رد: جدول المحاضرات المباشرة الثانية للفصل الدراسي الأول من العام الدراسي1435– 1436 هـ
 

هلولة:biggrin: أنا معي أحصاء وأذا أنتي بعد عندك أحصاء وأناوية تسوي لاحصاء مجلس مذاكرة أو اي شئ يخص
الاحصاء ياليت ترسلي لي أبغى أحد متمكن من المادة لاني حضرت المحاضرة الخامسة وبديت أفقد تركيزي
أستغفرالله وربي كنت ماشية حلو وبعدين ماأدري أيش صارلي:bawling::sm1::060:

رد: جدول المحاضرات المباشرة الثانية للفصل الدراسي الأول من العام الدراسي1435– 1436 هـ
 

هلا ياعيون هلوله
لا والله أبشرك أني أخذته من المستوى اللي راح وربي فكني منه لكن أنتي يا قلبي لا تضغطين على نفسك بمتابعة المحاضرات ورى بعض ( طبيعي بتفقدين التركيز ) انتي شوفي حتى الحصص أيام الثانوية ورى بعضها كيف كنا نتملل منها وماعد نركز أبد .تلاقينا الحصص الأخيرة نايمين
أنتي خذي كل يوم محاضرة واحدة وبعد ما تخلص المحاضرة حاولي تراجعين وتشوفين القوانين الأساسية اللي تطبقين عليها وحلي لك كم مسألة وبس بتاخذين في المادة ذي بالذات أسبوعين علشان تفهمي تمام التمام وخذي معاها مادة ثانية من المواد الباقية ذاكريها بعد ما تخلصي محاضرة واحدة من الاحصاء لان محاضرة الاحصاء على المراجعة اللي بتراجعينها المحاضرة ماراح تزيد على ساعتين
وانتي انتبهي للمحاضرات المباشرة بالذات الأخيرة لأن الدكتور نزل لنا مراجعة في البلاك بورد تقريبا 68 صفحة والله الاختبار ما خرج منها لكنه غير كل الارقام أعطانا نفس المسائل اللي في المراجعة بس الارقام مغيره تماما يعني اذا مانتي فاهمة ماراح تحلي لان المراجعة اذا جيتي بتذاكرينها وتحطي في بالك انها تكفيك عن المحتوى فلا يجي في بالك ابداً لابد من الفهم أولا مع الدكتور من المحاضرات المسجلة ثم مذاكرة المراجعة واذا قابلتك مسألة ما فهمتي كيف جت أرجعي للمحاضرة المسجلة لأن المراجعة مستخلصة من المنهج نفسة
المادة جامدة يا قلبي بس صدقيني اذا تابعتي مع الدكتور الشرح راح تفهمي واذا نزل لكم الدكتور المراجعة أو قالكم نفس مراجعتنا فلابد انك تذاكريها وتفهمي تفهمي تفهمي
صراحة أكثر مادتين شلت همها السمستر اللي فات الإحصاء والانجليزي كتابة بس تعبت فيها والحمد لله جبت نتيجة مرضية الإحصاء ( 89 ) والانجليزي ( 91 )
بعض زميلاتنا ذاكروا التعاريف فقط والله حملوا المادة ف أنتبهي ما أعطانا تعاريف الا 10 أسئلة تقريباً وباقي الأسئلة والله الآلة الحاسبة ما نزلت من يدي طيلة وقت الاختبار
أنا ما ابي أزيد قلقك بس المادة جامدة وشايله هم اللي ما أخذها المستوى اللي راح ( والدكتور والله رهيب وحبيب ) حببنا فيها على غلاظتها
زي ما قلت لك تابعي كل محاضرة وراجعيها على طول وفي المحاضرة المباشرة الأخيرة الدكتور راح يبين لكم كل شي
وبالتوفيق يالغالية

رد: جدول المحاضرات المباشرة الثانية للفصل الدراسي الأول من العام الدراسي1435– 1436 هـ
 

يعطيك العافية ماقصرتي :rose: والله يعدي هالمادة على خير.