|
رد: انطباعكم عن التحليل الاحصائي
كويس ان الاغلب يقولون ان الاسئله سهله انا وجهة نظري ان فيه لف ببعض الاسئله بالصيغه وايضا الوقت لا يكفي لحل الاسئله بالتوفيق للجميع |
رد: انطباعكم عن التحليل الاحصائي
اقتباس:
هههههههههههههههههههههههههههههههههههه توني انتبه |
رد: انطباعكم عن التحليل الاحصائي
الله يعطيه العافيه الدكتور كانت الاسئله سهله وواضحه للناس اللي ذاكرت كويس وبالرغم من المشاكل اللي واجهتني وقت المذاكره بس الحمدلله حليت اللي اقدر عليه بس عيبه انه ماينوع بالاسئله ذبحني باسئله spss وهو اكثر شي غثني لان جهازي ماك ورفض يتحمل البرنامج عندي وجلست اخمن الاجابات من راسي مو فاهمه شي :( وشكرا لكل الاعضاء اللي ساعدونا بملخصاتهم ومواضيعهم :rose: |
رد: انطباعكم عن التحليل الاحصائي
أخر أختبار كان عندي يوم الأثنين الماضي
وبديت بالتحليل يوم الثلاثاء صباحاً اول المحاضرات مشت معي ويوم وصلت بواسون وشلته غرزت ودقيت على فوق 30 مدرس خصوصي اللي يقول ماعندي وقت واللي يقول مسافر واللي ما أدرسها واللي هو في جدة وانا بالرياض وتذكرت لي زميل خريج أحصاء وكلمته وانا منحرج منه قال لا تستحي يارجال منت اول واحد أشرح له ويوم جاني بالبيت وشاف المنهج قال وش ذا المنهج بصراحة كل موضوع عندكم له كتاب مستقل وبالأخير قال السالفة ومافيها إذا ماتحفظ قوانين ولا ماراح تحل لو أشرح لك من اليوم إلى شهر قدام وشرح لي شوي وحلينا مسائل وشطح بي بفكرة قال ألا ماتبيني أختبر عنك مره وحده أنا أشتقت للمقاعد الدراسية ... قلت أحلى مرقه قال دام ودك وش يردك قلت يارجال ألا انت أشرح لي واللي أفهمه بفهمه واللي مانيب عارفه في امقيط وارشاه قال فكر في كلامي وراح يوم جاء اليوم قلت انا الحين خريج وهذا أخر اختبار ومعدلي طايح ورى ما اكلمه واصور الأسئلة وهو يرسل الجواب والله والشيطان يزبطها في راسي وأكلمه قال هات محاضرة 14 ورح للأمتحان وبيني وبينك الواتس وتم تصوير بعض الصفحات وتم الرد بالأجابات والله غفور رحيم |
رد: انطباعكم عن التحليل الاحصائي
اقتباس:
|
رد: انطباعكم عن التحليل الاحصائي
انا نموذج e نفس الاسئلة
|
رد: انطباعكم عن التحليل الاحصائي
اقتباس:
حلوه القصه قبل النوم وين المراقبين عنك ؟؟؟؟؟ جوال والواتس حدث العاقل بما يعقل تٌعطي إنطباع بأن التعليم في جامعة الملك فيصل فوضى عارمه وهذا غير صحيح ؟؟ مع أمنياتي القلبيه لك بالتوفيق والسداد |
رد: انطباعكم عن التحليل الاحصائي
اقتباس:
اذا الكلام صحيح وفية اختلاف بالاسئلة ففية مشكلة كبيرة وفية عدم عدل وتحيز انا اختبرت بحوث اعمل (من مستوى سابع ) الاسبوع الماضي وجاب اختبار صعب صعب وكان فية نموذج مختلف عن بقية النماذج اقصد اختلاف في نوع السؤال ؟؟؟؟ |
رد: انطباعكم عن التحليل الاحصائي
صراحة اشكره ع الاساله مافيه لف ودوران صحيح اني حلي مش ولابد لاني ماذاكرت زين لكن كل شيء واضضح للي ذاكر انشاء الله نعديها
|
رد: انطباعكم عن التحليل الاحصائي
الدكتور جاب اسئلة كثيرة من المحاضرة 14 ونفس الارقام
وجاب كم سؤال ملفوفه عشان يميز البعض عن البعض يعطيه الف عافية وماقصر بالاختبار اللي صم المحاضرة 14 حل كويس |
| All times are GMT +3. الوقت الآن حسب توقيت السعودية: 10:37 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام