ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 1 (https://vb.ckfu.org/f310)
-   -   مناقشه بعض مسائل المحاسبه ؟؟؟ (https://vb.ckfu.org/t447556.html)

ام رواني 2013- 4- 20 12:01 AM
مناقشه بعض مسائل المحاسبه ؟؟؟
 
السلام عليكم ورحمه الله وبركاته ...

انا بصراحه ودي الكل يستفيد ونحاول نحل اكثر كميه من المسائل في المحاسبه عشان ترسخ في مخوخنا الماده عدل >>> اهم شي امخوخنا :42:

انا بحط مسئله مسئله واحد يتكرم علينا ويشرح لنا بالتفصيل كيف تنحل هالمسئله وياريت بالتفصيل الممل واذا احد عنده مسائل يحطها بس وحده وحده لما تنحل المسئله الي قبل وتنشرح وياريت الكل يشارك لتعم الفائده للجميع بذات خلاص ما باقي شي علي الامتحانات يلا همتكم

وان شاءالله نحصل متطوع يتكرم ويشرح لنا ونكون له شاكرين ..:27:

دمتم بحب ...:34:

ام رواني 2013- 4- 20 12:08 AM
رد: مناقشه بعض مسائل المحاسبه ؟؟؟
 
وانا اول وحده بحط مسئله وابي احد يشرحها لي بالتفصيل الممل >>> تحب التفاصيل :42:

اذا بلغ رأس مال احدى المنشآت الفرديه في بدايه العام 120 الف ريال ..وحققت المنشأه ارباحا خلال العام 40 الف ريال ...كما بلغت مسحوبات مالك المنشأه من النقديه لأغراضه الشخصيه 20 الف ريال ...في هذه الحاله فأن قيمه حقوق الملكيه في نهايه العام تبلغ ...؟؟؟؟

أم دانه 1 2013- 4- 20 01:34 AM
رد: مناقشه بعض مسائل المحاسبه ؟؟؟
 
١٤٠ الف

لأن رأس المال ١٢٠ الف نضيف له الارباح ٤٠ الف يطلع المجموع ١٦٠ الف

نطرح منها المسحوبات تطلع ١٤٠ الف

ام رواني 2013- 4- 20 05:31 PM
رد: مناقشه بعض مسائل المحاسبه ؟؟؟
 
هلا ام دانه حبيبتي ...

انا مقتنعه بحلج صح بس مو المفروض ان نطبق الحل علي احدى القوانين انا فكرت لازم نتبع قانون معين :42:

علي العموم يسلمووووو حياتي علي مشاركتج الحلوووة :43:

ام رواني 2013- 4- 20 05:37 PM
رد: مناقشه بعض مسائل المحاسبه ؟؟؟
 
نجي الي المسئله الثانيه ....

اذا توافرت لديك المعلومات التاليه عن منشأه صالح التجاريه :

اجمالي المبيعات 440000 ريال ـــ مردودات المبيعات 20000 ـــ مسموحات المبيعات 10000 ريال ــ خصم مسموح به 10000 ريال ـــ تكلفه البضاعه المتاحه للبيع 240000 ريال , من تلك المعلومات فأن قيمه صافي المبيعات تبلغ ؟؟؟؟






يلا ياحلووووين انتظر شرح تفصيل الممل ...:34:

أم دانه 1 2013- 4- 20 06:15 PM
رد: مناقشه بعض مسائل المحاسبه ؟؟؟
 
مافيه قانون يااختي واضحه المسأله لو تقولين شريت بضاعه ب٥٠ وبعتها بربح ٣٠ صار عندك ٨٠ اخذتي منها ١٠ شريتي بها حلاوى يبقى معك ٧٠

أم دانه 1 2013- 4- 20 06:20 PM
رد: مناقشه بعض مسائل المحاسبه ؟؟؟
 
هنا تتبعين قانون اللي هو

صافي المبيعات =اجمالي المبيعات_ مردودات المبيعات_مسموحات المبيعات _الخصم المسموح به


بالتعويض بالقيم


يكون
صافي المبيعات =440000_20000_10000_10000
=400000


عندك فالسؤال كاتب تكلفة البضاعه المتاحه للبيع كمعطى لكن مانستخدمها موجوده لمجرد التمويه بس

ام رواني 2013- 4- 20 08:13 PM
رد: مناقشه بعض مسائل المحاسبه ؟؟؟
 
طيب ان شلون اعرف ان محطوطه للتمويه لان حاط لها قيمه شي طبيعي بتتشتت افكار وبعدين ذي قانون عندنا صافي المبيعات اهو كذا :42:

أم دانه 1 2013- 4- 20 08:20 PM
رد: مناقشه بعض مسائل المحاسبه ؟؟؟
 
حتعرفين لأنك خلاص حافظه وفاهمه ان عندك قانون لصافي المبيعات ينص على ان

صافي المبيعات = اجمالي المبيعات _ مسموحات المبيعات _مردودات المبيعات _ الخصم المسموح به

طالما انها كلها موجوده ولها قيم فالسؤال على طول حتعرفين ان الباقي مجرد زياده مالها داعي

ام رواني 2013- 4- 20 08:21 PM
رد: مناقشه بعض مسائل المحاسبه ؟؟؟
 
يعطيج الف عافيه يا ام دانع ماقصرتي والله


ونجي اللحين للسؤال الي بعده

* باعت منشأه الهدى لمحلات التوفيق بضاعه قيمتها 80000 ريال بخصم تجاري 10% وبخصم نقدي 1% اذا تم السداد خلال اسبوع من تاريخ البيع وقد استفادت محلات التوفيق من مهله الخصم وبتالي فان الخصم النقدي الذي حصلت عليه محلات التوفيق ؟؟؟؟









ننتظر شرحج يالغاليه :34:

ام رواني 2013- 4- 20 08:23 PM
رد: مناقشه بعض مسائل المحاسبه ؟؟؟
 
فديت قلبج يالغاليه تسلمين ماقصرتي ع الشرح

في ميزان حسناتج يارب

أم دانه 1 2013- 4- 20 09:10 PM
رد: مناقشه بعض مسائل المحاسبه ؟؟؟
 
عندك هنا خصمين في نفس الوقت لكن واحد تجاري وواحد مكتسب لأنهم دفعوا فالمده المطلوبه

التجاري كان بداية عملية الشراء


ونحسبه بهالطريقه

سعر الشراء xنسبة الخصم /100


يصير
80000x10=800000
800000\100=8000

المبلغ حيكون


80000-8000=72000


وهم استفادوا من الخصم لأنهم دفعوا فالوقت المطلوب فيكون طبعا خصم مكتسب


ويتم حسابه بهالشكل


72000x1/100
= 720

يعني المبلغ المخصوم هو 720

أم دانه 1 2013- 4- 20 09:13 PM
رد: مناقشه بعض مسائل المحاسبه ؟؟؟
 
:16:
اقتباس:
المشاركة الأصلية كتبت بواسطة ام رواني (المشاركة 8634138)
فديت قلبج يالغاليه تسلمين ماقصرتي ع الشرح

في ميزان حسناتج يارب

واياك يارب
ماسويت شي حبيبتي بالعكس انا اتمنى اساعد واشرح قد مااقدر عشان تستفيدين وغيرك يستفيد

واعتبرها كمان مراجعه لي

ام رواني 2013- 4- 21 12:10 AM
رد: مناقشه بعض مسائل المحاسبه ؟؟؟
 
بصراحه مافهمت المسئله :42:

أم دانه 1 2013- 4- 21 01:50 AM
رد: مناقشه بعض مسائل المحاسبه ؟؟؟
 
شوفي يا حبيبتي المسأله تحتاج تفكير رياضي بحت مافيه أي قانون محاسبي يعني سهله كنك تحسبين كم الخصم اللي حتاخذينه على بضاعه حتشترينها من السوق


لكن حتحسبين الخصم على دفعتين لييييه


لأنك اولا حتحسبين الخصم اللي اخذته المنشأه في بداية عملية الشراء اللي هو الخصم التجااااري

الخصم التجاري هذا خصم أي احد يشتري حياخذه موجود ومحدد فالكتالوجات

يعني حاصل حاصل الله لا يعوق بشر

كيف حتحسبينه ؟؟

هو معطيك السعر الاصلي اللي هو 80000 وقال عليه خصم تجاري 10%

بعدين قال استفادوا من الخصم النقدي وقيمته 1%

احسبي الخصم النقدي


هو عشان يختبر قدراتك وذكائك ماجا واعطاك السعر النهائي من البدايه وقال احسبي الخصم اللي استفادوا منه عشان سدووا عالوقت


لاااا اعطاك السعر الاساسي وقال عليه خصم تجاري وبعدين استفادوا من الخصم النقدي


فلازم انتي عشانك ذكيه وعارفه الخطوات كويس


تحسبين اول الخصم التجاري وتخصمينه من السعر الاساسي عشان يطلع معك السعر النهاىي بغض النظر عن الخصم النقدي اللي هو الخصم المكتسب



تقولين 80000x10=800000
800000/100

=8000

80000-8000=72000




اذا السعر اللي مطلوب منهم يدفعونه هو 72000

وبما انهم دفعوا خلال الفتره المطلوبه فحيكون لهم خصم مكتسب نسبته 1%


كيف تطلعينه؟؟

بنفس طريقة حساب الخصم التجاري مافيه تغيير ابد


72000x1=72000
72000/100
=720


وهذا هو قية الخصم المكتسب 720



القانون اللي تحسبين فيه الخصم سواء تحاري او مكتسب او مسموح به هو وااااحد


اللي هو



(السعر الاساسي المعطى x النسبه المعطاه
والناتج تقسمينه على 100)

اذا مافهمتي عادي قوليلي وحاعيد لك الين تفهمين باذن الله

ام رواني 2013- 4- 21 03:55 AM
رد: مناقشه بعض مسائل المحاسبه ؟؟؟
 
لا تقريبا فهمت والله ماقصرتي يعطيج الف عافيه يالغلا :43:

أم دانه 1 2013- 4- 21 04:01 AM
رد: مناقشه بعض مسائل المحاسبه ؟؟؟
 
الله يعافيك يا حبيبتي

أي شي تبغينه نحن بالخدمه :16::16:

ام رواني 2013- 4- 21 04:04 AM
رد: مناقشه بعض مسائل المحاسبه ؟؟؟
 
نجي لسؤال الي بعده ياعسل :34:


* رفضت محلات الهدى سداد الكمبياله المستحقه عليها للمنشأه والتي تبلغ قيمتها 40 الف ريال ,وقد قامت المنشأه باتخاذ الاجراءات النظاميه لأثبات الرفض وتحملت مصاريف قضائيه بلغت 200 ريال كما اتفقت المنشأه مع محلات الهدى علي سحب كمبياله جديده تستحق بعد ثلاث شهور مع احتساب فوائد بمعدل 10 % سنويا في هذه الحاله فإن قيمه الكمبياله الجديده هي ؟؟؟

ام رواني 2013- 4- 21 04:07 AM
رد: مناقشه بعض مسائل المحاسبه ؟؟؟
 
اقتباس:
المشاركة الأصلية كتبت بواسطة أم دانه 1 (المشاركة 8636974)
الله يعافيك يا حبيبتي

أي شي تبغينه نحن بالخدمه :16::16:



ماتقصرين يالغلا كلج خير وبركه وهذا عشمي فيج ...

ماشالله عليج شكلج دارسه الماده وفاهمتها الله يوفقج حياتي ...

وان شالله علي يدج افهمها انا بعد :24:

أم دانه 1 2013- 4- 21 04:11 AM
رد: مناقشه بعض مسائل المحاسبه ؟؟؟
 
اقتباس:
المشاركة الأصلية كتبت بواسطة ام رواني (المشاركة 8636991)
ماتقصرين يالغلا كلج خير وبركه وهذا عشمي فيج ...

ماشالله عليج شكلج دارسه الماده وفاهمتها الله يوفقج حياتي ...

وان شالله علي يدج افهمها انا بعد :24:
ان شاء الله باذن الله

انا فالبدايه كنت مو فاهمه فيها شي ابببد بعدين مع الدكتور خطوه خطوه حبيتها من كلللل قلبي


ربي يوفقك ويوفقنا جمييعا ويفيدنا بما نتعلم دنيا وآخره :1::16:

ام رواني 2013- 4- 21 06:28 PM
رد: مناقشه بعض مسائل المحاسبه ؟؟؟
 
يانري وين راحت الاخت ام دانه :(107):

أم دانه 1 2013- 4- 21 06:43 PM
رد: مناقشه بعض مسائل المحاسبه ؟؟؟
 
اقتباس:
المشاركة الأصلية كتبت بواسطة ام رواني (المشاركة 8640461)
يانري وين راحت الاخت ام دانه :(107):
انا هوووون :love080::16.jpg:

ام رواني 2013- 4- 21 07:47 PM
رد: مناقشه بعض مسائل المحاسبه ؟؟؟
 
حمدالله ع السلامه :biggrin:

ماشرحتي المسئله الاخيره ياقلبي :060:

أم دانه 1 2013- 4- 21 08:43 PM
رد: مناقشه بعض مسائل المحاسبه ؟؟؟
 
:16.jpg:والله العظيم توووني انتبه لها معليش آسفه عالتأخير حبيبتي


الحين اشرحها بس خليني اعطي دانتي الفرينش فرايس<<< مانقدر نزعل الشيخه دانه

أم دانه 1 2013- 4- 21 08:52 PM
رد: مناقشه بعض مسائل المحاسبه ؟؟؟
 
اقتباس:
المشاركة الأصلية كتبت بواسطة ام رواني (المشاركة 8636984)
نجي لسؤال الي بعده ياعسل :34:


* رفضت محلات الهدى سداد الكمبياله المستحقه عليها للمنشأه والتي تبلغ قيمتها 40 الف ريال ,وقد قامت المنشأه باتخاذ الاجراءات النظاميه لأثبات الرفض وتحملت مصاريف قضائيه بلغت 200 ريال كما اتفقت المنشأه مع محلات الهدى علي سحب كمبياله جديده تستحق بعد ثلاث شهور مع احتساب فوائد بمعدل 10 % سنويا في هذه الحاله فإن قيمه الكمبياله الجديده هي ؟؟؟
عندك هنا منشأه رفضت تسدد فتم رفع دعوى عليها وبعدين تأدبت وقالت طيب خلاص حاسدد بس برضو اسحبوا علي كمبياله ثانيه


هنا حيكون عليها دفع المبلغ الاصلي وفوقه المصاريف القضائيه وفوقها نسبة فوائد قيمتها 10%


كل شي واضح معنا لكن الفوائد هنا هي اللي مو واضحه كيف نحسبها؟؟؟


عندنا هنا قانون واضح اللي هو


المبلغ الاساسي xالنسبه xعدد الشهور/12


ليش 12 لأنه عدد شهور السنه



بالتعويض حيكون التالي


40000x10%x3\12


عشان تعرفين تحلين جبيها بالترتيب

10/100=0.1
3/12=0.25

40000x0.1x0.25=
1000


1000<<< نسبة الفوائد


انتبهي هنا لسا ما خلصنا لأن المطلوب مننا هو قيمة الكمبياله الجديده


وحتكون كالتالي


المبلغ الاساسي +المصاريف القضائيه +نسبة الفوائد


=40000+200+1000

41200<<< قيمة الكمبياله الجديده

ام رواني 2013- 4- 22 12:16 AM
رد: مناقشه بعض مسائل المحاسبه ؟؟؟
 
اولا : الله يخلي لج دندونه وتشوفينها عروووس يارب وتعزميني علي عرسها :mh318:هههه

وثانيا : يعطيج العافيه ع الحل والشرح الحلو مثلج

وثالثا : نجي للمسأئله الي بعدها ...:16.jpg:


* خصمت المنشأه كمبياله محلات الرضا بمبلغ 60 الف ريال استحقاق ثلاث شهور لدي بنك الرياض وذالك مقابل مصاؤيف خصم بمعدل 6% سنويا في هذه الحاله فإن المبلغ المضاف لحساب المنشأه في البنك هو ؟؟؟

أم دانه 1 2013- 4- 22 12:39 AM
رد: مناقشه بعض مسائل المحاسبه ؟؟؟
 
اقتباس:
المشاركة الأصلية كتبت بواسطة ام رواني (المشاركة 8643410)
اولا : الله يخلي لج دندونه وتشوفينها عروووس يارب وتعزميني علي عرسها :mh318:هههه


وثانيا : يعطيج العافيه ع الحل والشرح الحلو مثلج

وثالثا : نجي للمسأئله الي بعدها ...:16.jpg:



* خصمت المنشأه كمبياله محلات الرضا بمبلغ 60 الف ريال استحقاق ثلاث شهور لدي بنك الرياض وذالك مقابل مصاؤيف خصم بمعدل 6% سنويا في هذه الحاله فإن المبلغ المضاف لحساب المنشأه في البنك هو ؟؟؟


ياااااربي ا كرريييم ويخلي لك غالي

اعزمكم كللكم يا اصدقاء الجامعه باذن الله

نجي لحل المسأله


هنا اولا تحسبين مصاريف الخصم وحسابها مايختلف ابد عن طريقة حساب نسبة الفوائد نفس الطريقه

السعر الاساسي xنسبة الخصم xعدد الشهور/12


بالتعويض يصير


60000x6%x3/12

اولا احسبي 3/12=0.25
6/100=0.06

بعدين ارجعي اضربيهم في بعض مع المبلغ الاساسي


60000x0.25x.06=900


الحين ترجعين تطرحين الناتج من المبلغ الاساسي عشان يطلع لك المبلغ النهائي اللي حتحصله المنشأه


60000-900=59100<< هذا المبلغ

ام رواني 2013- 4- 22 01:22 AM
رد: مناقشه بعض مسائل المحاسبه ؟؟؟
 
يعطيك الف الف عافيه ماقصرتي :(204):

حاليا ماعني اسئله بس احصل مسئله بجيلك ركض :33_asmilies-com:

انتي وين راح تختبرين في اي منطقه عشان يمكن نلتقي ان شاءالله :119:

أم دانه 1 2013- 4- 22 01:31 AM
رد: مناقشه بعض مسائل المحاسبه ؟؟؟
 
ولااااااا يهمك في أي وقت انا حاضره

انا فالرياض بالتحديد جنوب الرياض

بشري عساك معي :icon9:

ام رواني 2013- 4- 22 02:51 AM
رد: مناقشه بعض مسائل المحاسبه ؟؟؟
 
للأسف لاااا انا بالشرقيه

الاحساء :verycute:

أم دانه 1 2013- 4- 22 03:46 AM
رد: مناقشه بعض مسائل المحاسبه ؟؟؟
 
اقتباس:
المشاركة الأصلية كتبت بواسطة ام رواني (المشاركة 8644247)
للأسف لاااا انا بالشرقيه



الاحساء :verycute:

:icon9:قهر

الله يوفقك وييسر لك حبيبتي


All times are GMT +3. الوقت الآن حسب توقيت السعودية: 02:20 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه