|
رد: باقي شوي وابكي :(
وبعدين الي يقولون لي كملي دراسات وبعدين ادرس اداره انتساب هنا معليش معليش مافي امل ههههههههههه
يعني ليه اتعب نفسي دراسات واداره ؟؟ الي يقول فيه مواد دين وعربي شفت المقررات مافي الا ماده عربي اول شيء ومادتين دين ولا ؟؟؟ |
رد: باقي شوي وابكي :(
وبعد الي يقول حولي انتظام ودي والله بس انا بالرياض مايمدي اروح الدماام ابد ,,
|
رد: باقي شوي وابكي :(
والشيء الي متعبني نفسيا كثير كل العالم يسألوني وش تخصصك اقول دراسات اسلاميه ويستغربون يحسبوني كسلانه وربي اتحطم ,,
ولا كل ماسويت شيء قالوا ماشاء الله هذي الدراسات ! يعني من جد من كل النواحي اشياء شينه :( انا ابي اعرف انتو مرتاحين فيها او لا ؟؟؟ |
رد: باقي شوي وابكي :(
الطموح اذا عدى عليه ثلاث سنوات يموت ولو رجع بعد فترة مستحيل يرجع مثل أول
يمكن يصير تحمس شهر واو شهرين بس بيرجع يموت نصيحتي لك دام طموحك عالي اختاري احد الطريقين بأسرع وقت وأمر حازم يا تكملين بجامعتك او تنتقلين لكن مضيك بجامعتك 4 مستويات دليل على تقبلك الادبي بشكل ممتاز صدقيني بكل مكان توجد صعوبة سواء بالادبي والا بالادارة او بالعلمي والان بزمننا هذا نوع الشهادة ماهي مهمة اهم شئ ( الواسطة ) وهذا الاكيد رائي شد حيلك بطريقك وكملي والله يجعل النجاح حليفك نصيحة مهمة لك ( أحبي تخصصك يسهل عليك ) لاتنظرين لسلبياته لان مو وقت التفكير الأن وقت التفكير بالسلبيات والايجابيات انتهى والسنين تحسب من عمرك كممممممملي يا بنت الحلال وأبشرك حافز مو سنة وحدة وبس لا حتى يحصلون لك وظيفة ولو تخرجتي قاضية او كاتبة عدل بيحصلون لك تحياتي لك:rose: |
رد: باقي شوي وابكي :(
وجهة نظري ان قدرتي تكملي زين على زين << وبعدها تقدرين تاخذين الماستتر من اي جامعة واي تخصص تبينه هذا اذا كان طموحك عالي واهم شي طبعاً لتكمله الماستر النسبه الكويسه والتخصص مفتوح للماستر , اما الدكتوراه يحدد تخصصه الماستر ما تقدرين تغيرين الشي الثاني واحب اصحح للبعض ان دراستنا " تعلــيم عن بعد " << غير الانتساب وافضل ك مستقبل ومعترف فيه من قبل الدوله والجامعات اللي مطبقته ( أنا موظف حكومي والدوله معترف بجامعة الملك فيصل ك شهاده ) , واللي حاب يتأكد يسمع برنامج الثانيه اللي كان يجي في mbc مع داوود الشريان جاب حلقه كامله عن التعليم عن بعد والاعتراف فيه وكان معه مسؤل من جامعة الملك عبد العزيز واشخاص ثانيه نسيتهم والله " المهم اللي ودي ياخذ خلفيه يدخل موقع الmbc ويبحث عن الحلقه او تلقونه في اليوتيوب الشي الثالث / حسب علمي والله أعلم انك تقدرين تعادلين المواد اللي خذتيها اتصلي على نفس الجامعه وتأكدي بنفسك احسن وهم يعطونك الخبر الأكيد وكيف طريقة معادلة المواد او الاترام :106:والله يوفقنا وياك يارب :106: |
رد: باقي شوي وابكي :(
اختي ابتسام
بعطيك الكلام من الاخر على استفسارك بالضبط وانتي ماشاءالله عاقله وفاهمه ومن كلامك انك طالبه مجتهده ومتفوقه بالمواد العلميه جامعة الملك فيصل بنظام التعليم عن بعد تعتبر بالتصنيف الاول على جميع الجامعات بالخليج والعالم العربي وخاصه انه تغطي جميع المناطق بمراكز اختبارات النقطه الثانيه وهي نظام اعمال السنه وهذي مهمه للطالب وخاصه الطالب الي يبي نجاح بس مايهمه معدل وتفيد كذالك الطالب الي يبي معدل لانه يظمن 30 درجه اعمال سنه اذا انتي حابه ادارة اعمال وماحصلتي لك قبول بجامعه بالرياض بأنتظام لا تفكرين الا بجامعتنا >>>صارت لهم الجامعه التسجيل جدآ بسيط والقبول كذالك شبه مظمون والدراسه جدآ ممتعه وحنا ترانا اغلبنا ماذكرنا او طبعنا ملخصات الا قبل الاختبار بأسبوع لكن كل واحد هو وضروفه احد يبي الشهاده علم واحد يبيها تنفعه بوظيفته واحدن يبيها علشان يقدم على وظيفه واحدن هاوي الدراسه ويبي شهاده واحدن يبيها للشغله الخاص كلن على حسب توجهه بالتوفيق يارب |
رد: باقي شوي وابكي :(
خيييييييتووووو دراستنا جداا ممتعه :(204): بس البلاء فييينااا < ماندرس اوول باأووول ,‘ حسب كذا نحس بصعوووبه :Cry111:
الى الان تممممام بالاختبارات معاد الا هالدوووغان :017:> وابشرك الشعب كله مزفت في هالاختبار ووو من رايييي لاتكملييييييييييين في الدراسات < لانو ماله مستقبل , يعني تصرين معلمه بسس واذا ماحصلتي وظيفه تجلسيييين في البيييييييييييييييت :Looking_anim:يعني تعب كل السنوات يرووح هدر ؟؟ ادارهـ الاعمال لها مستقببببببببببببببببببببببببببببل ححلووووووووووو وترا دراستنا تعلييم عن بعد < رووووعه كاأنك تدرسين بجد :biggrin: |
رد: باقي شوي وابكي :(
( وعسى ان تكرهو شيئا وهو خير لكم وعسى ان تحبوا شيئا وهو شر لكم )
نصيحة مني من اخت .. دامك بديتي بشيء كملي فيه ومابقى لك شي حرام .. تضيعين بين شيئين وتضيعين عمرك ودراشتك ذي كلها تروح من دون شهادة خوذي شهادة الدراسات .. ومن عقب ابدي انتساب ادارة وبكذا ربحتي الثنتين ومثل ماقالو لك اخواني ان شهادة الانتظام مو مثل الانتساب لاتقولين مشوار الايام تمشي وحنا مانحس فيها .. المنطق كيذا يقول وربي يوفقك ويوفقنا معك ويسهل لك يارب :106: |
رد: باقي شوي وابكي :(
اختي الفاضله ابتسام
صحيح انتي الان في المستوى الرابع بس الاي انا اقصده انك في جامعه انتي مو مرتاحه فيها ووصلتي الى هذا المستوى يعني انك راغبه فيها المهم اذا انتي تحبين تخصص اداره فهو حلو ورائع بس اهم شي انك تكونين متاعه اول باول بس زي ما قلك اخوي لابد انك تسوين تحويل عشان المعادله طبعا المعادة ما يحسبونها لك من اول سمستر في الجامعه هينا والله يوفقك وانا احيك على شجاعتك واصرارك على الدراسه موفقه يا اختي |
رد: باقي شوي وابكي :(
مرحبا
اهلين اخت ابتساااام انا اقول ومن وجهة نظري حولي من قسم الي قسم اخر ولا تتركين هالجامعه مرة حلوة والكل يمدح فيها من ناحية الدراسة والمبنى الجديد وبما انك انقبلتي فيها لاتتركينها حولي من قسم الي اخر احسن لك مع انك لو حولتي بترجعين من جديد واذا في مواد متشابهه عادليها عندهم احسن لك والله نصيحة واذا ماودك يمديك تسجلين تحصيلي الحين وقدمي باي جامعه ثانية وعلى فكرة مابقى شي ويخلص التسجيل او انة خلص مادري بس ادخلي وشيكي على الموقع حقهم وبالتوفيق يااااااارب |
| All times are GMT +3. الوقت الآن حسب توقيت السعودية: 09:07 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام