ملتقى طلاب وطالبات جامعة الملك فيصل,جامعة الدمام
صفحة 1 من 3 1 23
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 7 (https://vb.ckfu.org/f389)
-   -   [ استفسار ] اختبار القدرات للجامعيين للاستمكال دراسة الماجستير (https://vb.ckfu.org/t605997.html)

ابولجين 1 2014- 8- 19 08:06 AM
اختبار القدرات للجامعيين للاستمكال دراسة الماجستير
 
اخواني واخواتي الكرام
السلام عليكم ورحمة الله وبركاته
كما تعلمون ان من لدية الرغبة في استكمال درجة الماجستير لابد ان يجتاز اختبار القدرات للجامعيين ومن باب الاستعداد لذلك فمن يريد استكمال دراسة فسيتم فتح باب التسجيل للدخول في الاختبار خلال الشهر القادم
فأهيب لمن لدية الرغبة التسجيل حتى اذا تخرج بنهاية العام بأذن الله يكون جاهزا لاستكمال دراسة الماجستير ولايعيقه هذا الاختبار حيث انه لايوجد سوى فترتين ومن باب الاستعداد تحسبا لأي طاري لا قدر الله اطرح بين يديكم اوقات بداية التسجيل للعام 1435-1436 للفترتين المتاحة المتبقية وهي كما يلي :

الفترة الاولى : انتهى التسجيل
الفترة الثانية : من 19/11/1435 حتى 17/12/1435 وتكون فترة الاختبار من 11/1/1436 حتى 15/1/1436
الفترة الثالثة والاخيرة :من 20/4/1436حتى 24/6/1436 وتكون فترة الاختبار من 24/6/1436 حتى 27/6/1436


تمنياتي لكم بالتوفيق

أبو نهيان 2014- 8- 19 09:55 AM
رد: اختبار القدرات للجامعيين للاستمكال دراسة الماجستير
 
شكر لك
الله يعطيك العافية

دمعت مشتاق 2014- 8- 19 10:51 AM
رد: اختبار القدرات للجامعيين للاستمكال دراسة الماجستير
 
شكر لك

Tmoo7_12 2014- 8- 19 12:12 PM
رد: اختبار القدرات للجامعيين للاستمكال دراسة الماجستير
 
الله يجزآك خير
شكرا بوسي على التنبيه

dl3 2014- 8- 19 12:30 PM
رد: اختبار القدرات للجامعيين للاستمكال دراسة الماجستير
 
كيف اقدر اسجل وادخل الاختبار وانا ماتخرجت باقي

والا انتظر الين اتخرج

ابولجين 1 2014- 8- 19 02:00 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة dl3 (المشاركة 11274369)
كيف اقدر اسجل وادخل الاختبار وانا ماتخرجت باقي

والا انتظر الين اتخرج

سجل عادي الان بياناتك في موقع قدرات واذا جاء موعد التسجيل للاختبار سجل عادي حتى لو ماتخرجت لانه قد تتخرج ولايوجد اختبار في وقتها مما يتسبب لك في تاخير فصل كامل

sloof 2014- 8- 20 01:40 AM
رد: اختبار القدرات للجامعيين للاستمكال دراسة الماجستير
 
جزاك الله خير ياخوي

سعود بن ثامر 2014- 8- 20 02:55 AM
رد: اختبار القدرات للجامعيين للاستمكال دراسة الماجستير
 
هل أقدر أختبر الآن قبل التخرج وانا في مستوى سابع ؟

وهل فيه أحد إختبر من قبل ؟

صراحه السنه هذي زحمة من الضغوط بين مواد كثيره وقدرات جامعيين *_*


الله يسهلها يارب ..

Rooory 2014- 8- 20 04:27 AM
رد: اختبار القدرات للجامعيين للاستمكال دراسة الماجستير
 
طيب ايش شروط اكمال الماجستير

وفين اقدر اكمل نوروني ماافهم فيها

أبان 2014- 8- 20 06:30 AM
رد: اختبار القدرات للجامعيين للاستمكال دراسة الماجستير
 
الله يعطيك العافية أبو لجين

ممكن معلومات أكثر عن هذا الاختبار ؟

هل هو إلزامي لجميع برامج الماستر ؟
هل يوجد نسخ لاختبارات سابقة للاطلاع على شكل الاختبار ؟
هل يوجد موقع متخصص بهذا الموضوع و الإجابة على الاستفسارات ؟


مع الشكر والتقدير

fullah3 2014- 8- 20 06:49 AM
رد: اختبار القدرات للجامعيين للاستمكال دراسة الماجستير
 
هنا كل ما يخص اختبار القدرات للجامعيين مع الشكر للاخت همس التميمي

http://www.ckfu.org/vb/t539374.html

Rooory 2014- 8- 22 03:18 AM
رد: اختبار القدرات للجامعيين للاستمكال دراسة الماجستير
 
طيب بااسالكم اية موعد اسجل فيه ساعدوووني

وفيه مكتوب اختبارات القدرات للجامعيين (حاسب الي ) وفيه مواعيد بون حاسب مافهمت كيف

وايش اللي اسجل فيه

ساعدووووني

Adel F 2014- 8- 22 04:54 AM
رد: اختبار القدرات للجامعيين للاستمكال دراسة الماجستير
 


اختبرته السنة هذي ، تخيلو قبل اختبارات الترم الثاني بكم يوم .. :biggrin:
طبعاً ماحضرت للاختبار أبداً ولاشفت نماذج بسبب توقيته قبل اختبارات الجامعه ولأنو أيضاً اختبرت معاه كفايات اللغة الانجليزية ، وصراحه انصدمت ماكان صعب زي مايقولون عنه ..

الصعوبة تكمن في الوقت فقط .. لذلك الاختبار يبغى له ( سرعة بديهه ) وتقدر تعدي منه بسهوله أقصد النجاح ..

نتيجتي كانت ( اللفظي 74.5 ، الكمي 78.5 ، النتيجة الكلية 77 ) .
والدرجة 77 تكفيني لانها مقبولة في كل الجامعات .. والاختبار اعتقد مطلوب في كل التخصصات والجامعات ..

Adel F 2014- 8- 22 04:56 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة rooory (المشاركة 11287262)
طيب بااسالكم اية موعد اسجل فيه ساعدوووني

وفيه مكتوب اختبارات القدرات للجامعيين (حاسب الي ) وفيه مواعيد بون حاسب مافهمت كيف

وايش اللي اسجل فيه

ساعدووووني
الورقي والحاسب الآلي نفس الاختبار .. زي ماذكرو لنا .. لكن الفرق في الطريقة الاول اجابته على ورق والثاني على الحاسب الآلي ..
انا اختبرت الورقي ..

أبان 2014- 8- 22 02:01 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة adel f (المشاركة 11287482)


اختبرته السنة هذي ، تخيلو قبل اختبارات الترم الثاني بكم يوم .. :biggrin:
طبعاً ماحضرت للاختبار أبداً ولاشفت نماذج بسبب توقيته قبل اختبارات الجامعه ولأنو أيضاً اختبرت معاه كفايات اللغة الانجليزية ، وصراحه انصدمت ماكان صعب زي مايقولون عنه ..

الصعوبة تكمن في الوقت فقط .. لذلك الاختبار يبغى له ( سرعة بديهه ) وتقدر تعدي منه بسهوله أقصد النجاح ..

نتيجتي كانت ( اللفظي 74.5 ، الكمي 78.5 ، النتيجة الكلية 77 ) .
والدرجة 77 تكفيني لانها مقبولة في كل الجامعات .. والاختبار اعتقد مطلوب في كل التخصصات والجامعات ..

حياك عادل

بسألك ، الأفضل احضر الاختبار الترم هذا أو الترم الجاي ؟

فترة الاختبار الأولى 13-11-1435هـ
فترة الاختبار الثانية 11-1-1436هـ
فترة الاختبار الثالثة 24-6-1436هـ

الفلاح 2014- 8- 22 02:39 PM
رد: اختبار القدرات للجامعيين للاستمكال دراسة الماجستير
 
الله يعطيكم العافيه

على ما اعتقد ان الاختبار يحتاج تحليل وسرعة بديهه اكثر من مذاكره وحفظ .....

Adel F 2014- 8- 22 10:26 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة أبان (المشاركة 11288633)
حياك عادل

بسألك ، الأفضل احضر الاختبار الترم هذا أو الترم الجاي ؟

فترة الاختبار الأولى 13-11-1435هـ
فترة الاختبار الثانية 11-1-1436هـ
فترة الاختبار الثالثة 24-6-1436هـ

لو ف مكانك ، نقزت لموقع قياس وسجلت ف اختبار 13-11 .. انتهى التسجيل فيه قبل كم يوم .. لكن يستمر التسجيل المتأخر لانو فيه ناس تسحب عليهم ماتسدد ..
وبرضو لاتفوت اختبار 11-1 .. اذا كانت درجتك في الاختبار الاول مو مقنعه .. او ماقدرت تسجل في الاختبار الاول ..
اما الاختبار الأخير موعده صعب ، انا اختبرت فيه السنة هذي قبل اختبارات الترم الثاني بكم يوم .. أنا أنصحك تستغل الاختبار الاول والثاني ولاتحدك الظروف على الثالث .. وراك تخرج منت فاضي له :biggrin:

سعود بن ثامر 2014- 8- 23 12:23 AM
رد: اختبار القدرات للجامعيين للاستمكال دراسة الماجستير
 
أخذت لي كاس كُوفي .. :(204):

ودخلت الموقع أقرى عن الإختبار وفجأه حصلت نفسي مسجل وسددت الرسوم :biggrin::biggrin:

اختباري بتاريخ 2/11 يعني بعد إسبوع تقريباً ..

نبغى نجرب نشوف وش يطلع معانا بإذن الله درجه حلوه يارب ..

أخوي عادل بما إنك دخلت الإختبار وش ملاحظتك ووش إنطباعك بشكل عام عن هالإختبار اللي ما أدري وشو طبعاً أخذت إختبار الحاسب الآلي :16.jpg:

أبان 2014- 8- 23 01:07 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة adel f (المشاركة 11290148)
لو ف مكانك ، نقزت لموقع قياس وسجلت ف اختبار 13-11 .. انتهى التسجيل فيه قبل كم يوم .. لكن يستمر التسجيل المتأخر لانو فيه ناس تسحب عليهم ماتسدد ..
وبرضو لاتفوت اختبار 11-1 .. اذا كانت درجتك في الاختبار الاول مو مقنعه .. او ماقدرت تسجل في الاختبار الاول ..
اما الاختبار الأخير موعده صعب ، انا اختبرت فيه السنة هذي قبل اختبارات الترم الثاني بكم يوم .. أنا أنصحك تستغل الاختبار الاول والثاني ولاتحدك الظروف على الثالث .. وراك تخرج منت فاضي له :biggrin:
بيض الله وجهك
رأي سديد

اقتباس:
المشاركة الأصلية كتبت بواسطة سعود بن ثامر (المشاركة 11290524)
أخذت لي كاس كُوفي .. :(204):

ودخلت الموقع أقرى عن الإختبار وفجأه حصلت نفسي مسجل وسددت الرسوم :biggrin::biggrin:

اختباري بتاريخ 2/11 يعني بعد إسبوع تقريباً ..

نبغى نجرب نشوف وش يطلع معانا بإذن الله درجه حلوه يارب ..

أخوي عادل بما إنك دخلت الإختبار وش ملاحظتك ووش إنطباعك بشكل عام عن هالإختبار اللي ما أدري وشو طبعاً أخذت إختبار الحاسب الآلي :16.jpg:
كويس
شكلنا نبي نسوي لنا تجمع في موضوع و نسجل مع بعض عشان نستفيد من التجربة


وش رايكم يا دفعة ؟

سعود بن ثامر 2014- 8- 23 01:31 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة أبان (المشاركة 11290695)

كويس
شكلنا نبي نسوي لنا تجمع في موضوع و نسجل مع بعض عشان نستفيد من التجربة


وش رايكم يا دفعة ؟


رافع إصبعه تممم :53: , فعلاً أفضل إني أدخل الإختبار وعلى الأقل عندي فكره عنه وطريقته منكم الله يجزاكم الخير .. :004::106:

حفيد الملوك 2014- 8- 23 01:32 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة أبان (المشاركة 11290695)
بيض الله وجهك
رأي سديد



كويس
شكلنا نبي نسوي لنا تجمع في موضوع و نسجل مع بعض عشان نستفيد من التجربة


وش رايكم يا دفعة ؟

الله معاكم ان شاء الله

انا خارج اللعبة :24_asmilies-com:

Adel F 2014- 8- 23 01:33 AM
رد: اختبار القدرات للجامعيين للاستمكال دراسة الماجستير
 

سعود ، انا اختبرت ورقي .. ماأفيدك بالحاسب الآلي أخاف يختلف عنه بطريقة الاختبار او غيره ..
لكن الاختبار اشوفه عادي .. يعتمد على ثقافتك بالنسبة للنظري .. وحسابك في الكمي ..

النظري : غالبا يجيب لك مرادفات ويقول عطني مرادفاتها من الاجوبة ..
الكمي : حسابات بعضها بمجرد النظر تكتشف الجواب ..

الاختبار يستهدف القوة العقلية والاداركية اكثر من القوة المعرفية .. اتمنى فهمتو قصدي ..

سعود بن ثامر 2014- 8- 23 02:04 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة Adel F (المشاركة 11290764)

سعود ، انا اختبرت ورقي .. ماأفيدك بالحاسب الآلي أخاف يختلف عنه بطريقة الاختبار او غيره ..
لكن الاختبار اشوفه عادي .. يعتمد على ثقافتك بالنسبة للنظري .. وحسابك في الكمي ..

النظري : غالبا يجيب لك مرادفات ويقول عطني مرادفاتها من الاجوبة ..
الكمي : حسابات بعضها بمجرد النظر تكتشف الجواب ..

الاختبار يستهدف القوة العقلية والاداركية اكثر من القوة المعرفية .. اتمنى فهمتو قصدي ..


ممتاز جداً جداً , يعني مو معلومات وحشو وحشو :biggrin:
الله يسعدك على إجابتك إنبسطت منها , بس يعني فصّل لي أكثر , هات اللي بخاطرك كيف ووشلون وليش وحاول تتذكر لنا كم سؤال .. !
ودي أعطيك بوسه :060::060::060::g2:

المحترمه 2014- 8- 23 02:12 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة أبان (المشاركة 11290695)

كويس
شكلنا نبي نسوي لنا تجمع في موضوع و نسجل مع بعض عشان نستفيد من التجربة


وش رايكم يا دفعة ؟


والله عادل حمسني مع أني كنت مخططه لبعد
السمستر الثاني .. بس حاليا صار عندي ثاني راي :(107):
ننتظر البقيه ونشوف ....

المحترمه 2014- 8- 23 02:18 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة ابولجين 1 (المشاركة 11273549)
اخواني واخواتي الكرام
السلام عليكم ورحمة الله وبركاته
كما تعلمون ان من لدية الرغبة في استكمال درجة الماجستير لابد ان يجتاز اختبار القدرات للجامعيين ومن باب الاستعداد لذلك فمن يريد استكمال دراسة فسيتم فتح باب التسجيل للدخول في الاختبار خلال الشهر القادم
فأهيب لمن لدية الرغبة التسجيل حتى اذا تخرج بنهاية العام بأذن الله يكون جاهزا لاستكمال دراسة الماجستير ولايعيقه هذا الاختبار حيث انه لايوجد سوى فترتين ومن باب الاستعداد تحسبا لأي طاري لا قدر الله اطرح بين يديكم اوقات بداية التسجيل للعام 1435-1436 للفترتين المتاحة المتبقية وهي كما يلي :

الفترة الاولى : انتهى التسجيل
الفترة الثانية : من 19/11/1435 حتى 17/12/1435 وتكون فترة الاختبار من 11/1/1436 حتى 15/1/1436
الفترة الثالثة والاخيرة :من 20/4/1436حتى 24/6/1436 وتكون فترة الاختبار من 24/6/1436 حتى 27/6/1436


تمنياتي لكم بالتوفيق


وعليكم السلام ورحمة الله وبركاته

شكرآ لك أبو لجين على هالخبر والإفاده
والمعذره تم الرد مسبقا للتنبيه ..
شكري وتقديري لك .. بالتوفيق

انت وطموحي 2014- 8- 23 02:24 AM
رد: اختبار القدرات للجامعيين للاستمكال دراسة الماجستير
 
سمعت انا وزير التربية والتعليم خالد الفيصل ألغى اختبار القدرات والتحصيلي

سعود بن ثامر 2014- 8- 23 02:24 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة المحترمه (المشاركة 11290921)

والله عادل حمسني مع أني كنت مخططه لبعد
السمستر الثاني .. بس حاليا صار عندي ثاني راي :(107):
ننتظر البقيه ونشوف ....


بما إنه حالياً ما فيه شيء ..
والإختبار ما يحتاج مذاكره , يحتاج لطريقة معرفة الإختبار !
ليه ما تجربين ؟ :(273):
ويكون قدامنا فرصتين قدام غير هذي الحاليه لو فيه أحد ما جاب درجه تمام .. !

قيمة رسوم الإختبار [ 200 ريال ] ..

نقبل السداد لكم [ 210 ريال ] + إعجاب في الرد حقي :(276)::(3):

Adel F 2014- 8- 23 03:06 AM
رد: اختبار القدرات للجامعيين للاستمكال دراسة الماجستير
 
1 مرفق

شيكو على هذا الموضوع يعطيكم فكرة عامة عن الاسئلة ..
http://www.test-q.com/showthread.php?t=12259

ومرفق لكم نموذج اسئلة لاختبار القدرات الجامعيين عام 1432 .. مايهم سنة النموذج المهم تاخذو فكرة عن نوعية الاسئلة .. ماتتغير نوعية الاسئلة لكن تتغير الارقام والمفردات والاشكال طبعاً ..
ولايهمكم طريقة الحل وتستصعبون الحل ، لا بعض الحل تافه بس اللي حل النموذج مفصل الحل ..

Tmoo7_12 2014- 8- 23 03:09 AM
رد: اختبار القدرات للجامعيين للاستمكال دراسة الماجستير
 
بسم الله توكلنا على الله ورحت سجلت بقياس=) ، الرسوم 200 ريال
الأختبار الأسبوع الجاي الخميس
أبان حلوه فكرتك نفتح لنا تجمع خاص ب هالموضوع
أخذت اللي بالحاسب الآلي أفضل
أنا مستغربه منهم كاتبين بالجدول يفتح التسجيل 11/19 وهو حاليا مفتوح !
لازم كم أجيب بالأختبار ؟

Adel F 2014- 8- 23 03:14 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة tmoo7_12 (المشاركة 11291133)
بسم الله توكلنا على الله ورحت سجلت بقياس=) ، الرسوم 200 ريال
الأختبار الأسبوع الجاي الخميس
أبان حلوه فكرتك نفتح لنا تجمع خاص ب هالموضوع
أخذت اللي بالحاسب الآلي أفضل
أنا مستغربه منهم كاتبين بالجدول يفتح التسجيل 11/19 وهو حاليا مفتوح !
لازم كم أجيب بالأختبار ؟
اختبار 11-1 .. هو اللي يفتح فيه التسجيل بتاريخ 19-11 .. مو الاسبوع الجاي !!
لايكون مخطية ومسجله باختبار 11-1 ؟

جيبي نسبة 70 ومافوق ..

sloof 2014- 8- 23 03:33 AM
رد: اختبار القدرات للجامعيين للاستمكال دراسة الماجستير
 
وانا سجلت والاختبار ١٤-١١ يوم الثلاثاء

بالتوفيق

Tmoo7_12 2014- 8- 23 03:38 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة adel f (المشاركة 11291151)
اختبار 11-1 .. هو اللي يفتح فيه التسجيل بتاريخ 19-11 .. مو الاسبوع الجاي !!
لايكون مخطية ومسجله باختبار 11-1 ؟

جيبي نسبة 70 ومافوق ..

أنا عارفه فيه أختبار يفتح تسجيله ب 11/19 الفتره الثانية
بس لما دخلت الحين لقيته مفتوح !
مدري هل اللي انا سجلت فيه هو تبع الفتره الأولى ؟!
اللي اخترته ( اختبار القدرات العامه للجامعيين (على الحاسب الآلي)- ذوالقعده 1435 هـ )
هذا هو صح وإلا لا ..؟!

Adel F 2014- 8- 23 03:42 AM
رد: اختبار القدرات للجامعيين للاستمكال دراسة الماجستير
 

مكتوب تاريخ موعد الاختبار في ملفك باليوم والشهر والسنة .. شيكي عليه ..

Tmoo7_12 2014- 8- 23 03:45 AM
رد: اختبار القدرات للجامعيين للاستمكال دراسة الماجستير
 
11/2 الخميس
مدري هو تبع الفتره الأولى .؟

Tmoo7_12 2014- 8- 23 03:57 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة sloof (المشاركة 11291197)
وانا سجلت والاختبار ١٤-١١ يوم الثلاثاء

بالتوفيق
مبروك التسجيل =) بسألك اللي سجلتيه ورقي أو على الحاسب الآلي .؟

sloof 2014- 8- 23 03:59 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة Tmoo7_12 (المشاركة 11291252)
مبروك التسجيل =) بسألك اللي سجلتيه ورقي أو على الحاسب الآلي .؟

على حاسب مالقيت ورقي :love080:

Adel F 2014- 8- 23 04:00 AM
رد: اختبار القدرات للجامعيين للاستمكال دراسة الماجستير
 

ايه هذا اختبار القدرات للجامعين على الحاسب الآلي .. فعلاً فيه اختبارات بتاريخ 2 ذو القعده في الدمام وجده وبريده ..

Adel F 2014- 8- 23 04:02 AM
رد: اختبار القدرات للجامعيين للاستمكال دراسة الماجستير
 

سلوف ، اي فعلاً مافيه مواعيد في الرياض الا المحوسب .. اما الورقي اعتقد اكتفو ..
وفيه مواعيد بـ 2 .. 6 .. 8 .. 9 .. 12 .. 13 .. 14 .. ذو القعده .. شمعنى ناقزة لـ 14 ؟ :16.jpg:
بس ترى ماتدرين يمكن يفتحونه حسب الشواغر ، فيه ناس ماتسدد وترجع شواغر ..

انتظري يوم او يومين ، واضح ان المحوسب فيه شواغر كثيرة ماراح يروح عليك .. خليه لـ بعد يومين اذا كنتي تفضلين الورقي ..

جوريان 2014- 8- 23 04:08 AM
رد: اختبار القدرات للجامعيين للاستمكال دراسة الماجستير
 
انا سجلت ورقي فالاحساء

Tmoo7_12 2014- 8- 23 04:08 AM
رد: اختبار القدرات للجامعيين للاستمكال دراسة الماجستير
 
(تم حذف الرابط)


طلع الرابط قديم :mh12:

واضح إننا أول مرا نسجل :16.jpg:

الله يعديها على خير

sloof 2014- 8- 23 04:16 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة adel f (المشاركة 11291264)

سلوف ، اي فعلاً مافيه مواعيد في الرياض الا المحوسب .. اما الورقي اعتقد اكتفو ..
وفيه مواعيد بـ 2 .. 6 .. 8 .. 9 .. 12 .. 13 .. 14 .. ذو القعده .. شمعنى ناقزة لـ 14 ؟ :16.jpg:
بس ترى ماتدرين يمكن يفتحونه حسب الشواغر ، فيه ناس ماتسدد وترجع شواغر ..

انتظري يوم او يومين ، واضح ان المحوسب فيه شواغر كثيرة ماراح يروح عليك .. خليه لـ بعد يومين اذا كنتي تفضلين الورقي ..

تحديد الموعد تلقائي

ماأخترت شي لانه فيه حول ١٧ وحده على لائحه الانتظار بكره ابسدد ان شاء الله ويثبت الموعد اخاف يروح علي اذا ماسددت عطوني مهله الا يوم الاثنين


:119:

Adel F 2014- 8- 23 04:19 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة sloof (المشاركة 11291296)
تحديد الموعد تلقائي

ماأخترت شي لانه فيه حول ١٧ وحده على لائحه الانتظار بكره ابسدد ان شاء الله ويثبت الموعد اخاف يروح علي اذا ماسددت عطوني مهله الا يوم الاثنين


:119:
لا مش تلقائي .. اذا وصلتي لـ رمز الموعد .. اضغطي ( استعراض المواعيد ) شوفي الي يناسبك وخذي رمزه واكتبيه في خانة رمز الموعد بعدها ( تسجيل ) ..
هذا بالنسبة لي ، مدري الطالبات يختلف !

sloof 2014- 8- 23 04:29 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة adel f (المشاركة 11291305)
لا مش تلقائي .. اذا وصلتي لـ رمز الموعد .. اضغطي ( استعراض المواعيد ) شوفي الي يناسبك وخذي رمزه واكتبيه في خانة رمز الموعد بعدها ( تسجيل ) ..
هذا بالنسبة لي ، مدري الطالبات يختلف !



لا اخوي مااقدر احدد التاريخ حاولت اعدل ونفس الشئ مايطلع لك الا ثلاث خيارات المدينه ومقر المركز ونوع الاختصاص ممكن عشاني على لائحه الانتظار مااقدر اختار التاريخ :(107):

Adel F 2014- 8- 23 04:31 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة sloof (المشاركة 11291324)
لا اخوي مااقدر احدد التاريخ حاولت اعدل ونفس الشئ مايطلع لك الا ثلاث خيارات المدينه ومقر المركز ونوع الاختصاص ممكن عشاني على لائحه الانتظار مااقدر اختار التاريخ :(107):
اي اختاري المدينة واضغطي بحث راح تظهر لك المواعيد ورموزها !!
مو تعديل .. اقصد من البداية اذا بديتي عملية التسجيل ..

سعود بن ثامر 2014- 8- 23 04:50 AM
رد: اختبار القدرات للجامعيين للاستمكال دراسة الماجستير
 
وفجأه وأنا منضجع على جنبي الأيمن وأشوف الإختبار قدامي وإني جبت 95
وإني أشوف عادل وأبان يسون لي كذا عند باب القاعه :d5:

آخرتها طلع المُحاكي اللي في مخي عامل عمايله :sm1:
كنت نايم :064:

نسيم الصبا 2014- 8- 23 05:21 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة أبان (المشاركة 11290695)


كويس
شكلنا نبي نسوي لنا تجمع في موضوع و نسجل مع بعض عشان نستفيد من التجربة


وش رايكم يا دفعة ؟
الفكرة كانت براسي من الإجازة:tongue:
لكن أفكر أخليه للترم الثاني،وهالأختبار مو شايلة همه، هو يشبه اختبارات الذكاء وبعض الألغاز..
اللي مهم وشايلة همه اختبار كفايات الانجليزي(توفل أو الايلتس او الستيب)..:mh12:
لأن أشوف كثير أخفقوا فيه مع تمكنهم من اللغة..
بأحط لكم روابط جمعتها في مفضلتي من فترة،ممكن تستفيدوا منها..

الدورة التأهيلية لإختبار كفايات اللغة الانجليزية
http://www.cksu.com/vb/showthread.php?t=219565
http://www.ckfu.org/vb/t597362.html
http://forum.kau.edu.sa/vb/uacie-cai...eiaioie-31039/
التوفل
http://www.ets.org/toefl?WT.ac=toeflhome_why_121127
الايلتس
http://www.gustvoice.com/vb/showthread.php?t=17147
اختبارات تجريبية لكفايات الجامعيين
http://www.gustvoice.com/vb/showthread.php?t=17147
+
لقيت تطبيقات في الآبل ستور لهالأختبارات،مافضيّت ولاأستقريت عشان أتابعها كويس😓
وحسب ماقرأت بعض المعاهد كمان تسوي دورات لهلأختبار..

آلى متى !! 2014- 8- 23 05:39 AM
رد: اختبار القدرات للجامعيين للاستمكال دراسة الماجستير
 
وش ذا

وش نحتاجه فيه ..

افيدوني .. بصراحه مو فاهمه ..!!!!!! :Cry111:

حق وظائف ولا شنو === :no:

نسيم الصبا 2014- 8- 23 05:45 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة آلى متى !! (المشاركة 11291455)
وش ذا

وش نحتاجه فيه ..

افيدوني .. بصراحه مو فاهمه ..!!!!!! :Cry111:

حق وظائف ولا شنو === :no:
لاتنخرعين:16.jpg:
قدرات الجامعيين وكفايات الأنجليزي مطلوبين للي يبي يكمل دراسة عليا..
نادراً وطائف تطلب اختبار قدرات جامعيين،لكن ممكن يدخل في المفاضلة..
وكفايات الأنجليزي شفته مره ضمن شروط وظائف أرامكو..
بس مثل ماقلت مو شرط للوظائف،بس متطلب أساسي للدراسات العليا..:53:

آلى متى !! 2014- 8- 23 05:49 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة نسيم الصبا (المشاركة 11291468)
لاتنخرعين:16.jpg:
قدرات الجامعيين وكفايات الأنجليزي مطلوبين للي يبي يكمل دراسة عليا..
نادراً وطائف تطلب اختبار قدرات جامعيين،لكن ممكن يدخل في المفاضلة..
وكفايات الأنجليزي شفته مره ضمن شروط وظائف أرامكو..
بس مثل ماقلت مو شرط للوظائف،بس متطلب أساسي للدراسات العليا..:53:
مشششششكوووووره :004:


والله ي ان قلبي طاح فبطني


حاليا طافحه دراسه خلنا نفك شووي :019:


بالتوفيق حبيبتي:106::004:

آلى متى !! 2014- 8- 23 06:44 AM
رد: اختبار القدرات للجامعيين للاستمكال دراسة الماجستير
 
سجلت فيه .. تسجيل مبدئي لحد ماعرف وش هو بالضبط بعدين بدفع

اختبار القدرات العامة للجامعيين (على الحاسب الآلي) - ذو القعدة 1435
^
هو ذا - صح ؟!

اللي عنده اي معلومه تفيدني .. !

سعود بن ثامر 2014- 8- 23 07:10 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة آلى متى !! (المشاركة 11291565)
سجلت فيه .. تسجيل مبدئي لحد ماعرف وش هو بالضبط بعدين بدفع

اختبار القدرات العامة للجامعيين (على الحاسب الآلي) - ذو القعدة 1435
^
هو ذا - صح ؟!

اللي عنده اي معلومه تفيدني .. !


صح هذا هو ..
هو مطلوب أكثر شيء في الدراسات العليا [ الماجستير ] ..

سعود بن ثامر 2014- 8- 23 07:15 AM
رد: اختبار القدرات للجامعيين للاستمكال دراسة الماجستير
 
أستاذ عادل /

دخلت على الرابط اللي حطيته

حصلت حاط من ضمن الشروط للإختبار :


6- عند التسجيل للاختبار لن يتاح لك الدخول في اختبار (قدرات الجامعيين) حتى تضع في بياناتك (متخرج)، لأن البعض من غير الخريجين يضع (مستواه الحالي) فلا يظهر الاختبار ضمن (الاختبارات المتاحة).


:71::71::71:


اذا صدق يا حسافة قريشاتي :biggrin::bawling:



بس انا حطيت اني في المستوى السادس ما فيه سابع , وطلع متاح وسجلت .. :71:

آلى متى !! 2014- 8- 23 07:58 AM
رد: اختبار القدرات للجامعيين للاستمكال دراسة الماجستير
 
٨

ماقصرت سعوووود


انا حطيت جامعي سنة رابع

سعود بن ثامر 2014- 8- 23 09:45 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة آلى متى !! (المشاركة 11291634)
8

ماقصرت سعوووود


انا حطيت جامعي سنة رابع

ياهلابك ..
الله يوفقنا في الاختبار ..

علي عبد المحسن 2014- 8- 23 09:56 AM
رد: اختبار القدرات للجامعيين للاستمكال دراسة الماجستير
 
ما الجامعات اللي تطلب إختبار القدرات للماستر في السعودية ؟
أظن خارجياً ما يطالبوا

l a v e n d e r 2014- 8- 23 10:12 AM
رد: اختبار القدرات للجامعيين للاستمكال دراسة الماجستير
 


يمااااا .. :bawling:
محد عورة بطنه من كلامكم http://www.girls-top.net/vb/img/girl...122958_860.gif

آلى متى !! 2014- 8- 23 10:41 AM
رد: اختبار القدرات للجامعيين للاستمكال دراسة الماجستير
 
سجلي معاك عوار بطن :(


من قريت ما جاني نوم

ترتيل 2014- 8- 23 10:45 AM
رد: اختبار القدرات للجامعيين للاستمكال دراسة الماجستير
 
البنات اللي اختبروا من قبل ينفع كرت العائلة اثبات ؟

memelody 2014- 8- 23 01:38 PM
رد: اختبار القدرات للجامعيين للاستمكال دراسة الماجستير
 



معكم يادفعتي النفيسه :004::004::004:


دخلت فتحت لي ملف وبسجل ماحصلت ف الحسا :icon9: كيف اعرف متى يكون متوفر في احسائنا الغاليه يا

احبابي ؟؟؟

memelody 2014- 8- 23 01:44 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة جوريان (المشاركة 11291276)
انا سجلت ورقي فالاحساء


متأكد اخي كيف في الاحساء ماشفت :Looking_anim:

memelody 2014- 8- 23 01:52 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة علي عبد المحسن (المشاركة 11291767)
ما الجامعات اللي تطلب إختبار القدرات للماستر في السعودية ؟
أظن خارجياً ما يطالبوا


افيدونا جزاكم الجنه هل هذا الكلام صحيح او لا ؟؟

ابوإلياس 2014- 8- 23 03:05 PM
رد: اختبار القدرات للجامعيين للاستمكال دراسة الماجستير
 
يبدوا إنكم مستعجلين.......:cheese:
لو قلنا راح تتخرج انشاالله مع نهاية شهر7/1436هـ يكون معضم التقديم على الماستر قد انتهى ماعدا الالكترونيه كان فيه تقديم باول رمضان الماضي اما بقية الجامعات على حد علمي يكون التقديم فيها بمنتصف السنه 3-4-5-6تقريبا ما عدا الامام بشهر 1وهذه للجميع المنتظم والموازي وعن بعد
.............والله اعلم:cool:

أبان 2014- 8- 23 03:08 PM
رد: اختبار القدرات للجامعيين للاستمكال دراسة الماجستير
 
تسجيل (أبان) مؤكد لاختبار القدرات العامة للجامعيين





إلى الأمااااااااااااااام

رجوووووووووووووووع


:19:

ابو جمون 2014- 8- 23 03:27 PM
رد: اختبار القدرات للجامعيين للاستمكال دراسة الماجستير
 
مجهودات في منتهى الروعه

لاحرمكم الله الآجر ,,

ابوإلياس 2014- 8- 23 03:34 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة أبان (المشاركة 11292406)
تسجيل (أبان) مؤكد لاختبار القدرات العامة للجامعيين





إلى الأمااااااااااااااام

رجوووووووووووووووع


:19:
الله يوفقك ياأبان.:d5:....المفروض الاهتمام ينصب على اللغه الانجلش :sm4:لأنها مطلوبه بأي ماستر كما ان دراسة الماجستير بانوعها تتم بالانجليزي.................موفقين انشاالله:(204):

وردة الحجاز 2014- 8- 23 04:08 PM
رد: اختبار القدرات للجامعيين للاستمكال دراسة الماجستير
 
ان شاء الله اسجل ..

نسيم الصبا 2014- 8- 23 04:55 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة ابوإلياس (المشاركة 11292397)
يبدوا إنكم مستعجلين.......:cheese:
لو قلنا راح تتخرج انشاالله مع نهاية شهر7/1436هـ يكون معضم التقديم على الماستر قد انتهى ماعدا الالكترونيه كان فيه تقديم باول رمضان الماضي اما بقية الجامعات على حد علمي يكون التقديم فيها بمنتصف السنه 3-4-5-6تقريبا ما عدا الامام بشهر 1وهذه للجميع المنتظم والموازي وعن بعد
.............والله اعلم:cool:
على حسب ماأعرف ان تاريخ صلاحيته يمتد لخمس سنوات،واحتمال يتقلص ل3 سنوات..

اقتباس:
المشاركة الأصلية كتبت بواسطة أبان (المشاركة 11292406)
تسجيل (أبان) مؤكد لاختبار القدرات العامة للجامعيين





إلى الأمااااااااااااااام

رجوووووووووووووووع


:19:
ليه رجوع طيب؟؟:16.jpg:
متى بتسجل أي فترة؟؟
كنت حابه أسجل في ذي الحجة بس المراكز ماشفت غير جده وتبوك!!
بس ذو القعدة متوفره مراكز..
------------------
تنبيه
http://i.imgur.com/KfYVLry.jpg

المحترمه 2014- 8- 23 06:02 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة سعود بن ثامر (المشاركة 11290986)
بما إنه حالياً ما فيه شيء ..
والإختبار ما يحتاج مذاكره , يحتاج لطريقة معرفة الإختبار !
ليه ما تجربين ؟ :(273):
ويكون قدامنا فرصتين قدام غير هذي الحاليه لو فيه أحد ما جاب درجه تمام .. !

قيمة رسوم الإختبار [ 200 ريال ] ..

نقبل السداد لكم [ 210 ريال ] + إعجاب في الرد حقي :(276)::(3):
والله أدرس الفكره هاليومين ..
وإن شاءالله خير

اقتباس:
المشاركة الأصلية كتبت بواسطة Adel F (المشاركة 11291126)

شيكو على هذا الموضوع يعطيكم فكرة عامة عن الاسئلة ..
http://www.test-q.com/showthread.php?t=12259

ومرفق لكم نموذج اسئلة لاختبار القدرات الجامعيين عام 1432 .. مايهم سنة النموذج المهم تاخذو فكرة عن نوعية الاسئلة .. ماتتغير نوعية الاسئلة لكن تتغير الارقام والمفردات والاشكال طبعاً ..
ولايهمكم طريقة الحل وتستصعبون الحل ، لا بعض الحل تافه بس اللي حل النموذج مفصل الحل ..
جزاك الله خير يا عادل أعطيتنا جرعة حماس
لكن المشكله في الإضطراب وقت الإختبار
ووقت ما تستقر النفسيه يكون الإختبار انتهى :007:

اقتباس:
المشاركة الأصلية كتبت بواسطة نسيم الصبا (المشاركة 11291425)
الفكرة كانت براسي من الإجازة:tongue:
لكن أفكر أخليه للترم الثاني،وهالأختبار مو شايلة همه، هو يشبه اختبارات الذكاء وبعض الألغاز..
اللي مهم وشايلة همه اختبار كفايات الانجليزي(توفل أو الايلتس او الستيب)..:mh12:
لأن أشوف كثير أخفقوا فيه مع تمكنهم من اللغة..
بأحط لكم روابط جمعتها في مفضلتي من فترة،ممكن تستفيدوا منها..

الدورة التأهيلية لإختبار كفايات اللغة الانجليزية
http://www.cksu.com/vb/showthread.php?t=219565
http://www.ckfu.org/vb/t597362.html
http://forum.kau.edu.sa/vb/uacie-cai...eiaioie-31039/
التوفل
http://www.ets.org/toefl?WT.ac=toeflhome_why_121127
الايلتس
http://www.gustvoice.com/vb/showthread.php?t=17147
اختبارات تجريبية لكفايات الجامعيين
http://www.gustvoice.com/vb/showthread.php?t=17147
+
لقيت تطبيقات في الآبل ستور لهالأختبارات،مافضيّت ولاأستقريت عشان أتابعها كويس😓
وحسب ماقرأت بعض المعاهد كمان تسوي دورات لهلأختبار..
اقتباس:
المشاركة الأصلية كتبت بواسطة نسيم الصبا (المشاركة 11292659)
على حسب ماأعرف ان تاريخ صلاحيته يمتد لخمس سنوات،واحتمال يتقلص ل3 سنوات..



ليه رجوع طيب؟؟:16.jpg:
متى بتسجل أي فترة؟؟
كنت حابه أسجل في ذي الحجة بس المراكز ماشفت غير جده وتبوك!!
بس ذو القعدة متوفره مراكز..
------------------
تنبيه
http://i.imgur.com/KfYVLry.jpg

حلو فيه أحد معاي نفس الرتم ..
أنا مفكره فيه لكن مادري لازلت متردده في
الموضوع ... شايله همه وودي أجدعه وأرتاح
بس مادري :icon9:

Tmoo7_12 2014- 8- 23 06:05 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة ابوإلياس (المشاركة 11292397)
يبدوا إنكم مستعجلين.......:cheese:
لو قلنا راح تتخرج انشاالله مع نهاية شهر7/1436هـ يكون معضم التقديم على الماستر قد انتهى ماعدا الالكترونيه كان فيه تقديم باول رمضان الماضي اما بقية الجامعات على حد علمي يكون التقديم فيها بمنتصف السنه 3-4-5-6تقريبا ما عدا الامام بشهر 1وهذه للجميع المنتظم والموازي وعن بعد
.............والله اعلم:cool:

على حسب معلوماتي إن القدرات وكفايات الأنجلش مدتها سنتين
وكفايات المعلمين مدتها خمس سنوات

Adel F 2014- 8- 23 06:32 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة المحترمه (المشاركة 11292819)


جزاك الله خير يا عادل أعطيتنا جرعة حماس
لكن المشكله في الإضطراب وقت الإختبار
ووقت ما تستقر النفسيه يكون الإختبار انتهى :007:
اي فعلاً المشكلة في الوقت .. وخصوصاً الواحد يجلس 3 ساعات على الكرسي .. فبعد ماتعدى اول ساعة يبدأ يتململ ويجاوب اي كلام يبي الفكه .. وبعد ماينتهي الاختبار يتحسف يدري انه كان يقدر يحل افضل ..

شوية هدوء اعصاب ، وبنفس الوقت سرعة في الاجابة .. تضمن لك نتيجة حلوه ..

الفنــــار 2014- 8- 23 06:36 PM
رد: اختبار القدرات للجامعيين للاستمكال دراسة الماجستير
 
شكرا لك وجزاك الله
الف خيرر

ابولجين 1 2014- 8- 24 07:29 AM
رد: اختبار القدرات للجامعيين للاستمكال دراسة الماجستير
 
بارك الله فيكم على المشاركات والتفاعل والهدف من الموضوع كما ذكروا اخواني واخواتي اعلاه انه في حال الاخفاق لاقدر الله تكون هناك فرصة اخرى لمعاودة الاختبار قبل بداية العام الدراسي الجديد للماستر
اما بخصوص الجامعات اعتقد الجامعة الالكترونية وجامعة الامام مفتوح الماستر فيها

علي عبد المحسن 2014- 8- 24 01:15 PM
رد: اختبار القدرات للجامعيين للاستمكال دراسة الماجستير
 
ككوني في قسم إدارة الأعمال هل ينفع معي أختيار كفاية المعلمين ؟؟؟؟؟

أبان 2014- 8- 24 02:32 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة ابوإلياس (المشاركة 11292489)
الله يوفقك ياأبان.:d5:....المفروض الاهتمام ينصب على اللغه الانجلش :sm4:لأنها مطلوبه بأي ماستر كما ان دراسة الماجستير بانوعها تتم بالانجليزي.................موفقين انشاالله:(204):

رأي سديد يا أبا إلياس
الترم هذا ناوي أركز على الإنجليزي و فرصة مسجل المقرر هذا الترم بعد .





اقتباس:
المشاركة الأصلية كتبت بواسطة نسيم الصبا (المشاركة 11292659)
على حسب ماأعرف ان تاريخ صلاحيته يمتد لخمس سنوات،واحتمال يتقلص ل3 سنوات..



ليه رجوع طيب؟؟:16.jpg:
متى بتسجل أي فترة؟؟
كنت حابه أسجل في ذي الحجة بس المراكز ماشفت غير جده وتبوك!!
بس ذو القعدة متوفره مراكز..
------------------
تنبيه
http://i.imgur.com/KfYVLry.jpg

أنا سجلت اختبار على الحاسب الآلي يوم الثلاثاء 7 - 11 - 1435 هـ
ما عندي وقت ... سريع سريع :S_45:




اقتباس:
المشاركة الأصلية كتبت بواسطة Adel F (المشاركة 11292879)
اي فعلاً المشكلة في الوقت .. وخصوصاً الواحد يجلس 3 ساعات على الكرسي .. فبعد ماتعدى اول ساعة يبدأ يتململ ويجاوب اي كلام يبي الفكه .. وبعد ماينتهي الاختبار يتحسف يدري انه كان يقدر يحل افضل ..

شوية هدوء اعصاب ، وبنفس الوقت سرعة في الاجابة .. تضمن لك نتيجة حلوه ..
أوووووووووووف 3 ساعات !!!

أجل بغير وقت الاختبار إلى 9 ص عشان يمديني أخلص مع أذان الظهر :tongue:

محمد الشمريـ 2014- 8- 24 03:07 PM
رد: اختبار القدرات للجامعيين للاستمكال دراسة الماجستير
 
يعطيك العافية يالغالي

نسيم الصبا 2014- 8- 24 04:13 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة أبان (المشاركة 11296008)

أنا سجلت اختبار على الحاسب الآلي يوم الثلاثاء 7 - 11 - 1435 هـ
ما عندي وقت ... سريع سريع :
:tongue:
جميل انك تاخذ الأمور ببساطة..
انا قررت أخليه للترم الثاني لأن ماعندي الا خمس مواد،واستعد له كويس عأساس أجيب درجة حلوة من أول مرة..
عاد لما تختبروا وافونا بالتفاصيل:119:
موفقين ان شاءالله..

سعود بن ثامر 2014- 8- 24 10:56 PM
رد: اختبار القدرات للجامعيين للاستمكال دراسة الماجستير
 
وصلتني رساله من مركز قياس تُفيد بتأجيل موعد إختباري من 2/11 إلى 9/11 يعني التأخير إسبوع ..

بدينا يا قياس *_*

أبان 2014- 8- 24 11:33 PM
رد: اختبار القدرات للجامعيين للاستمكال دراسة الماجستير
 
نصائح قبل أن تسجل في قياس

http://youtu.be/gHMgQkuZ3i4

آلى متى !! 2014- 8- 25 12:13 AM
رد: اختبار القدرات للجامعيين للاستمكال دراسة الماجستير
 
السسسلام عليكم

سجلت بقياس .. يوم الاربعاء ع الساعه ٩ وما فيه الا مركز الراكه

دفعت من الراجحي عن طريق النت بس لحد الحين غير مؤكد ؟!!!

وش السواة

أبان 2014- 8- 25 12:34 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة آلى متى !! (المشاركة 11298661)
السسسلام عليكم

سجلت بقياس .. يوم الاربعاء ع الساعه ٩ وما فيه الا مركز الراكه

دفعت من الراجحي عن طريق النت بس لحد الحين غير مؤكد ؟!!!

وش السواة
ما يأخذ وقت و يتأكد

بس نصيحة

تعرفي أكثر عن برنامج قياس قبل الدخول للاختبار

آلى متى !! 2014- 8- 25 09:11 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة أبان (المشاركة 11298752)
ما يأخذ وقت و يتأكد

بس نصيحة

تعرفي أكثر عن برنامج قياس قبل الدخول للاختبار
أبشرك وصل التأكيد ع الجوال وتسجل بالموقع

:rose: :rose:

انا شايله هم انه حاسب وصدااااع :24_asmilies-com:

ولا الاختبار ماتوقعه بعيد من القدرات والتحصيلي سهالات ان شاء الله

brightmoon 2014- 8- 25 08:03 PM
رد: اختبار القدرات للجامعيين للاستمكال دراسة الماجستير
 
الله يجزيكم الف خير افدتوني كتييييير
بس سؤالي : اختار ( خريج ) ولا ( سنة رابعة ) ؟؟؟

brightmoon 2014- 8- 25 08:43 PM
رد: اختبار القدرات للجامعيين للاستمكال دراسة الماجستير
 
لو سمحتوا ردوا علي بكرا لازم سدد ولا بيلتغى التسجيل

Adel F 2014- 8- 25 08:59 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة brightmoon (المشاركة 11301874)
الله يجزيكم الف خير افدتوني كتييييير
بس سؤالي : اختار ( خريج ) ولا ( سنة رابعة ) ؟؟؟
عادي اختاري اللي يجوز لك ، هي فقط معلومات مش ضروري تكون دقيقه ..
اختاري سنة رابعه ..

أبان 2014- 8- 25 09:04 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة brightmoon (المشاركة 11301874)
الله يجزيكم الف خير افدتوني كتييييير
بس سؤالي : اختار ( خريج ) ولا ( سنة رابعة ) ؟؟؟
كأني قريت أن اختيار خريج أفضل لك

أنا اخترت خريج

brightmoon 2014- 8- 25 09:12 PM
رد: اختبار القدرات للجامعيين للاستمكال دراسة الماجستير
 
شكراااااا جزيلااااااا اخ عادل وابان

سعود بن ثامر 2014- 8- 26 01:20 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة أبان (المشاركة 11302064)
كأني قريت أن اختيار خريج أفضل لك

أنا اخترت خريج

هي أتوقع معلومات عنك فقط , نفس لما طلبوا منك تسجل إسمك بالإنجليزي

vip-1 2014- 8- 26 09:42 AM
رد: اختبار القدرات للجامعيين للاستمكال دراسة الماجستير
 
سجل في الموقع وفتح ملف

السؤال اختبار ذو حجه يقصد التسجيل او الاختبار في ذو حجه لانه على حسب المواعيد الي سدحدوها هنا في المنتدى الاختبار الثاني ١/١١

؟؟؟؟

أبان 2014- 8- 26 10:17 PM
رد: اختبار القدرات للجامعيين للاستمكال دراسة الماجستير
 
روابط تهيئة لاختبار القياس


الكمي
http://youtu.be/ek-74lGETR0


حلقة 1
http://youtu.be/PPXOI4QMcuw
http://youtu.be/k8Z9KZJ4VR8

حلقة 2
http://youtu.be/cN8GmVohkNw
http://youtu.be/gFnv2mWv1TA


حلقة 3
http://youtu.be/WYOEeEH2sXY
http://youtu.be/5uOG9KZHz4U


حلقة 4
http://youtu.be/6LBEeNwq1p4
http://youtu.be/cX01xdVvfn4

حلقة 5
http://youtu.be/U0Eu85dy050
http://youtu.be/GB0cSWdidFA



لفظي

http://youtu.be/Hr8YGdBLBCY


حلقة 1
http://youtu.be/0RJIQPZ7TB8
http://youtu.be/OR-gXHUeBl0
http://youtu.be/gFxvlo6YtBM
http://youtu.be/LavBEFgJ4Tk


حلقة 2
http://youtu.be/_36J9ghlxbk


حلقة 3
http://youtu.be/vSfneuthMrY
http://youtu.be/DsFs8eiCyAU

أبان 2014- 8- 26 10:22 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة vip-1 (المشاركة 11304134)
سجل في الموقع وفتح ملف

السؤال اختبار ذو حجه يقصد التسجيل او الاختبار في ذو حجه لانه على حسب المواعيد الي سدحدوها هنا في المنتدى الاختبار الثاني ١/١١

؟؟؟؟
الأوقات المذكورة سابقاً و الموضحة في الرابط تخص الاختبار الورقي

http://www.qiyas.sa/ApplicantsServic...Graduates.aspx


أما الاختبار الإلكتروني فعند التسجيل ستجد أن هناك مواعيد كثيرة ، اختر منها ما يناسبك .


بالتوفيق .

Iaila 2014- 8- 27 06:26 AM
رد: اختبار القدرات للجامعيين للاستمكال دراسة الماجستير
 
سجلت بس مافيه الا المدينه وتبوك
وانا الشرقيه معناته غير متاح ولا كيف

سعود بن ثامر 2014- 8- 27 09:47 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة iaila (المشاركة 11308076)
سجلت بس مافيه الا المدينه وتبوك
وانا الشرقيه معناته غير متاح ولا كيف
جربي مره ثانيه ..

Tmoo7_12 2014- 8- 28 05:53 PM
رد: اختبار القدرات للجامعيين للاستمكال دراسة الماجستير
 
اللي اليوم كان أختبارهم طمنونا عن أنطباعكم للأختبار ؟
أنا أختباري الأسبوع الجاي وأرسلوا لي قياس رسالة إنه تم حذف تسجيلي بسبب خلل فني عندهم وسيعاد إعادة تسجيلي حال إصلاح الخلل .. لهم يومين من يوم أرسلوا رسالتهم
الحين أنتظرهم هم يسجلوني ، وإلا أنا أرجع أسجل من جديد وأختار موعد من جديد ؟

أبان 2014- 8- 28 07:14 PM
رد: اختبار القدرات للجامعيين للاستمكال دراسة الماجستير
 
^^^
وصلتي نفس الرسالة

بجرب اسجل من جديد

أبان 2014- 8- 28 11:04 PM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة tmoo7_12 (المشاركة 11314867)
اللي اليوم كان أختبارهم طمنونا عن أنطباعكم للأختبار ؟
أنا أختباري الأسبوع الجاي وأرسلوا لي قياس رسالة إنه تم حذف تسجيلي بسبب خلل فني عندهم وسيعاد إعادة تسجيلي حال إصلاح الخلل .. لهم يومين من يوم أرسلوا رسالتهم
الحين أنتظرهم هم يسجلوني ، وإلا أنا أرجع أسجل من جديد وأختار موعد من جديد ؟
يظهر أنهم ألغوا جميع الاختبارات قبل 19 - 11 - 1435هـ

لذلك بحاجة لتسجيل من جديد

Tmoo7_12 2014- 8- 29 01:39 AM
رد: اختبار القدرات للجامعيين للاستمكال دراسة الماجستير
 
يلا الحمدلله خيره
أحس إني مو مستعده أبي وقت ، وجت منهم =)

s3dia90 2014- 8- 29 03:07 AM
رد: اختبار القدرات للجامعيين للاستمكال دراسة الماجستير
 
أنا بعد اختباري يوم الاثنين لكن ارسلوا الي رسالة ان تم حذف الاختبار


وحجزت الي موعد ثاني

s3dia90 2014- 8- 29 03:09 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة iaila (المشاركة 11308076)
سجلت بس مافيه الا المدينه وتبوك
وانا الشرقيه معناته غير متاح ولا كيف
اختي الورقي بس في المدينة وتبوك

لكن على الحاسب الآلي فيه بالشرقية

ابوخالد المطيري 2014- 8- 29 03:51 AM
رد: اختبار القدرات للجامعيين للاستمكال دراسة الماجستير
 
تعتذر جامعة الملك فيصل عن قبول خريجي بكالوريوس الانتساب

كيف ناوين تواصلون الماستر والجامعه ماهي معترفه بشهادتنا :)

نسيم الصبا 2014- 8- 29 06:33 AM
رد: اختبار القدرات للجامعيين للاستمكال دراسة الماجستير
 
اقتباس:
المشاركة الأصلية كتبت بواسطة ابوخالد المطيري (المشاركة 11316764)
تعتذر جامعة الملك فيصل عن قبول خريجي بكالوريوس الانتساب

كيف ناوين تواصلون الماستر والجامعه ماهي معترفه بشهادتنا :)

مو شرط جامعة الملك فيصل..
شفتوا أبومحمد اللي لونه أخضر:16.jpg:،ماشاءالله انقبل بس مدري اي جامعة، وبيكمل ماستر(موازي)نظم معلومات ادارية،شوفوا بياناته..
صراحة خبر جميل بالنسبة لي،لأني كنت اتمنى اشوف احد من الملتقى مكمل دراسات عليا حتى لو موازي،لأن كثير من طلاب الانتظام مكملين موازي..
فتفائلوا وانطلقوا..


All times are GMT +3. الوقت الآن حسب توقيت السعودية: 04:26 PM.
صفحة 1 من 3 1 23
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه