|
رسبت في جميع المواد ماهي الخطوة التالية ؟
هل في طريقة شرح لتسجيل المواد ؟ من وين احصل ارشاد للتسجيل المواد
Sent from my iPhone using ملتقى فيصل |
رد: رسبت في جميع المواد ماهي الخطوة التالية ؟
السلام عليكم .. جمعه مباركه ع الجميع
أخ مصطفى عادي تصير كون انك طالب مستجد ومو فاهم وضع الدراسه فلا تجعل رسوبك نهاية مطافك الدراسي بالعكس اجعل منه دافع للأفضل والاهتمام في الاترام القادمه اول شي نصيحة أخ مجرب ترى الاترام الاولى الى الخامس تقريباً ينقز المعدل بشكل غير طبيعي بمعنى لو شديت حيلك الترم الجاي وتستمر على هالحال بيطمر معدلك للممتاز شد حيلك .. وثاني شي مافيه شي اجباري انسى من هالمستوى والمواد اللي رسبت فيها اذا ماهي داخله مزاجك لان معك فرصه تختبرها اربع سنين قدام حتى لو توزعها كل ترم ماده مع مواد الترم الاساسيه فلا تشغل بالك بها .. الخطه اللي يقولون عليها الاخوان هي المواد الموجوده في جدول الاختبارات بالعاده كل ترم 6 مواد او مايعادل 18 ساعه لان فيه مواد 3 ساعات وفيه مواد ساعتين فقط .. ونصيحتي خلك مع المجموعات رح معهم مستوى ثاني وانتبه للورش اللي يسوونها والكويزات وصدقني راح تنجح وبمعدل عااالي .. ولا تتضايق كلنا كنا مثلك وألحين الحمد لله على وشك تخرج ع فكره ترى هالفتره فترة تسجيل المواد لايفوتك تسجل مواد مستوى ثاني .. واذا صعب عليك شي عندك المشرفين تواصل معهم ماراح يقصرون |
رد: رسبت في جميع المواد ماهي الخطوة التالية ؟
اخ مصطفى نصحية مني نزل مواد المستوى الأول لان في بعض المواد تعتمد على المستوى الأول كمثال مبادئ المحاسبة 2 تعتمد على مبادئ المحاسبة 1
رابط موقع الدخول على البانر لتسجيل المواد https://banner.kfu.edu.sa:7710/PROD_...?name=homepage الحين نجي لطريقة تنزيل المواد (تابع شرح المقطع من الوقت 1:22الى الدقيقة 2:22) وحط ارقام المواد اللي تحت https://www.youtube.com/watch?v=J5qMo_yJG8Y ارقام مواد المستوى الأول مبادئ الإدارة الرقم 35200 مبادئ الرياضيات 1 الرقم 35201 مبادئ المحاسبة 1 الرقم 35202 مبادئ الاقتصاد الجزئي الرقم 35203 مبادئ القانون الرقم 35204 |
رد: رسبت في جميع المواد ماهي الخطوة التالية ؟
احسن شي اذا تبي تعرف وش تذاكر وش المطلوب ادخل قروبات بالواتس اب مجهود طلاب للمساعدة مع بعضهم البعض وان شاء الله بتنجح بالمستوى الجاي
اذا تعقدت منها اشوي مواد المستوى تقدر تسجلها بعدين نفسها والحين تسجل مستوى ثاني مع الدفعه وتترك مستوى اول تدرسة فيما بعد |
رد: رسبت في جميع المواد ماهي الخطوة التالية ؟
اقتباس:
:icon19::icon19: ممنون لك اخي العزيز رحم الله والديك على لطفك بارك اله فيك |
رد: رسبت في جميع المواد ماهي الخطوة التالية ؟
اقتباس:
رحم الله والديك عزيز الله يوفقك ماقصرت |
رد: رسبت في جميع المواد ماهي الخطوة التالية ؟
اقتباس:
بارك الله فيك الله يوفقك على لطفك |
رد: رسبت في جميع المواد ماهي الخطوة التالية ؟
بارك الله فيكم على لطفكم و خدمتكم واعتذر على ازعاجكم باقي اخر استفسار اذا ماعليكم امر الان سجلت المواد وحسب الصورة المرفقة هنا http://store2.up-00.com/2017-01/1484914477591.png اذا بدأت الدراسة بعد كم يوم هل نبدء ندرس المواد الجديدة رقم ( 2 ) في الصورة .؟ او ندرسها بالأضافة الى اللي في رقم ( 1 ) حسب الصورة ؟؟ وهل سأحمل معي المواد التي رسبت فيها الى ان انتهي منها ؟ شكرا جزيلا وارجو ما اكون ازعجتكم تحملوني شوي :icon19::icon19: |
رد: رسبت في جميع المواد ماهي الخطوة التالية ؟
مو مسموح لك الا ب18 ساعه بس يعني اما 1 أو 2 مستحيل تجي كلها
غير كذا انت حر انت اللي تنزل موادك مافيه شي ينزل لك غصب انت تختار المواد وتنزلها بجدولك ومافيه شي اسمه ماده رسبت فيها تنزل لك مع الترم الجديد لا انت متى ماتبغى تنزل الماده تنزلها لو فرضنا تبغى تنزل مباديء الاداره معك في المستوى الثاني تشوف يوم اختبارها وتأخر الماده اللي مقابلها في المستوى الثاني واحط الاداره مكانها وهكذا بباقي المواد .. ولو اني اشوف انك تمشي مع مجموعتك بالمستوى الثاني وخل مواد المستوى الاول الين تتمكن وتفهم الوضع عقبها تعرف توزعها صح على جدولك .. والاخ اللي يقول مستوى ثاني مرتبط بالاول أنا شخصياً للان مااخذت مواد مستوى أول وألحين انا مستوى ثامن والسبب بوقت الاختبارات حصل ظرف قوي وتغيبت عن الاختبارات وحملتها معي وماراح اخذها الا ان خلصت كل المواد والحمد لله ماأثر علي هالشي بمسألة الارتباط ولا من ناحية معدلي يارب لك الحمد لان خلقه مع وظيفتك وامور حياتك مايجي المستوى الثاني الا وانت ناسي وش اخذت بالاول فتدرس من جديد كماده مستقله .. والله يوفق الجميع تأكد من المشرفين اعتقد اليوم الساعه 6 الين بكره 6 المغرب تسجيل المواد فلا تفوتك الفرصه .. |
رد: رسبت في جميع المواد ماهي الخطوة التالية ؟
اقتباس:
الرجال حمل كل المواد كأنه مادرس شئ وغير كذا هو اختبر المواد وعارف طريقة الاسئلة تأجيلها اشوفه مو صحيح حنا نعطي رأيي ونصيحة والرأي بالاخير لصاحب المصلحة ونقول الله يوفقه باللي يختاره ويوفقنا اجمعين |
| All times are GMT +3. الوقت الآن حسب توقيت السعودية: 11:12 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام