|
ادخل الاختبار والا اعتذر؟
سلام
كيفكم اممم ياليل القروشه الحين وش الحل زواج اختي بنفس يوم اختبار التقنيه !!! مدري وش اسوي اعتذر واروح الزواج والا اروح الاختبار واسحب ع زواج اختي > ياويلها ويلاه !! طيب كيف نظام الاعتذار وكيف اجيب عذر؟ يقبلون عذري تتوقعون والا اجيب اعذر طبي من مستوصف اهلي يقبلون ؟؟ مدررري شلوون مررررا محتاره > ودها تبتسي |
رد: ادخل الاختبار والا اعتذر؟
اسحبي على زواج اختك وروحي الاختبار لان الاختبار مايتعووض بس زواج أختك تقدرين تشوفينه مصوور معاد بتلفزيون بس الاختبار مايتعوض موفقه ياررب
|
رد: ادخل الاختبار والا اعتذر؟
يمديكي تروحي الاثنين ان شاء الله ..الاختبار يا وقته يكون الظهر او العصر
وزواج لين اخر ليل بتلحقي ان شاء الله بس اهم شئ تكوني مذاكره مزبوط ومستعده موفقه يازيزو العسل يارب.. |
رد: ادخل الاختبار والا اعتذر؟
بالنسبة لاختبار التقنية وزواج اختك بنفس اليوم
الخل انك تذاكرين التقنية من قبببببببل وختميها وادخلبي الاختبار واختبري بلبسك ويمديك حتى لو تحضرين بالنص او الاخير وع قول هتان الاختبار مايتعوض موفقة |
رد: ادخل الاختبار والا اعتذر؟
الاختبار الفترهـ الثآآنيييييييهه :eek:
صعبببههه شوفي لازم تاخذين عذر ممن مستشفى |
رد: ادخل الاختبار والا اعتذر؟
تسلموون قميعاااا مير مثل ماقلت اختي لحن الفتره الثانيه وماراح اطلع قبل 9 وخبركم شتاء الليل طوويل العالم تتعشى وتهج ههههههههههههههههه خساره الفستان وحجز الصالون بس
|
رد: ادخل الاختبار والا اعتذر؟
لو كان الإختبار بنفس المدينه ، يمديك تحضرين للإثنين .. وإذا كانت الأمور صعبه جدًا إسحبي ع الإختبار بس أهم شي تتأكدين إن عندك عذر والجامعه تقبله
تمنيـااتي لك بالتوفيق |
رد: ادخل الاختبار والا اعتذر؟
هههههههههههه مصيبه عموماً أجلوا العرس وخلي زوج أختك الجديد يصير كريم ويأخر العرس شويات بس وإذا خلاص حدد نهائي كلمي دكتور المادة وأستفسري من كيفية الأعتذار وإذا مررررررررررره مرررررررررره ما زبطت روحي لعرس أختك وأردحي أردحي لين تفقدين شعورك على شان تنسين هم الأختبار |
رد: ادخل الاختبار والا اعتذر؟
اقتباس:
يعني حاولي توفقي بين الاثنين أختمي الماده زين علشان يوم الاختبار بس تراجعينها.. ومو مهم المعزومين بتشوفينهم باقي الايام عندكم :lllolll:المهم اختك بتكونين معها طول اليوم طبعا مع ملزمتك:agolakser: راجعي ولا جا وقت الاختبار تعالي بعباتك اختبري واطلعي الليل طويل يمديك بشرط ماتكون المسافه مره بعيده من الجامعه للعرس:mh001: ومبروك لها وربي يتمم لكم على خير |
رد: ادخل الاختبار والا اعتذر؟
والله اذا كانت اول اخت تتتزوج عندكم فا الموضوع خالص اسحبي على الاختبار بشرط تضمنين العذر يقبل ولا لا .
امااا اذاكانت الرابعه او العاشرة اسحبي عليه وقولي له تعبانه ماقدر احضر :d |
رد: ادخل الاختبار والا اعتذر؟
والله انا اشوف طبعا زواج اختي اولى مو معقوله اسحب عليها
والاختبار يتعوض يمديك تختبرينه بعدين بس جهزي العذر لان صعبه عليك الاثنين من جد حالتك حاله فرحه وبنفس الوقت تعب اختبارات يلا الله يعينك وشوفي وش الانسب لك |
رد: ادخل الاختبار والا اعتذر؟
والله اني محتاره مير شكلي بسوي سوبر وومن واحظر الاثنين بطلع دايركت من الصالون للقاعه الاختبار واخذ فستاني وقشي البسه بقاعه العرس > واووهمي هههههههههههههههه
|
رد: ادخل الاختبار والا اعتذر؟
انا اقول اختبري و بعدها روحي العرس ... و الله حركات ان كنتي مجاوبه روحي ارقصي و استنانسي و ان كنتي مو مجاوبه >>>> برا و بعيد كمان روحي ارقصي عشان تنسي
توكلي على الله و اختبري |
رد: ادخل الاختبار والا اعتذر؟
انا لو مكانك احذف المادة لابو الدراس ي شيخ >> والله يوم سوينا حفل لولد عمي بالرياض
كان علي اختبار رياضيات رحت حضرت العزيمة ورجعت بنفس اليووم سافرت الرياض ورجعت الشرقية علشان الاختبار |
رد: ادخل الاختبار والا اعتذر؟
أتبعي قلبك وأن شاء الله ربي بسهل أمرك
|
رد: ادخل الاختبار والا اعتذر؟
الله ييسرلك امرك.
مدري شقول مابقولك لاتحضري الزواج ولا بقولك لاتختبري الله يعينك يارب لاتنسي الاستخاره. |
رد: ادخل الاختبار والا اعتذر؟
اول شي مبروك لاختك لا تاجلين
الاختبار و لاشي اسمعي انتي قبل الاختبار استشوري شعرك في البيت و لما تطلعي من الاختبار يمديك بنص ساعه تتمكيجي في البيت لا تروحي كوافير زحمه وياخذ وقت و توصلي العرس ع 9 ونص تقريبا و يمديك قبل الزفه تتصوري و تحضري العرس |
رد: ادخل الاختبار والا اعتذر؟
ههههههه يافديتكم كلن يعطيه حل مايبيلها انا اختس روحي الكوفير من ظهر والمغرب تكوني خالصه دايركت للامتحان امتحني بكشختك
وروحي العرس وارقصي لين تطيح جنتس وبتسذا ضربتي عصفورين بحجر ): والله يسرلك .. |
رد: ادخل الاختبار والا اعتذر؟
اختك وفرحتها اولى من كل اختبار ,, يمديك تجلسي مع اختك كل الوقت وتروحي تختبري ساعه وترجعي
اتمنالك انتي واختتك والجميع السعاده |
رد: ادخل الاختبار والا اعتذر؟
انا من رايي انك تقدمين طلب للجامعة عشان تختبرين في صالة الافراح :d
بس انحلة المشكلة |
رد: ادخل الاختبار والا اعتذر؟
نسيت اقول الله يوفقها وعقبالك
|
رد: ادخل الاختبار والا اعتذر؟
اقتباس:
رأيي من رأي بنت مطير وبالتوفيق |
رد: ادخل الاختبار والا اعتذر؟
ماشاء الله
والله يوفقها لكن تدرين وش القهر لو تركتي عرس اختك ورحتي للاختبار وفي الاخير تطلع النتائج وتصيرين ساقطه في الماده هههههههههههههههههههههههههههه يعني لا أستفدتي هنا ولا هناك |
رد: ادخل الاختبار والا اعتذر؟
تقدري توفقي ترى التقنيه راجعيها واختميها عدل عدل
ولو الفتره الثانيه الاختبار روحي الصباح سوي شعرك تسريحه ناعمه ومكياج بسيط وروحي اختبري وخليهم يجهزو فستانك وخلصي وروحى اختبري اما لو كان فترة اولى خلصي وروحى الكوافير |
رد: ادخل الاختبار والا اعتذر؟
تدرين وش المشكله بعد
انه منو رح يكون موجود وفاضي يوديك الاختبار ويجيبك منه وزواج اختك بنفس اليوم يعني اكيد الكل بيكون مره مشغول فعشان كذا من رأيي أقطعي العلاقه مع اختك عشانه رح تهدم مستقبلك *_* دعاااابه |
| All times are GMT +3. الوقت الآن حسب توقيت السعودية: 08:57 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام