ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 2 (https://vb.ckfu.org/f306)
-   -   مكان اختبار طالبات الرياض للرفع والاهمية .. (https://vb.ckfu.org/t177854.html)

حلمي الامل 2011- 5- 13 05:25 PM
مكان اختبار طالبات الرياض للرفع والاهمية ..
 
مساءكم خير طالبات جامعه الملك فيصل


حبيت اشوف ارائكم في مكان اختبارنا علماً بأني من اشد المعارضات لاختيارهم اكاديميه الفيصل كسابق اختبارنا في الفصل الدراسي الاول

اوجه كلامي هذا الى استطلاع عدد من الطالبات والرفع لاكبر عدد ممكن لاختيارنا مكان اكبر وافضل
للميزات التاليه :
1- اختيارنا مكان اوسع للقاعات .
2- مكان اكبر لاستيعاب اعدادنا.
3- حالياً نحن نمر في فصل الصيف ولشد ارتفاع درجه الحراره يستلزم تهيئة نفسية لنا
جويه بعد :biggrin: .
الامر الاخير هو
انني باستطاعتي تحديد مكان لنا وايصاله الى اداره الجامعه
مثل قاعات جامعه الامير سلطان
قاعات كليه دار العلوم ..

ارحب بفكره اضافه مكان حتى انتهاء هذا اليوم
وغداً السبت سأقوم بتنفيذ هذا الامر


والله ولي التوفيق ...




:106:

قايده القمر 2011- 5- 13 05:29 PM
رد: مكان اختبار طالبات الرياض للرفع والاهمية ..
 
والله مدري

بس ان شاء الله خير يارب

ثانكس لك

:106:

Uncontrolled Mind 2011- 5- 13 06:23 PM
رد: مكان اختبار طالبات الرياض للرفع والاهمية ..
 
صراحه ...
احنا بحاجه لمكان اوسع ويكون اكثر ترتيب ... ومناسب للكل
من كل النواحي ...
وما يكون فيه تغير للقاعات لكل ماده ...
يعني تكون الاسماء ثابته في كل قاعه .....
وبدون تغير .....
والافضل بعد يكون المكان سهل ان الكل يوصل للموقع
بشكل واضح ....
والله يوفق الجميع يارب

Ranoooosh 2011- 5- 13 06:39 PM
رد: مكان اختبار طالبات الرياض للرفع والاهمية ..
 
لا اوفق لانه قريب من بيتي وكل شي اشوف فيه تمام :(269):

حلمي الامل 2011- 5- 13 06:46 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة Ranoooosh (المشاركة 3473772)
لا اوفق لانه قريب من بيتي وكل شي اشوف فيه تمام :(269):

اتركي القرب والبعد
انا بعد قريب مني
بس صراحه ضيق والحين فصل الصيف
لا ومن زين التكييف وكتمه والانفس ولاشي
وتذكري ان الفصل الي راح كان مستويين فقط
الان 3 مستويات


على فكره ترى الفصل الي قبل الي راح كانوا في قلعه وادرين
تدرين كانوا في مدارس التربيةالنموذجية الي بطريق خريص

احمدي ربك اني طلبت بشمال الرياض

:hhheeeart4:


بالاخير هو مجرد رأي
يعني الاختلاف لايفسد للود قضية

انتظر الباقي وارائهم

بكره الساعه 9 الصبح اشوف الموضوع

ابن فـــهـــد 2011- 5- 13 06:52 PM
رد: مكان اختبار طالبات الرياض للرفع والاهمية ..
 
انا صوت على لا اوافق

مع اني مالي دخل

حلمي الامل 2011- 5- 13 06:54 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة ابن فهدد (المشاركة 3473891)
انا صوت على لا اوافق



مع اني مالي دخل

طيب وش هدفك انك ماتوافق

لاتخليني الحين اقول للجامعه يخلون اختبارك بالمزاحمية :cheese:

ابن فـــهـــد 2011- 5- 13 07:01 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة حلمي الامل (المشاركة 3473911)
طيب وش هدفك انك ماتوافق

لاتخليني الحين اقول للجامعه يخلون اختبارك بالمزاحمية :cheese:

مالي هدف معين بس
كذا عديت لعشره واخترت لا اوافق


ياليت تقولين يحطون اختباري
في مكه احسن
حج وحاجه بالمره
عمره واختبار - مبطي عن مكه
:biggrin:

حلمي الامل 2011- 5- 13 07:04 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة ابن فهدد (المشاركة 3473967)


مالي هدف معين بس
كذا عديت لعشره واخترت لا اوافق


ياليت تقولين يحطون اختباري
في مكه احسن
حج وحاجه بالمره
عمره واختبار - مبطي عن مكه

:biggrin:


لاتنسى الاقامة :hahahahahah: قصدي شهادة حضور الاختبار :hahahahahah:
والاترى يحسبونك منحاش

<<<< ابي اروح لمكة

ابن فـــهـــد 2011- 5- 13 07:15 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة حلمي الامل (المشاركة 3473996)
لاتنسى الاقامة :hahahahahah: قصدي شهادة حضور الاختبار :hahahahahah:
والاترى يحسبونك منحاش

<<<< ابي اروح لمكة

المعروف لايعرف
:(269):

حلمي الامل 2011- 5- 13 07:16 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة ابن فهدد (المشاركة 3474078)


المعروف لايعرف

:(269):


:hhheeeart4:

ابن فـــهـــد 2011- 5- 13 07:26 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة حلمي الامل (المشاركة 3474087)
:hhheeeart4:

http://bnat4ever.com/vb/webaty_uploa...o750739158.gif http://bnat4ever.com/vb/webaty_uploa...o750739158.gif http://bnat4ever.com/vb/webaty_uploa...o750739158.gif


اتحداك تحصلين الشكل اللي
فوق هنا ههههههههه :wink:

Ranoooosh 2011- 5- 13 07:32 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة حلمي الامل (المشاركة 3473829)
اتركي القرب والبعد
انا بعد قريب مني
بس صراحه ضيق والحين فصل الصيف
لا ومن زين التكييف وكتمه والانفس ولاشي
وتذكري ان الفصل الي راح كان مستويين فقط
الان 3 مستويات


على فكره ترى الفصل الي قبل الي راح كانوا في قلعه وادرين
تدرين كانوا في مدارس التربيةالنموذجية الي بطريق خريص

احمدي ربك اني طلبت بشمال الرياض

:hhheeeart4:


بالاخير هو مجرد رأي
يعني الاختلاف لايفسد للود قضية

انتظر الباقي وارائهم

بكره الساعه 9 الصبح اشوف الموضوع
انا حامده ربي اولا واخير وبعدين انا اشوف المكان جدا رائع ونفس الوقت ماني ساكنه فيه كله ساعتين واطلع وعلى قولتك الي قبلنا كانو حاطين مادري وين ادري عشان كذا احمدي ربك على هذا المكان وتحياتي :(269):

لولو منثور 2011- 5- 13 07:34 PM
رد: مكان اختبار طالبات الرياض للرفع والاهمية ..
 


من جد المستوى اللي فاات صاار فيها لخبطه وحووسه ,,


لو يصير وااحد من ها الاماكن اللي قلتي عليها يكوونن الوضع :(204):


>> تم التصوويت ..

يعطييك العاافيه غلاآي ,,

ReemoOo 2011- 5- 13 07:39 PM
رد: مكان اختبار طالبات الرياض للرفع والاهمية ..
 
آوخص يااحلومه بياخذون بكلامك ويقولون سمي تدللي طالع عمرك لوتبين
نحطك ببرج المملكه بالمره تتعشين وتتسوقين واقامه بفندق الفور سيزونز الى اخر يوم بالاختبار :hahahahahah:

اقووول اخاف تدقين يقولون بنات الرياض يتشرطون يحطونا فـ البطحاء ههههه

اهجدي يابنت هم مغيرين مغيرين ولو على كيفي يحطونا بمكان الين نخلص الاربع سنوات
مو كل سمستر بمكان عشان نحس بالاستقرار النفسي :biggrin:

والله لو يحطونا بنادي الهلال ولا استاذ الملك فهد وكل وحده تجيب معها سجاده وتنبطح على الثيل
وتحل بروقان ياشيخه والبراشيم تحت السجاده كلنا نجيب الفل مارك ولا وش رايك :71:

بروووق 2011- 5- 13 07:50 PM
رد: مكان اختبار طالبات الرياض للرفع والاهمية ..
 
اوافق وبشدة
والسبب الرئيسي لاكثر البنات البعد البعد اكبر مشكلة ومانلاقي بسهوله احد يوصلنا
واسعار خيالية ياريت الموقع يكون بالوسط لا ضرر ولا ضرار
والسبب الثاني ضيق المبنى وشوفتوا وش صار باخر يوم
يوم المطر تقفلت الطرق وصار ماس بالمبنى وخرجونا منه

حلمي الامل 2011- 5- 13 08:01 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة ranoooosh (المشاركة 3474195)
انا حامده ربي اولا واخير وبعدين انا اشوف المكان جدا رائع ونفس الوقت ماني ساكنه فيه كله ساعتين واطلع وعلى قولتك الي قبلنا كانو حاطين مادري وين ادري عشان كذا احمدي ربك على هذا المكان وتحياتي :(269):


ارجع اقول واكرر مجرد رأي لاغير

حلمي الامل 2011- 5- 13 08:04 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة لولو منثور (المشاركة 3474208)

من جد المستوى اللي فاات صاار فيها لخبطه وحووسه ,,


لو يصير وااحد من ها الاماكن اللي قلتي عليها يكوونن الوضع :(204):


>> تم التصوويت ..

يعطييك العاافيه غلاآي ,,

ويعطيك الف عافيه ياقمر

حلمي الامل 2011- 5- 13 08:11 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة ReemoOo (المشاركة 3474235)
آوخص يااحلومه بياخذون بكلامك ويقولون سمي تدللي طالع عمرك لوتبين
نحطك ببرج المملكه بالمره تتعشين وتتسوقين واقامه بفندق الفور سيزونز الى اخر يوم بالاختبار :hahahahahah:

اقووول اخاف تدقين يقولون بنات الرياض يتشرطون يحطونا فـ البطحاء ههههه

اهجدي يابنت هم مغيرين مغيرين ولو على كيفي يحطونا بمكان الين نخلص الاربع سنوات
مو كل سمستر بمكان عشان نحس بالاستقرار النفسي :biggrin:

والله لو يحطونا بنادي الهلال ولا استاذ الملك فهد وكل وحده تجيب معها سجاده وتنبطح على الثيل
وتحل بروقان ياشيخه والبراشيم تحت السجاده كلنا نجيب الفل مارك ولا وش رايك :71:

هههههههههههههههههههههاي ريومه
لو علي اخليهم يحطونا في الانتر
وش زود جامعه عبدالعزيز مدلعينهم وحاطينهم بمداريم كراون
اقول اهجدي بس
ان شاءالله يغيرون المكان ويحطونا باحد هالقاعات حقت الندوات الكبيره او يحطوننا في قاعه فندق

ولو يحطونا في فندق الرياض مثلا كان نجيب لنا فرقه عقب كل اختبار شوط :hahahahahah:

وش نتسدح باستاد الملك فهد
عز الله مانرجع لاهالينا الا حنا فحم من ذالشمس
الله يعوذنا من حرارتها وحراره النار بس
ياخزياه
:hahahahahah::hahahahahah:

حلمي الامل 2011- 5- 13 08:15 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة بروووق (المشاركة 3474283)
اوافق وبشدة

والسبب الرئيسي لاكثر البنات البعد البعد اكبر مشكلة ومانلاقي بسهوله احد يوصلنا
واسعار خيالية ياريت الموقع يكون بالوسط لا ضرر ولا ضرار
والسبب الثاني ضيق المبنى وشوفتوا وش صار باخر يوم
يوم المطر تقفلت الطرق وصار ماس بالمبنى وخرجونا منه


بكره بشوف الحل
وان شاءالله تنحل الامور

ياشينه اخر يوم ماطلعت من الاكاديميه الا 8 وانا في عز نومي

والا يكفي ان الاكاديمية التمست وخربت اجهزتهم

Lilac 2011- 5- 14 01:26 AM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة بروووق (المشاركة 3474283)
اوافق وبشدة

والسبب الرئيسي لاكثر البنات البعد البعد اكبر مشكلة ومانلاقي بسهوله احد يوصلنا
واسعار خيالية ياريت الموقع يكون بالوسط لا ضرر ولا ضرار
والسبب الثاني ضيق المبنى وشوفتوا وش صار باخر يوم
يوم المطر تقفلت الطرق وصار ماس بالمبنى وخرجونا منه

بالفعل .. الموقع اولا بعيد مره [ خاصة لنا اللي بالجنوب ] .. وثانيا صغير جدا

افضل جامعة الامير سلطان .. لاني شفت قاعاتها بالمره واسعه يعني لو كليتنا يكفيها 3 قاعات بالراحه بكافة مستوياتها .. وموقعها حلو

الله يكتب لنا اللي فيه الخير سواء الاكاديمية او غيرها .. =]

موفقين ،،

.. سنبله .. 2011- 5- 14 01:56 AM
رد: مكان اختبار طالبات الرياض للرفع والاهمية ..
 
انا ساكنه في شمال الرياض

بعد ماشفت قبل العام وين حاطينهم في حي الريان صراحه بعيد مره وكل مخرج يقول انا ازحم من اللي قبلي

من بعدها قلت اروح اختبر بالدمام اصرف في الثانويه العاشره قريب من بيت اهلي ويطقك البرد من التكيييف والله جمده فصولهم

لاشيء يستحق 2011- 5- 14 12:27 PM
رد: مكان اختبار طالبات الرياض للرفع والاهمية ..
 
والله مكان الإختبار لا يليق بمكانة الجامعة

حسيت إني في سوق الخضرة مع إحترامي

وش ذا ؟

نمشي بوسط البنات اللي قاعدين بالارض واللي عالدرج في كل مكان

ورا البيبان تحت الدرج من شدة الزحمة و خصوصا يوم يكون إختبار عند كل المراحل

يالييييت يغيرونه ياليييييت

بالنسبة للبعد ماتفرق أهم شي مكان واسع ومرتب بذا الحر

رزان الرياض 2011- 5- 14 01:15 PM
رد: مكان اختبار طالبات الرياض للرفع والاهمية ..
 
ياليت يتغير المكان يكون في وسط الرياض ويكون بعد اوسع واهم شي يكون فيه التكييييف كافي

حلمي الامل 2011- 5- 14 09:18 PM
رد: مكان اختبار طالبات الرياض للرفع والاهمية ..
 
ابشركم
كلمت مسئول بالجامعة والله ماقصر واخذ الاماكن الي انا كتبتها لكم
وقلت له عن المعاناة الي حصلت لنا الترم الماضي

الله يسهلها لنا
وياااارب يكونون صادقين معنا بكلامهم

Eltag 2011- 5- 14 10:33 PM
رد: مكان اختبار طالبات الرياض للرفع والاهمية ..
 
:(204):

اجل كلمتيهم :(107):
يعني مايحتاج اقول رائي ولا اصوت واتعب روحي>>احلفي :lllolll:

بصراحه..

الاهم المكان يكون مكيف و واسع وكمان المراقبات يكونو متعاونات ..

الله يوفقنا

جميلة- 2011- 5- 14 10:39 PM
رد: مكان اختبار طالبات الرياض للرفع والاهمية ..
 
:53:طبعا اوافق وبشده على تغيير المقر اللي مال امه داعي
بعدين التنظيم سيئ سيئ سيئ سيئ خصوصا اللي مالقوا اسمائهم في جميع القاعات
جلست فترة الامتحانات وانا من قاعه لقاعه عشان اسمي مو موجود
طبعا غير الزحمه حتى في المصلى يالله لا يبلانا ولا كنا داخلين امتحانات جامعه عريققققققققه كنا في سوق الخضره عفوا على التشبيه
يكفينا الضغط اللي فينا من الامتحان ماحنا ناقصين :53::53::53::53:

حلمي الامل 2011- 5- 14 10:53 PM
رد: مكان اختبار طالبات الرياض للرفع والاهمية ..
 
^
^
تقولين سوق خضره


انا شبهتها بشوارع البطحاء يوم الجمعه :biggrin:

امم وعالم وضيق
غير كذا مكيفاتهم الي تجيب الهم
يولعونه 5 دقايق
وبعدها بدقيقتين يطفونه بردوا العجز
وبعدين يولعونه
ذبحوا ام امي بالاستهبال

Eltag 2011- 5- 14 10:55 PM
رد: مكان اختبار طالبات الرياض للرفع والاهمية ..
 
^
^
شكل قاعتك نفس قاعتي يالبطه

ايه صادقه بردوا العجز:(284):

ان شاءالله هالمستوى غيرر:(204):

حلمي الامل 2011- 5- 14 11:01 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة تبولة (المشاركة 3482534)
^
^
شكل قاعتك نفس قاعتي يالبطه

ايه صادقه بردوا العجز:(284):

ان شاءالله هالمستوى غيرر:(204):

ايه والله شكلنا مع بعض

يكفي الوجيه الي تقابلك
كنهم قاعدين يصرفون علي
معليييييييييييييييييييييييش
انا ماحب كذا ابد
ولاقلت لهم حبوني والا دقوا حنك معي

يكفي اخر يوم استلعنت وحده من المراقبات ولاااخذت ورقتي الا اخر وحده
والله بغيت اخربها بس قلت انا ارقى منها واطنشها بمزاجي
والله ثم والله مايفكني منها اطلق راس

الواحد يكون مبتسم ومسفر وجهه
يالله لاتبلانا بس


<<<< عصبت الاخت :017:

أنثى غير 2011- 5- 15 12:57 AM
رد: مكان اختبار طالبات الرياض للرفع والاهمية ..
 
تبين تغير المقر :(269):

قولي لهم يوزعون على ايس كريم قبل الاختبار تبرد تسبودنا وتسذا :biggrin:

M7TAR 2011- 5- 15 01:06 AM
رد: مكان اختبار طالبات الرياض للرفع والاهمية ..
 
مداخله بسيطه :oao:

اختي حلمي الامل

بالنسبه لجامعه الملك عبدالعزيز ومقر اختباراتهم فهي على حساب الطلاب يدفعون 1000 ريال على كل ترم غير الرسوم 3000 مقطوعه :(177):
فا اتوقع جامعتنا متعاونه معانا بالنسبه للرسوم وهي مجانيه
تكفي هالميزه فيهم :d5:
وبالنسبه للمواقع انتي اتصلتي واكيد ما رح يقصرون ابد انا احسهم متفهمين ومتعاونين وتهمهم مصلحة الطالب :d5:

مو جامعه عبدالعزيز الي لو يهمهم اختبروك بالشارع عشان
ما يخسرون ولا يتعبون بشي :017:

على فكره انا السنه الي فاتت درست فيها وندمت على دراستي فيها :bawling:


تحيتي وتقديري ,,,,:106:

مُشِآξـرٌ خِـَجٌـَوُلَـہ 2011- 5- 15 01:25 AM
رد: مكان اختبار طالبات الرياض للرفع والاهمية ..
 
مع اني من الخبـر
بس يووم اشووف ردودكم
حطييـت آوافق بشـده
حسييت بمعاناتكم وقلت خل آشاركم وجدانياً<< بتعيش الدوور:biggrin:

انت من 2011- 5- 15 10:41 AM
رد: مكان اختبار طالبات الرياض للرفع والاهمية ..
 
يستاهلون اهل الرياض دفعه معنوية :53:

الإلكترونية 2011- 5- 15 08:28 PM
رد: مكان اختبار طالبات الرياض للرفع والاهمية ..
 
اطمنوا يا بنات الاختبار مارح يكون في اكاديمية الفيصل هذا الترم ( خبر أكيد )

ولكن ما ادري وين راح يكون

حلمي الامل 2011- 5- 15 09:16 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة m7tar (المشاركة 3483590)
مداخله بسيطه :oao:


اختي حلمي الامل

بالنسبه لجامعه الملك عبدالعزيز ومقر اختباراتهم فهي على حساب الطلاب يدفعون 1000 ريال على كل ترم غير الرسوم 3000 مقطوعه :(177):
فا اتوقع جامعتنا متعاونه معانا بالنسبه للرسوم وهي مجانيه
تكفي هالميزه فيهم :d5:
وبالنسبه للمواقع انتي اتصلتي واكيد ما رح يقصرون ابد انا احسهم متفهمين ومتعاونين وتهمهم مصلحة الطالب :d5:

مو جامعه عبدالعزيز الي لو يهمهم اختبروك بالشارع عشان
ما يخسرون ولا يتعبون بشي :017:

على فكره انا السنه الي فاتت درست فيها وندمت على دراستي فيها :bawling:



تحيتي وتقديري ,,,,:106:

ايه ادري انهم يدفعون 1000 عشان الاختبار
تراني كنت فيها ذا الجامعه
<<< تقصد الملك عبدالعزيز

يعني دايره على جامعات المملكة الحبيبه
ولاادري اين الاستقرار يكون
<<< من زود الدفاره

حلمي الامل 2011- 5- 15 09:17 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة الإلكترونية (المشاركة 3489363)
اطمنوا يا بنات الاختبار مارح يكون في اكاديمية الفيصل هذا الترم ( خبر أكيد )

ولكن ما ادري وين راح يكون

ان شاءالله
وبالنسبه لتغيير المكان فانا من قلت للرجال الي رد علي وانا مستبشره خير

يالله يارب

أنثى غير 2011- 5- 15 10:52 PM
رد: مكان اختبار طالبات الرياض للرفع والاهمية ..
 
يالدوبة ترري مريت يعني سلمي :icon9:

حلمي الامل 2011- 5- 16 01:18 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة أنثى غير (المشاركة 3490637)
يالدوبة ترري مريت يعني سلمي :icon9:

يالله ان تحييتس :53:

عبدالله بن ابراهيم 2011- 5- 16 03:59 PM
رد: مكان اختبار طالبات الرياض للرفع والاهمية ..
 
هلا اختي موضوعك حلو ورائع بس ليتك خليتيه عام للبنات والشباب

حتى حنا مظلومين انا السمستر قبل الي فات بالريان وبعيد عني مره

والي فات ابعد في اقصى شرق الرياض يعني ساعتين عشان اوصل

لو اختبرت بالاحساء والله ابرك لي بسبب الزحمات الي مو طبيعيه

انا اقترح يكون الاختبار بوسط الرياض يعني يصير قريب من الكل بمعني يكون

المسافه مقدور عليها من الكل لااني ساكن اقصى الغرب وشذنبي اقطع الرياض

كلها عشان اجي اختبر كل المعلومات الي بمخي بتطير من الزحمات ومن الشيخ ساهر

وقد كلمتهم وماسووو شي وكان ردهم بمعنى ماودك نجي نختبرك ببيتكم احسن

واحد يرد عليك كذا وش تقول له باللهي !! جد شي يفقع المراره

يعطيك العافيه خيتو بس حبيت افضفض ههههههههههه >>> مغبون

تحياتي ياعسل

حلمي الامل 2011- 5- 16 06:47 PM
رد: مكان اختبار طالبات الرياض للرفع والاهمية ..
 
اقتباس:
المشاركة الأصلية كتبت بواسطة عبدالله بن ابراهيم (المشاركة 3494590)
هلا اختي موضوعك حلو ورائع بس ليتك خليتيه عام للبنات والشباب

حتى حنا مظلومين انا السمستر قبل الي فات بالريان وبعيد عني مره

والي فات ابعد في اقصى شرق الرياض يعني ساعتين عشان اوصل

لو اختبرت بالاحساء والله ابرك لي بسبب الزحمات الي مو طبيعيه

انا اقترح يكون الاختبار بوسط الرياض يعني يصير قريب من الكل بمعني يكون

المسافه مقدور عليها من الكل لااني ساكن اقصى الغرب وشذنبي اقطع الرياض

كلها عشان اجي اختبر كل المعلومات الي بمخي بتطير من الزحمات ومن الشيخ ساهر

وقد كلمتهم وماسووو شي وكان ردهم بمعنى ماودك نجي نختبرك ببيتكم احسن

واحد يرد عليك كذا وش تقول له باللهي !! جد شي يفقع المراره

يعطيك العافيه خيتو بس حبيت افضفض ههههههههههه >>> مغبون

تحياتي ياعسل

الله يعيننا بس ان شاءالله


All times are GMT +3. الوقت الآن حسب توقيت السعودية: 12:21 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه