ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 7 (https://vb.ckfu.org/f389)
-   -   [ المناقشات ] : رد الدكتور عبدالله مع صورة وثيقة التخرج (https://vb.ckfu.org/t543302.html)

alsuhimy 2014- 1- 7 05:04 PM

رد الدكتور عبدالله مع صورة وثيقة التخرج
 
1 مرفق
الاخ الكريم شهادتكم ستكون بكالوريوس ادارة اعمال وهذي صورة من الوثيقة


الرد الثاني*


قسم الادارة له عدة تخصصات ادارة وتسويق وموارد وانتم تخصص ادارة
اي استفسارات حول هذا الموضوع يمكنكم توجيهه للكلية فهي المعنية بذلك







للتوضيح*

الي درسناه اسمه ادارة اعمال بمفوهمه الاكديمي لمعظم الجامعات انه الادراه المتخصصه بقطاع الاعمال وشامل جميع التخصصات بمعنى لو حبيت تكمل ماستر على اي من تخصصات الادارة مثل المحسبة او المالية او الموارد البشرية .... الخ راح تكون الامور سهله اما لو يحطون التخصص ادارة حاف راح يتوهونن واعتقد مو منحقهم بعد اربع سنين دراسة يتم تغير المسمى حتى على الاقل يعملو استبيان كجامعة محترمة فأرجو من الجميع المطالبة بمسمى ادارة الاعمال كلية الادارة والتخطيط*


اما الادارة العامة فهذي ادارة مختصه بدراسة الادراة الحكومية الي احنا مادرسناها يعتبر تخصص قائم بذاته*


ارجو عدم التسرع والرضوخ للجامعة بهذا الخطاء الفادح والي ماهنده خلفيه على الموضوع ارجو انه مايخر على زملائه*

وبالتوفيق للجميع وفالكم اعلاء المراتب العلمية



**

أبو إبراهيم 2014- 1- 7 05:22 PM

رد: رد الدكتور عبدالله مع صورة وثيقة التخرج
 
طيب التخصص اللي موجود تخصص ادارة مو ادارة عامة
وفي فرق بين الادارة والادارة العامة

alsuhimy 2014- 1- 7 05:29 PM

رد: رد الدكتور عبدالله مع صورة وثيقة التخرج
 
المطلوب كلية الادارة والتخطيط تخصص ادارة اعمال

alsuhimy 2014- 1- 7 05:32 PM

رد: رد الدكتور عبدالله مع صورة وثيقة التخرج
 
التخصص الحالي بالانجليزي management
التخصص المطلوب / business administration

ابو سعود 111 2014- 1- 7 06:02 PM

رد: رد الدكتور عبدالله مع صورة وثيقة التخرج
 
مو المفروض يكون تعليم عن بعد بدل انتساب كما وعد العميد ولا انا غلطان ؟؟

alsuhimy 2014- 1- 7 06:09 PM

رد: رد الدكتور عبدالله مع صورة وثيقة التخرج
 
1 مرفق
ازيدكم من الشعر بيت هذا كما هو واضح بالمرفقات لايوجد تخصص إدارة في كلية ادارة الاعمال
ارجو من الكل التواصل مع رئيس كلية ادارة الاعمال لتوضيح الي حاصل

ودي أتفوق ولو مرة 2014- 1- 7 06:10 PM

رد: رد الدكتور عبدالله مع صورة وثيقة التخرج
 
:24_asmilies-com: كلية العلوم الإدارية و يندرج تحتها تسويق و موارد بشؤية و إدارة أعمال


هذا اللي عرفناه

اداري طموح 2014- 1- 7 06:40 PM

رد: رد الدكتور عبدالله مع صورة وثيقة التخرج
 
اقتباس:

المشاركة الأصلية كتبت بواسطة alsuhimy (المشاركة 10304598)
التخصص الحالي بالانجليزي management
التخصص المطلوب / business administration

اتفق معك وبقوة هذا اللي مفروض يكون وعلى فكرة business administration مطلوب بشكل كبير في التوظيف . صحيح باقي ماتخرجت بس اتمنى من الجميع يخاطبون الكلية لتعديل الوضع او الافضل تسميت الشهادة ادارة اهمال

Abu Layan1 2014- 1- 7 06:43 PM

رد: رد الدكتور عبدالله مع صورة وثيقة التخرج
 
السلام عليكم

ضحك علينا مو من حق العميد ولا الجامعة التغيير في آخر لحظة

الطلاب دخلوا الجامعة من شأن تخصص ادارة الاعمال يجي الفريدان في آخر لحظة ويغير مو من حقه علما بانه ليس متضرر من الموضوع

المطلوب من الجميع عدم السكوت ولو نوصل موضوعنا لمدير الجامعة او التعليم العالي

parliament 2014- 1- 7 08:13 PM

رد: رد الدكتور عبدالله مع صورة وثيقة التخرج
 
في رائيي ان تخصص ادارة يعتبر حلو جداً


مدري ليه البعض زعلان ؟؟

alsuhimy 2014- 1- 7 08:26 PM

رد: رد الدكتور عبدالله مع صورة وثيقة التخرج
 
اقتباس:

المشاركة الأصلية كتبت بواسطة parliament (المشاركة 10305654)
في رائيي ان تخصص ادارة يعتبر حلو جداً


مدري ليه البعض زعلان ؟؟


تخصص ادارة يندرج تحت ادارة الاعمال اي يعتبر احدى مسارات ادارة الاعمال مثل ادارة المحاسبة وادارة التسويق الخ... ولدارة اعمال كتخصص ومجال دراسة هو مايشمل جميع التخصصات المندرجة تحت مسمى ادارة الاعمال هنا الفرق من بداية الدراسة الى قبل شهر كان تخصصنا ادارة اعمال وكن تم تغيره قبل الاختبارات الى ادارة مع العلم ان الجامعة لم تفتح مسارات تحت ادارة الاعمال ارجو تكون وضحة الصورة

ذوق وحلاالشرقيه 2014- 1- 7 08:30 PM

رد: رد الدكتور عبدالله مع صورة وثيقة التخرج
 
طيب بسالكم كم مطلوب نسبه للماستر وفي عن بعد ماستر ولالا

ابو نـواف 2014- 1- 7 09:25 PM

رد: رد الدكتور عبدالله مع صورة وثيقة التخرج
 
بالعكس كذا افضل تترك ادارة بدل التحديد فهي تطبق في القطاع العام ويطلق عليها في هذه الحالة الإدارة العامة اي خدمة الدولة وتطبق في القطاع الاقتصادي وتسمى في هذه الحالة إدارة الأعمال

فارس740 2014- 1- 7 09:53 PM

رد: رد الدكتور عبدالله مع صورة وثيقة التخرج
 
الف شكر

saleh2r 2014- 1- 8 06:43 AM

رد: رد الدكتور عبدالله مع صورة وثيقة التخرج
 
السلام عليكم

ليه حطين انتساب فقط لية ما يحط انتساب مطور

بعدين احلا مافي الشهادة الختم الذهبي تحس مدري وش تحس بس تحسه طعم الله يعطينا خيرهم

وبخصوص لون الجامعة الاخضر حلو

بس ما فيه الوان ثانية يعنى لون الشهادة اختياري (انا ابي اصفر ...متصدر:53:)

مسالة ذوق :mh35:



زبدة الكلام زي ما للجامعة الاختيار والتغيير والحط والشطب اعطونا حرية المشاركه والاقتراح بالقرارات
:hhheeeart4:

Saudi man 2014- 1- 8 08:28 AM

رد: رد الدكتور عبدالله مع صورة وثيقة التخرج
 
ماشاء الله تبارك الله
الشهادة طازجه

ان شاء الله هالوقت من السنه الجايه تكون شهادتي مطبوعه

Bo Nawaf 2014- 1- 8 10:33 AM

رد: رد الدكتور عبدالله مع صورة وثيقة التخرج
 
سؤال .. يكتب في الشهادة انتساب او تعليم عن بعد او ما يكتبون شي؟؟؟

الشي الثاني فعلا كلمة ادارة بشكل عام تخوف شوي خصوصا بالقطاع الخاص .. مدري عن العام


لكن الله يسهل الامور ويكتب اللي فيه خير

رمـز 2014- 1- 8 10:46 AM

رد: رد الدكتور عبدالله مع صورة وثيقة التخرج
 
أثرت شجوني بهذة الصورة ...

ضياء القمر1 2014- 1- 8 11:05 AM

رد: رد الدكتور عبدالله مع صورة وثيقة التخرج
 
القو نظره على هذا الصفحة من موقع الجامعه

http://www.kfu.edu.sa/AR/COLLEGES/MA...Pages/edr.aspx


هذا التخصصات لي طلاب الانتظام في قسم إدارة الاعمال ادخلو على تخصص قسم ادارة

و في ملاحظه على الخطه الدراسية قسم الادارة نفس الي عندنا الان ندرسها في قسم ادارة الاعمال

ميس زيزي 2014- 1- 8 11:06 AM

رد: رد الدكتور عبدالله مع صورة وثيقة التخرج
 
مايجوز هالكلام كيف يخترعوا لنا تخصص جديد غير معروف
واحتمال يرفض من قبل التوظيف

والله حرام يستخفوا بعقولنا ويلعبوا فينا على كيفهم
المفروض هذا الكلام يقولوه قبل الواحد يسجل مو بعد مايقطع نص المشوار

نحن نرفض هذا التخصص لانه غير موجود عند تسجيلنا في ادارة الاعمال

على الاقل يسموه اداره عامه يكون معروف للكل هذا التخصص

خارج القانون 2014- 1- 8 12:23 PM

رد: رد الدكتور عبدالله مع صورة وثيقة التخرج
 
نشأ قسم المحاسبة مع تأسيس كلية العلوم الإدارية والتخطيط (كلية إدارة الأعمال حالياً)


صراحه يلزم احد يزور الجامعه يستوضح الامر.... والا توكيل محامي هو الحل
التحقت على اساس انها ادارة اعمال ....مو اداره

aso 2014- 1- 8 02:52 PM

رد: رد الدكتور عبدالله مع صورة وثيقة التخرج
 
مايهمنا ايش الكليه أهم شئ التخصص ((ادارة اعمال)) الاداره مالها مستقبل !!!!

أَبُو يـَزَنْ 2014- 1- 8 03:56 PM

رد: رد الدكتور عبدالله مع صورة وثيقة التخرج
 
تم التأكد من اصدار الوثيقة انحولت وهي مقلوبة


عموما اتمنى ان يكون تخصصنا ادارة الاعمال كالسابق وليس ادارة

السفير الجامعي 2014- 1- 8 04:25 PM

رد: رد الدكتور عبدالله مع صورة وثيقة التخرج
 
ما فيه حل الا بالتواصل مع وزارة التعليم العالي .. هذا الحل الانسب بنظري

zdaal5 2014- 1- 9 01:35 AM

رد: رد الدكتور عبدالله مع صورة وثيقة التخرج
 
يا طلاب وطالبات جامعة الملك فيصل هل قرأتوا الشهادة زين بالعربي والإنجليزي ، يبدوا ان الدكتور الفريدان يحتاج لمعونة الدكتور المعاني حتى يترجمله الشهادة زين ، هل في جامعة محترمة وتخرج الالاف من الطلاب انتظام وانتساب يكون ترجمة الشهادة بهالسؤ .... شوفوا وش مكتوب بالإنجليزي and has been a bachelor degree in business administration هذا اولا بالإنجليزي ، اما العربي فمكتوب التالي وحصلت على درجة البكالوريوس في ادارة الأعمال في تخصص ادارة وتخصص فرعي .....(فراغ) .... طب إذا كان التخصص الفرعي (minor)ادارة ... طب وش التخصص الرئيسي (major) .... يا ليت احد يقولي الدكتور الفريدان من وين حصل الدكتوراة حقته وشلون حصلها .... فقط سؤال ... بس ... وهذا وان دل على شيء فيدل على عدم اهتمامه بطلاب الإنتساب حتى الشهادة وهي الوثيقة الرسمية اللي يحملها الطالب بعد تعب 4 سنوات ما كلف احد يراجعها ..... مع انها تعتبر الوجه الرسمي للجامعة وهاذي جامعة حكومية لها اسمها .... عجبي على تخبط الجامعة .... والله انها تفشيلة

faisal38 2014- 1- 10 12:20 AM

رد: رد الدكتور عبدالله مع صورة وثيقة التخرج
 
يا اخوان اولا هي ماهي صدقه

هذا جهد + فلوس تعب اربع سنوات

اذا هي اداره يفترض مافيها لا رياضيات ولا محاسبه

ولا ولا وهذا حسب اللي تخرجو من جامعة الملك عبد العزيز

لكن شنو ترجووون من جامعه اختبرنا لمستوى السادس ولا نعرف

المواد اللي باقيه علينا

الله يستر لايغيرووونه لكلية فنووون جميله

بصراحه لعب لكن حسبي الله وكفى

mona-81 2014- 1- 21 09:21 AM

رد: رد الدكتور عبدالله مع صورة وثيقة التخرج
 
انا دخلت على اساس انه تخصص اداره اعمال وما برضى بغير كذا

بدر المطيري 2014- 1- 21 10:31 AM

رد: رد الدكتور عبدالله مع صورة وثيقة التخرج
 
نصيحه لوجه الله ترا ادارة اعمال انتساب ولا شي لو انتظام ممكن لكن ادارة عامه انتساب تعتبر كويسه من ناحية التوظيف واسئلو اللي قبلكم تخرجو من جامعة الامام ادارة اعمال انتساب

مجتهد جدا 2014- 1- 21 11:05 AM

رد: رد الدكتور عبدالله مع صورة وثيقة التخرج
 
الي يكون اهم شي نتخرج ونفتك ركزو على المهارات يا شباب ( نصيحه ):lllolll:

ابوحاتم000 2014- 1- 21 11:09 AM

رد: رد الدكتور عبدالله مع صورة وثيقة التخرج
 
وش السالفة الموضوع هذا قديم والا وش !!!
مو اتفقنا مع الحليبي و خلصنا !

نآيف 2014- 1- 21 12:58 PM

رد: رد الدكتور عبدالله مع صورة وثيقة التخرج
 
ابوحاتم ، ههههههههههههههه

اتوقع الموضوع قديم لاتخاف الموضوع انحل :)

أبو تركي الرياض 2014- 1- 21 01:11 PM

رد: رد الدكتور عبدالله مع صورة وثيقة التخرج
 
موضوع قديم ..


http://www.kfu.edu.sa/ar/Lists/KfuNe...m.aspx?ID=2352


All times are GMT +3. الوقت الآن حسب توقيت السعودية: 02:06 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه