ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 1 (https://vb.ckfu.org/f310)
-   -   مستقبل آدارة الاعماال للبنات (https://vb.ckfu.org/t380163.html)

عِصآميهة 2012- 10- 12 06:36 AM
مستقبل آدارة الاعماال للبنات
 
آلسلاام عليكم ورحمةة الله وبركاته "


صبآحكم ومسائكم ورد :16:

كثر الكلاام حوليُ عن دراستيُ وتخصصيُ :36:

قآلوا تعليم عن بعد شهاادهه غير معترف بهااَ :28:

بحثت ولقيت الحمدلله آنو الشهادهه معترف بهاا ومافيه فرق بيناا وبين الانتظام ف التوظيف الاا ب وزارة التربيه تعقد شوي قلت آوكِ حلو كمليُ يابنت ولاا تهتمين :27:

رجعوآ وقالوآ آدآرة اعماال لـ البنت ماله مستقبل المستقبل والمجالات كلهاا مفتوحهه لـ العيال :44:

زبدة الموضوع آبيُ آللي عندهه خبرهه ومتأكد من كلاامه يعطينيُ الجوآب الاكيد ( له مستقبل للبنت والاا لاا !!؟ )

وآذآ له وش المجالات اللي تقدر تتوظف فيهاا !!؟


ترى باقيُ بينيُ وبين التحطيم شعرهه :44:


آبي مشورتكم ، وشكراً لكم ..~ :16:

هتان 2 2012- 10- 12 08:49 AM
رد: مستقبل آدارة الاعماال للبنات
 
اختي ادارة اعماال شهادتها معتررفه هذي اول نقطه وثاني شي الارزااق بيد الله سبحاانه انتي عليكي الاجتهاد والمثابره وتعلم وبعد ماتمسكي الشهاده لكل حادث حديث اول شي انتي امسكي شهاده وبعدين شووفي وين تشتغلين فيه خلي في بالك ان شهادة ادارة اعمال تقبلك البنووك والمستشفيات مافي احلى من هيك وبتووفيق ياغلا

أمنية أحمد 2012- 10- 12 09:09 AM
رد: مستقبل آدارة الاعماال للبنات
 
أنا دايم أقول الى بناتي وأخواتي خلو بكاليريوس أو دبلوم ادارة الأعمال تخصص ثاني بعد ماتحصلو على شهادة توظفكم لكن اللي أتوقعه الآن أن الفرص القادمة أكبر بالنسبة للوظائف هذه الأيام والدليل أن هناك الكثير من الوظائف الإدارية نزلت مؤخرا لبنات أعرفهم عن قرب ،، ثانيا وليس آخرا أنصح كل بنت وكل ولد بالنظر الى الأمام والطموح الى الأعلى في الدراسة فكل تخصص له مستويات فلا تكتفي بالبكالريوس فهناك سلم طويل اصعدي حتى تصلي ولا تيأسي أبدا ،، بالتوفيق:17:

fairuz 2012- 10- 12 09:24 AM
رد: مستقبل آدارة الاعماال للبنات
 
لا تأسين ولا تفشلين كملي ..

مطلوب بالبنك مرررررررره

اغصان الشمال 2012- 10- 12 12:18 PM
رد: مستقبل آدارة الاعماال للبنات
 
مجالات العمل المتاحة لخريجي
قسم إدارة الأعمال في الأتي:

1 ـ مشرف الإداريون.


2 ـ مدير الخدمات العامة.


3 ـ باحث و أخصائي التطوير الإداري.


4 ـ باحث و أخصائي التخطيط و الميزانية.

5 ـ باحث و أخصائي الإحصاء.


6 ـ مفتش إداري.

7 ـ مراقب شئون الموظفين.


8 ـ مدقق شئون الموظفين

9 ـ مدقق الرواتب .


10 ـ باحث و أخصائي شئون الموظفين.


11ـ باحث و أخصائي التدريب.


12 ـ مدقق المناقصات.


13ـ أمين المستودعات.


14ـ مدقق المشتريات.


15ـ مشرف المخازن.


16 ـ باحث و أخصائي البريد


17ـ القيام بأعمال الاستشارات في القطاع الخاص
ولاتنسي مطلوبه بالوظائف الاداريه الحكوميه وايضا بالبنوك والشركات

iTariQ 2012- 10- 12 01:04 PM
رد: مستقبل آدارة الاعماال للبنات
 
والله يا اختي من وجهة نظري المتواضعة ان المرأة السعودية راح يكون مستقبلها الوظيفي وتحديدا الاداري كبير جدا

والسبب هو الانفتاح التدريجي للمجتمع

وزي ما قالت احد الاخوات انتي اجتهدي وثابري والرزقعلى الله

مُتأمل 2012- 10- 12 01:05 PM
رد: مستقبل آدارة الاعماال للبنات
 
من باب الشفافية =

و الله شوفي فيه قريبة لي كان تخصصها ادارة اعمـــــــــال
بعدين غيرت إلى تربية خاصة ، تقول التربية الخاصة مجالها حلو للبنات بشكل خاص

ولا راح ازيد على كلام الشباب ما قصرو

انتي كملي السنة هذي و استخيري ربك عليك بالاستخــــــــــارة قبل كل شي صدقيني راح تحسين بشئ
يقودك و يوجهك للوجهة الخير لك ،ـ

الاستخارة تكون بإستمرار و بيقين ،ـ

وقبل كل شيء رددي هذا الدعــــــــاء { سبحان الله سيؤتينا الله من فضله إنا الى الله راغبون }

دعاء رهيب و قيّم ،ـ

اسأل الله لكِ التوفيق و السداد ،ـ :16:

نوني* 2012- 10- 12 01:22 PM
رد: مستقبل آدارة الاعماال للبنات
 
مشاء الخير ياحلوين :16:وجمعه مباركه للجميع انشالله مجالها حلو با التوظيف ادارة الاعمال ربي ييسر امرنا يارب شوفي لو ربي مو رايدلك الخير فيها صدقيني بيصير اي شي يبعدك عن دراستك هذي بس اذا قلتي يارب اتكالي عليك لا على احداً سواك ربي بييسر طريقك انشالله وبيختارلك الخير اكيد وربي لا يضيعلنا تعب يارب :2:

مسافر بلا عنوان 2012- 10- 12 01:28 PM
رد: مستقبل آدارة الاعماال للبنات
 
لا حد يحطمك الله يرحم والديك
شوفي لو تسمعي لكلام الناس مشكله
انتي خلي هدفك هو الدرااااسه والمال والوظيفه بيد الله
كم يا ناس درسو وتعبو وتوظفو بأماكن ماهي بمستوى دراستهم وفي ناس ما عندهم سالفه ولا درسو ولا شي وتلاقينهم موظفين بارقى الشركات وتلاقين رواتبهم ضاربه فوق

ف عشان كذا والزبده من الهرج الفاضي اللي صار لي ساعه وانا اكتبه
خلي املك با الله كبير وتأكدي ان الارزاق بيد الله

ايوه نسيت اقول لك

الحين انا متأكد بعد كلامي معنويتك بتضرب فوق هع

سلام

زمرد :$ 2012- 10- 12 02:23 PM
رد: مستقبل آدارة الاعماال للبنات
 
ماعليك من احد

توكلي على الله وبس
وكملي
ادارة الاعمال شي حلو حلو مره
صدقيني بتلقين لك بكل مكان وظيفه
هالمجال مطلوب حيل هالأيام
الله يوفقنا جميعاً
اهم شي خليك متوكله على لله ولايهمك كلام احد

روحـــ عذاب ــي 2012- 10- 12 03:06 PM
رد: مستقبل آدارة الاعماال للبنات
 
كل كلام الاخوان والخوات << جميل جدا

وحبيت اضيف عى اللي قالوه حتى لو ماتوظفتي في مكان معين
تساعدك بأنشاء المشاريع والتطور المهني
وغير كذا بدت تنفتح اقسام نسائيه كثيره
ومازلت بتقدم :17:

ربي يرزقنا بالوظيفة اللي تناسبنا ونتمناها
<<< يارب يجي اليوم اللي ارفع فيه راس امي :1:

يارب الكل يرزق بمايتمناه
ويسهل لنا دروبنا

بالتوفيــــــــــــــــــــــق :16:

al65amah 2012- 10- 12 03:38 PM
رد: مستقبل آدارة الاعماال للبنات
 



^
يآلبى قلبببك آمييين يآرب ، :43:
وكل كلآم آلآخوآن وآلآخوآت صصصح ،
تخصص آدآرة آعمآل تخصص ممتآز وفي وقتنآ هذآ موجود كثييير في مجآلآت كثير وآلرزق من آلله وآهم شي آلشهآده آخذيهآ آول :17:
ومثل مآقآلك آخونآ متأمل آستخيري ربببك ،
وآلله يكتب آللي فيه آلخير لك ولنآ وللجمميع ،
ويرزقنآ آلوظيفه آللي ترفع آلرآس :1::1:
ربي يوفقككمممم ، :16:

أشواااااق 2012- 10- 12 03:44 PM
رد: مستقبل آدارة الاعماال للبنات
 
مو ب لآزم تتوظفين ب مكان !
تقدري تعملي مشروع لك بنفسك !
مثلا عندك أي هوايه أو مهنه تنمّينها وتبدي تديري حالك وتطوري مشروعك ,



خليك من المستقبل ف كنا نجهله
شدّي حيلك وفالك التوفيق من ربي :37:

بيـان 2012- 10- 12 04:22 PM
رد: مستقبل آدارة الاعماال للبنات
 
عزيزتي ..

عندك خيارين

1- تسمعين كلام الناس وتتركين الدراسه وتجلسين بالبيت

<~ وعلى فكرة لجلستي بالبيت الناس ماراح تصرف عليك

2- ولا تستخيربن وتدرسين وتكون عندك شهاده

انا العام الماضي سمعت كلام الناس وجلست بالبيت من كثر ماوسوسو لي .

السنه هذي قالولي كلام كثير بسس ماسمعت لأحد ..

ماحد بيدفع غيري وبيتعب وبيدرس غيري خلاص انا راضيه

:17:

عالأقل لمرت السنين ماراح تندمين على انك اخذتي شهاده حتى لو ماستفدتي منها

بسسس بتندمين للقيتي فرص وانتي بدون شهاده

ولعتزتي بيوم تكون عندك شهاده تنفعك

اهـات 2012- 10- 12 04:50 PM
رد: مستقبل آدارة الاعماال للبنات
 
السلام عليكم
يسعد مسائكم
احب اقولكم شغله يمكن الاغلب ماعرفها
انا اشتغل في مدرسه اداريه
كنت السنه الي فاتت مقدمه انساب في جامعة طيبه
ولمى سمعت هذا القرار سحبت ملفي وقدمت في جامعة الملك فيصل
والقرار هو انه شهادة الانساب العادي ماتقبلها الوزاره في التوظيف
وانا ابي شهاده تفيدني في شغلي الي يطلبونه شهادة انساب عن بعد لان تعتبر زي الانتظام
وكثير عندي معلمات شهادة الانتساب مانفعتهم ولا رقتهم في مجال سلمهم الوظيفي
هذا الي حبيت اوضحه لكم بنسبه لنا كـ بنات الاغلب يفضل يشتغل في مجال التعليم الوزاري
:2::16::2:

شخصية مجهولة 2012- 10- 12 05:10 PM
رد: مستقبل آدارة الاعماال للبنات
 
لا لا لتحطيم

واصلي تعليمك وبدون النظر لنقد الغير


والرزق عند ربنا سبحانه

وابدلي مجهودك وباذن الله ربي مايضيع لك تعب

UNO_0 2012- 10- 12 05:18 PM
رد: مستقبل آدارة الاعماال للبنات
 
هذه الايام اصبحت الشركات الكبرى
توظف العنصر النسائي بكثره
بل وتفضله على العنصر التمساحي
وفي نظري انا شخصيا الشهاده سلاح
حتى لو لم تستفيدي منها في وظيفتك
فـ ثقي انك استفدتي كم هائل من المعلومات
التي بالتاكيد سوف تفيدك في امور الحياه

وايــــــه :: وتيتا تتــا والحياه بسيطه وسهله على قولة حنفي

Eimy 2012- 10- 12 05:32 PM
رد: مستقبل آدارة الاعماال للبنات
 
اقتباس:
من باب الشفافية =

و الله شوفي فيه قريبة لي كان تخصصها ادارة اعمـــــــــال
بعدين غيرت إلى تربية خاصة ، تقول التربية الخاصة مجالها حلو للبنات بشكل خاص

ولا راح ازيد على كلام الشباب ما قصرو

انتي كملي السنة هذي و استخيري ربك عليك بالاستخــــــــــارة قبل كل شي صدقيني راح تحسين بشئ
يقودك و يوجهك للوجهة الخير لك ،ـ

الاستخارة تكون بإستمرار و بيقين ،ـ

وقبل كل شيء رددي هذا الدعــــــــاء { سبحان الله سيؤتينا الله من فضله إنا الى الله راغبون }
المشكله ان التربيه الخاصه مقفله من سنتين !

يعني مافي مجال ولا كنت ابيها :7:

ربي يسهل ومشكورة ياصاحبه الموضووع قلتي شي بنفسي كنت افكر فيه من زمان:2:

عِصآميهة 2012- 10- 12 09:49 PM
رد: مستقبل آدارة الاعماال للبنات
 
يعطيكم آلف عاافيه ومآقصرتوآ والحمدلله ريحتونيُ وطمنتونيُ "


وآناا ماخترت هـ التخصص آلاا آنيُ شايفه نفسيُ فيهه آكثر ، وكلاام آلنااس وترنيُ شويُ مع آنيُ عاارفه آنو ب الاول والاخير هو حسسد :36:

ورضاا النااس غايه لااتدركك ..~

وآلدعاء اللي قآله آحد الاخوآن ( حسبناا الله سيؤتيناا الله من فضله وآناا الى الله رآغبون ) دعاء آرددهه ف كل صلااه ونتايجه فعلااً عظيمه آنصح الاخوان دائماً بترديدهه "

ومشكورين وآلله يوفقناا فيماا يحبه ويرضااهه ..~

زيزو الوايليه 2012- 10- 12 11:28 PM
رد: مستقبل آدارة الاعماال للبنات
 
الحين الاداره ماله مستقبل؟!!! تخصص حلو ومطلوب بكل مكان مدارس وجامعات و شركات وبنووك وغيرها .. بعدين لايههمك تخرجي وراح ناسس شركتنا الخاصه انا وانتي وباقي البناات وبيكون لنا اسم وسمعه بالسوق ع الصعيد العربي والعاالمي ان شاء الله ..:21: ترا الاحلام جزء من الواقع اذا ثابرنا ع تحقيقها !!!!!

نوره المـري 2012- 10- 12 11:44 PM
رد: مستقبل آدارة الاعماال للبنات
 
وش يعني ماله مستقبل ؟؟؟؟؟
يعني لو دخلت اي تخصص ثاني وتخرجتي مدرسه وجلستي ف البيت عشره سنين الين تجيكي وظيفه زي كثير غيرك
هذا يعني مستقبل ؟؟؟
اقل شى ادارة الاعمال اقدر اتوظف ف اكثرر من مجال ماني محصوره في مجال واحد لتوظيف >>منفعله لاني تحطمت مثلك :39::24:
الين متى والبنات بس لتدريس
كملي وما عليك كلام الناس ما يودي ولا يجيب ونصيحه لا تغيري التخصص
>>تعبت :44::24::10:

لوجي الشرقية 2012- 10- 12 11:47 PM
رد: مستقبل آدارة الاعماال للبنات
 
شعور كريه صحح :(

الموضوع كله : نصيب
والاداره تخصص متعدد المجالات , من بنوك ’ شركات ,جامعات ,الى آخره
بينما بقيه التخصصات مقتصره ع فرع او ففرعين

لذآ كانت الاداره حل . ولو تخصصتي بقسم ثاني
هل تظمني وظيفه , اصل الباقيه مقتصره ع الوزاره التعليم
وزي مآ انتي شايفه كيف البطاله عندهمم

هذآ انا قدامك معي انتظام وبكآلوريس ولآ توظفت
ويمكن آتوظف ب شهاده ع بعد ..,!!
الامر / تحت مشيئة الله

purity,, 2012- 10- 13 03:19 AM
رد: مستقبل آدارة الاعماال للبنات
 
كل شي بقضاء الله وقدره... بس انتوا توكلوا على ربكم بصدق وراح يرزقكم باللي تبونه. . مع الاخذ بالاسباب طبعا. . ربي يوفقنا اجمعيييييييييين..

Nana1412 2012- 10- 13 03:41 AM
رد: مستقبل آدارة الاعماال للبنات
 
تفائلو بالخير تجدوه ...:21:

صمت الاهات 2012- 10- 13 09:20 AM
رد: مستقبل آدارة الاعماال للبنات
 
ماشاء الله ترفعون معنويات الواحد بس الخوف نخسر فلوس وندرس ونتعب ولا نلقي في هذا المجال بحكم انا مجتمع محافظ ويصير خسرنا فلوس وسنين من عمرنا وبعدين ندور مجال ثاني ندرسه

iTariQ 2012- 10- 13 09:57 AM
رد: مستقبل آدارة الاعماال للبنات
 
اقتباس:
المشاركة الأصلية كتبت بواسطة صمت الاهات (المشاركة 7401150)
ماشاء الله ترفعون معنويات الواحد بس الخوف نخسر فلوس وندرس ونتعب ولا نلقي في هذا المجال بحكم انا مجتمع محافظ ويصير خسرنا فلوس وسنين من عمرنا وبعدين ندور مجال ثاني ندرسه
اسمحي لي اختي اخالفك الرأي تماماً

بالنسبة للخسارة بالفلوس زي ما تقولي فالعلم ليس به خسارة ووالله اني اقول الكلام وانا بمنصب ممتاز جداً والحمد لله ولا حاجة لي باكمال الدراسة الا لطلب العلم اولاً .

اما من ناحية مجتمع محافظ فالحمد لله ان محتمعنا حتى وان تفتح فهو محافظ , ومن خلال خبرتي بالعمل لسنوات ليست بالقليلة وليست بالكثيرة ايضاً أجد ان مجالات العمل للمرأة حالياً بدأت تكثر وتكبر , وأصبح دورها لا ابالغ ان قلت قيادي في بعض القطاعات والتي اتعامل كثيراً معها مع التمسك بالمحافظة على عاداتنا .


كلامي والله ليس رفع معنويات فقط بل هو واقع اتعايشه .

ودمتم بود ,,,

نوره المـري 2012- 10- 13 11:05 PM
رد: مستقبل آدارة الاعماال للبنات
 
اقتباس:
المشاركة الأصلية كتبت بواسطة صمت الاهات (المشاركة 7401150)
ماشاء الله ترفعون معنويات الواحد بس الخوف نخسر فلوس وندرس ونتعب ولا نلقي في هذا المجال بحكم انا مجتمع محافظ ويصير خسرنا فلوس وسنين من عمرنا وبعدين ندور مجال ثاني ندرسه


اوك يا قمر اعطيني مجال او تخصص مضمون 100\100 انك اول ما تتخرج تلاقي فيه وظيفه وانا ابحول معاك فيه
القصه كلها قسمه ونصيب
بعدين الواحد لازم يتميز شويتين يعني مو لازم اتخصص مجال اطلع منه مدرسه؟؟ليه هذا التفكير
حلو افكر انا بدرس واخلص وافنح مشروعي مثلا بسوي شى غير ...

بعدين وش سالفة مجتمع محافظ ؟؟؟؟؟وش دخل ادارة الاعمال ب مجتمع محافظ >>>>سمعتها كثيييييييييييييييييييييييييييييييير؟؟؟؟؟؟؟

nsam 2012- 10- 13 11:28 PM
رد: مستقبل آدارة الاعماال للبنات
 
:17:

عِصآميهة 2012- 10- 14 12:06 AM
رد: مستقبل آدارة الاعماال للبنات
 
مشكورين على رفع المعنويات وعلى حمااسكم وآناا متأكدهه آنو كثيير بناات سمعوا نفس الكلاام آللي سمعته ولكن خلوناا متفائلين ونكسر خشومهم :27:

زيزو خلااص موآفقه قودآم ههههههههههههههههه
بس آهم شيء دراستناا وفلوسناا ماتروح خساارهه < محوشتهاا من حاافز :39:

وآلله يوفقناا ..~ :16:

محتارهـ 2012- 10- 18 06:42 PM
رد: مستقبل آدارة الاعماال للبنات
 
:2:التخصص رائع جداء


All times are GMT +3. الوقت الآن حسب توقيت السعودية: 05:59 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه