ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   آخر أخبار القبول و التسجيل في الجامعات و الكليات و المعاهد (https://vb.ckfu.org/forumdisplay.php?f=131)
-   -   [ أنتهى ] كلية الشريعه بالاحساء - جامعه الامام 1435 - 1436 (https://vb.ckfu.org/showthread.php?t=600426)

آماال 2014- 7- 27 03:21 AM

رد: كلية الشريعه بالاحساء - جامعه الامام 1435 - 1436
 
في حد طلع رقمه الجامعي ؟

Brooor19 2014- 7- 29 03:07 AM

رد: كلية الشريعه بالاحساء - جامعه الامام 1435 - 1436
 
انتظري ممكن بعد العيد

ابو نابي 2014- 8- 3 05:03 AM

رد: كلية الشريعه بالاحساء - جامعه الامام 1435 - 1436
 
شباب انا أرسلت شهادتي وكل اللي طلبو
الحين شنو الرقم الجامعي ودخلت الموقع ماطلع شي
انا قبولي الترم الثاني
ياريت احد يفيدني الله يرضى عليكم

ابو نابي 2014- 8- 3 05:26 AM

رد: كلية الشريعه بالاحساء - جامعه الامام 1435 - 1436
 
دخلت اشوف الرقم الجامعي مافي شي
يعني اللي اقبل الترم الثاني ماله رقم الحين
واذا في رقم اتصل عليهم استفسر ؟
واذا في احد من الشباب انقبل الترم الثاني يقولي وش سوي

آماال 2014- 8- 3 06:49 AM

رد: كلية الشريعه بالاحساء - جامعه الامام 1435 - 1436
 
^^

انا مثلك
مالنا الا ننتظر ونشوف لان محد هنا عارف شيء والجامعة ما تتواصل معنا لا عن طريق الايميل ولا عن طريق تويتر

SAZX 2014- 8- 4 01:04 PM

رد: كلية الشريعه بالاحساء - جامعه الامام 1435 - 1436
 
انا انقبلت بكلية الشريعة مسار علوم ادارية الفصل الثاني
ونفس الشيء م طلع لي الرقم الجامعي وارسل لهم واتس مايردون والايميل نفس الشيء
مع انهم يقولون الرقم الجامعي ياخذ اسبوعين من ترسل مستنداتك وانا لي 22 يوم من وصلت لهم !
اللي ابي اعرفه الحين ! هم يقولون اذا طلع رقمك الجامعي يعني قبولك نهائي
طيب يعني للحين القبول مبدئي ؟ ولا وش

آماال 2014- 8- 4 04:17 PM

رد: كلية الشريعه بالاحساء - جامعه الامام 1435 - 1436
 
رح اشرح لكم كل شيء بما اني رحت الكلية وفهمت كل شيء
اولا مافيه رقم جامعي للاسف والسبب هو عدم ادراج الكلية في نظام البنر
لكن هناك رقم اخر اسمه الرقم الاكاديمي وهو رقم موجود على نموذج البريد من تسع خانات
الرقم هذا لقيته مكتوب على ملف كل طالب مستجد والملفات لونها اصفر وفيها كل المستندات
والغريب ان عدد المقبولين للفصل الثاني قليل جدا يعني انا قريت نص اسمائكم هههه طبعا لاني كنت ابحث عن ملفي ,
سبب قدومي للكلية هو لان الكلية طلبت حضور كل طالب مستجد مقبول في الفصل الثاني ويود التحويل للفصل الاول انا سويت كل شيء وطلعت.. والاداريين كانت اخلاقهم جيدة رغم صعوبة العمل في وقت شديد الحرارة (انا كنت معصب) لاني جاي من الدمام وما لحقت على رحلة الساعة 5 الفجر لكن الحلو انهم اعطوني تخفيض طالب

اخر يوم للحضور هو 10 شوال طبعا للي يبي يحول فقط ..
بالنسبة لنظام البنر مافي امل يحطونه لكن ممكن بعد سنة من الان ..
التحويل مابين التخصصات بعد ترم واحد ..
وهذي عضوية اختي فكرة ..

بالتوفيق للجميع

SAZX 2014- 8- 4 06:11 PM

رد: كلية الشريعه بالاحساء - جامعه الامام 1435 - 1436
 
اما عاااد :|

طيب يعني انا الحين انقبلت قبول نهائي ؟ والرقم هذا يعني يكون هو رقمي اللي ادخل فيه بعدين
والمواد اللي ابدرسها كيف اعرفها ؟ ولا اهم يطلعونها بعدين
والله ابتلشت معهم ماعرفت لهم ليش م يوضحون بموقعهم حسبي الله !

SAZX 2014- 8- 4 06:15 PM

رد: كلية الشريعه بالاحساء - جامعه الامام 1435 - 1436
 
الدراسة بتكون في اي مبنى ؟ الجديد ولا القديم
ويقولون المبنى الجديد بَ الخخلا وماحوله شيء
صدز يَ عيال ؟

Brooor19 2014- 8- 6 03:53 AM

رد: كلية الشريعه بالاحساء - جامعه الامام 1435 - 1436
 
اقتباس:

المشاركة الأصلية كتبت بواسطة sazx (المشاركة 11249897)
اما عاااد :|

طيب يعني انا الحين انقبلت قبول نهائي ؟ والرقم هذا يعني يكون هو رقمي اللي ادخل فيه بعدين
والمواد اللي ابدرسها كيف اعرفها ؟ ولا اهم يطلعونها بعدين
والله ابتلشت معهم ماعرفت لهم ليش م يوضحون بموقعهم حسبي الله !

اول مبروك القبول اخوي اذا أنتو مثلنا حنا البنات هم يسون الجدول يعطونك اذا ابتدأ الدوام حنا البنات كذا نأخذ منهم الجدول


All times are GMT +3. الوقت الآن حسب توقيت السعودية: 01:17 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه