هذا فهمي للاحصاء
 

حاجات بسيطة في الاحصاء الاجتماعي في المحاضرات الاولى.........

التعاريف الاولى كلها سهلة وماعليها ان شاء الله ,,,

المحاضرة الثالثة..اللي نسميها النزعة المركزية وهم 3 اخوات انا واسمي المتوسط او الوسط الحسابي واختي سميتها نوال منوال والثالثة سميتها ريم وهي وسيط وعلى نفس وزنها...
الاولى اللي انا ,,,الوسط كيف اطلعه ؟؟ اجمع كل الاعداد او القيم واقسمها على عددها مثال 26354 =نجمعهم تصير 20 نقسمهم على 5 لانها عبارة عن 5 ارقام....الناتج 4 يعني المتوسط 4

نوال او المنوال سهل اللي هو اكثر واحد تكرر مثال 22345677 ....المنوال عندنا رقمين 2/7
واذا ماتكرر يصير عديم المنوال واذا تكرروا كلهم مثال 22334455 يصير بعد عديم المنوال

الوسيط اللي هي ريم عاد هذا الرقم اللي في الوسط يصير هو الوسيط اذا صار فردي نرتبهم تصاعدي وناخذ اللي في الوسط مثال 4328795....بعد الترتيب تصير 2345789 الوسيط اللي هو 5

اما اذا صارت الاعداد زوجية ناخذ الرقمين اللي في الوسط ونجمعهم ونقسمهم على 2 مثال 435729....234579 اللي في الوسط 4 و5 نجمعهم تصير 9 ونقسمهم على 2 تصير 4 ونص الوسيط 4ونص

اذا جاء سؤال كيف احسب الفئة الوسيطية او احددها ...؟؟؟
اول شئ نحسب نص مجموع التكرارات ...يعني لو عندي 4 فئات والفئة الاولى تكرارها 14 والثانية 29 والثالثة 18 والرابعة 9 اجمع هالتكرارات تصير 70 نصفهم 35 وهذا اللي نبغاه نصف التكرار .....بعدين نحط في مخنا العدد صفر ونضيفه على الفئة الاولى اللي هي 14 بيساوي 14 نفسها ماتغير شئ و14 اقل من نصف التكرار اللي هو 35 واحنا قانون حق الفئة الوسيطية يكون مساوي له او يزيد عليه و14 اقل من 35 يعني ماينفع ,,,,نقوم نزود عليه الفئة اللي بعده اللي هي 29 ونجمعها مع 14 اللي هي الفئة الاولى تصير 43 وهالرقم اكبر من 35 معناه الفئة الثانية 29 هي الفئة الوسيطية ...



القاعدة اللي بعدها ....اذا شفتوني انا الوسط الحسابي اكبر من خواتي معناه منحى ملتو لليمين واذا شفتوا نوال هي اكبر مني معناه منحى ملتو لليسار ...
فاذا كان مثلا الوسيط 85 والمنوال 80 والوسط الحسابي 95 معناه انا اكبرهم يعني منحنى ملتو لليمين






مقاييس التشتت ... كل ماقل التشتت كل ماقربت من المتوسط كل ماتجانس

المدى كيف اطلعه ....اطرح اقل قيمة من اكبر قيمة ويطلع المدى مثال ....4326349...اطرح 2 من 9 =7 اذن المدى 7
هذا نطلعه في البيانات الغير مبوبة
اما المبوبة ...اعلى فئة واقل فئة نطرحهم من بعض ...



الانحراف المتوسط نوع من مقاييس التشتت بعد المدى .....
كيف نطلعه ؟؟؟؟
اول شئ نطلع الوسط الحسابي وطبعا عرفتوا للوسط الحسابي..
بعد مايطلع الوسط عندي وراح يكون رقم ثابت اقوم اطرحه من كل قيمة من القيم
مثال ........
15 13 3 5 15 12 18 6 7 3 اجمعهم واقسمهم على عددهم يساوي 9.7 خلاص الحين هذا الرقم ثابت بطرحه من كل رقم فوق ...وبيطلع لي الجواب
5.3 3.3 _6.7 _4.7 5.3 2.3 8.3 _3.7 _2.7 _6.7 طبعا بتلاحظون ان بعض الارقام فيها علامة السالب قبلها وهذا لاننا طرحنا صغير من كبير ...عادي
المهم لو تجمعونهم بيطلع الناتج صفر وهذا اسمه مجموع الانحرافات =صفر
عشان كذ ا نطلعهم للقيمة المطلقة اللي نفس الرقم بس بدون علامات قبلها
ونجمعهم ونقسمهم على عددهم ....يطلع لنا ان الانحراف المتوسط هو متوسط القيم المطلقة للانحرافات...يوم جمعناها طلع 4.9 وفيه مثال ثاني جوابه 2.64 طبعا المثال الثاني اقل تشتت لانه اقل رقم ...
وكل ماصار الجواب اقل معناه اقل تشتت



وبكرة ان شاء الله نكمل ....كان فهمتوا علي:oao:

رد: هذا فهمي للاحصاء
 

هههههههههههه

الله يسعدك يانوف كملي شرحك حلو وفهمك مية مية تخلي الواحد يحب المادة غصب :oao:

رد: هذا فهمي للاحصاء
 

شرح اكثر من رائع منتظرينك

رد: هذا فهمي للاحصاء
 

كملي ياعسل...شرحك عسل مثلك...منتظرينك بحمااااس

رد: هذا فهمي للاحصاء
 

حلوووه ي شطوووره كملي:oao::oao::53:

رد: هذا فهمي للاحصاء
 

الله يسعدك يانوف ماشاء الله عليك

رد: هذا فهمي للاحصاء
 

مرررررررررررررررا جميل بديت افهم ابشركم :d

رد: هذا فهمي للاحصاء
 

رد: هذا فهمي للاحصاء
 

الله يعطيك العافيه

وان شاء الله يكون اول يوم اختبار يفتح النفس

:)

رد: هذا فهمي للاحصاء
 

رد: هذا فهمي للاحصاء
 

الله يسهل وشرحتك جميل ماشاءالله يليت يثبت علشان مايروح وقت الاختبار

رد: هذا فهمي للاحصاء
 

تسلمين نوف

رد: هذا فهمي للاحصاء
 

الله يجزاك خير شرحك مره مبسط

رد: هذا فهمي للاحصاء
 

رد: هذا فهمي للاحصاء
 

يبيلي امخمخ على شرحك

تم حفظ الصفحه

رد: هذا فهمي للاحصاء
 

يديكِ العافيه

رد: هذا فهمي للاحصاء
 

تسلم الأيادي
وبإنتظار التكمله <<< دخلت جو مع الفلم ...اقصد الشرح :love080:

رد: هذا فهمي للاحصاء
 

جزاك الله خير على الشرح

رد: هذا فهمي للاحصاء
 

كملي جزاك الله خير

رد: هذا فهمي للاحصاء
 

ياشيب راسي من الاحصاء

مشكوره نوف

رد: هذا فهمي للاحصاء
 

رد: هذا فهمي للاحصاء
 

رد: هذا فهمي للاحصاء
 

فيه ملاحظة.......المنوال اسرع في تحديده من الوسط والوسيط
وغير كذا المنوال نقدر نحدده سواء كانت البيانات منفصلة متقطعة اونوعية فولوا ليش نوعية؟؟؟؟؟؟؟؟لاننا بس بنطلع الاكثر تكرار
لكن الوسط ماتصلح فيه النوعية لاننا مانقدر نجمع كلمات ونقسمها مو الوسط قلنا نجمع المتغير ونقسمه على عددهم
حتى الوسيط ماتصلح فيه النوعية لو كان زوجي ليه؟؟؟ مثال ....مقبول ضعيف جيد جيد جيد جدا ممتاز.........كيف بنطلع الوسيط اذا كان كذا .......المفروض نجمع اللي في الوسط ونقسمهم بس هذا كلام كيف ينجمع ويقسم..........
مفهووووووووووم....

رد: هذا فهمي للاحصاء
 

مفهوم يااستاذه نوف
الله ينور طريقك كملي تراني متوهقه بهالماده
الله يخارجناااااااا

رد: هذا فهمي للاحصاء
 

ملاحظة..........
المدى مايصلح في البيانات المفتوحة.....لان المدى نطرح اقل قيمة من اكبر قيمة
فاذا كانت اكبر قيمة 18 واصغر قيمة كانت مفتوحة في الجدول >x فكيف اطرح 18 من عدد مجهول ومفتوح
او اكبر قيمة >x واصغر قيمة <x فهذا مفتوح من الاعلى والاسفل

رد: هذا فهمي للاحصاء
 

الحين خلصنا من مقاييس التشتت المدى والانحراف المتوسط
نجي الان للتباين.......اللي هو متوسط مربعات الانحرافات عن الوسط الحسابي والجذر حق التباين هو الانحراف المعياري.......
يعني لو عطونا اي جدول على طول نعرف ان حرف x هو المتغير وحرف n هو عددهم وحرف d قيمة مطلقة
.........وش نسوي في هالحالة ......نطلع الوسط الحسابي نجمع كل الارقام اللي تحت خانة x ونقسمهم على عددهم اللي هو n وفي الجدول طلع الرقم بعد الجمع 143 وعددهم 10 فقسمنا 143على 10 =14.3

الخطوة الثانية .....
اطرح كل متغير من الناتج الثابت اللي طلع عندي 14.3
مثال
16_14.3=1.7
14_14.3= _0.3
وهكذا
بعض الاجوبة قبلها علامة سالب عادي

الخطوة الاخيرة واللي هي الخانة الاخيرة من الجدول ........
الناتج اللي طلع عندي اضربه في نفسه ويطلع لي الجواب في الخانة الاخيرة
مثال
كان الجواب الاول اذا تذكرون ( 1.7) اضربه في نفسه = 2.89
والجواب الثاني كان (0.3_) اضربه في نفسه يطلع =0.09
وهكذا الى نهاية الجدول

اذن الخانة الاولى n المتغير
الخانة الثانية ......d=x_x طبعا الاكس الثانية فوقها شرطة بس ماعرفت احطها
الخانة الثالثة اللي هي مدري وشلون شكلها كانها كرفته او حرف اف ملتف ( المهم هذي الخانة هي حاصل ضرب الناتج في نفسه )

رد: هذا فهمي للاحصاء
 

اللي يعرف يسوي جدول يسويه وانا اشرح عليه

رد: هذا فهمي للاحصاء
 

وين التكملة

رد: هذا فهمي للاحصاء
 

الان المحاضرة الخامسة.....الفروض الاحصائية

ويمكن ترتكب خطأين فيهم................
الاول ترفض الفرض الصحيحa
الثاني تقبل الفرض الخاطئءb

وفيه جدول مهم ركز الدكتور عليه........
الاول فرضية صحيحة ............ونتيجة العينة تؤيد هالكلام قبول الصواب
الثاني فرضية صحيحة ............ونتيجة العينة غير مؤيدة لصحتها ...........وهي رفض صواب ..........وهذ مثل النوع الاولa

الثالث فرضية خاطئة.........نتيجة العينة تؤيده............قبول الخطأ.....وهذا مثل النوع الثانيb
الرابع فرضية خاطئة......غير مؤيدة لصحتها............رفض خطأ

رد: هذا فهمي للاحصاء
 

الفروق البحثية لها 4 انواع.................
اولا الفروض العلاقية..........وفيه منه (موجه/ وغير موجه/ وصفري.).
الثاني الفروض الفارقة ............ونفس الكلام فوق
الفروض التنبؤية ..............ونفس الانواع فوق
الفروض السببية .................مثلهم.....


الحين نجي نفرق بين الموجه والغير موجه والصفري
اذا شفتوا كلمة صفري معناها لاتوجد علاقة ابدن
اذا شفتوا كلمة موجه معناها توجد علاقة موجهة ومحددة لصالح شئ معين وتعطيك حملة كاملة ومفيدة
اذا شفتوا كلمة غير موجه معناها فيه علاقة بس ماهي موجهه لاحد وغير كذا تكون الجملة ناقصة وماهي مفهومة
مثال .....توجد فروق ذات دلالة احصائية بين متوسطي درجات الذكور والاناث في الذكاء الوجداني
هذا غير موجه وعير صفري؟؟؟؟؟؟؟ليه لانه توجد علاقة بس ماكملوا الجملة قالوا توجد فروق بين الذكور والاناث بس ماندري لصالح مين..؟؟
لكن الجملة اللي بعدها كاتبين نفس الجملة وفي الاخير كاتبين لصالح الذكور .......هذا موجه......

فهمتواااا.........................

رد: هذا فهمي للاحصاء
 

المحاضرة السادسة ...........مربع كاي كا2
كيف اطلعه؟؟ اجمع التكرار او اللي لاحظته وشفته على اللي توقعته.

فيه جملة (مهمة ) ركز عليها الدكتور ان اختبار مربع كاي يتعامل مع تكرار البيانات الاسمية..
وهل يتعامل مع الفترية او الرتبية ؟؟اي الفترة من 8 _ 10 وهكذا؟؟؟نعم يتعامل ولكن بعد تحويلها الى اسمية


كاي هو احصائية لابارامترية

رد: هذا فهمي للاحصاء
 

غدا بحول الله وقوته لنا تكملة.........

رد: هذا فهمي للاحصاء
 

وين التكمله الله يسعدك

رد: هذا فهمي للاحصاء
 

في انتظارك نوف اكملي الله يسعدك

رد: هذا فهمي للاحصاء
 

مشكورة يعطيك العافيه الله اوفقك

رد: هذا فهمي للاحصاء
 

ماشاءالله عليك
ربي يجزاك الجنه ياالغاليه

رد: هذا فهمي للاحصاء
 

يعطيك العافيه حبيبتي في انتظارك ...

رد: هذا فهمي للاحصاء
 

يارب سهلنا ونجحنا

رد: هذا فهمي للاحصاء
 

نوف بارك الله في جهودك
لو تجعين مخلصك في صفحة واحد كما عهدناك كان افضل
مثل المذاكره

رد: هذا فهمي للاحصاء
 

معليش اعذروني عالتأخير والتقصير ........
لولا الظروف الله يفرجها كان أول بأول ..
بس ان شاء الله خير ودعواتكم

وابشروا بالخير ...

رد: هذا فهمي للاحصاء
 

ربي يفرجها عليك ياعسل والله يشرح صدرك كملي ننتظرك

رد: هذا فهمي للاحصاء
 

نجي الآن معامل الارتباط....
هو مقياس احصائي يقيس العلاقة بين متغيرين سواء كانت ايجابية او سلبية ........يكون المتغير الاول مستقل والثاني تابع.....والعلاقة اما تكون طردية مثال .........كل مااشتغل ساعات زيادة اكسب فلوس زيادة ..طبعا المثال من راسي يشبه لمثال الملزمة اللي كل مازاد الانتاج ارتفعت الجودة.......وهذا نسميه موجب تام والارتباط +1
لكن العلاقة العكسية اللي هي النوع الثاني ..........يزيد شئ والثاني ينقص مثل المستقل يزيد والتابع ينقص ...........مثال .......كل مااشتغل اكثر احصل فلوس اقل ....اذن هنا المستقل الشغل وزايد لكن التابع الفلوس تنقص هذا نسميه عكسي تام ......والارتباط حقه سالب -1




نقطة مهمة.....اذا كانت معامل الارتباط صفر معناها لاتوجد علاقة..






وفيه جدول احفظوه لمعامل الارتباط..............
+1 ارتباط طردي تام
من 0.70 الى 0.99 نسميه ارتباط طردي قوي
من 0.69 الى 0.50 نسميه ارتباط طردي متوسط
من 0.49 الى 0.01 نسميه ارتباط طردي ضعيف
0 نسميه لاتوجد علاقه
والعكسي عكس الطردي .......نفس الارقام بس تكون قبلها علامة سالب

رد: هذا فهمي للاحصاء
 

طبعا معاملات الارتباط 4 انواع .........احفظوا نوع المتغير حقها مهم ......
معامل بيرسون ......لازم المتغيرين كلهم كمي
معامل بوينت بايسيريال .......طبعا سميته سنتر بوينت .............متغيرين كمي مع اسمي في مستويين
معامل سيبرمان.......متغيرين اما كلهم كميين او كلهم وصفيين ترتيبين
معامل فاي .......كلهم متغيرين اسميين في مستويين

رد: هذا فهمي للاحصاء
 

اختبار ت او t تست test
ركز كثير على الشروط ......اللي هي
1/حجم كل عينة ........وان حجم العينة الصغيرة هي اللي تقل عن 30 والكبيرة تزيد عن 30 وان الاصل استخدام العينات الصغيرة .وفي العينات الصغيرة مرة نستخدم البدائل اللابارامترية..
2/الفرق بين عينتين......لازم يكون الفرق متقارب مرة طبعا قصدهم الفرق في الحجم مهوب وحدة حجمها 50 والثاني 400.
3/مدى تجانس العينات ........اللي هو التباين ونطلعه مو بالطرح لكن بقسمة التباين الاكبر على الاصغر.
4/اعتدالية التوزيعلكل من العينيتن....زاي التحرر من الالتواء والالتواء اما سالب او موجب والاعتدالي ماله التواء ويمتد من -3 الى +3.......وكل ماقرب من الصفر يكون التوزيع اعتداليا.


في اختبار (ت) المتوسط يساوي الوسيط

ونقدر نستخدم اختبار (ت) في عينة واحدة واو عينتين سواء كانت مرتبطتين او مستقلتين

رد: هذا فهمي للاحصاء
 

حبيت الماده من شرحك الله يجزاك الف خير ويجعله في موازين حسناتك يااااااارب

رد: هذا فهمي للاحصاء
 

قوهد يانوف الله يكتب اجرك بديت افهم شوي كنت حايسه مع شرح الدكتور مافهمت شي

رد: هذا فهمي للاحصاء
 

الله يسعدك يانوف دنيا وآخره 💕

رد: هذا فهمي للاحصاء
 

رد: هذا فهمي للاحصاء
 

الليله راح احاول قدر المستطاع اجمع شروحات الاخت نوف و انسقها و احطها في ملف pdf و بكرا بيكون جاهز و منسق

رد: هذا فهمي للاحصاء
 

بالنسبة لصياغة الفروض ...........مهم
اذا طلعتوا منحدر ونزلتوا منه ...ماتقدرون تتنبؤون ايش ممكن يكون قدامكم...........اذن تحليل الانحدار لا يمكن التنبؤ

اما الكلمات اللي تبدأ بحرف ت تست test وتباين.......... هذولي غير .....لا توجد فروق دالة

رد: هذا فهمي للاحصاء
 

الله يجزاك خير ,
بس عندي تعقيب , كان بودي لو مثلا تنكتب القانون ( الرموز )جنب كل موضوع يعني
ايش قانون المتوسط الحسابي حتى يفهم الدرس بطريقه صحيحه .

رد: هذا فهمي للاحصاء
 

ربي يسعدك ويوفقك ويسهل امورك

رد: هذا فهمي للاحصاء
 

عزيزتي وئام مدام ماقرر الدكتور الا اربع مسائل ,,,ليه تصدعين راسك بالقوانين والرموز..اهم شئ الان تفهمين المضمون والطريقة ...وركزي على قوانين الاربع مسائل اللي في الموضوع المثبت مع اخونا الفيصل الله يجزاه خير.........

رد: هذا فهمي للاحصاء
 

كملي الله يجزاك خيييير سهلتي علي المذاكره الله يسهلك امووورك يارب
وياليت تشرحي المحاضره 9 لان الدكتور قال بيجيب منها سؤالين بس ماشكله بيجيب مسائل طويله
هذا الي فهمته من المحاضره المباشره 3

رد: هذا فهمي للاحصاء
 

تسلم الأيادي
ربي يجزاك الجنه

رد: هذا فهمي للاحصاء
 

رد: هذا فهمي للاحصاء
 

انا شفت اخونا الفيصل حاط لها موضوع مثبت وشارحها كلها الله يعافيه ....

رد: هذا فهمي للاحصاء
 

رائعه أخت نوف استمري في عطائك جزيتي خيراً

رد: هذا فهمي للاحصاء
 

المحاضرة التاسعة اختبار t او تست .....يكون اما في مجموعتين مرتبطتين يعني مثلا مادتين في كلية وحدة واللي يختبرونهم نفس الافراد
او مجموعتين مستقلتين يعني ذكور واناث
او مجموعة وحدة
مثلا اذا عطاك مجموعتين مرتبطتين ..زيعني افراد يختبرون مادتين
الاحصاء ( 26/18/20/24/22/14/23/16/22/11)
مشروع التخرج(23/16/19/21/18/12/12/24/11/23/9)
وقال طلعوا (ت)
نطرح كل رقم من المادة الاولى من الرقم من المادة الثانية كل واحد واللي تحته
نطرح 26 -23=3
18-16=2
وهكذا
بعدين الاجوبة نجمعها وبيصير عندكم ارقام سالبة عشان طرحنا الصغير من الكبير مثل العدد 23-24 =-1
والعدد 22-23=-1
والباقي ارقام عادية لوجمعناهم بيصير عددهم 22 نطرح منهم هالسالبين -1 و-1 =-2
نقول 22-2=20
وهالعشرين 20 اقسمها على عدد المتغير اللي هو 10 يصير 20 تقسيم 10 =2
وهذا اللي ابغى اوصلها رقم 2 لأني بطرح الناتج اللي عندي اول من 2 .........تذكرون التواتج اللي كان فيها سالب لما طرحت المادة الاولى من المادة الثانية اللي 26-23=3......18-16=2 وهكذا
خلاص اخذ كل جواب سابق واطرحه من 2 بعدين اربعه يعني اضربه في نفسه والاجوبة اجمعها ونسمي هذي الاجوبة (ح ف)2
لما جمعتهم بعد تربيعهم طلع الجواب 34
نحطه في القاعدة
ت= 2 على جذر 34 على 10 *10-1 =3,25

عارفة شرحها طويل وممل بس في شكل الجدول اسهل والمشكلة مااعرلف ارسم جدول لو احد ينزله او يرسمه شرحت عليه

رد: هذا فهمي للاحصاء
 

الله يعطيك العافيه اختي نوف

بس اللحين هل الدكتور حق الاحصاء الاجتماعي تغير عن الترم الماضي ؟؟

ولا هو نفس الدكتور ماتغير !!

رد: هذا فهمي للاحصاء
 

لا ماتغير

رد: هذا فهمي للاحصاء
 

الله يجزاك خير ماقصرتي والى الامام

رد: هذا فهمي للاحصاء
 

السلام عليكم

يا اخواني عندي استفسار مافهمته ولاشرحه الدكتور هو بالمحاضره الثانيه طريقة كتابة الفئات بعد حساب المدى يجي عدد الفئات اللي هو

عدد الفئات =1+3.3 لو (ن)
مافهمتها وعدت المحاضره كذا مره مافهمت طريقة حلها

الله يوفقكم ويوفق كل من ساعدني فيها

رد: هذا فهمي للاحصاء
 

شوف هنا شرحها الفيصل الله يجزاه كل خير ...

http://www.ckfu.org/vb/t658215-9.html

رد: هذا فهمي للاحصاء
 

تقييمي لمجهودك المميز نوف :rose::rose:

رد: هذا فهمي للاحصاء
 

لوينجمع الشرح بملف ونطبعه ؟؟؟؟؟؟؟؟؟؟؟؟

رد: هذا فهمي للاحصاء
 

رد: هذا فهمي للاحصاء
 

الله يوفقكم ويسهل امرنا وامركم
دعواتكم .....بالفرج

رد: هذا فهمي للاحصاء
 

الله يوفقكم تراني متخوفه منها

رد: هذا فهمي للاحصاء
 

حد يقولي الله يسعدكم المسال الاربعه اللي معانا بمحاضرات رقم كم ؟؟؟؟؟؟

رد: هذا فهمي للاحصاء
 

اخونا الفيصل الله يحفظ له عياله ماقصر ثبت لنا موضوع وشرحها وبينزلها في ملف:rose:

رد: هذا فهمي للاحصاء
 

http://www.ckfu.org/vb/attachment.ph...8&d=1430327233

وهذا اخونا الفيصل الله يجزاه خير شرح لنا المسائل الاربع المطلوبة منكم....وحطها في ملف

رد: هذا فهمي للاحصاء
 

السلام عليكم
ممكن ملخص لمادة الاحصاء امشي عليه ويكون جاهز محذوف منه اللي مو معنا
او ملخص امشي عليه وابدا اذاكر اهم شي يكون انتو تذاكرون منه