|
الي جميع الاخوان لمركز الاختبار 9 بالرياض يوجد وصف
تحياتي للجميع تم اليوم زيارة موقع مركز الأختبارات في مدينة الرياض رقم (9) وحتى لا يشكل على أحد زرت الموقع لأنه غير واضح بالخريطة.
تعليمات الاتجاهات: يمكث أستخدام طريق الملك فهد ولا انصح فيه للأزدحام وخصوصا هذه الأيام لذا ننصح بأي طريق بديل لكن الوصف للموقع بالنسبة لي راح يكون من طريق الملك فهد بأتجاه الجنوب وحتى الوصول الى تقاطع الكباري الموزع الى جهة اليمين الى السويدي والبديعة والمتجه الى اليسار الى العزيزية والحائر يجب الأستمرار بأتجاه الجنوب حتى الدخول على بداية طريق ديراب وأنصح مباشرة بعد تجاوز مجمع الكباري وبداية طريق ديراب دخول خط الخدمة والاستمرار حتى يأتي على يمينك مركز على كيفك أستمر قليلا حتى يأتيك دوران(مديور) أرجع معه وأستمر على خط الخدمة والآن أصبح أتجاهك شمال على نفس طريق ديراب حتى يأتيك على اليمين مسجد وبعده بعمارة بزاويتها يوجد مركز توزيع لشركة (قو للانترنت) تدخل بالشارع اللي بعد (قو) مباشرة طبعا يمين أصبح على يسار الآن مطعم الطازج وقو على يمينك هذا الشارع أسمه أبن المفلح شارع في نهايه حرف(t) وتقابلك فلل المدرسة المتوسط الحكومية التمامي خلف هذه الفلل أبحث عن طريق يوصلك الى خلف هذه الفلل وتشاهد المدرسة. تمنياتي للجميع بالنجاح في الاختبارات وآمل أن أستحسنتم الدعوة لي بالنجاح بالاختبارات شكرا لدعمكم المتواصل لنا |
رد: الي جميع الاخوان لمركز الاختبار 9 بالرياض يوجد وصف
معليش أخوي ما فهمت عليك أنت تسأل هل فيه وصف لمركز 9 بالرياض والا تعلمنا أنهم زودوا الوصف بكروكي مرفق :(107): |
رد: الي جميع الاخوان لمركز الاختبار 9 بالرياض يوجد وصف
تحياتي لك السطان الظاهر ماظهرت لك الكتابة
|
رد: الي جميع الاخوان لمركز الاختبار 9 بالرياض يوجد وصف
اخوي كم يبعد على كيفك من مجمع الكباري ومشكور يالغالي ازحة عني هم |
رد: الي جميع الاخوان لمركز الاختبار 9 بالرياض يوجد وصف
الله يجزاك خير يالغالي
صراحة وصفك لايعلى عليه بالرغم من اني كنت مدري وين ارضه قبل وصفك |
رد: الي جميع الاخوان لمركز الاختبار 9 بالرياض يوجد وصف
ان شاء الله تنجح
وياليت يفكوننا ونختبر في مراكز اقرب عند بيوتنا |
رد: الي جميع الاخوان لمركز الاختبار 9 بالرياض يوجد وصف
طيب ياشباب انا معكم بالمركز
و ماودي اروحله لانه بعيد بالمره مشوار فوق الساعه السؤال اقدر اروح للمركز اللي بجنب البيت واختبر فيه |
رد: الي جميع الاخوان لمركز الاختبار 9 بالرياض يوجد وصف
إتجاهات طريق ديراب فقط شرق وغرب يالحبيب مافيه شمال !!! لاتضيعهم ،،،:(107):
|
رد: الي جميع الاخوان لمركز الاختبار 9 بالرياض يوجد وصف
مشكور اخوي
والله انا ساكن في شرق الرياض يعني المشوار بعيد بصراحه وتوني رحت اعس المكان :33_asmilies-com: على شان بكرة ما اقعد ادور والف وادور مثل ماقلت اول ما تمسك طريق ديراب تقريبا ثاني مخرج على يدك اليمين يجيك على كيفك و صيانة هونداي على اليمين ابد شارع بن مفلح قبال على كيفك بالزبط يعني تسوي يوتيرن وترجع وقبل الطازج تاخذ يمين |
رد: الي جميع الاخوان لمركز الاختبار 9 بالرياض يوجد وصف
تحياتي اخوي ابراهيم التميمي لا تخاف على اهل الرياض يعرفون وشو اقصد والقصد شمال الرياض
|
رد: الي جميع الاخوان لمركز الاختبار 9 بالرياض يوجد وصف
آلف شكر على هالوصف
من آمسسس وآنآ آدور لي طريق اسرع وبدون زحمه بس اكتشفت ان اخف طريق وبدون زحمه يبي لي ساعه بالضبط على شان اوقف عند المدرسه |
رد: الي جميع الاخوان لمركز الاختبار 9 بالرياض يوجد وصف
انا ما اعرف هناك الا شمال جنوب
امتداد طريق الملك فهد اسميه جنوب لو اوصل القويعية .. السستم مبرمج كذا عندي |
رد: الي جميع الاخوان لمركز الاختبار 9 بالرياض يوجد وصف
مشكور على هالوصف
كنت شايل هم معرفة المكان |
رد: الي جميع الاخوان لمركز الاختبار 9 بالرياض يوجد وصف
الله يبيض وجهك ريحتنا من عناء البحث عن المدرسه وضياعة الوقت وصفك واضح جدا
تصحيح للاخوان امتداد طريق الملك فهد وديراب (شمال جنوب) ماهو شرق غرب اللي عندك شرق غرب مثل الدائري الجنوبي وبالتوفيق للجميع |
رد: الي جميع الاخوان لمركز الاختبار 9 بالرياض يوجد وصف
بيض الله وجيهكم .... وضح الموقع الحين :53:
|
رد: الي جميع الاخوان لمركز الاختبار 9 بالرياض يوجد وصف
السلام عليكم ورحمة الله وبركاته بالنسبة الموقع أختبار المركز رقم 9 يقع على طريق ديراب أقرب معلم مطاعم الشواية ومطاعم عموه حمزة تأخذ بعهدها يمين وأول شارع يجيك يمين تدخل معه وتشوف متوسة ثمامة الحنفي (مركز الأختبار)على يدك اليسار دعواتكم |
رد: الي جميع الاخوان لمركز الاختبار 9 بالرياض يوجد وصف
للتوضيييييييييييح اكثر >>>> طبعاً رحت عشان اتاكد من الموقع
بعد ماتدخل يمين قبل الطازج >> هذا شارع ابن مفلح عدي اول تقاطع بجيك في وجهك شارع من سيدين ديور ورجع خش يمين مع نفس (شارع ابن مفلح ) بتحصل المدرسة قبالك :biggrin: موفقين ياخوان والوعد هنااااك |
| All times are GMT +3. الوقت الآن حسب توقيت السعودية: 08:51 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام