت مزح زوروا هالملتقى بعد سنه وتذكروا كلامي المجتهدون واشكوا على التخرج والله ان تقعدون بها الله يوفقكم ويسعدكم بمان الله:53::18: |
رد: ارجو الدخول للاهمية
لمشرفة القسم :(289):
|
رد: ارجو الدخول للاهمية
وانا عني
وصلتي عندي إلا درجة الثقة للاحساس بما تبذلين من جهد في اللي تقدمينه |
رد: ارجو الدخول للاهمية
اقتباس:
:hhheeeart4: الله يعطيكم العافيه وما قصرتو معانا بشى وبيض الله وجيهكم ويجعله ما تفعلونه في ميزان حسناتكم :d5: |
رد: ارجو الدخول للاهمية
خير تعمل شر تلقى بعض الناس مايبين بعينه مانقول الا الله يجعلها بميزان حسناتكم وطولو صبركم وش تسون الله بلاكم بناس جحاده |
رد: ارجو الدخول للاهمية
أسأل الله العظيم ( الجزاء العظيم )
لكل من ساعدنا في هذا المستوى وغيره من المستويات السابقة لكم منا دعوة بظهر الغيب لا يعلمها إلا الله سبحانه |
رد: ارجو الدخول للاهمية
اقتباس:
اقتباس:
ما أسهل الكلام ورمي الحكي على فلان وعلان .. الجهود خلف الكواليس + إلتزامات المشرف الحياتية + دراسته والضغط النفسي الكبير الواقع علية لتنظيم القسم تطوعا منه ولا يبتغي منه إلا الأجر لتسهيل الوصول للمعلومة .. لا يستحق إلا الدعوة بظهر الغيب .. في حين جهودها بالقسم تبقى بعض الأقسام من غير تنظيم تماما .. لقلة المبادرين لخدمة الآخرين .. صاحب الموضوع بارك الله فيك وجميع من رد بكلمة حق بخصوص المشرفة منال .. أشكركم ودائمـا يد وحده ما تصفق .. بالتعاون يصبح كل شيء من أروع ما يكون .. ولا يبقى إلا الذكر الطيب .. أسأل الله أن ييسر عليكم ما تبقى من اختبارات .. يغلق للإنتهــاء بعد اذنكم .. :004: |
| All times are GMT +3. الوقت الآن حسب توقيت السعودية: 05:57 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام