|
تجربتي مع اختبار القدرات العامه للجامعيين واختبار الآيلتس
السلام عليكم شلونكمــ عساكمـ بخير جميعا أول شي طبعا ودي أفتح لكمـ موضوع انشالله راح يفيدكم وكمعلومات مهمه تفيدكم باكمال الدراسه ان شالله بعد البكالوريوس تعرفون طبعا من متطلبات الجامعه الحكوميه أو الخاصه بالسعوديه لاكمال ماستر من ضمن شروطها اختبار لغه توفل أوالآيلتس أو step ثانيا بعض الجامعات تطلب اختبار القدرات العامه للجامعيين اولا بخصوص الاختبارين توني خلصت منهم فعلا تعبت منهم وللحين مافتحت ولاماده من موادنا اولا أبدي لكم اختبار اللغه الآيلتس هالاختبار تلقون شرحه ووصفه وأقسامه بكل منتدى وبكل مكان بس أبي أبلغكم أن الاختبار أسهل يعتبر من توفل وثانيا الاختبار يحتاج واحد على الاقل مستواه متوسط باللغه الانجليزيه مع تدريب مكثف على حل جميع أقسام الاختبار وهو مقسم من أربعه أقسام reading ,writting ,listening ,speaking اللي ماعنده لغه من الحين يدش ويطور من نفسه الاختبار دولي يعني بكل دوله بالعالم تقدمه نتيجته تقبلك فيه وبعد أبي أوضح الاختبار أغلب الجامعات اهني مطلوبه نتيجته من 5 و5.5 يعني تقريبا معدل معقول الحمدالله وحتى لو ماجبت الدرجه الطلوبه تقدر تعيد الاختبار مثلا ماقلتلكم الاختبار يحتاج تـــــــــــــــــــدريب ثانيا بخصوص القدرات مايخفى عليكم القدرات الاختبار مقسم الى ثلاث أقسام وهي قسم اللفظي وثاني الاستلادلي وثالث قسم الكمي ذاكرته تقريبا فوق شهرين بفترات متقطعه بس فعلا الحمدالله لقيت ثمره المجهود الاختبار أسألته حول الأمثله اللي درسته من الكتاب أبو الطيب ومع نماذج اختبار نزلته من موقع ومنتديات اختبار يحتاج الى مذاكره جميع الاقسام ومعرفه جميع الاقسام ومتطلباته ومع حل الامثله الايد تكون متعوده على حل مسائل بس الوقت ضايقني شوي ولا مقعديني جدام ساعه قلبي يدق مع الساعه :000: أي أسأله حوله هالاختبارين تفضلوا أسألوا ...؟ |
رد: تجربتي مع اختبار القدرات العامه للجامعيين واختبار الآيلتس
اخت/ وهج :
شكرا لطرحك المميز ...فيه عندي سؤال ..تقولين توك مخلصه من الاختبارين الان ..يعني بالامكان حضور اختبار القدرات بدون احضار الشهاده الجامعيه بحكم انك لسى معانا في المستوى الثامن؟؟؟؟ اوفقك الرائ بالنسبه للاايلتس اسهل واهون من التوفل بكثير... هل جامعتنا الموقره تطلب الطلبات نفسها في حاله اكملنا الماستر في نفس الجامعه؟؟؟؟؟ عن نفسي مااتوقع..... تحياتي للجميع.. |
رد: تجربتي مع اختبار القدرات العامه للجامعيين واختبار الآيلتس
اقتباس:
هلا أخوي شوف أولا اختبار القدرات موشرط يكون واحد خريج يعني الواحد يقدر يختبر قبل مايتخرج في المستوى الاخير عادي الحين بس الجامعه الموجوده جامعتنا لا فيه تقريبا 27 جماعه حكوميه وخاصه الدنيا ماتوقف على جامعتنا بأي حكم كان أو أي قرار المطلوب منك تستوفي الشروط عامه اذا تبي تكمل دراستك وكل الجامعات نفس الشروط ومعروفه وفالك التوفيق |
رد: تجربتي مع اختبار القدرات العامه للجامعيين واختبار الآيلتس
موضوعك مبشر بالخير الله يوفقك ي وهج
ان شاء الله بعد التخرج اتفرغ لهم :27::17: |
رد: تجربتي مع اختبار القدرات العامه للجامعيين واختبار الآيلتس
الله يعطييك العافيه ع هالموضوع الرائع وإن شاءالله الجميع يستفيدون منه .. والله يوفقك حبيبتي .. :106: |
رد: تجربتي مع اختبار القدرات العامه للجامعيين واختبار الآيلتس
وهج مطير ..
يعطيك العافيه على طرح تجربتك فالك التوفيق ان شاء الله ويارب تحققين ماتتمنين :004: حابه اسألك .. بالنسبه لاختبار الايلتس او التوفل اختبرتيهم وين بالضبط ؟؟ ياليت تفيديني بالمكان اللي اقدم فيه هذي الاختبارات :icon9: |
رد: تجربتي مع اختبار القدرات العامه للجامعيين واختبار الآيلتس
هلا وهج .. ما شاء الله متحمسه .. موفقه يارب ..
عندي سؤال عن كيفيه طلب اختبار الآيلتس او التوفل ووين مواقعهم بالدمام او الخبر وهل فيه بالجبيل ؟ كم مده الاختبار ؟ يسلمو .. |
رد: تجربتي مع اختبار القدرات العامه للجامعيين واختبار الآيلتس
ممكن اعرف كم رسوم كل اختبار وطريقة الدفع؟
|
رد: تجربتي مع اختبار القدرات العامه للجامعيين واختبار الآيلتس
ماشاءالله الله يوفقك يارب
وكيف يتم التقديم عليهم ومتى وقتهم هل كل شهر مثلا فيه اختبار والا كيف |
رد: تجربتي مع اختبار القدرات العامه للجامعيين واختبار الآيلتس
http://www.ckfu.org/vb/t26321.html فيه اجابات لكثير من الاسئلة عشان نخفف على وهج من الاجابة على كل سؤال ان شاء الله ينفع الله يوفق الجميع |
رد: تجربتي مع اختبار القدرات العامه للجامعيين واختبار الآيلتس
اقتباس:
تسلمين حبيبتي وفالج التوفيق ياقلبي |
رد: تجربتي مع اختبار القدرات العامه للجامعيين واختبار الآيلتس
اقتباس:
شوفي اختبار الايلتس او التوفل انتي اللي تحددين مكانج عن طريق الحجز بالنت فأنتي بالسعوديه اوك راح يطلع لج الاماكن اللي ينعقد فيه الاختبار سواء الدمام أو الرياض أو جده ومع تاريخ الاختبار |
رد: تجربتي مع اختبار القدرات العامه للجامعيين واختبار الآيلتس
اقتباس:
اولا الموقع الرسمي يحدد منطقه الاختبار يعني انت مثلا تختار دوله سعوديه راح يفتح لك المناطق اللي تتواجد فيها الاختبار بس اتوقع مناطق رئيسيه مثلا ماذكرتها قبل هالرد أي موقع أقربلك تروحله بس لازم تحجز لما تكون مستعد وخلاص راح تحجز قبلها ع الاقل بشهر لاتحجزون للاختبار نصيحه الالما تكونون على اتم الاستعداد له الاختبار تقدرون تعيدونه مره ومرتين وثلاث بس أهم شي الاستعداد له بالنسبه لمده الاختبار تقريبا ثلاث ساعات تقريبا بس أخر جزء speaking تاخذ راحه قبلها تقريبا 45 دقيقه وبعدين اتبلشون speaking |
رد: تجربتي مع اختبار القدرات العامه للجامعيين واختبار الآيلتس
اقتباس:
طبعا فيه وسائل الدفع كثيره بس الافضل تروح لأقرب مركز لك تقولي شلون أعرف المركز لما تسجل وتخلص راح يحطون بالاخير صفحه كل مواعيد الاستقبال وارقام تلفوناتهم للاستفسار وكل شي يخص الارقام المركز وهو يسمى االمجلس الثقافي البريطاني رسوم الدفع مادري جم بالسعودي دفعت بالكويتي انا دفعت 69 دينار كويتي بس تقريا أقولكم موأكيد بالسعودي 800 ريال بس راح يطلع لكم الرسوم بالاخير لاتحاتون لاماتسجلون بياناتكم بالموقع الرسمي راح يطلع المبلغ المستحق ويحطونه لك |
رد: تجربتي مع اختبار القدرات العامه للجامعيين واختبار الآيلتس
اقتباس:
التقديم عن طريق موقع رسمي لمجلس الثقافي البريطاني وهو www.britishcouncil.org وافتح الصفحه ودش على اختبارات الايلتس وسجل بياناتك عادي وبالاخير قبل تطلع نزل الورقه الاخيره وهي مخصص لرسوم ويحطون تحت مكان الدفع وكل شي يخصه وبس |
رد: تجربتي مع اختبار القدرات العامه للجامعيين واختبار الآيلتس
اقتباس:
مشكور أخوي وجزاك الله خير |
رد: تجربتي مع اختبار القدرات العامه للجامعيين واختبار الآيلتس
تقريبا هالكلام راح يفيدكمـ بس لاتحاتون الاختبارين متى ماعطتيهم جهدكم تلقونه ان شالله شوفوا انا فعلا تعبت باختبار الايلتس خلني نتكلم عن الاختبار الايلتس الاختبار مثل ماقلتلج مقسم الى اربع أقسام listening ,reading ,writting ,speaking أول شي الاختبار مختلف عن توفل ومافي Grammer أولا بالنسبه لي أنا من الأساس داشه دورات عاديه ماتخص الايلتس ولاشي وكنت حاطه في بالي ادش ايلتس اذا قرب موعد اختباري يعني قبل شهرين وقفت دورتي العادي وسجلت الايلتس وحجز موعد على النت والاجراءات المعروفه وعالعموم انا مسجله معهد عادي بالكويت بس كنت متخوفه شوي لاني بديت بالايلتس شهر ونص بس قاذا كان مستواكم متوسط اخذي دوره الايلتس ماتعدى شهرين لاتستعجلون أهم شي تكونيون مستعدين وحطيها حلقه باذنكم الاختبار يعتمد على جهدكم بالمذاكره يعني تدريب مستمر يوميا يوميا ايدكم تكتب وتكونون عارفين كل الامثله ونماذج اختبارات اللي طافت نبدا أول شي listening من الحين اسمعوا أخبار cnn لازم تتعود على السماع للغه لانه اللغه بريطانيه تسمعيون غير ماتكتبون انا هالجزء تعبت فيه حيل لانه اخر جزء درسته أول جزء يبدأ فيه الاختبار وهو تقريبا مقسم الى part 4 كل part يكون محاضره أو حوار بين الاثنين يعني المهم راح يكون فيه جمل ناقصه كلماتها ومن خلال سمعج تلقطين الكلمات اللي تغطي هالفراغ او يكون توصيله بين جمله وجمله مناسبه لها يعني توصيل بس من خلال الارقام انشا الله اذا دشيتوا معهد راح تكون الرؤيه واضحه عندكم سهالات بس الصراحه يبيلها الاذن متعوده وتفهم اللغه عدل ترى شوي صعبه تسمعون كلمات وتسجلونه بسرعه فمثل ماقلتلكم التدريب مهم جدا ترى الاستماع مايعيدونه مره وحده بس شوفوا انا بجامعه الامريكيه كان اختباري بالكويت ومادري نظامهم نفس مكان جامعات او اماكن ثانيه بأي دوله او لاء مادري بس كان بكل طاوله سماعات بدون وايرات بس سماعات مطوره وتشوفينها قبل لايبدون تقولكم المراقبه طبعا كلهم اجانب ويتكلمون انجليزي مافي امل تتكلمون عربي اذا قالت اوك خلاص تبدأ تشغل ال CD وتكون مدته نص ساعه واذا قالت ستوب خلاص بس ترى اخر عشر دقايق تنقلين الاجابات بورقه الاجابه تسمى answer sheet أما باقي الأجزاء لاني تكتين الاجابات دايركت قسم wriiting مدته ساعه وتكتبون موضعين الاول يجيبو مخطط وتكتين ماذا يكون بالمخط وتتكلمون عنه تكتبون مايقل عن 150 كلمه مدته 20 دقيقه والثاني موضوع عادي وعامي تكتبين 250 كلمه ومدته 40 دقيقه قالت ستوب خلاص توقفون reading أكره مافي القسم مافي وقت فيه يعني ثلاث قطع استيعاب ولها طريقه بحل القطع وتتعلمين ان شالله بالمعهد لانه قطع مو نفس حلها ايام الدراسعه قبل اساله مباشره لا فيها شوي لف دوران speaking مدته أقل من ربع ساعه أول جزء تاخذ معلوماتكم الشخصيه أسأله البدايه حلوه وعن شغلات تخصكم personal Information ثاني جزء تعطي;l ورقه وقلم موضوع وتقول جهزي نفسج لمده دقيقتين بس تكونين الافطار تكتبين بالورقه بس رؤوس اقلام وتقول يالله ابدي تكلمي وتكلمين وتسجل صوتكم لمده تقريبا دقيقتين متواصله وثالث جزء تسألكم عن جزء متعلق عن موضوع سابق بس اذا مافهمتي سؤالها قولي please againe لانه راح تنطرج لين تكلمين أوك خلصنا من الايلتس القدرات اعتمادي الكبير ع كتاب ابو الطيب لونه أصفر فيه صورته تلقونه متوفر بكل المكاتب بس اخذي آخر طبعه بس الصراحه عطيته حقه يعني الاسأله والنماذج بس اكتبي بقوقل نماذج اختبارات القدرات العامه للجامعيين يهلون عليج ملفات ودشي ونزليهم بس انا منزله كذا مذكره وتخيلوا مافي وقت مفتحتهم شوي بس اعتمادي مثل ماقلتلكم على الكتاب وحمدالله سهالات ان شالله وبالتوفيق ياقلبي ولاتنسوني من دعواتكم اخواني وخواتي :004: بس نصيحه لاتستعجلون خصوصا الايلتس عطوا حقه لين تحسون نفسكم راح تجيبون score المطلوب ... :004: |
رد: تجربتي مع اختبار القدرات العامه للجامعيين واختبار الآيلتس
اتمنى لك التوفيق والله يجزاك خير على طرحك وافادتك لنا موضوع جميل استفدت منه
|
رد: تجربتي مع اختبار القدرات العامه للجامعيين واختبار الآيلتس
اقتباس:
جزاك الله ألف خير وبالتوفيق :rose: |
رد: تجربتي مع اختبار القدرات العامه للجامعيين واختبار الآيلتس
ما شاء الله بالتوفيق
|
رد: تجربتي مع اختبار القدرات العامه للجامعيين واختبار الآيلتس
ماشاء الله عليك اختي وهج ,,, وربي يوفقك وتنولين ما تتمنين ,,,
عندي سؤال ,,, هل اختبار القدرات للجامعيين مطلوب لـ اكمال الماستر ,,, او هو مطلوب للتقديم على الوظائف التعليمية . لان المعلومة اللي عندي تقول ,,, ان اختبار التوفل او الايلتس هو المطلوب ومن شروط اكمال الماستر ,,, تحياتي لك وبالتوفيق للجميع . |
رد: تجربتي مع اختبار القدرات العامه للجامعيين واختبار الآيلتس
مشكوره ي وهج مطير
موضوووعك توووحفه ربي يوفقك ع الموضوع هذآ عندي سؤال هل لو اختبرتهم آقدر آكمل الماستر بدون رسوم دراسيه نفسنآ حآليآ ؟؟؟ |
رد: تجربتي مع اختبار القدرات العامه للجامعيين واختبار الآيلتس
اقتباس:
أول شي الله يجزاك خير وان شالله فالك الماستر يارب ثانيا بخصوص اختبار القدرات أغلب الجامعات اهني تطلبه فأنت منت خسران شي اختبره أكيد التوفل أو الايلتس شرط أساسي بالنسبه للوظايف التعليميه ماعندي علم بس ترى مايفيد هالاختبار الطالب المقدم على وظيفه تعليميه بس عندهم اختبار يسمى كفايات المعلمين مخصص للمعلمين فقط او اللي يلتحق كوظيفه معلم لانه أسأله الاختبار تخص كل تخصص مونفس أسأله القدرات تكون عامه وشامله وفالك التوفيق ان شالله |
رد: تجربتي مع اختبار القدرات العامه للجامعيين واختبار الآيلتس
اقتباس:
هلا بالعسل وزين كله شوفي ياقلبي الشروط هاذي عامه للمقبلين على اكمال الماستر سواء كان عن طريق الموازي أو الاعتيادي بدون رسوم يعني كلاهما يختبرونه ماله شغل برسوم أو لاء دشي وشوفي كل جامعه وشنو شروطها وتشوفين أغلبهم طالبين القدرات ... وفالج التوفيق ـ ~ |
رد: تجربتي مع اختبار القدرات العامه للجامعيين واختبار الآيلتس
شكرا على الموضوع
بأذن الله مانحتاج الاختبارات ذي. |
رد: تجربتي مع اختبار القدرات العامه للجامعيين واختبار الآيلتس
وهج مطير
ربي يسهل عليك مرادك وللجميع ان شاء الله |
رد: تجربتي مع اختبار القدرات العامه للجامعيين واختبار الآيلتس
اقتباس:
تسلمين ياقلبي وفالج التوفيق ان شالله :004: |
| All times are GMT +3. الوقت الآن حسب توقيت السعودية: 08:39 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام